"أثر قلب الجريح ادناة ما يزعِله" اي بالله

ما عاد لي قلب ٍ على توديع خلاّنه جسور
‏اللي ما يردعه الحنين ! البعد ماهو رادعه

‏هاجرت وأخترت الرحيل بصمت لن أقسى شعور
‏إنّك تواعد من سكن قلبك عشان توادعه
- سعود مهدي

في غيبتك كل طاري للحزن .. يبتديك
و البوح : بالصمت .. بدّل بردته وانتحل

ما قلت لي قبل ياخذك الجفى من يديك
من حرّم الدمع في شرع الحبايب وأحل؟

لازلت أنا و إنكسارات السهر نحتريك
و الليل ملّ إنتظاراتي و صبري نحل

صبّيت بالدرب طيفك و إشتهيت أرتويك
و إشتاق لك كل جفن بالسهاد إكتحل

أذكر و أنا أقطف نواويرك وله و أحتويك
عطر الغلا حل في جوف المسا و إستحل

ما بين نفحة جديلك و إبتسامتك ذييك
رمّد ملام المحاني و الكلام إضمحل

إحساسك اللي أحسه أعذب إحساس فيك
خلاني أعيش لذات الغرام .. و رحل

أخاف من كثر ما ضيّقت صدري عليك
تردلي بس ما تلقى بـ صدري محل !
- سهو السهو

ماشاء الله على هالابداع

كل بيت استعذبه اكثر من الثاني

هذا الأسلوب السهل الممتنع آسر

" أخاف من كثر ما ضيّقت صدري عليك
تردلي بس ما تلقى بـ صدري محل ! "

لما قرأت آخر بيت طرى على بالي لما قلت:
فالصدر متمركيه - ضيقة - تجرّعني مراره
ضيقة اللي ما لقى في قلب محبوبه محل

"لازلت أنا و إنكسارات السهر نحتريك
و الليل ملّ إنتظاراتي و صبري نحل " ياخي الله

" إشتاق لك كل جفن بالسهاد إكتحل "

من عرفتك ما بقى للحزن طاري
‏طاب جرحي و ابتساماتي عريضة

‏تسهر النجمة على بال الصحاري
‏و العطور اللي على نحرك حظيظة

‏من ظلالك ودي آخذ كل ثاري
‏يا دوا كل الهواجيس المريضة

‏كانك الغلطة فأنا ضد اعتذاري
‏وعدهم نافل و ميعادك فريضة
- عبدالملك الخربوش

اللهم صلِّ وسلم على نبينا محمد

أنا وين ألّد العين ياللي تلّد العين
‏عيون النداوي دايم أصدق من بيوته
‏
‏عسى الله ينجّيني مع زمرة الناجين
‏مثل ما نجَا يونس وهو في بطن حوته
‏
‏و إذا هاموا الغاوين في وادي الغاوين
‏تمثلت لي عصما من الدر منحوتة
‏
‏إذا ما يقود الرجل مبدا و سلم و دين
‏حياته على وجه البسيطة مثل موته
- سعد آل مسرع

"‏ان صدت وجيه البشر قلت يارب
‏ياجعل .. مايجحد بالايام طيبي

‏اصاحب الطيّب من الناس و احب
‏حبيبي .. اللي مادرى انه حبيبي" :( 🤍

إنتظاري طلّتك في دجى الليل العتيم
‏إنتظار الجمر للريح من تحت الرماد

‏قبل أعرفك كان قلبي من إحساسه عديم
‏من حور عينك عرفت البياض من السواد

‏ما تجاريك الغواني ولا حولك غريم
‏من يجاري سحر الأضداد ! في خطبة زياد

‏مثل ما يرسم مفاتنك نسناس النسيم
‏يرسم ظلالك على القاع مايغوي العباد
- سعود مهدي

صبحكم الله بالخير 🤍

تنفستك صباح ٍ يلثم الظلمى بسيف النور
‏ويدفن سيرة الليل البهيم / ومُبهَم أسْئِلْتهْ

‏قم اِعزفني على صوتك ودوزنّي ولَه وغرور
‏أنا دربي طويل ومعْك مابه حلم ما طِلْتهْ

‏تسامى يَـ الشعور اللي يخلّيني بدون شعور
‏أحبّك لا سرقت إحساسي من لساني وقلْتهْ
- خالد القصيِّري

"أنا دربي طويل ومعْك مابه حلم ما طِلْتهْ"
عذوبه

ناض برق الطواري والحنين انقاد
‏وراحة البال ، قض الشوق مضجعها

‏بين لهفة لقاك ،، وجمرك الوقاد
‏كم قصيدة عتب كنسلت مطلعها

‏مدة الوقت ماكانت على المعتاد
‏ليه ؟ وارف غصون الوصل تقطعها

‏كنت متأمل آكثر مير مـ الله راد
‏ماتت الفرحه اللي كنت منبعها
- عابر

صبحكم الله بالخير 🤍