مفتی اعظم مفتی رشید احمد لدھیانوی رحمۃ اللہ علیہ
831 subscribers
162 photos
3 videos
49 files
331 links
مفتی اعظم مفتی رشید احمد رحمہ اللہ تعالیٰ کے مواعظ کے متعلق کوئی راہنمائی درکار ہو تو اس بوٹ پر تشریف لا کر ہم سے رابطہ کیجئے-

@MuftiRasheedAhmadRArabtabot
Download Telegram
#کـیـا_آپ_جـانـتـے_ہیں_❗️❗️❗️

👈 آج گھر گھر لڑائی اور دنگا فساد کیوں برپا ہے؟

👈 ہماری نوجوان نسل مادر پدر آزاد، اعلٰی اخلاقی اقدار سے عاری، بے راہ روی کی دوڑ میں تمام حدود کیوں پھلانگ چکی ہے؟

👈 میاں بیوی، اولاد والدین اور استاذ و شاگر آپس میں دست و گریباں کیوں ہیں؟

👈 ہم پر انواع و اقسام کے امراض،آفات و بلیات اور حوادث کی بہتات کیوں ہے؟

👈 ہر قسم کے اسبابِ راحت اور دنیوی آسائشوں کے باوجود لوگ زندگی سے تنگ کیوں ہیں؟

اگر آپ ان سوالوں کا جواب جاننا چاہتے ہیں.......تو اللہ والوں کے مواعظ و افادات کا مطالعہ کیجئے !

جن کو پڑھ کر اب تک لاتعداد مسلمانوں کی زندگی میں انقلاب آگیا،اَن گنت نوجوانوں کی صورتیں سنت نبویّہ کے سانچے میں ڈھل گئیں،بے شمار آوارہ گرد بے پردہ خواتین شرعی پردہ کی پابند بن گئیں اور دربدر دھکے کھانے والے پریشان حال لوگوں کی پریشانیاں زائل ہوگئیں...

مفتی رشید احمد صاحب لدھیانوی رحمۃ اللہ علیہ ↙️
https://t.me/MuftiRasheedAhmadRA
السلامُ علیکم ورحمتہ اللہ وبرکاتہ!
طویل مدت کے بعد حاضری ہو رہی ہے۔
ہمارے ممبرز بتائیں کس حال میں ہیں؟
کتنا مطالعہ کرتے ہیں؟
کیا اب بھی ذوق باقی ہے یا ماند پڑھ چکا ہے؟
اگر ابھی آپ کو مطالعہ کا کہا جایے تو کیا آپ کرنا پسند کریں گے؟
مطالعہ کے لیے روزانہ کتنا مواد بھیجا جائے؟
اپنی قیمتی آراء سے آگاہ کرنے کے لیے ہمارا وہی پرانی طریقہ کار ہے۔
جی ہاں نیچے دئیے گئے رابطہ بوٹ پر میسج کر کہ اپنی بات ہم تک پہنچائیں۔
@MuftiRasheedAhmadRArabtabot
نیز یہ بتایا ہرگز نہ بھولیں کہ ہمارے طویل عرصہ سے تسلسل سے لکھنے کی جو بات ترک ہوئی اس سے آپ سب پہ کتنا اثر ہوا، کیا تبدیلی آئی، کیا نقصان رہا؟

اور اس دوران گزشتہ تحاریر سے کتنا استفادہ حاصل ہوتا رہا؟

بتانا ہرگز نہ بھولیں۔
جزاکم اللہ خیرا
چینل کی تشہیر کا کام بہتر کرنا چاہتے ہیں تا کہ کثیر تعداد میں لوگ استفادہ حاصل کریں آپ سب رائے درکار ہے کیسے چینل کا لنک دوسرے حضرات تک زیادہ پھیلایا جا سکتا ہے؟
قیمتی آراء سے نوازیں
@MuftiRasheedAhmadRArabtabot
سلسلہ ملفوظات
جواہر الرشید
فقیہ العصر مفتی اعظم حضرت مفتی رشید احمد صاحب قدس سرہ:

