ما تنيّر موقع القطر، غير أهل الرّحال
والمرابع، وإن تقرّت على نزّالها
تحتفي بالطير والنخل والماء والظّلال
والهوى يأخذ يد غيومها مْن شمالها
لروابي وأبرق السّيح وصفار الدّلال
ولمحةٍ ما حرّك الوقت ساكن جالها
هيجنت جر الرّبابه ومجراد الجمال
وشبّةٍ وقّع رمدها على : فنجالها
دونها ليلٍ تهوّم، ولا أدري كيف، قال
وصبحٍ إن صوّت، غديره دلا، بحبالها
بنت بدوٍ تخضب الكَف بعروق الرّمال
كم تذرّت مِن حياها بطارف شالها
تيّمت مجهول دربي وانا طرّاق لال
وجيتها، من صادق البيد قبل رمالها
حالفٍ دون أسود العمر وطوال الليال
وذلةٍ ، ما في جملها على جمّالها
كم لي أوارب شغفها وهي بنت الخِيال
وأرتجي نسمة مطرها ولمْح خيالها
ودي انها تفهق الرّيح من غرب وشمال
لين تركز في سماء الواد وأنطح فالها
- خالد حسن
والمرابع، وإن تقرّت على نزّالها
تحتفي بالطير والنخل والماء والظّلال
والهوى يأخذ يد غيومها مْن شمالها
لروابي وأبرق السّيح وصفار الدّلال
ولمحةٍ ما حرّك الوقت ساكن جالها
هيجنت جر الرّبابه ومجراد الجمال
وشبّةٍ وقّع رمدها على : فنجالها
دونها ليلٍ تهوّم، ولا أدري كيف، قال
وصبحٍ إن صوّت، غديره دلا، بحبالها
بنت بدوٍ تخضب الكَف بعروق الرّمال
كم تذرّت مِن حياها بطارف شالها
تيّمت مجهول دربي وانا طرّاق لال
وجيتها، من صادق البيد قبل رمالها
حالفٍ دون أسود العمر وطوال الليال
وذلةٍ ، ما في جملها على جمّالها
كم لي أوارب شغفها وهي بنت الخِيال
وأرتجي نسمة مطرها ولمْح خيالها
ودي انها تفهق الرّيح من غرب وشمال
لين تركز في سماء الواد وأنطح فالها
- خالد حسن
❤1
ولهت أصيح ..
تعبت أتصنع القوه
و أنا شعوري !
تلاعب به هبوب الريح
أخاف أبكي .. يموت الحلم بضفافي
و أخاف أجلس
ويجحد طول ميقافي
وأخاف أتعب من الوقفه
وأخاف أطيح
- صبح
تعبت أتصنع القوه
و أنا شعوري !
تلاعب به هبوب الريح
أخاف أبكي .. يموت الحلم بضفافي
و أخاف أجلس
ويجحد طول ميقافي
وأخاف أتعب من الوقفه
وأخاف أطيح
- صبح
قصيدة
أقابل هالحياة بضحكة المختال وأطالع صورتي واضحك على حالي أمثّل مسرحية للملأ تنقال مشاهدها سعيدة بأول وتالي جماهيري ملَتهم دهشة التمثال و تهيّا للمسامع ضحك عذّالي على المسرح قدرت البس قناع الفال لبسته فوق وجه من الفرح خالي أقاوم صلف حظّي واضحك بإهمال…
" أقاوم صلف حظّي واضحك بإهمال
عتادي ضحكتين بدرب ترحالي "
- أسلوب حياة
عتادي ضحكتين بدرب ترحالي "
- أسلوب حياة
" ( ما يضيع عند ربّي شيء ) لطالما كانت هذه العبارة ضماد لقلوبنا ، لطالما مدّتنا بالصبر والقوّة حين لا تأتي الأمور كما نرغب ونشتهي ، لطالما كانت لنا كالأكسجين الذي نتنفّس به ألطاف الله " إي والله !
