СИФАТ ТАЛАБЛАРИГА ЖАВОБ БЕРМАГАН 73 НОМДАГИ МАҲСУЛОТ АНИҚЛАНИБ, ТЕГИШЛИ ЧОРАЛАР КЎРИЛДИ

🇺🇿 Рақобат қўмитаси томонидан ҳамкор ташкилотлар билан биргаликда чакана савдо нуқталарида сотилаётган халқ истеъмол товарларининг сифат ва хавфсизлик талабларига мувофиқлигини аниқлаш мақсадида назорат хариди тадбирлари мунтазам ўтказиб келинмоқда.

🔬 Мазкур тадбирлар доирасида маҳсулотлар аккредитациядан ўтган лабораторияларда текширилиб, уларнинг давлат стандартлари ва норматив-техник ҳужжатлар талабларига мувофиқлиги баҳоланмоқда.

🇺🇿 Хусусан, “Ўзбекистон — 2030” стратегиясида белгиланган вазифалар ижросини таъминлаш мақсадида 2026 йилнинг ўтган саккиз ойида 60 турдаги 558 номдаги маҳсулот лаборатория экспертизасидан ўтказилди.

🤩 Натижада 73 номдаги маҳсулот норматив-техник талабларга жавоб бермаслиги маълум бўлди.

♻️ Мазкур маҳсулотларни савдо расталаридан қайтариб олиш ҳамда қонунчиликка мувофиқ чора кўриш учун тегишли материаллар Ўзбекистон техник жиҳатдан тартибга солиш агентлиги ва Санитария-эпидемиологик осойишталик ва жамоат саломатлиги қўмитасига юборилди.

‼️ Рақобат қўмитаси истеъмолчиларнинг саломатлиги ва ҳуқуқларини ҳимоя қилиш мақсадида назорат хариди тадбирларини давом эттиради.

FACEBOOK|TELEGRAM |INSTAGRAM |X|YOUTUBE

👍👍👍👍👍👍 | #birja_savdolari

Samarqandda birja savdolari bo‘yicha amaliy seminar o‘tkazildi

✈️ Samarqand viloyatida monopol va talab yuqori bo‘lgan mahsulotlarni birja savdolari orqali realizatsiya qilishda qonunchilik talablariga rioya etish masalalariga bag‘ishlangan amaliy seminar o‘tkazildi.

Seminarda birja savdolarida teng raqobat muhitini ta’minlash, savdolarning ochiqligi va shaffofligi, mahsulotlarni birjaga chiqarish tartibi, shuningdek, sohadagi qonunchilik yangiliklari yuzasidan ishtirokchilarga batafsil ma’lumot berildi.

✈️ Batafsil "SAMARQAND MTRK"da.

FACEBOOK|TELEGRAM |INSTAGRAM |X|YOUTUBE

“VEON” компаниялар гуруҳининг “PERFECTUM” савдо белгиси остидаги “RUBICON WIRELESS COMMUNICATION” АЖ акцияларини сотиб олиш бўйича иқтисодий концентрация битимига розилик берилди

✈️ Рақобат қўмитаси томонидан “Veon” компаниялар гуруҳига кирувчи Бирлашган Араб Амирликларида рўйхатдан ўтган “VEON UZB Holding Ltd” компанияси томонидан Ўзбекистон Республикасида “Perfectum” савдо белгиси остида мобил алоқа хизматларини кўрсатувчи “Rubicon Wireless Communication” АЖнинг 100 фоиз акцияларини сотиб олиш бўйича аризаси кўриб чиқилди.

🔘 “VEON UZB Holding Ltd” компанияси Ўзбекистон Республикасида мобил алоқа хизматларини кўрсатувчи “Unitel” МЧЖ ХКнинг устав фондида 100 фоиз улушга эга.

📑 Қўмитанинг Махсус комиссияси томонидан ўтказилган таҳлил натижаларига кўра, мазкур битим юзасидан рақобатни таъминлашга қаратилган қуйидаги шартлар асосида олдиндан розилик бериш ҳақида қарор қабул қилинди:

➡️ “Perfectum” операторининг камида 3 йил давомида алоҳида фаолият юритишини ҳамда 5G Standalone технологиясини бошқа ҳудудларга кенгайтиришни таъминлаш;

➡️ амалдаги абонентлар учун 5G FWA тарифларини 12 ой давомида сақлаш, янги абонентларга қулай шартлар яратиш ва интернетнинг ўртача тезлигини 300 Мбит/с дан пасайтирмаслик;