انگریزوں کا اسلامی الفاظ بگاڑنا:
ارشاد فرمایا کہ بہت سے اسلامی الفاظ کو مسلمان انگریزی میں غلط لکھتے ہیں, یہ انگریزوں کی شرارت ہے, وہ اسلامی الفاظ کو بگاڑ رہے ہیں, مگر آج کا مغرب زدہ مسلمان اس فریب سے غافل ہے, مثلاً :
" اَحْمَدْ AHMAD کی بجائے اَحْمِدْ AHMED لکھتے ہیں , اور مَکَّہْ MAKKAH کو مِیکا MECCA اور مَدِیْنَہْ MADINAH کو مِدِیْنا MEDINA لکھتے ہیں"-
بعض لوگوں کو سمجھایا گیا تو وہ کہنے لگے:
" انگریزی میں لکھنے کا یہی قائدہ ہے"
بجائے اس کے کہ انگریزوں کو یوں ہدایت کرتے :
" یہ نام تمھارے نہیں ہمارے ہیں, ان کا تلفظ اور لکھنے کا قائدہ ہم سے سیکھو , تم تو شرارت سے یا جہالت سے انہیں بگاڑ رہے ہو,
" مسلمان انگریز سے اتنا مرعوب ہے کہ اس کی اصلاح کے بجائے اسے اپنا استاد تصوّر کرتا ہے , بس جیسے اس نے کہہ دیا ہم بھی ویسے ہی کریں گے, جیسے اس نے لکھ دیا ہم بھی ویسے ہی لکھیں گے , مگر اللہ کے جن بندوں کو کچھ فکر لاحق ہوتی ہے وہ کیسے اصلاح کرتے ہیں؟ اس کا قصہ سنئیے:
(بقیہ کل ان شاء اللہ تعالی)
سلسلہ ملفوظات
جواہر الرشید
فقیہ العصر مفتی اعظم حضرت مفتی رشید احمد صاحب قدس سرہ:
ارشاد فرمایا کہ جامعہ اُم القُریٰ مکہ مکرمہ کے ایک استاذ نے خط میں MECCA لکھا, میں نے اس پر خط کھینچ کر MAKKAH لکھ دیا , بظاہر بہت معمولی سی بات ہے,
انہوں نے میری اس تحریر کا رئیس الجامعہ سے تزکرہ کیا , وہ بہت خوش ہوئے اور بہت تعجب سے بار بار کہنے لگے:
اَیْش مِیکَا ؟ اَیْش مِیکَا ؟
"مِیکَا کیا ہے؟ مِیکَا کیا ہے ؟ "
اس کے بعد انہوں نے فوراً اس کی اصلاح کروائ , جامعہ کے تمام پیڈ جن پر مکہ MAKKAH کو میکا MECCA لکھا گیا تھا ختم کروا دیئے اور صحیح کتابت کے نئے پیڈ جاری کروا دیئے -
جامعہ کے اس استاذ نے دونوں پیڈ مجھے بھیجے , پرانا غلط جو منسوخ کیا گیا اور نیا صحیح جو جاری کیا گیا-
یہاں یہ امر قابلِ توجہ ہے کہ زرا سی تبلیغ اور معمولی سی کوشش سے اللہ تعالیٰ نے کتنا بڑا کام لے لیا- اس سے یہ سبق ملتا ہے کہ ہر قابلِ اصلاح چیز خواہ بڑی ہو یا معمولی سی اس کی اصلاح کی کوشش کرنا ضروری ہے, اس کی تبلیغ ضرور کریں, آپ کا کیا خرچ ہوتا ہے؟ دیکھئے میں نے ایک غلط لفظ کی اصلاح کردی, اسے کاٹ کر صحیح لکھ دیا, اس پر اللہ تعالیٰ نے کیا ثمرات مرتب فرمائے؟ اس کے زریعے کہاں کہاں تک اصلاح کروادی؟