عن وحشة الملح بآخر ذكريات الغريق
عن حيرة الليل لا صافح عيون العما
عن غربة الضحك في لحظة وداع الصديق
عن منسي النجم في غبة زراق السما
جيتك وكلي هرب مدري خذاني الطريق
وإلا دعاني السراب اللي بعينك زما
خلفي مسرات روح وحلم باهت عتيق
هـذي رسومه دوارس في مفازة ظما
خذني من الذكريات ووسعها للمضيق
محتاج روحي تشافى من ليال الحمى
آخر علاج
الجروح بكيها يـارقـيق
وآخر علاج
المحبة بالمحبة ..
ومـا ………
خلت لي التجربة إلا بقايا بريق
أتحسسه في ظلام الياس لا من هما
عطني يدينك تعبت بعتمتي بـ استفيق
من حزني اللي سترته لين دمعي نما
محتاج لي قلب ينسى كل جرحٍ عميق
ومحتاج لي حب ينسي كل عذبة لما
- عبدالعزيز المخلفي
عن حيرة الليل لا صافح عيون العما
عن غربة الضحك في لحظة وداع الصديق
عن منسي النجم في غبة زراق السما
جيتك وكلي هرب مدري خذاني الطريق
وإلا دعاني السراب اللي بعينك زما
خلفي مسرات روح وحلم باهت عتيق
هـذي رسومه دوارس في مفازة ظما
خذني من الذكريات ووسعها للمضيق
محتاج روحي تشافى من ليال الحمى
آخر علاج
الجروح بكيها يـارقـيق
وآخر علاج
المحبة بالمحبة ..
ومـا ………
خلت لي التجربة إلا بقايا بريق
أتحسسه في ظلام الياس لا من هما
عطني يدينك تعبت بعتمتي بـ استفيق
من حزني اللي سترته لين دمعي نما
محتاج لي قلب ينسى كل جرحٍ عميق
ومحتاج لي حب ينسي كل عذبة لما
- عبدالعزيز المخلفي
👍1
وصل ركب الرحيل لشاطيء الغربة ودار اجناب
بعد طول الطريق اللي تمادى..واتعب اركابي
ضحك وجه المدينه للمسافر والوجيه أغراب
وانا عابر سبيل وضحكتي ماصافحت نابي !!
وقفت انظر على شط المدينه ،والجروح أسراب
ولعنت( أم الحنين)وسالت الدمعه على اهدابي
هنا كنت الغريب..بلا حبيب..و لاوطن..واقراب
حزين وماقدرت اجمع شتاتي،واحسب حسابي
حداني للسهر جرحٍ سجنّي بين ناب..وناب
وتركني بين صمت الذكريات.. بصفحة كتابي
حبيبي والغلا جرحٍ ذكرته وانفتح له باب
وانا لو ماذكرتك وانت ناسي .. ويش يبقى بي؟
صحى هم الفراق ..اللي فتح للذكريات ابواب
وغفيت وماصحيت الا وطيفك يطرق ابوابي ؟
حبيبي ترسم الغيمه ملامح وجهك الجذاب
واشوفك وين مالد النظر مع كل سردابي
ذكرت اول لقاء فيه اجتمعنا بالغرام احباب
الين آخر لقا منه افترقنا .. وآخر اتعابي
فداك الجرح ياوجهٍ تركني للملام وغاب
بقى له في حياتي طعنتين،وجرح ماطابي !!
وانا اللي كنت اضيع بنظرتك شوق و وله ،واعجاب
واضيق بغيبتك..وتضيق بي دنياي ..وثيابي
عطيتك قلب واشواق وحنين ..وفيك ظني خاب
احسب انك تمنى رجعتي.. واثرك تسلى بي !!
تبعتك مثل ضحضاح السراب ..وجيت لك مرتاب
واشوفك مثل الامس المستحيل .. وباكر الغابي؟
حبيبي وانت ماتسوى ملام..ولا انت قد عتاب !!
تعداك الملامه .. والعتاب.. وشرهة ذيابي ؟!
خطاي اني تماديت بغلاك .. وماحسبت حساب
احسب ان الوفاء طبع البشر .. واحبابي ..احبابي
وعزاي اني ردعت القلب عن باقي غلاك وتاب
وصحى في داخلي طفلٍ غرير ، وشايب اعرابي !!