➡️ абонентларга шартнома предметига алоқадор бўлмаган шартларни мажбуран юкламаслик ва уларнинг бошқа мобил операторларга ўтиш эркинлигини чекламаслик;

➡️ абонентларни Beeline ва VEON гуруҳига тегишли рақамли платформалар хизматларидан фойдаланишга мажбурламаслик ҳамда рақобатчи хизматлардан фойдаланишини чекламаслик;

➡️ абонентларга хизмат кўрсатиш шартларини асоссиз равишда ёмонлаштирмаслик ва уларнинг ҳуқуқларини ҳимоя қилиш;

➡️ абонентларнинг шахсий ва тижорат маълумотлари ҳимоясини таъминлаш, улардан рақобатни чеклаш мақсадида фойдаланмаслик ҳамда қонунчилик талабларига зид равишда хорижий серверларга узатмаслик;

➡️ “Рақобат тўғрисида”ги Қонун талабларига риоя этиш ва бозорда соғлом рақобат муҳитини таъминлаш.

FACEBOOK|TELEGRAM |INSTAGRAM |X|YOUTUBE

O‘ZBEK TILI — MILLIY G‘URURIMIZ VA DAVLATCHILIGIMIZ TIMSOLI

🇺🇿 O‘zbekiston Respublikasining “O‘zbek tili bayrami kunini belgilash to‘g‘risida”gi 2020-yil 10-apreldagi Qonuni asosida har yili 21-oktabr — “O‘zbek tili bayrami kuni” mamlakatimizda keng nishonlanadi.

🇺🇿 Ona tilimiz — millatimizning ruhi, g‘ururi va o‘zligini ifoda etuvchi buyuk qadriyatdir. Asrlar davomida sayqallangan, o‘z jozibasini va boy ma’naviy merosini asrab kelayotgan o‘zbek tili bugun jahon tillari orasida munosib o‘rin egallab bormoqda.
➖➖
Hurmatli yurtdoshlar, O‘zbek tiliga davlat tili maqomi berilganining 35 yilligi munosabati bilan barchangizni chin dildan tabriklaymiz! Sizlarga sog‘lik, totuvlik, oilaviy farovonlik va yurtimiz ravnaqi yo‘lidagi ishlaringizda muvaffaqiyatlar tilaymiz.

FACEBOOK|TELEGRAM |INSTAGRAM |X|YOUTUBE

Raqobat qo‘mitasi tomonidan reklamalarda davlat tili talablariga rioya etilishi yuzasidan o‘rganishlar o‘tkazildi

🇺🇿 Mamlakatimizda davlat tilining nufuzini oshirish, uning jamiyat hayotidagi o‘rnini mustahkamlash hamda davlat tilida axborot taqdim etish madaniyatini yuksaltirishga alohida e’tibor qaratilmoqda.

✈️ Qo‘mita tomonidan muntazam ravishda tashqi yozuvlar, xususan, peshlavhalar, reklama va boshqa e’lonlar hamda axborot matnlarining davlat tili qoidalariga muvofiqligi yuzasidan o‘rganishlar olib boriladi.

✈️ Jumladan, respublika hududlarida joriy yilning o‘tgan davr mobaynida 16 057 ta monitoringlar o‘tkazilgan. Shundan 4 496 ta holatda turli kamchiliklar aniqlangan. Bunda, 2 344 ta holatda peshlavhalar, tashqi yozuv va boshqa e’lonlar matni, 975 ta tashqi reklamalar matni boshqa tillarda berilganligi, 841 ta peshlavha, tashqi yozuvlar va boshqa e’lonlardagi hamda 336 ta tashqi reklama vositasidagi reklama va axborotlari matnida lug‘aviy ma’nosi buzilganligi va imloviy xatolar mavjudligi aniqlangan bo‘lib, kamchiliklarni tezkor bartaraf etish choralari ko‘rilgan hamda ularni davlat tili va reklama to‘g‘risidagi qonunchilik talablariga muvofiqlashtirilishi ta’minlangan.

⚡️ Raqobat qo‘mitasi tomonidan olib borilgan o‘rganishlar davomida go‘zallik salonlari, avtoservislar hamda qurilish materiallari savdosi bilan shug‘ullanuvchi tadbirkorlik subyektlariga reklamani joylashtirishda davlat tili va reklama to‘g‘risidagi qonunchilik talablariga rioya etish yuzasidan tegishli tushuntirishlar berildi.

✈️ Shu o‘rinda, tadbirkorlik subyektlari tomonidan reklamani tayyorlash, joylashtirish va tarqatishda davlat tili hamda reklama to‘g‘risidagi qonunchilik talablariga amal qilishlari lozim.