جب انگریزی کی کوئی تحریر سامنے آتی ہے تو اس پر غور کر لیتا ہوں کہ اس میں کہیں انگریز کی کوئی شرارت نہ ہو ورنہ مجھے انگریزی سے قطعاً کوئی مناسبت نہیں-
حضرت اقدس رحمہ اللہ تعالیٰ کی اس ادنی سی توجہ کو اللہ تعالیٰ نے ایسی شرفِ قبول سے نوازا کہ آپ کی ایک زرا سی جنبشِ قلم سے دنیا بھر میں اس بہت بڑے منکَر کی اصلاح کا کام لے لیا-
رئیس الجامعہ نے رابطہ عالمِ اسلامی اور دوسرے ذرائع نشر و اشاعت سے پوری دنیا کے کانوں میں یہ آواز پہنچا دی, پورے عالمِ اسلام نے اس پر فوراً عمل شروع کردیا ہے اور تمام مسلم حکومتوں نے اس اصلاح کو قانوناً لازمی قرار دے دیا ہے - پاکستان میں ماہنامہ " اردو ڈائجسٹ" وغیرہ میں رئیس الجامعہ ام القری مکہ مکرمہ کے حوالے سے یہ اصلاح شائع ہوئی ہے- حکومت پاکستان نے اسے سرکاری طور پر نافذ کردیا ہے چنانچہ روزنامہ "جنگ" کراچی اور راولپنڈی میں
MECCA NOT MAKKAH
کے عنوان سے لکھا ہے:
" حکومتِ پاکستان نے تمام وزارتوں, ڈویژنوں , مرکزی و صوبائی حکومتوں کے زیرِ اہتمام دفاتر اور خود مختار اداروں خاص طور پر وزارتِ تعلیم اور وزارتِ اطلاعات کے نام ایک سرکلر میں انہیں ہدایت کی ہے کہ وہ اسلام کے مقدس شہر مکہ کو آئندہ انگریزی زبان میں MECCA کے بجائے MAKKAH تحریر کریں - سرکلر میں وضاحت کی گئ ہے کہ مکہ کے انگریزی میں ہجے MECCA اسلام دشمن عیسائیوں اور یہودیوں کی شرارت ہے , اس کے معنے شراب خانے اور قحبہ خانے کے ہیں اور یورپ کے اکثر شہروں میں شراب خانوں اور قحبہ خانوں اور فحاشی کے اڈوں کے باہر MECCA کے نام سے بورڈ آویزاں ہیں "
سلسلہ ملفوظات
جواہر الرشید
فقیہ العصر مفتی اعظم حضرت مفتی رشید احمد صاحب قدس سرہ:
دغا باز کی علامت:
ارشاد فرمایا کہ کوئی شخص کوئی کام کرنے کے لئے ایک دم مسلط ہوجائے اور
" جلدی کیجئے, جلدی کیجئے "
کی رٹ لگائے تو سمجھ لیجئے کہ اس کی کوئی غرض فاسد ہے, فریب دے کر کام نکالنا چاہتا ہے, اس سے بہت ہوشیار رہیں -
سلسلہ ملفوظات
جواہر الرشید
فقیہ العصر مفتی اعظم حضرت مفتی رشید احمد صاحب قدس سرہ:

