يا عطر الصبح مرّت نسمة طيوفك ولا مريت
جعل صبحٍ يجيبك ما أعدم ريحانه وشيحه

حزين! وكل ماصبحت في ذاك الثغر، غنّيت
يا وجهٍ يبتسم ثغر الضحى من نور تصبيحه
- سعود مهدي

اقلطي ملعون من شافك ولا رحّب وهلّا
‏اقلطي يا ثامنة سبع العجايب لا  تراوي

‏لعنبوك انتي  بشر  والا قمر  بدرٍ  تجلّى؟
‏وش يساوي كل حسن الخلق جنبك وش يساوي

‏صرت  اشكّ انّك بحر  نورٍ دنا حتى  تدلّى
‏من كواعب جنّة المأوى من النور السماوي
- ناصر الفراعنه

ااااالله :(

غير ضعف الوازع الديني وقل التقوى
‏لايهمك هرج من كِرهِك ولا من حبّك

‏ولا تضايق لو يسبّك واحدٍ .. مايسوى
‏اللي اطيب منك اصلا مستحيل يسبّك
‏- سلطان بن عباس

"الحيا شعبة من الإيمان"، والمؤمن، حياته
‏لو توّردها حياض الظُلم، ماشفت الظليمة

‏لا شتيمة تلحقك منّه، ولا منّه شماتة
‏لو تحطّه بين نابين الشماتة والشتيمة
- عبدالله الكايد

عذب الكلام اللي تبع جرّة رضاي
‏تعذّر الليله من لساني .. و جا :

‏يعلّمك ياللي وراي.. إنك وراي
‏وإني عن اسمك.. مكرِم حروف الهجا

‏وإن الشعر بحرٍ على جاله ( اعداي )
‏ترجي مطيحي فيه .. خايبْة الرجا :)

‏اللي دفن في غبّته داي ودواي
‏غرقت فيه.. إلا اني أبرك من نجا
- مزيد الوسمي

أحبك طفل ٍ أعمى قاضب ٍ ثوبك يخاف يضيع
وأحبك شايب ٍ قرب يموت بغيبة عياله

وأحبك نظرة عيون ٍ غزتها حسرة التوديع
وأحبك وردة ٍ ماتت ولا جا اللي بتهداله

وأحبك منظر الثلج إن بدا فوق السفوح يميع
كأنه دمعة الحر السنافي بين عذّاله

وأحبك غيم عيّا لأمر نفخات الهبوب يطيع
حلف مايعطي إلا نجد نزف الحب وظلاله

وأحبك ريح تنثرني قصايص مالها تجميع
وأحبك شي في نفس العطر ليديك ماقاله

وأحبك صرخة ٍ فيها سوالف رحلة التلويع
وأحبك عاشق ٍ ماتت حبيبة عمره قباله

وأحبك سر مايخفى ولايمكن بيوم يشيع
وأحبك شمع كله ذاب مايدري من أضواله

وأحبك مجلس أجواد ٍ مشرع بابهم تشريع
والى جا من هجدهم قبل يقعد جاه فنجاله

وأحبك غبنة ام ٍ عقدها ياللأسف مابيع
ولدها صابه اللي خذ قبل حول السنه خاله

وأحبك طفلة ٍ تحبي على صدري وأخاف تضيع
وأحبك شايب ٍ ضمّ وكسر ضلع أصغر عياله
- عبدالمحسن بن سعيد

صبحكم الله بالخير🤍

‏لو يستبيح الخوف ذنب المستحيل
‏ماكان للانجاز .. دافع معنوي

‏كل الكلام اللي على بالي يسيل
‏اقسى من الخذلان قدّام الخوي

‏يا صاحبي ماني قوي وْلا ذليل
‏الوقت ما خلّا ذليل وْلا قوي

‏من جيت للدنيا وانا عابر سبيل
‏الذيب يسعى والمقادير تْعوي

‏جيت اشتكي وانت الضما والسلسبيل
‏اثر المدامع من بَعَضْها ترتوي

‏وش يمعنك يا ناعس الطرف الكحيل
‏وانت البقايا في معاليق بدوي

‏الغرّة اللي بين قوسين وجديل
‏سنّدتها لليل والليل سروي

‏كيف اتفيّا فيك يالرمش الظليل
‏والنار ثلثين الخفوق المهتوي

‏يا عين مالك لا خشير ولا بديل
‏انتي سكوتك موت وعتابك كوي

‏من ليلك المنثور للخصر النحيل
‏عمري فدا عودٍ ليانه منزوي

‏اشتقتلك والشوق من هذا القبيل
‏الفضفضة صادق شعور الفوضوي

‏لا تشكر الشاعر على الشعر الجزيل
‏اشكر غياب اللي غيابه نخبوي
‏- أحمد صالح البحّا

قصيدة تليق بصباح الخميس :)

استمتعوا بهذي العذوبة

والله أني طايب ونوبات ماني طايب
‏والشَّتاء زوَّد عنى قلبي و وزوَّد بؤسه

‏كيف عن درب الملاقى ياحبيبي تايب
‏دامك تمرَّ المكان اللي جمعنا خلسة

‏مايردَّك قلبي أن مريت صوبه خايب
‏لوّ قلبي جات رغبات الليالي : عكسه

‏لا تدقَّق بالغياب .. ولا تلوم الغايب
‏البنادم من غثى الايَّام ينسى نفسه )؛
- نوران

الصمت، ساعة لبسته مثل هندامي
‏شفت المفوَّه تعذَّر، والكتوم أقدا !

‏أنا أمتلك مبدأ أن "المبدأ" إلزامي؛
‏وما أصعب العيش للِّي يمتلك مبدا

‏صبري وصبرك إلين أصايد أحلامي
‏الأيام مثل البشر، فيه أصدقا وأعدَا

‏ريّانة العود، ليه أجامل أيامي
‏وأحبّ خشم الظروف ووجنتيَك أبدا؟
- صالح بن حمد

اللهم صلِّ وسلم على نبينا محمد

يا إلهي .. لا تدع قلبي رهين ذنوبي
‏ولا تذرني فرد بين العالم المنجنه

‏ولا تكلني نفسي .. اللي ماتدل دروبي
‏كل ما ارشدها لدرب الرشد ، صدّت عنه !

‏إلطف بحالي لا حط ابليس دوبه دوبي
‏ياما صدقته و انا اكثر من تعوذ منه

‏لو اقصر بـ الفروض و لو اطوّل ثوبي ؟
‏ان نسيت النار ؟ عمري مانسيت الجنه !
- بدر بن ذنبوح

صبحكم الله بالخير🤍

جرتك في جرهد البال يالظبي اللعوب
‏مثل نبت الورد الابيض على وجه الخضار

‏ وانت عاد عيونك تذوّب اللي ما يذوب
‏ في ملامحها يضيع العتب والانتظار

‏ كنها مطلع قصيده تردّدها الشعوب
‏ درةٍ لعيون بلقيس كاتبها نزار
‏-عبدالكريم البدراني

معك يا حلو الشعور ومعك يا حلو السوالف
‏لا ضحكت بسِبّه ولامن ضحكت بدون سِبّه

‏أنت يوم الأرض مليانه سواليف ومواقف
دلّك الله الكلام اللي أفكّر به وأحبّه
- ماجد النفيعي

"وتمرك العابرين وماتسلم عليك
‏الا غريبٍ طوته الارض بسنينها

‏قال انت جالس لحالك تنتظر من يجيك؟
‏قلت انتظر نفسي اللي مـ اعرف وينها"