O‘zbekiston Respublikasining "Reklama to‘g‘risida"gi Qonuni 6-moddasiga muvofiq, O‘zbekiston Respublikasi hududida reklama davlat tilida tarqatiladi. Reklama mazmunining tarjimasi belgilangan talablarga rioya etilgan holda boshqa tillarda ham takrorlanishi mumkin.

Shuningdek, tovar belgilari, xizmat ko‘rsatish belgilari hamda qonunchilikda belgilangan tartibda ro‘yxatga olingan boshqa belgilarning asl shakli va tilini saqlash bilan bog‘liq talablar ham inobatga olinishi lozim.

Tashqi reklamani joylashtirishda ularning mazmuni, imloviy va uslubiy jihatdan to‘g‘ri rasmiylashtirilishiga, shuningdek, amaldagi qonunchilik talablariga muvofiqligiga e’tibor qaratish zarur.

‼️ Raqobat qo‘mitasi tadbirkorlik subyektlarini tashqi reklama, peshlavha va axborot ko‘rsatkichlarini joylashtirishda davlat tili va reklama to‘g‘risidagi qonunchilik talablarga rioya etishga chaqiradi.

✈️ Qo‘mita tomonidan tashqi reklama va axborot obyektlarining qonunchilik talablariga muvofiqligini o‘rganish ishlari davom ettirilmoqda.

Davlat tiliga hurmat — qonunchilikka hurmatdir!

FACEBOOK|TELEGRAM |INSTAGRAM |X|YOUTUBE

👍👍👍👍👍👍 | #Istemolchi_murojaati

Iste’molchilar murojaatlari bilan ishlash samaradorligi yangi bosqichga ko‘tarildi

⚡️ Raqobat qo‘mitasi tomonidan 2025-yildan boshlab “Iste’molchi murojaati” elektron platformasi orqali qulay va tezkor murojaat yuborish uchun imkoniyatlar yaratildi.

Raqobat qo‘mitasi boshqarma boshlig‘i B.Sharipov tomonidan elektron platforma va uning afzalliklari haqida ma’lumot berib o‘tildi.

✈️ Batafsil “MAHALLA” telekanalida.

FACEBOOK|TELEGRAM |INSTAGRAM |X|YOUTUBE

#Апелляция_кенгаши

Қўмита Апелляция кенгаши “Оҳангаронцемент” АЖга нисбатан қабул қилинган қарор ва кўрсатмани ўз кучида қолдирди
 
🇺🇿 Рақобат қўмитасининг Тошкент вилояти ҳудудий бошқармасига “SARKOR-ISHONCH-777” МЧЖ ҳамда “EAST” МЧЖ томонидан “Оҳангаронцемент” АЖнинг хатти-ҳаракатларидан норози бўлиб йўлланган мурожаат келиб тушган.

⚡️ Мурожаатни ўрганиш жараёнида аниқланишича, 2025 йил ноябрь–декабрь ойларида “Оҳангаронцемент” АЖ билан “SARKOR-ISHONCH-777” МЧЖ ҳамда “EAST” МЧЖ ўртасида тузилган шартномаларга асосан, харидорларга цемент маҳсулотини белгиланган муддатларда етказиб бериш мажбурияти олинган.

🖋 Бироқ, ўрганишлар давомида цемент маҳсулотини шартномаларда белгиланган муддатларда юклаб жўнатиш таъминланмаганлиги, шунингдек, биржа савдолари натижалари бўйича шартнома мажбуриятларининг лозим даражада бажарилмаганлиги натижасида “Оҳангаронцемент” АЖ томонидан “Рақобат тўғрисида”ги Қонуннинг 29-моддаси талабларига риоя этилмаганлик ҳолатлари аниқланди.  

Маълумот учун: Ўзбекистон Республикаси “Рақобат тўғрисида”ги Қонунинг 29-моддасига мувофиқ, биржа савдоларини ўтказиш чоғида рақобатни чеклайдиган ёки чеклашга олиб келиши мумкин бўлган ҳаракатларни содир этиш тақиқланган.

✈️ Юқоридагиларга асосан, Тошкент вилояти ҳудудий бошқармаси Махсус комиссияси томонидан “Рақобат тўғрисида”ги Қонуннинг 29-моддаси талаблари бузилганлиги бўйича “Оҳангаронцемент” АЖга нисбатан белгиланган тартибда иш қўзғатилиб, натижаси юзасидан молиявий жарима қўллаш ҳақида қарор қабул қилинди.