حبيبي للصبر بالٍ طويل وللجروح اسباب
وانا مارحت ادور للجروح .. اعذار واسبابي
حبيبي يوم شفت ان الزمان برجعتك كذاب
تركتك للتجافي .. والغرور .. بزحمة اصحابي
رحلت وقلت اسافر عنك وأجزيك الغياب : غياب
أبـبعد واستريح من السهر .. وأريح اعصابي !!
هجرت ارض الجروح ابغى عن تراب الجروح تراب
عساي انساك ..وانسى رجعتك والجرح.. وترابي
يطيب الجرح والا ياعسى جرح الهوى..ماطاب
بكيفك داو جرحك واستريح ،وجرحي اولابي
طلع صبح الفراق بشاطيء الغربه ودار اجناب
ولعنت ام الحنين وسالت الدمعه على اهدابي !
- عادل الذيابي
بعد طول الطريق اللي تمادى..واتعب اركابي
ضحك وجه المدينه للمسافر والوجيه أغراب
وانا عابر سبيل وضحكتي ماصافحت نابي !!
وقفت انظر على شط المدينه ،والجروح أسراب
ولعنت( أم الحنين)وسالت الدمعه على اهدابي
هنا كنت الغريب..بلا حبيب..و لاوطن..واقراب
حزين وماقدرت اجمع شتاتي،واحسب حسابي
حداني للسهر جرحٍ سجنّي بين ناب..وناب
وتركني بين صمت الذكريات.. بصفحة كتابي
حبيبي والغلا جرحٍ ذكرته وانفتح له باب
وانا لو ماذكرتك وانت ناسي .. ويش يبقى بي؟
صحى هم الفراق ..اللي فتح للذكريات ابواب
وغفيت وماصحيت الا وطيفك يطرق ابوابي ؟
حبيبي ترسم الغيمه ملامح وجهك الجذاب
واشوفك وين مالد النظر مع كل سردابي
ذكرت اول لقاء فيه اجتمعنا بالغرام احباب
الين آخر لقا منه افترقنا .. وآخر اتعابي
فداك الجرح ياوجهٍ تركني للملام وغاب
بقى له في حياتي طعنتين،وجرح ماطابي !!
وانا اللي كنت اضيع بنظرتك شوق و وله ،واعجاب
واضيق بغيبتك..وتضيق بي دنياي ..وثيابي
عطيتك قلب واشواق وحنين ..وفيك ظني خاب
احسب انك تمنى رجعتي.. واثرك تسلى بي !!
تبعتك مثل ضحضاح السراب ..وجيت لك مرتاب
واشوفك مثل الامس المستحيل .. وباكر الغابي؟
حبيبي وانت ماتسوى ملام..ولا انت قد عتاب !!
تعداك الملامه .. والعتاب.. وشرهة ذيابي ؟!
خطاي اني تماديت بغلاك .. وماحسبت حساب
احسب ان الوفاء طبع البشر .. واحبابي ..احبابي
وعزاي اني ردعت القلب عن باقي غلاك وتاب
وصحى في داخلي طفلٍ غرير ، وشايب اعرابي !!
حبيبي للصبر بالٍ طويل وللجروح اسباب
وانا مارحت ادور للجروح .. اعذار واسبابي
حبيبي يوم شفت ان الزمان برجعتك كذاب
تركتك للتجافي .. والغرور .. بزحمة اصحابي
رحلت وقلت اسافر عنك وأجزيك الغياب : غياب
أبـبعد واستريح من السهر .. وأريح اعصابي !!
هجرت ارض الجروح ابغى عن تراب الجروح تراب
عساي انساك ..وانسى رجعتك والجرح.. وترابي
يطيب الجرح والا ياعسى جرح الهوى..ماطاب
بكيفك داو جرحك واستريح ،وجرحي اولابي
طلع صبح الفراق بشاطيء الغربه ودار اجناب
ولعنت ام الحنين وسالت الدمعه على اهدابي !
- عادل الذيابي
❤2