ابك لين تصفي عينك من البكى ياذيب
‏الى صار لك روح من الفقد مفجوعه

‏ولا تلتفت في عالم الهرج والترهيب
‏وكلام السعه لا يشغلك كبر موضوعه

‏ماعاب البكى فعل المهلهل لـ اخيه كليب
‏بكى لين شكو في مواقيفه ربوعه

‏ترى اللي يقول ان البكى للنشاما عيب
‏لو انك تهوزه بالعصى هلت دموعه )؛
- عابر

صبحكم الله بالخير

‏ياللي تغاضيت عنك في بداياتك
‏شمسك لابانت ترا “ ظلي يغيّبها “

‏لو شيّب الوقت لحيتْك و شناباتك
‏بلحق على رْموشك السودا واشيّبها

‏لا تقول اسف ، انا خيبت هقواتك
‏انت اول اوصل لهقواتي وخيّبها

‏ما اكرمتني في حياتك غير بسكاتك
‏شرواك لامن حضرت اصهل واهيّبها

‏عينيك تدمع خجل من ضعف نظراتك
‏ويِديك ملّت ،،، وهي تطعن قريّبها

‏لاتحسب اني حشمْتك رغم زلاتك
‏لابتْك ،، يحشم رديها لجل طيّبها
- عبدالله بن محمد

" رافعٍ نفسي عن أطراف الحديث الخالي
‏كيف أنزل مستواي .. و هامتي مرفوعه !

‏و الله إن طيبي ما هو بالمرتبط بأحوالي
‏و ضحكتي بوجيه ربعي ما هي بـ مصنوعه

‏نضحِك حجاج الرفيق و يستغيض التالي
‏و لا درينا عن هوى داره .. و لا موضوعه "

النشاما ما أحدٍ يبلش بهم .. بـ المرره
‏وأنت لا نشمي ولا ترضى بك النشميه

‏الولد يطلع - مطاليع السعد - لو مره
‏و أنت ما عمرك طلعت الا مع القديه
- عبدالرحمن بن جزا

صبحكم الله بالخير 🤍

" تذكُّر الوفاة والموت ينتشلنا من حياة التفاهة والفراغ، إلى حياة المعنى والإنجاز؛ ولذا فأفضل وسيلة تعيننا على استثمار جميع لحظات الحياة: هي تذكُّرنا الدائم للموت "

يقول معاذ بن عبدالعزيز :
يا سيّدي اللي كساه الله بثوب الأمل؛
‏في حارة البائسين الموت دافع حياة

اللهم صلِّ وسلم على نبينا محمد

" داويت جرحه يوم صكّته الأقدار
و رد العطا في جرح ماله مداوي "

صبحكم الله بالخير 🤍

الضيقه اللي لها منزال في صدري
‏معجبني الناس ماتعرف سبايبها

‏لو تسأل اقرب صديق يقول لك مدري
‏البنت هذي ماظنّي شيّ عاجبها
- ميّ اللافي

اطلب النوم واغفى وانتفض في ثواني
اعرف الليله اللي من البدايه حزينه
- ميّ اللافي

لا ضحكي بـ ضحكه ولا بالي بـ بال
‏متغيّره.. ماهو بـ هاللون لوني

‏أُمّي اوقفت جنبي مواقيف الابطال
‏في مرحلة كلللل الرجال اخذلوني
- ميّ اللافي

الوجع في روحي الوجله عسى مااشقّ ثوبي
‏من يجي بيني وبين الروح ويخفف تعبها ؟
- ميّ اللافي

على اني احبه كثييير .. اتحاشاه
‏وانا اللي من حبيته احب اشوفه

‏قلبي مدلّيني دروب المعاناه
‏مابين دمعة ضعفه .. وبين نوفه

‏وعقلي مسيّدني من اللامبالاه
‏حتى اللي اخطا قلت عنده ظروفه
- ميّ اللافي

آتقهوى من مرارة هالشعور بْلا استخاره
وآتفنجل كنّي اسقي زهرة العمر بـ عسل

صبحكم الله بالخير 🤍