‼️ Шу билан бирга, қонунбузилиш ҳолатларини бартараф этиш, келгусида бундай ҳолатларга йўл қўймаслик бўйича бажарилиши мажбурий бўлган кўрсатма берилди.

✈️ Шунингдек, “Оҳангаронцемент” АЖ томонидан ҳудудий бошқарманинг мазкур қарори ва кўрсатмасидан норози бўлиб берилган апелляция шикояти Рақобат қўмитаси Апелляция кенгаши томонидан кўриб чиқилиб, кенгашнинг қарорига асосан, ҳудудий бошқарма томонидан “Оҳангаронцемент” АЖга нисбатан қабул қилинган қарор ҳамда кўрсатма ўз кучида қолдирилган.

FACEBOOK|TELEGRAM |INSTAGRAM |X|YOUTUBE

#истеъмолчилар_ҳуқуқлари

🇺🇿 Рақобат қўмитаси Жиззах вилояти ҳудудий бошқармаси ходими "Мунозара майдони" дастурида истеъмолчилар ҳуқуқлари ҳимоя қилиш соҳаси бўйича маълумот берди.

▶️ Батафсил "JIZZAX MTRK"да

FACEBOOK|TELEGRAM |INSTAGRAM |X|YOUTUBE

Рақобат қўмитаси фармацевтика соҳасида улгуржи дистрибуция билан шуғулланувчи корхоналарни огоҳлантиради
 
🇺🇿 Республикамизга жорий йилнинг 9 ойи давомида 305 та корхоналар томонидан дори воситалари импорт қилинган бўлиб, шундан 47,2 фоизи 5 та импортёр ҳиссасига тўғри келмоқда.

🔻 Таҳлилларга кўра, 2026 йил 1 октябрь ҳолатига 2023 йилга нисбатан чакана дорихоналар бирлашиши ёки ёпилиши натижасида 8 фоизга қисқарган филиаллар сони эса 33,8 фоизга кўпайган.

Маълумот учун:

2023 йилда жами 13 744 та дорихона мавжуд бўлган:
➡️Улгуржи дорихоналар — 521 та;
➡️Чакана дорихоналар — 13 223 та, шундан:
➡️Асосий дорихоналар — 8 584 та;
➡️Филиаллар — 4 639 та.

2024 йилда дорихоналар сони 5,6 фоизга камайиб, 13 010 тани ташкил этган:
➡️Улгуржи дорихоналар — 466 та;
➡️Чакана дорихоналар — 12 544 та, шундан:
➡️Асосий дорихоналар — 8 416 та;
➡️Филиаллар — 4 128 та.

2026 йил 1 октябрь ҳолатига жами 14 598 та дорихона мавжуд бўлган:
➡️Улгуржи дорихоналар — 449 та;
➡️Чакана дорихоналар — 14 149 та, шундан:
➡️Асосий дорихоналар — 7 940 та;
➡️Филиаллар — 6 209 та.

🌐 Сўнгги вақтларда ижтимоий тармоқларда айрим импортёрлар ва улгуржи дистрибьюторлар томонидан талаб юқори бўлган дори воситаларини харид қилишда бошқа препаратларни ҳам мажбурий тарзда қўшиб сотиш ҳолатлари юзасидан шикоятлар кўпаймоқда.

🤩 Бундай ҳолатлар кичик тадбиркорлик субъектларининг иқтисодий манфаатларига зарар етказиши, уларнинг фаолиятини чеклаши ва бозордаги рақобат муҳитига салбий таъсир кўрсатиши мумкин. Шу боис, Қўмита томонидан дори воситаларининг улгуржи савдосида рақобатга зид шартлар қўйилиши билан боғлиқ ҳолатлар ўрганилмоқда.

Таъкидлаш лозимки, “Рақобат тўғрисида”ги Қонуннинг 14-моддасига асосан, устун музокара кучи деб қуйидаги ҳолат эътироф этилади:

Устун мавқега эга бўлмаган хўжалик юритувчи субъект ёки шахслар гуруҳи томонидан:

🟣Битим шартларини;
🟣Товарлар реализация қилинадиган ҳудудни;
🟣Нархни белгилашга бир томонлама таъсир кўрсатиш имкониятининг мавжудлиги.

