ليتك قبل ما تجحد الطيب ماكنت
‏مِن مَن فداهم كل مافي الأيادي
ٰ
‏طبنا لو إن ظروفنا ماش يوم أنت
‏إن طبت عادي و إن تردّيت عاديٰ
‏-ماجد المشعلي

على الله كسرة خاطري وانهزاماتي
‏لو أن لي من القوة ما يوجع ضعيف القوم

‏يخاف الردي لا اجيب طاريه فـ ابياتي
‏وتكب الرجال اسمه وترخص عليه السوم

‏وأنا والله أن اسمك على طارف شفاتي
‏اخاف الشِعر يغتثّ بك والشِعر محشوم
- مرام القحطاني

متشربه صبر و مبادي عظيمه
‏والا انت عشت فـ بيت ماله مفاهيم

‏لا صرت بنت اللي يذب الخريمه
‏و ينور وجهه فالليالي المجاهيم

‏وشلون اهابك وانت نفسك هزيمه ؟!
‏ما للذيابه في وْجيهِك تقاسيم

‏من نظرةٍ ثلجى ليمنٍى عقيمه
‏هنا تعاف البنت ..وتحب وتهيم

ماتنطلب يد البنات الكريمه
الا لمن حلفه " علي الملازيم"
- ميّ اللافي

"لا تهيّب لك قطاوه ولا تخجل مره" 🤣🤣

لا تشره و تستغرب و تمدح فعل يمناك
‏انا غاسلٍ يمنّاي منك .. ومن أشكالك

‏نواياك سود و وجهك أسود من التنباك
‏و أظن الليال السود .. تشهد على ذلك
- عبدالله السراهيد

مرحبا🤍

‏بنت بدوٍ ما تلدّ عيونها إلا في صورها
‏والمطر والغيم والنسناس والنار الشبوبه

‏كل صبحٍ ما بدت شمسه، تعلّق في نحرها
‏وكل ليلٍ، ما تلحّف عطرها تبرد هبوبه

‏إن بكت، وش يمنع الدنيا تلقّينا ظهرها
‏وإن رضت، وش يقنع السبع البحور من العذوبه

‏من فقدني قبل احلّيها وهي تغضي نظرها
‏من لقاني يوم أحايل جيدها نوبه ونوبه؟

‏ليلةٍ سرّت بريق نجومها وأطفت قمرها
‏جادلٍ ماهيب في حلٍ من البرق ونصوبه

‏وش يعذّر من غفى عنها وجفنه ما سهرها
‏ظالمٍ لا نومه عباده، ولا تشملْه توبه

‏أما أنا عيني تخايلها وروحي تنتظرها
‏والنهار اللي يقولون العرب، دوبي ودوبه

‏ما جذبني منْه لا ظل الغصون ولا ثمرها
‏هايفَت شمسه وأخذ ظلّي، ولا لدّيت صوبه

‏حايلٍ بيني وبين الموت خصله من شعرها
‏ما تعرف إني وَردت الموت قبل أمشي دروبه
- محمد المطيرات

لا صكتّ دروب الفرج لا تهابين
‏تَفرج ولو ان اشهب اللال عيّا
‏دربك ترا درب الرجال المسمّين
‏ما فيه، عزٍ لأجلهم ما تهيّا !
‏يا هامتي، يوم اختلاف الموازين
‏ربعك رواسي طيّ واهل الحميا
‏وان كان به مجدٍ عصى ؟
‏ لا تخافين
‏قمنا، ' وساوينا الثرى بالثريا '
- محمد منيف

‏"قصّرت في حق الكثيرين وإلّا أنت
‏-في حق قلبك بيّض الله وجهي- "

"من أول أدوّر على الفيّه و عيني للظلال
واليوم ما يفرق معي برد الحياة و حرّها"

من عرفك وما قضى عمره طروب ومسفهليّ؟
من لقاك ومالقى الدنيا مثل وجهك جميلة؟
- ناصر مناحي

‏"أبد ما كنّ به غيرك على وجه البلاد إنسان
‏وعليك الروح توله والنوايا معك منشدّه"

"يا نديمي والغلا غيثٍ سقى الارض المريفه
‏لا تساوم فيه مثل اللي يساوم في عظامه

‏انت لا اخطيت الطريق وشفت زلاتك كثيفه
‏رحت ادور لك عذر ما رحت ادور لك ملامه"

من محاسن حظّنا إنّا على الطيب نتشارَك
بالمكارم.. بالمشاعر.. بالقلوب وبالقبيله

أنا ما عاد تغريني الوجيه، و وجهك البرّاق؟
ملاذي، لا قوى حيل الزمان و شانت أخلاقه ❤️

"يوم ألتقي فيك ؟ كن الكون فـي يدّي
‏ وكن المطر ما يطيح إلا على شاني"

صبحكم الله بالخير🤍

وبعد:
"تصبح الدنيا وأهلها على شمس الصباح
وأنت شوفك صبح ثاني وشمسٍ ثانيه"