" ضحيت بالواقع على شان الاحلام
وضحيت بالغالي على شان غالي " آخ

https://twitter.com/alrayapoet/status/1574062482079072256?s=46&t=qhM3EUgkCQW9VsL2bqfr5A
مرام القحطاني خير من يمثل الشعر النسائي في برنامج شاعر الرايه، تستحق منّا الدعم :)❤️
رقم التصويت (26)

صبحكم الله بالخير 🤍

"تذكر دائمًا أن الخيارات لامُتناهية، وأنك لست محدودًا بفرصةٍ واحدة أو بمستقبلٍ معين. تذكر دائمًا أن في الحياةِ رحابة، وأن الآفاق واسعة، وأن الدنيا أكبر من أن تتمسك بشيءٍ ظنًا منك أنه قد لا يتكرر."

تنفّس الصبح، والقمراء غفت من جديد
‏وانزاح في شوفتك ضيقي وزال الغلق

‏النور في وجنتك.. والطهر دمّ الوريد
‏من عفّتك كنّك من البارحة منخلق
- فارس فايح

ايام مرّتني مثل حالك الليل
‏مافيه بابٍ للفرح ما طرقته

‏العمر يركض والمنايا مقابيل
‏واخاف اموت وبيرقي ما ركزته
- عويشر

‏على البال، لو ضاع بجديل الظلام النور
‏لياليك يوم اسدل سنا الصبح مجدولك

‏وانا بيني وبينك، منافي سهر معمور
‏اكابدك، علّ الي حكو بيّ قالوا لك

‏على كثر ما ادفن لك قصايد وله مذعور
‏كتبتك رضى قلب وشَفق بيتي لـ زولك

‏ من اوّل ولا كانت جروحي عليك تثور
‏'احنّك عن ادنى شيّ لو ماني بحولك'

‏حبيبي، ولو كانت عيون المساري بور
‏سهادك شقى عين وحيا فيك مقتولك !
- محمد منيف

تعوّدت الرحيل وْماعليّ خْلاف
‏انا في كل نفس الله موزّعني

‏تخاف الفقد يوجعني؟ انا ماخاف
‏انا اخاف الحنين اللي يرجّعني
- نوف العثمان

انا في زحمة ايامي - نسيت آعيش -
مضى عمري وانا اجهل نبرة احساسي

وأشوف إن الصداقة شمع من قل الوفاء ذاايب

الأرض ضاقت و نجمات السماء قلّو
‏و أيام صبري عن الصدمات ما حالو :(

مسّاكم الله بالخير 🤍

ظهرية هذا الخميس برعاية العذبة أفنان :)

أنا ما عاد تغريني الوجيه ، و وجهك البرّاق ؟
ملاذي ، لا قوى حيل الزمان و شانت أخلاقه ..

يحبّك قلب في درب المحبة ساهي و منساق
يشوف بخافقك عالمه .. و بضحكتك إشراقه

كتب حتى
نزف كل الشُعور وملّته الأوراق
و كنّه مافصح مرّة عن اللي داخل أعماقه !

لك بصدري أراضي ماتبي غيرك من العشّاق
وفتاة بركن هالدنيا لحضنك حيل توّاقه ..

تشرّبتك ولا أبغى رجُل ثاني على الإطلاق
أعيش العمر في لمسة يديه و ريحة عناقه ..
- أفنان

أنا ما عاد تغريني الوجيه، و وجهك البرّاق؟
ملاذي، لا قوى حيل الزمان و شانت أخلاقه ❤️

الله الله

وش أبي من عالم الأحلام دام أنّي بجوفك
و بـ الحياة اللي ملاها الهَم وشوّله أبالي ؟

عن سنينٍ عشتها من قبل ياعمري أشوفك
جيت أدوّر في ربوعك أرض تاسعني لحالي!

جيت أفتّش عن ملامح ضحكتي بلمة كتوفك
مادريت إن خافقي قبلك من الأفراح : خالي

عايشه روحي على حنِّيْتك و حرصك و خوفك
مانعه غيرك يهيم و يسرف بـ لحظة دلالي ..

من متى وانا أتحرّا الصبح يشرق من كفوفك ؟
من متى و أنا أتخيّل وجهك المترف قبالي !

لا تخلّيني أكف الدمع و أسامر طيوفك
وش بقى لا شفتك بفرقاي متطمّن و سالي ؟

خاااايفه لا قام حظ أيامك و زانت ظروفك
تنسى ليلة كنت واعدني بها تصبح حلالي
- أفنان

اللهم صلِّ وسلم على نبينا محمد