Шунингдек, Қонуннинг 18-моддасига кўра, қуйидаги ҳолатлар устун музокара кучини суиистеъмол қилиш ҳисобланади:

🔘Камситувчи шарт-шароитларни белгилаш — товарни реализация қилишда ёки олишда камситувчи шарт-шароитларни белгилаш;

🔘Товарлар муомаласи ҳажмини қисқартириш — товар ёки молия бозорида тақчилликни келтириб чиқариш ёки сақлаб туриш мақсадида нархларнинг ошишига ва (ёки) истеъмолчиларнинг ҳуқуқлари ва қонуний манфаатларига зарар етказилишига олиб келадиган тарзда товарлар муомаласи ҳажмини қисқартириш;

🔘Шартнома тузишда қўшимча шартлар белгилаш — шартнома тузишга фақат контрагент томонидан бошқа товарни олиш ёки реализация қилиш ёхуд контрагентнинг товарни ўзга хўжалик юритувчи субъектлардан олишдан ёки бошқа хўжалик юритувчи субъектларга реализация қилишдан ўзини тийиши шартини белгилаш.

 
✈️ Шу билан бирга, рақобат тўғрисидаги қонунчиликни бузиш, жумладан, рақобатчилар томонидан ишлаб чиқарилган товарларни харид қилиш ёки реализация қилишни тақиқлаш ёхуд чеклаш ҳолатлари учун молиявий санкциялар қўлланилиши мумкин.

✈️ Бунда санкция миқдори ҳуқуқбузарлик содир этилган даврда, бироқ охирги 3 йилдан ортиқ бўлмаган муддатда товарларни реализация қилишдан олинган тушум суммасининг 5 фоизини ташкил этади.

🔎 Айни пайтда, Рақобат қўмитаси томонидан дори воситаларининг улгуржи савдосида рақобатга зид шартлар қўйилиши билан боғлиқ ҳолатлар ўрганилмоқда.

‼️ Хусусан, талаб юқори бўлган дори воситаларини харид қилишда бошқа буюртма берилмаган препаратлар ёки товарларни ҳам мажбурий сотиб олиш шарти қўйилгани аниқланса ва ушбу ҳаракатлар рақобат тўғрисидаги қонунчилик бузилиши деб топилса, хўжалик юритувчи субъектларга нисбатан қонунчиликда белгиланган тартибда тегишли жавобгарлик чоралари қўлланилиши мумкин.

FACEBOOK|TELEGRAM |INSTAGRAM |X|YOUTUBE

#кун_рақами

ЖАМОАТЧИЛИК БИЛАН АЛОҚАЛАР

⚡️ 2026 йилнинг 9 ойи давомида Рақобат қўмитаси жамоатчилик билан алоқалар йўналишида расмий веб-сайт, ижтимоий тармоқлар ва оммавий ахборот воситалари орқали жами 8,2 мингдан ортиқ чиқишни амалга оширди.

〽️ Давлат органлари ва ташкилотларида очиқликни таъминлаш бўйича Очиқлик индекси рейтингида юқори кўрсаткични қайд этиб, республика бўйича юқори ўринда, давлат қўмиталари ичида 90,9 балл билан 1-ўринни эгаллади.

📈 Ҳудудларда ўтказилган очиқ мулоқотлар давомида ҳамда бевосита веб-сайт ва ижтимоий тармоқлар орқали 230 га яқин мурожаат қабул қилиниб, ҳал этиш чоралари кўрилди.

➡️ Батафсил видеоинфографикада

FACEBOOK|TELEGRAM |INSTAGRAM |X|YOUTUBE

👍👍👍👍👍👍  | 🔠🔠🔠🔠🔠🔠🔠

🇺🇿 Рақобат қўмитасининг ҳафталик дайжести.

FACEBOOK|TELEGRAM |INSTAGRAM |X|YOUTUBE

🇺🇿🇺🇿🇺🇿🇺🇿🇺🇿🇺🇿 | #Қонунчиликдаги_янгиликлар

Фьючерс шартномалари бўйича янги тартиб тасдиқланди: тадбиркорлар манфаатлари ҳимоя қилинади

🇺🇿 Рақобат қўмитаси томонидан маҳаллий тадбиркорларнинг халқаро товар биржаларида фьючерс шартномалари асосида савдо қилиши ва уларнинг манфаатларини ҳимоя қилишга қаратилган янги тартиб тасдиқланди.

👤Муҳими, мазкур масала халқаро ҳамкорлик доирасида АҚШ Савдо вазирлигининг Тижорат ҳуқуқини ривожлантириш дастури (CLDP) билан имзоланган “Ҳамкорлик йўл харитаси”да белгиланган чора-тадбирлардан бири ҳисобланади.