محبت سے پیش آنے والے پر جلدی اعتماد کر لینا حماقت ہے:
ارشاد فرمایا کہ جو شخص محبت سے پیش آ رہا ہو اس پر جلدی سے اعتماد کر لینا بہت بڑی حماقت ہے , دل سے تو اس کی محبت کی تو قدر ہو اور اس کے ساتھ محبت کا تعلق رکھا جائے مگر معاملات اجانب کی طرح رکھے جائیں -
سلسلہ ملفوظات
جواہر الرشید
فقیہ العصر مفتی اعظم حضرت مفتی رشید احمد صاحب قدس سرہ:

تعزیتی جلسے نوحہ کی ایک جدید قسم ہے :
ارشاد فرمایا کہ آج کل کے تعزیتی جلسے نوحہ کی ایک جدید قسم ہے -
سلسلہ ملفوظات
جواہر الرشید
فقیہ العصر مفتی اعظم حضرت مفتی رشید احمد صاحب قدس سرہ:

تصوّف کی حقیقت اور روح :
ارشاد فرمایا کہ تصوّف سے اصل مقصد اِصلاح ہے , یعنی ازالہ رذائل و تحصیل فضائل , تصوّف کی اصطلاحات میں نہ پڑیں, بس سیدھے الفاظ میں سارے تصوّف کا خلاصہ ہے:
" صحیح مسلمان بن جانا , معاصی ظاہرہ و باطنہ سے پاک و صاف ہونا "
اصطلاحات و مقامات کی تفتیش میں تین نقصان ہیں -
1- خطرہ عجب و کبر
2- تضییع اوقات, مقصود تک وصول میں غیر معمولی تاخیر بلکہ بسا اوقات محرومی,
مثال سے یوں سمجھیں:
" آپ مکہ مکرمہ جا رہے ہیں, راستہ میں مخلتف مقامات ہیں, کہیں سمندر, کہیں پہاڑ, کہیں باغ, کہیں جنگل, کہیں ریگستان, کہیں میدان, کہیں گاؤں, کہیں کوئی شہر - اگر آپ راستہ کے ان مقامات کی غیر ضروری تحقیق میں لگ گئے یا ان کی سیر و تفریح میں مشغول ہوگئے تو بعید نہیں کہ مکہ مکرمہ پہنچنے سے قبل ہی موت آجائے , ورنہ کم از کم اتنا نقصان تو ضرور ہوگا کہ بہت دیر سے پہنچے گے"
وصول کا بے ضرر , صحیح سالم , نہایت سہل اور بہت مختصر راستہ یہ ہے کہ جس ڈرائیور کی فنّی مہارت اور خیر خواہی پر اعتماد ہو اس کے ساتھ سوار ہو جائیے- وہ راستہ کے خطرات سے بچتا بچاتا آپ کو بہت جلد اور آسانی سے مکہ مکرمہ پہنچا دے گا , آپ کو پتا بھی نہیں چلے گا کہ راستہ میں کیا کیا مقامات آئے جن پر آپ کا گزر ہوا-
3- بہت بڑا خطرہ یہ بھی ہے کہ کہیں راستہ کے مقامات ہی کی تفریح میں ایسا مست ہو جائے کہ اصل مقصد ہی ذہن سے محو ہو جائے اور مقامات کی تفریح کو مقصد بنا لے-
میرے دل کی چاہت ہے ،تمنا ہے، خواہش ہے

وہ یہ حضرت والا رحمہ اللہ تعالٰی کے مواعظ کی جتنی زیادہ ، جس حد تک اور جس طرح سے بھی ممکن ہو اشاعت کروں

اللہ پاک اس طلب کو صدا بڑھاتے رہے اور قبولیت عطا فرمائیں

آپ سب بھی اس طلب کا حصہ بنیں اور اپنی آخرت کے لیے صدقہ ء جاریہ کے مواقع اپنائیں فقط ایک کلک کی بات ہے آپ کا پیغام کئیے لوگوں تک پہنچ جائے گا اپنے گروپس میں چینل میں اس کو شئیر کیجیے۔

جزاکم اللہ خیرا
کیا آپ جانتے ہیں سانسوں کی یہ ڈوری کب ٹوٹ جائے؟
کب اپنے ربا سے ملاقات کا وقت آ جائے

یقیناً نہیں

کیا ہم یہ جانتے ہیں؟
جن کی خاطر آج ہم اپنا تن ، من دھن سب وار دینے کو تیار ہیں کیا وہ ہمارے لئے آخرت میں کچھ ایصال ثواب بھیجیں گے؟

