مسّاكم الله بالخير 🤍

ظهرية هذا الخميس برعاية العذبة أفنان :)

أنا ما عاد تغريني الوجيه ، و وجهك البرّاق ؟
ملاذي ، لا قوى حيل الزمان و شانت أخلاقه ..

يحبّك قلب في درب المحبة ساهي و منساق
يشوف بخافقك عالمه .. و بضحكتك إشراقه

كتب حتى
نزف كل الشُعور وملّته الأوراق
و كنّه مافصح مرّة عن اللي داخل أعماقه !

لك بصدري أراضي ماتبي غيرك من العشّاق
وفتاة بركن هالدنيا لحضنك حيل توّاقه ..

تشرّبتك ولا أبغى رجُل ثاني على الإطلاق
أعيش العمر في لمسة يديه و ريحة عناقه ..
- أفنان

أنا ما عاد تغريني الوجيه، و وجهك البرّاق؟
ملاذي، لا قوى حيل الزمان و شانت أخلاقه ❤️

الله الله

وش أبي من عالم الأحلام دام أنّي بجوفك
و بـ الحياة اللي ملاها الهَم وشوّله أبالي ؟

عن سنينٍ عشتها من قبل ياعمري أشوفك
جيت أدوّر في ربوعك أرض تاسعني لحالي!

جيت أفتّش عن ملامح ضحكتي بلمة كتوفك
مادريت إن خافقي قبلك من الأفراح : خالي

عايشه روحي على حنِّيْتك و حرصك و خوفك
مانعه غيرك يهيم و يسرف بـ لحظة دلالي ..

من متى وانا أتحرّا الصبح يشرق من كفوفك ؟
من متى و أنا أتخيّل وجهك المترف قبالي !

لا تخلّيني أكف الدمع و أسامر طيوفك
وش بقى لا شفتك بفرقاي متطمّن و سالي ؟

خاااايفه لا قام حظ أيامك و زانت ظروفك
تنسى ليلة كنت واعدني بها تصبح حلالي
- أفنان

اللهم صلِّ وسلم على نبينا محمد

انعم واكرم يربّي وانت خيرك كثير
‏يا ميسّر اليسر بعد العسر والفاجعه

‏عطني من ايامك البيضا محبّه وخير
‏النفس من ماضي الايام مستاجعه
- سعد علوش

وقفنا عند بابك مالنا مطلوب غير رضاك
‏معاصينا كبار وعفوك أكبر من معاصينا
- مشعل الزعبي

رغم كثرة ملذّات الحياة و كثرة الجلّاس
على بابك وقف عبدك حزين من الفرح ظامي

" يا ربّ .. أنهكني الضيق واستنزفني الانهزام
وأنت أعلم إني بذلت ولا ذخرت جهدي "

يا رب الأحلام، وأحلامي تحدّاني
‏مالت على يدّي وأزْريت أحقّقها

‏ارزقني الفرحه اللي يوم تغشاني
‏أحتاج فتره طويله لين أصدّقها
- ماجد النفيعي

آميين

صبحكم الله بالخير 🤍

" كثر ماعندي مزاجية وعندي ميول
‏يوم أكذبّ نفسي أقدر على تصديقها

‏كل يوم يمر في داخلي أربع فصول
‏والحيّاه تطيقني بس أنا ما أطيقها

‏تكبر الأحلام وأضحك وأنا أردد وأقول
‏خالق الأحلامّ يقدر على تحقيقها "

‎ياخاطري من صدوف ايامنا لا تضيق
‌‏ماعاد عندي على الصدمات طاقة حزن

‌‏قلبي من الخوف من صفة ضلوعي طليق
‌‏و أخف من ريشة الطير المهاجر وزن

‌‏ماعاد باقي على وجه البسيطه طريق
‌‏عليه الآمال تمشي سيده و تنوزن

‌‏أحلامي مع الزمن كنها بقايا حريق
‌‏وانا أطهر من السحايب وابيض من المزن
- الجاديّ

‏"أحلامي مع الزمن كنها بقايا حريق
‌‏وانا أطهر من السحايب وابيض من المزن"

أنا عاشق شعوري من ورق و ضلوع صدري ناي
‏اقول الشعر و ارزّ علمه و ارعی مرابیعه

‏اقول بـ كل مرّة ماني مغنّي على ليلاي
‏انا اكبر من مشاوير الغرام ومن مواضيعه

‏و اذا قام الحنين يسوق قلبي قمت اسوق خطاي
‏ادور من دروبك درب قد جيناه و اضيعه

يا كثر صورك ؟ اللي ما نساها بالي النسّاي
‏لو ان عمري معك مرّت سنينه مثل اسابيعه
‏
‏حبيبي كيف أمرّ بشارعك ماتدري اني جاي ؟
‏وانا اعرف الصباح اللي يجيبك من ذعاذيعه
‏
‏يا سحر آخر قصيدة في عيون الشاعر الغوّاي
‏يا وجه مستعد اعيش عمري في تقاطيعه

أمانه لا تغرّك مرحباي وضحكة محيّاي
‏ترى حزني مثل رمشك طويل وضيعتي ضيعه
‏
‏تركت وجيه خلاني وراي وجيتك من اقصاي
‏وانا بعض الوجيه اليا شريته ماقدر ابيعه
‏
‏أخشّ اسمك عن أطراف الحديث وتفضحه دعواي
‏وتهتف له عروق القلب وتجدّد له البيعة :(

لا تاخذك الليالي والليالي ماهي بشرواي
‏تداري خاطرك من كل تنهيده و تلويعه

يقولون ان حبيبك ما تهزه حشرجات الناي
‏واقول بصوت عاشق مابيدّه غير اصابيعه
‏
‏عفى الله عن حبيبي لو حبيبي ما هو بـ ويّاي
‏كثر ما اعاند الشوق بغيابه وارجع اطيعه
‏
‏عليه من السرور اللي ماهو في وجهي البكّاي
‏وعليه من السلام اللي ماهو في ليل توديعه
- عبدالله بن ناصر السبيعي

استمتعوا بهذي العذوبة، على ضمانتي قراءة وحده لا تكفيها