✈️ Юқоридагилар асосида соҳада аниқ ҳуқуқий тартиб белгиланди.

🤩 Фьючерс шартномаси нима?
Бу — товарни (базавий активни) келажакда жорий бозор нархларида сотиш ёки сотиб олиш бўйича халқаро товар деривативлари савдоларига қўйиладиган контракт.

Янги тартиб тадбиркорларга қандай имкониятлар беради?

➡️халқаро товар биржаларида электрон тизим орқали фьючерс шартномаларини тузиш;
➡️нархлар ўзгариши билан боғлиқ молиявий хавфларни бошқариш;
➡️воситачилар томонидан мижозлар маблағларининг алоҳида ҳисобини юритиш;
➡️хизмат тарифлари ва савдо операциялари бўйича очиқ маълумот ҳамда ҳисоботлар олиш.

❗️Эътиборли жиҳати: ушбу фьючерс шартномалари доирасида товарларни жисмоний етказиб бериш назарда тутилмайди. Тадбиркорлар савдоларда ўз ҳисобидан иштирок этади ва молиявий таваккалчиликларни мустақил бошқаради.

Янги тартиб маҳаллий тадбиркорларнинг халқаро биржаларда иштирок этиши учун ҳуқуқий асос яратиб, уларнинг қонуний манфаатларини ҳимоя қилишга хизмат қилади.

Маълумот учун: ушбу тартиб, мазкур Низом расмий эълон қилинган кундан эътиборан кучга киради.

➡️ Низом билан танишиш

FACEBOOK|TELEGRAM |INSTAGRAM |X|YOUTUBE

#Брифинг

✈️ Рақобат қўмитаси Жиззах вилояти ҳудудий бошқармаси томонидан ўтказилган брифингда рақобатни ривожлантириш ва истеъмолчилар ҳуқуқларини ҳимоя қилиш борасида амалга оширилган ишлар ҳақида маълумот берилди.

Хусусан, жорий йилнинг 9 ойи давомида 1 600 дан ортиқ мурожаат келиб тушган бўлиб, ўрганишлар натижасида 4,5 млрд сўм маблағ тадбиркор ва истеъмолчилар фойдасига ҳал этилиши таъминланган.

🌱Батафсил "JTV"да.

FACEBOOK|TELEGRAM |INSTAGRAM |X|YOUTUBE

Акция ва чегирмалар устидан рақамли назорат: Рақобат қўмитаси томонидан 65 та муаммонинг сабабларини таҳлил қилиниб, тизимли ечим бўйича таклифлар тайёрламоқда

✈️ Рақобат қўмитаси томонидан 58 та савдо ва хизмат кўрсатиш шохобчасида 116 та акция ва чегирма ўрганилди.

🔎 Ўрганишлар давомида 65 та муаммо ва камчилик аниқланди. Айрим ҳолларда эълон қилинган чегирмалар амалда бошқача қўлланилган, акция шартлари тўлиқ тушунтирилмаган ёки ғолибларга ваъда қилинган совринлар берилмаган.

Хусусан:

📍 Андижон вилояти: 60 млн сўмлик соврин берилмаган

“Water Life Mineral” МЧЖ томонидан ўтказилган “Орзу ушалсин” акциясида 3 нафар иштирокчига жами 60 млн сўм тақдим этилмаган.

Мазкур ҳолат юзасидан тадбиркорга нисбатан иш қўзғатилиб, истеъмолчилар ҳуқуқлари бузилгани бўйича тегишли қарор қабул қилинди ва кўрсатма берилди.

📍 Наманган вилояти: Cobalt автомобили ўз эгасига қайтарилди

Фуқаро А.А. “Наманган автотеххизмат” МЧЖ акциясида иштирок этиб, Chevrolet Cobalt автомобилини ютиб олган.

Бироқ телефон рақами нотўғри терилгани сабабли ғолиб билан боғланиш имкони бўлмаган. Натижада унинг ютуғи бекор қилиниб, бошқа шахсга берилган.

Рақобат қўмитаси аралашуви билан автомобиль ҳақиқий ғолибга қайтарилди.

📍 Наманган ва Бухоро: чегирмаларда тушунмовчиликлар

🔘Намангандаги “Baldini” дўконида 50 фоиз чегирма эълон қилинган. Аммо маҳсулотларда нархномалар мавжуд бўлмаган.

🔘Бухоро шаҳридаги “IDEA” дўконида 20, 50 ва 60 фоизлик чегирмалар таклиф қилинган. Лекин бу чегирмалар маҳсулотнинг умумий нархига эмас, балки муддатли тўловнинг ойлик тўловларига қўлланилган.