ویسے سوچنے کی بات ہے ہم دنیا میں رہ کر اپنی آخرت بنانے کی فکر نہ کریں تو دوسرا کیا ہمارے لئے کرے گا؟

اللہ پاک جسے توفیق عطا فرمائیں
لیکن ہم نے اپنی دارین خود سنوارنے ہے اللہ بھی تو اس کا ساتھ دیتا ہے جو خود کچھ کرنا چاہتا ہو۔

اللہ سے دعا فرمائیں اللہ پاک مجھ ناچیز سے بھی کام لیتے رہیں تا دم آخر
سلسلہ ملفوظات
جواہر الرشید
فقیہ العصر مفتی اعظم حضرت مفتی رشید احمد صاحب قدس سرہ:

شیخ سے تعلق کا اصول:
ارشاد فرمایا کہ کسی شیخ کے ساتھ اصلاحی تعلق قائم کرنے کے لئے ضروری ہے کہ خوب سوچ سمجھ کر اور حالات کا خوب جائزہ لے کر پورا اطمینان حاصل کرنے کے بعد تعلق قائم کیا جائے پھر بلا ضرورت تبدیل نہ کیا جائے, کسی غیر کی طرف ہرگز نظر نہ جائے , اگر تبدیل کی کوئی سخت ضرورت پیش آجائے تو شیخِ اوّل کو بتائے بغیر خاموشی سے کِھسک جائے , غیر سے تعلق کے بارہ میں شیخ سے اجازت لینا ایسا ہی ہے جیسے کوئی عورت شوہر سے کہے کہ فلاں شخص سے نکاح کرنا چاہتی ہوں اجازت دیجئے -
سلسلہ ملفوظات
جواہر الرشید
فقیہ العصر مفتی اعظم حضرت مفتی رشید احمد صاحب قدس سرہ:

خانقاہ میں حاضری کی ضرورت:
ارشاد فرمایا کہ خانقاہ میں وعظ و تذکیر کا سلسلہ ہو یا نہ ہو بہر حال اہلِ سلسلہ کے لئے خانقاہ میں حاضری کا معمول بنانا لازم ہے, یہ مسئلہ اگرچہ شرعاً اور طبعاً ہر لحاظ سے بہت ہی واضح اور دنیا بھر کے مسلمات میں سے ہے لیکن برائے نام عاشقوں میں اتنی عقل نہیں, اس لئے اس کی وجوہ بتاتا ہوں:
1- مقامات مبارکہ سے برکت حاصل کرنا قرآن, حدیث اور اجماع امت سے ثابت ہے -
2- خانقاہ میں بار بار حاضری سے شیخ کے ساتھ محبت و عقیدت بڑھتی ہے اور جس قدر محبت و عقیدت بڑھے گی اسی قدر فیض زیادہ حاصل ہوگا-
3- بار بار حاضری میں محبت و عقیدت کا اظہار ہے اور شرعاً , عقلاً و تجربۃً محبت و عقیدت کا اظہار محبت و عقیدت میں ترقی کا نسخہ اکسیر ہے-
4- بار بار حاضری شیخ کی نظرِ عنایت اور خصوصی دعاء اور توجہ کا زریعہ ہے -
5- خانقاہ میں اللہ کی خاطر جمع ہونے والے قلوب کی برکت سے دل میں اللہ تعالی کی محبت اور فکرِ آخرت پیدا ہوتی ہے -
6- خانقاہ تک آمد و رفت کی مشقت و مصارف برداشت کرنے اور وقت صرف کرنے پر اللہ تعالی کی رحمت متوجہ ہوتی ہے
سلسلہ ملفوظات
جواہر الرشید
فقیہ العصر مفتی اعظم حضرت مفتی رشید احمد صاحب قدس سرہ:

