من دعا لميت سخر الله له من يدعو له بعد مماته ، يارب إن كنا مقصرين في الدعاء للأموات فأنت الكريم الذي لاتنسى هب لهم نعيم ورضوان وسرور

‏لاتنسون امواتنا من صالح دعائكم❤️

اللهم أنر قبور موتانا و موتى المسلمين وإجعل ملائكة الرحمه تطوف عليهم من كل جانب اللهم ارحمهم في باطن الأرض واسترهم في يوم العرض يارب أنت خلقتهم و أنت أخذتهم وأنت الرحيم فليس غيرك ارحم بهم و اغفر لهم واجعل قبرهم روضه من رياض الجنة ، يارب اجبر هذا الكسر باللقاء في الجنة .

كل عام وانتم بخير آل قصيدة 🤍

" مابكيت وماشعرت بـ بفقدك الّا
‏يوم مر العيد .. كنه يوم عادي "

صبحكم الله بالخير 🤍

“العافية حِجَاب، ومع أن المرض يُنهِك قوى الجسد إلا أنه يبعث قوى الرّوح، فيوقظ فينا بصيرةً نافذة نرى بها الأمور على حقيقتها، ولربّما تبدّت لنا من الحقائق في أيام سَقَام؛ ما لا يتبدّى لناسكٍ في أعوام..
‏وربّما صحّتِ "الأفهامُ" بالعِلَلِ”

لولا رحمة الله كان ماقمت يوم اطيح
‏ولا كان نفسي حطت الصبر مركاها

‏اكافح سرايا ضيقة الصدر بالتسبيح
‏مثل ماتكافح رمدة العين بدواها

‏تطيب الجروح الواجده والهموم تطيح
‏من القلب كان الله بـ لطفه تولاها

‏ عسى المقبله فيها من الجود هبة ريح
‏وعسى الماضيه تغفر من الله خطايانا
- راشد آل هادي

بيت المرحله :
"لا تعاتبني على الصمت مدري ويش أقول
ضايقٍ خلقي من الخلق وأوّلهم انا "

" لا تعاتبني على الضيق والحزن القديم
‏تحسب أن صدري من البعد والفرقى رحب
‏⠀
‏والله اني كنت طيب وأموري فـ السليم
‏لين قالوا عاد عيدك وعيد اللي تحب "

لو ضماد الجرح محتاج لضماد !
بفعل الأسباب واستعذب شهدها

صبحكم الله بالخير 🤍

في حياة اللي تعوّد يضحك بضحكة تضرّه
كيف اقول اني مريضه والتعب هذا بـ روحي؟

عاجزه ألبس قناعي واختلق منْه المسرّه
ذعذعت ريح الأنين وطيّحت عالي صروحي

ينهش الروح المريضه هاجسٍ ابطا مقرّه
من ثلاث شهور فيني ونةٍ بالصوت توحي

آتضيحك عندهم كنّي على اوجاعي مصرّه
والوجع ما خفّ من ضحكي ولا كثرة مزوحي

- اتركوني - استبيح الدمع واتلذذّ بـ درّه
يمكن الدمعة تطفّي لاهبٍ رافق جروحي

هي كذا ولّا كذا ما خفّفت عنّي بـ ذرّه
رااضيه بالحال وندوب الزمن وآهات نوحي

بالحياة تموت مرات و تخاف تعيش مرّه
ليتني آعيشها برضاي .. واحياها بروحي
- مها

اللهم صلِّ وسلم على نبينا محمد

‏يا فرحة القلب الحزين المعنّى
‏في غيبتك ياما عزفتك وغنيت

‏"اشوف كلن مع حبيبه تهنّى "
‏ ياليتني معهم .. بقربك تهنيت !
- نوران

كان حانت ؟
‏ساعة شروق الغياب
‏وماتت حروف العتاب
‏وصارت الذكرى سراب
‏وخطوتين القرب خانت
‏وما بقى للوصل باب

‏وكانت اسئلتك لما ؟
‏اسألي عني السما
‏دوّريني بالسحاب
‏لا تخافين الظما
‏يمكن الغيث الجواب !
- فيصل القاضي

يقول فهد الحمّاد وكأنه يصف سجيتي :
" وش خذيتي من ألوان الشعور وتركتي ؟
‏هذي انتي وضحكاتك هذا حالها

‏إن رضيتي ضحكتي وإن زعلتي ضحكتي
‏آه يالضحكة اللي ما عرفنا لها "

حتى انا ماعرفت لها والله :(

لو بقايا الليل بعيونك دلالة
‏خلها و الجفن لا يستر وجعنا

‏كم مشينا بين تسبيح و ضلالة
‏لا وصلنا للأخير .. ولا رجعنا

‏إن عشقتك علم و إلا من جهالة
‏أدري إنه في كلا الحالين .. ضعنا
- عبدالملك الخربوش

‏مرّت سنه و القلب للحين مكسور
‏مرّت سنه و الدمع بل ّ الدفاتر

‏مرّت سنه و شلون ما جفّت بحور ؟
‏مرّت سنه و شلون للحين صابر ؟

‏كنّي في ليل فراقنا طحت .. مأسور
‏مرّت سنه و للحين ما شفت باكر !

‏اشتاقلك و الشوق ما يحجبه سور
‏شوق ٍ يبكّي الروح قبل المحاجر

‏و ابعد عن الذكرى و اثاريني ادور
‏حول الطريق اللي بذكراك عاطر

‏منْت بمجرّد شخص حرّك بي شعور
‏و ما كنت نفس الناس ، ما كنت عابر

‏كنت الفرح للقلب ، كنت ابيض النور
‏معْك اجمل اللحظات و اغلى المشاعر

‏قربك ترا يملي الحشا ورد و زهور
‏و بعدك ترا يشبه طعون الخناجر

‏احبك ؟ اي والله و باقي الحكي زور
‏ياللي بدونك كان ما صرت شاعر

‏ان جيت ؟ غابو الناس ما كنهم حضور
‏و ان غبت ؟ زور القلب فـ احدى المقابر
- عمر