📍 Самарқанд вилояти: совғали акция шартлари ўрганилди

“Самарқанд Автотеххизмат” МЧЖ автомобиль харид қилган мижозларга маиший техника совға қилиш акциясини ўтказган.

Бироқ акция шартларига кўра, совға фақат Chevrolet автомобили учун 100 фоиз олдиндан тўлов қилган харидорларга берилган. Муддатли тўлов асосида автомобиль олганлар ва юридик шахслар акциядан четда қолган.

Ўрганиш натижасида реклама, истеъмолчилар ҳуқуқларини ҳимоя қилиш ва чакана савдо қоидалари бузилгани аниқланиб, корхонага бажарилиши мажбурий бўлган кўрсатма берилди.

📍 Қашқадарё вилояти: “1+1” акциясида нима берилиши номаълум

“IDEA” бренди томонидан смартфонларни бўлиб тўлаш асосида харид қилиш бўйича бир қатор акциялар эълон қилинган.

Бироқ рекламада:

🔍акцияга қўйилган маҳсулотлар сони;
🔍маҳсулотларнинг олдинги 30 кун ичидаги энг паст нархлари;
🔍“1+1” акциясида қўшимча қандай маҳсулот берилиши ҳақида аниқ маълумотлар кўрсатилмаган.

Аниқланган камчиликлар юзасидан:

✅ 59 та камчилик (90,7 фоиз) ҳуқуқий тушунтиришлар ва огоҳлантириш хатлари орқали бартараф этилди.
✅ 4 та тадбиркорлик субъектига нисбатан иш қўзғатилиб, тегишли қарор ва кўрсатмалар берилди.
✅ Истеъмолчилар фойдасига 250 млн сўмга яқин маблағ қайта ҳисоб-китоб қилинди.

🤩 Энди акция ва чегирмаларни рақамли назорат қилиш таклиф этилмоқда

✈️ Ўрганишлар шуни кўрсатмоқдаки, асосий муаммо қоидаларнинг йўқлигида эмас, балки уларга риоя этилишини ўз вақтида ва самарали назорат қилиш механизмларининг етарли эмаслигидадир.

🤩 Шу сабабли Рақобат қўмитаси акция ва чегирмаларни назорат қилишнинг янги рақамли механизмлари бўйича таклифлар тайёрламоқда.

Жумладан:

➡️ QR-код орқали нархни текшириш — харидор маҳсулот ёнидаги QR-кодни сканерлаб, унинг аввалги нархлари ва чегирманинг ҳақиқий миқдорини кўриши мумкин бўлади.
➡️ Акцияларни олдиндан рақамли қайд этиш — акция бошланишидан аввал унинг шартлари махсус электрон тизимга киритилиши таклиф этилмоқда.
➡️ Нархлар тарихини рақамлаштириш — маҳсулот нархининг ўзгаришини кузатиш ва чегирмалар қанчалик ҳақиқий эканини текшириш имкониятини яратиш кўзда тутилмоқда.

‼️Мақсад — акция ва чегирмаларнинг шаффофлигини ошириш, харидорларни чалғитувчи ҳолатларнинг олдини олиш ҳамда истеъмолчилар ҳуқуқларини ҳимоя қилиш.

FACEBOOK|TELEGRAM |INSTAGRAM |X|YOUTUBE

#Давлат_харидлари

Давлат харидлари жараёнларида рақобат қонунчилиги

🎙 Рақобат қўмитаси Жиззах вилояти ҳудудий бошқармасининг масъул ходими Ш. Мавлонов томонидан 2026 йилнинг ўтган даври мобайнида давлат харидлари жараёнларида рақобат қонунчилиги талабларига риоя этилиши юзасидан ўтказилган ўрганишлар ҳамда уларнинг натижалари ҳақида батафсил маълумот берилди.

➡️ Батафсил “JIZZAX” радиоканалида.

FACEBOOK|TELEGRAM |INSTAGRAM |X|YOUTUBE

👍👍👍👍👍👍 | #Брифинг

Рақобат қўмитаси Самарқанд вилоят ҳудудий бошқармаси томонидан 2026 йилнинг 9 ойи давомида амалга оширилган ишлар юзасидан брифинг ўтказилди.

Брифингда бошқарма бошлиғи ўринбосари А.Ҳамроқулов томонидан истеъмолчилардан тушган мурожаатлар ва уларнинг ечими ҳамда давлат харидлари соҳасида олиб борилган ўрганиш натижалари ҳақида маълумот берилди.