صحبتِ شیخ بغرضِ اصلاح ہو:
ارشاد فرمایا کہ صحبتِ شیخ سے اصلاح اس پر موقوف ہے کہ بنیت اصلاح صحبتِ شیخ کو اختیار کیا جائے اور اصلاح کی کوشش میں بھی لگا رہے ,
اس نیت اور کوشش کے بغیر کوئ ہزاروں سال بھی صحبتِ شیخ میں گزاردے تو فائدہ نہیں ہوگا بلکل اسی طرح جیسے بیماری سے نجات کے لئے محض ڈاکٹر سے کوئی رشتہ ہونا کافی نہیں بلکہ دوا کھانا پڑے گی , پرہیز کرنا پڑے گا اس کا اہتمام کرے گا تو بیماری سے نجات ہوگی , اصل قاعدہ تو یہی ہے مگر کبھی اللہ تعالی کی رحمت ویسے بھی برس جاتی ہے,
لطف عام تو نمی جوید سند
آفتابت بر حد ثھا می زند
آزادی کیا ہے؟
جس حالت میں انسان کے لئے نعمتیں اور راحتیں ہوں, لزتیں اور فرحتیں ہوں وہ حالت انسان کے لئے بہتر ہے, خواہ وہ آزادی ہو, خواہ بظاہر پابندی ہو, دیکھنے میں کچھ بھی ہو, وہ ہے درحقیقت آزادی, اور انسان کے حق میں نعمت ہے, بظاہر کوئی کیسا ہی نظر آئے, مطلق آزاد ہو یا پابند اور گرفتار اس کا کچھ اعتبار نہیں, اصل دیکھنے کی چیز تو یہ ہے کہ راحت و لذت کس حالت میں ہے ؟ دل میں سرور کب آتا ہے ؟ یہ مقصد جہاں اور جس حالت میں حاصل ہو بس وہی آزادی ہے -
( وعظ جشن آزادی کیا ہے؟)
https://telegram.me/MuftiRasheedAhmadRA
سلسلہ ملفوظات
جواہر الرشید
فقیہ العصر مفتی اعظم حضرت مفتی رشید احمد صاحب قدس سرہ:

شیخ سے موافقت کا طریقہ:
ارشاد فرمایا کہ شیخ کے اقوال و اعمال کو پورے غور سے سننے اور دیکھنے کا دائمی معمول بنائے اور ان کے اتباع کا اہتمام رکھنے سے بتدریج احوالِ باطنہ میں شیخ سے موافقت حاصل ہوجاتی ہے جو بہت بڑی سعادت ہے-
کامیابی کا مدار اتباعِ شیخ پر ہے:
ارشاد فرمایا کہ لوگ یہ سمجھتے ہیں کہ شیخ کے ہاتھ چوم لو , ہدیہ دے دو, دعوت کر دو اور شیخ سے کچھ تبرک حاصل کر لو تو بس یہ چیزیں نجات کے لئے کافی ہیں , خوب سمجھ لیں ان چیزوں سے کچھ فائدہ حاصل نہیں ہوگا جب تک کہ شیخ کا کامل اتباع نہیں کریں گے اور اگر ہاتھ پاؤں کبھی بھی نہیں چومتے لیکن اتباع کرتے ہیں تو کام بن جائے گا کیوں کہ کامیابی کا مدار اتباعِ شیخ پر ہے -

https://telegram.me/MuftiRasheedAhmadRA
تحریر :- حضرت اقدس مفتی شفیق احمد صاحب دامت برکاتہم بن
حضرت اقدس مفتی رشید احمد صاحب رحمہ اللہ تعالی

والد صاحب رحمہ اللہ کو لفظ "پرواز" سے خاص لگاؤ تھا، اکثر علامہ اقبال رح کے وہ اشعار پڑھا کرتے تھے جن میں شاہین کی بلند پروازی کا ذکر ہے:
پرواز ہے دونوں کی اسی ایک فضا میں
کرگس کا جہاں اور ہے شاہیں کا جہاں اور

