‏قدام لا نشعل على الارض العذاب
‏بالشجره اللي بالفساد عروقها

‏اللي تجذر عودها وسط الخراب
‏ومن المفاسد دانيات عذوقها

‏لو لبّست عوّانها بيض الثياب
‏لا جف ساقيها تبين حروقها

‏علمهم ان حلومهم مثل السراب
‏وافكارهم تذري الذواري فوقها

‏وبشر نواياهم على كبر المصاب
‏لين الصدور تضيق من معلوقها

‏لا صاح صايحهم ولا عيّن جواب
‏شرهة مورّدها على مطفوقها

‏حنا العروبه والعرب .. يالانتساب
‏وحنا هل الطاله مغنّ عموقها

‏حنا سوات السيف يا عوج الرقاب
‏والحرب نعرف فنّها وطروقها

‏حنا نهيّب كل راس ولا نهاب
‏وشلون باللي تشترى في سوقها

‏في حكم سلمان الحزم فصل الخطاب
‏وفصل المواقف لا احتمى طاروقها

‏وبمحمد التاريخ حلّال الصعاب
‏ضيقة مناديب المجوس وعوقها

‏تبشر بذلٍ تستضيق بْه الرحاب
‏يا لين ينشف دمها بعروقها

‏⁧ #السعودية_العظمى⁩
‏⁧ #السعوديه_خط_أحمر⁩

- صالح الهويملي

صبحكم الله بالخير

"على نور الصباح وهبّ ذعذاعه وصوت الطير
‏ثلاث أشيا.. كفيله تنعش أشواقي وتحييها

‏صباح الطيب ولا الفل ولا الحب ولا الخير
‏تخيّر في الصباحات الجميله: وأنت راعيها"

لمن هذه الابيات الجميلة؟

تمشين بالارض ولا فوق كبد الحسود!
شوفي ضحاياك لام الله من لامها

تفدى مواطيك نصف مهفهفات القدود
والنصف الاخر فدى عينك وسلهامها
- بندر الدويش

مساكم الله بالخير

اللهم صلِّ وسلم وبارك على نبينا محمد

«من اقتطع من أوقاته، وأمضى الساعات في الصلاة على نبي الله صلى الله عليه وسلم كان كالعامل الذي يحرث ويزرع في أرض مباركة، فكان حقًّا على مولاه أن يكفيه كل مهم من أمره، ويقضي له حاجاته كفاءً له على عمله في أرضه وبذله فيها»

صبحكم الله بالخير

‏انا لا تباطيتك علي الولّه ينشاف
‏يبّين على العاشق وينشاف فـ عيونه

‏احبّك جعل حبٍ يجي من بعدك يْعاف
‏وانا حالفٍ حبّك مع الوقت ما اخونه

‏ليا شفت وجهك والله ان ماعلّي اخلاف
‏فلا تنشد اللي شاف غايتّه وش لونه !

‏عيونك مثل مجدٍ قِصر دونه اللي خاف
‏وانا اللي يحب المجد ويموت من دونه
- مبارك بن وافي

"حاربيني .. خسّريني .. حسّسيني بـ إنهزامي
الخساره منْك .. فرحة مغترب عاد لمربـّـه

إزهدي بـ إسمي .. أنا ماحب تمجيد الاسامي
ما يفاخر بـ إسمه الاّ الجاهل اللي ما تعب به"

‏حسبي الله على الغربة ونعم الوكيل
‏ليه الأيام!! توقظ وحشة المغترب؟

‏يمكن.. آسج و أنسى ما نسيت الجميل
‏نجد ما عمرها كانت مجرّد [مربّ]

‏من ترعرع بنجد.. وراح عابر سبيل
‏سلموا لي عليه إن ما رجع مضطرب!

‏لو تفجّر عيون من الحساء للجبيل
‏غير عذب الموارد «هيت».. ما ينشرب

‏استفزيتني يالمترف المستحيل
‏في مفازتْك لا تبعد ولا تقترب :(

‏شفت منك الكثير وذقت منك القليل
‏يوم ما كان في قفر المحبة ((عرب))

‏- ما بقى إلا نطيح مع الدموع ونسيل -
‏"لا تحسب القصايد تنكتب من طرب"
- عبدالعزيز الشاطري

جميلة جدًا

وش له تحبّ؟ وخافقك مما حوى مكتظّ
يا خاطف قلوب البنات وسارق النسمة

ما تستحق من الكلام إلا الكلام الفظّ
حرام اعاتب وانت مالك بالغلا قِسمه

لحظة ضحكت فوجهك الخايب قليلة حظّ
وجهك قطع رزق، وسرق حظّ، ومحا بسمة

اللهم صلِّ وسلم وبارك على نبينا محمد