 
✈️ Батафсил "SAMARQAND MTRK"да.

FACEBOOK|TELEGRAM |INSTAGRAM |X|YOUTUBE

“UKLON UB” МЧЖ ХК УСТУН МАВҚЕГА ЭГА РАҚАМЛИ ПЛАТФОРМА ОПЕРАТОРИ СИФАТИДА ЭЪТИРОФ ЭТИЛДИ

✈️ Рақобат қўмитасининг тегишли буйруғи асосида йўловчиларни ташиш (такси) учун буюртмаларни жойлаштириш ва такси хизматларини кўрсатишга имкон берувчи воситачилик (агрегатор) хизматлари бозорида “Uklon UB” МЧЖ ХК устун мавқега эга рақамли платформа оператори деб эътироф этилди.

✈️Шунингдек, Қўмита томонидан устун мавқега эга рақамли платформа оператори фаолиятида рақобат тўғрисидаги қонун ҳужжатларига мувофиқ, устун мавқеини суиистеъмол қилиш ҳолатларини олдини олиш мақсадида мажбурий тартибда Монополияга қарши комплаенс тизими жорий этилади ва тегишли тартибда мониторинг ўтказиб борилиши маълум қилинади.
━

ИП ООО “UKLON UB” ПРИЗНАНО ОПЕРАТОРОМ ЦИФРОВОЙ ПЛАТФОРМЫ, ЗАНИМАЮЩИМ ДОМИНИРУЮЩЕЕ ПОЛОЖЕНИЕ

✈️ На основании соответствующего приказа Комитета по конкуренции ИП ООО “Uklon UB” признано оператором цифровой платформы с доминирующим положением на рынке посреднических (агрегаторских) услуг по размещению заказов на перевозку пассажиров (такси) и оказанию услуг такси.

✈️Также Комитетом сообщается, что в целях предотвращения злоупотребления доминирующим положением и в соответствии с законодательством по антимонопольному регулированию будет в обязательном порядке внедрена система антимонопольного комплаенса в деятельности оператора цифровой платформы с доминирующим положением, а также будет осуществляться соответствующий мониторинг.

FACEBOOK|TELEGRAM |INSTAGRAM |X|YOUTUBE

#Брифинг

✈️ Рақобат қўмитаси Навоий вилояти ҳудудий бошқармаси томонидан 2026 йилнинг 9 ойи давомида амалга оширилган ишлар юзасидан брифинг ташкил этилди.

✈️ Бошқарма томонидан ҳисобот даврида "Рақобат тўғрисида”ги Қонун талаблари бузилганлиги бўйича 35 тадан ортиқ ҳолатларда ишлар қўзғатилган ҳамда давлат бошқарув органлари ва маҳаллий ҳокимликларга 9 та ҳолатда тақдимномалар киритилган.

🔍Батафсил "NAVOIY MTRK" телеканалида.

FACEBOOK|TELEGRAM |INSTAGRAM |X|YOUTUBE

“StageWise Strategies Corp.” компанияси томонидан “Teg SPV” МЧЖ улушларини олиш бўйича иқтисодий концентрация битимига розилик берилди

✈️ Рақобат қўмитаси Америка Қўшма Штатларининг “StageWise Strategies Corp.” компанияси томонидан “Teg SPV” МЧЖнинг 100 фоиз улушларини олиш бўйича иқтисодий концентрация битимига розилик олиш юзасидан аризани кўриб чиқди.

⚫“StageWise Strategies Corp.” – веб-сайтларни қидирув тизимларида ривожлантириш ва ахборот воситаларини тақдим этиш фаолияти билан шуғулланувчи компания;

⚫“Teg SPV” МЧЖ эса Ўзбекистонда бир нечта корхоналарга эгалик қилувчи, ҳолдинг фаолиятини амалга оширувчи ташкилот ҳисобланади.

🤩 Қўмитанинг Махсус комиссияси томонидан ўтказилган таҳлил натижаларига кўра, мазкур битим бозорда рақобат муҳитига салбий таъсир кўрсатмаслиги бўйича хулосага келинди ва аризани қаноатлантириш ҳамда битимга розилик бериш ҳақида қарор қабул қилинди.

FACEBOOK|TELEGRAM |INSTAGRAM |X|YOUTUBE

👍👍👍👍👍👍  | 🔠🔠🔠🔠🔠🔠🔠

🇺🇿 Рақобат қўмитасининг ҳафталик дайжести.

FACEBOOK|TELEGRAM |INSTAGRAM |X|YOUTUBE