نہیں تیرا نشیمن قصر سلطانی کے گنبد پر
تو شاہیں ہے بسیرا کر پہاڑوں کی چٹانوں پر

گذر اوقات کر لیتا ہے یہ کوہِ بیاباں میں
کہ شاہیں کے لیے ذلت ہے کارِ آشیاں بندی

حمام وکبوتر کا بھوکا نہیں میں
کہ ہے زندگی باز کی زاہدانہ
جھپٹنا پلٹنا پلٹ کر جھپٹنا
لہو گرم رکھنے کا ہے اک بہانہ
شاہیں کی بلند پراوزی کی طرح ہر خوبی میں بلندی کو پسند فرماتے تھے: خیالات کی بلندی، افکار کی بلندی، اخلاق کی بلندی، کردار کی بلندی، خودداری کی بلندی۔۔۔ وفات سے چند گھنٹے قبل مجھ سے قلم کاغذ لانے کو کہا کاغذ پر لفظ "پرواز" لکھوایا اور تکیہ کے نیچے رکھوا لیا۔ رحمہ اللہ تعالی۔

https://telegram.me/MuftiRasheedAhmadRA
سلسلہ ملفوظات
جواہر الرشید
فقیہ العصر مفتی اعظم حضرت مفتی رشید احمد صاحب قدس سرہ:

مسئلہ تَصوّرِ شیخ:
ارشاد فرمایا کہ مسئلہ تصورِ شیخ میں اختلاف ہے , تحقیق یہ ہے کہ اختلافِ احوالِ سالکین کے لحاظ سے اس کا حکم مختلف ہے , یہ اختلاف اس صورت میں ہے کہ تصورِ شیخ کو قائم رکھنے کے لئے قصداً اس کی مشق کی جائے , اتباعِ شیخ کا اہتمام رکھنے سے تصورِ شیخ خود بخود قائم ہو جاتا ہے جس کے محمود ہونے میں کوئی کلام نہیں-

نفس کو کتنے دن کی مہلت دی جائے:
دین میں کوئی کوتاہی ہو تو فوراً اس کی اصلاح کی کوشش کریں اور اپنی کوشش کی کامیابی کا زیادہ سے زیادہ سات روز تک انتظار کریں بس اس سے زیادہ نفس کو مہلت نہ دیں , اپنے مُصلح کو اطلاع دیں وہ جو نسخہ تجویز کرے اسے استعمال کریں-
سلسلہ ملفوظات
جواہر الرشید
فقیہ العصر مفتی اعظم حضرت مفتی رشید احمد صاحب قدس سرہ:

شیخ کی طرف سے تنبیہ کی مصلحتیں:
ارشاد فرمایا کہ بسا اوقات شیخ مرید کو کسی بات پر سخت تنبیہ کرتا ہے جو بظاہر معمولی نظر آتی ہے , اس میں کئ مصالح ہوتی ہیں-
مثلاً
1- دراصل قصور کچھ اور ہوتا ہے, شیخ اس پر گرفت کے انتظار میں رہتا ہے-
2- بظاہر مرض معمولی ہے, مگر اس کی جڑ خطرناک ہوتی ہے-
3- حفظِ ما تقدّم - یعنی مرید میں کسی مرض کا خطرہ محسوس کرکے حملۂ مرض سے قبل ہی حفظِ ما تقدّم کا انجیکشن لگا دیتا ہے-
4- زعمِ تقرّب سے پیدا ہونے والے امراض کا علاج-
5- خطرہ زعمِ تقرّب -
6- امتحانِ اعتماد و انقیاد -
7- تمرینِ تحمل -
8- طالبِ صادق شیخ کی تنبیہ کو اس کی علامت سمجھتا ہے کہ اسے اس کی اصلاح کی طرف توجہ ہے اس لئے وہ تنبیہ سے خوش ہوتا ہے , اگر اسے کچھ نہ کہا جائے تو مایوس ہونے لگتا ہے اور اسے عموماً دو قسم کے وساوس آنے لگتے ہیں:
1- شاید شیخ میری اصلاح سے مایوس ہیں -
2- شاید میرے منصب کی وجہ سے میری رعایت کی جا رہی ہے