"ما علمتني المدارس.. قبل ما أقرا
الآدمي إن زاد عرفه؟ زاااادت احزانه" :(

لله نشكو إذا ما الشوق أوجعنا
‏أرواحنا رحلت في إثر من رحلوا :(

:(

مساكم الله بالخير🤍

‏الريح ثوبك والضيا مسجونك
‏والليل بين يلاعبه ويكنّه

‏نجديّتي عذر الدروب ؛ شلونك ؟
‏ملامحك هيل القصيد وبنّه

‏وانا غريبٍ ساق عمره دونك
‏يحسب ورى الموت بـ حَوَرْك الجنّه

‏لو اكثر اللي فات عاش بْدونك
‏ضحكتك فجرٍ سال عمره منّه

‏معك اهتدى واهدايته مكنونك
‏؛ لا هبّ قلبك بالسؤال يحنّه

‏وقصايده لو ما تهزّ شجونك
‏ماهو بشاعر لو يقوله ظنه

‏يا غربته .. لو ما رعَتْه عيونك
‏منسي .. لو انك ما نشدتي عنه
- صالح الهويملي

‏"انا ذاك اللي وقف بينك .. وبينه
‏الرحيل من الفرح بعد الاقامه

‏ذاك لك في صمته ورعشة يدينه
‏كلمةٍ .. ما رادها الله في كلامه

‏كنت اعز من الظروف الي تهينه
‏وصوته بسمعك اعز الله مقامه

‏من عرفتك والنهار ارخى جبينه
‏والسهر ما عاد يوجعني ظلامه

‏وقلبي يضم التعب في راحتينه
‏ناحلٍ ما راودت فيه ..ابتسامه

‏والسنين اوراق تتقلب ف عينه
‏والوجيه اخفت ملامحها الملامه

‏كنت ليله فالعمر ماهي حزينه
‏مر فيها العمر كله .. بالندامه

‏لا ترد اللي تهاوت من سنينه
‏بس لا من سلم اهتم .. بسلامه"

"كنت ليله فالعمر ماهي حزينه
‏مر فيها العمر كله .. بالندااامه" :(

على كثر الكلام اللي سمعته منْك دمعي حار
وطاحت دمعةٍ ما غيّرت من كبر منزلتي

هذاك الجرح لو عدّى عليه الوقت يبقى بار
تحفّاه الضلوع ويتّقي عيني ومكحلتي

ولا كان بخوافي الروح تصبح جنّتك لي نار
بعد ما قلت في ضعفي معك:ماهيب مشكلتي

دفى ملمس يدينك ما يعرّي رغبة المنهار
لو آشوف الندم يفضح جوابه بعض اسئلتي

تجي عادي ولكنّ الجروح اللي بعدْك كبار !
وتطلبني على سُنَّة جروحي : "هاه وش قلتي ؟! "

سنة عدَّت.. وتسألني بعدها وشهي الأخبار!
أبد للحين من عام وهذاك الجرح "مشكلتي"
- مرام القحطاني

تجي عادي ولكنّ الجروح اللي بعدْك كبار !
وتطلبني على سُنَّة جروحي : "هاه وش قلتي ؟! "

يوه يوه يوووه :(

والله اني في غياهب غربتي احتااج صوتك
مايطمن قلبي الخايف سوى وصل المبرّه

الشبه في حاجتي له ؛ حاجتك لفتات قوتك
-اتصل- أحتاج أبكي وآتشكّى وآتشرّه

اتصالك جنّة المشتاق ؛ لا يبطي سكوتك
نبرتك فيها حنان يزيل عن روحي المضره

يا يبه و العَبره اللي في كلامي ما تفوتك
كنّ صوتك : غيمةٍ تهطل على قلبي مسرّه

بنتك بحاجه دعاك يعمّها بسجدة قنوتك
ودي لو أرجع صغيره ؛ من قيود الهمّ حُرّه

آتدلّل في كنفْك وآتبختر في ثبوتك
ما أهاب وما يكدّر خاطري مثقال ذرّه

و لابغيت اهرب من الدنيا تخبيني فـ كوتك
و آتذرّى بين يدّينك من العالم وشرّه

ليتها الأيام ترجع ولّا لا تقفي بصوتك
والله انه غيمةٍ تهطل على قلبي مسره
- مها

"صوتك في زحمة الدنيا أمان" :( 🤍

"طموح الصورة الأكبر .. تغــرّد خارج الإيطار
وأنا والله راح أخرج .. عن الإيطار والصّـورة"

‏الليل حالك والمساري موحشة والدرب خوف
‏والذكريات أشياء يستعصي عليّ إتلافها

‏أثر الأماني وارفات ظْلال دانية القطوف
‏والأمنيات أكثر ما يخشى الحالمين ! إسرافها

‏على رصيف الصبر ملّ المنتظر طول الوقوف
‏وين الحياة ؟ اللي تخيّلت ! ولمحت أوصافها

‏ حسبي على من دمّر آمالي وأنا عيوني تشوف
‏كم بسمة ٍ كانت طمأنينة وصرت أخافها

‏رُحماك يا غفّار يا ملجأ عبادك يا رؤوف
‏يا مجري الأقدار هبني من لدنْك ألطافها

‏أنا رواية حلم منسيّة على غبار الرفوف
‏أنا قضيّة تطلب مْن أهل العقول إنصافها

‏أنا قصيدة عشق ما مرّت على قلب العيوف
‏أنا أراضي جِرد ما غاث السحاب أطرافها

‏لي روح تبحث عن سكينتها من إرهاق الشفوف
‏يا مِثقلين اللوم روحي فاقده ميلافها

‏لي قلب ما عادت تسلّيه إبتسامات الهنوف
‏ولا القدود المترفات المايسات أعطافها

‏ياللي تزعّلك المواعيد وتراضيك الصدوف
‏وش يرضي اللي جاته الحاجة بعد ما عافها ؟

‏لا تبتئس لا خانك الواقع وعادتك الظروف
‏الناس من عاشر رماديها ظلم شفّافها

‏كم زلةٍ من صاحبٍ طافت !! لو إنها ما تطوف
‏وكم هقوةٍ كبّرتها راحت !! مراح أسلافها

‏شفت الحقيقة يوم حطّيت النقط فوق الحروف
‏بعض الحقايق ! ودّك إنْ المنصدم ؟ ما شافها

‏لحدٍ يعاتبني ويا معاتبني إنْ عاتبت ! روف
‏مشاعر الجافين ما أحب أكسب استعطافها
- سعود مهدي

"يا مِثقلين اللوم روحي فاااقده ميلافها"

"الليل حالك والمساري موحشة والدرب خوف
‏والذكريات أشياء يستعصي عليّ إتلافها" :(

سيرة ذاتية:
"أنا رواية حلم منسيّة على غبار الرفوف
‏أنا قضيّة تطلب مْن أهل العقول إنصافها"

لا جديد، قصيدة جميلة جدًا كالمعتاد

ياخوي .. ضايع لك أحد؟
ياخوي .. فاقد لك أحد؟
لا والله مو ضايع أحد
ضايع لي -شوية عمر-
- سعد هندي