مع انسام الشتاء طاريه هبّ ومع هبوبه فيح
عطر ذكرى اللقا الاوّل قبل عامين يوم انّه

يطيّح كل زعل من قبل ما دمع العيون يطيح
قبل ما يرحل و يترك دموع العين : يبكنّه

عقب ليل الحزن وجهه لفى شايل ضيا التصبيح
وعوّد ضحكة اللي حول عامٍ : ما ضحك سنّه

ذكرت اسمه وهلّل به لساني كنّه .. التسبيح
وسهيت وما دريت الا وأحاسيسي يبارنّه

ذكرته ماني بناسي وانا اللي في هواه ابيح
شعوري لافرض ذكراه فرض الشرع والسنّة

مراويح السحاب ان جابته تنبت بصدري شيح
وتبهج قلب حاطنّه همومه لين صكّنّه

على الله يوم زلاته ماهي تحتاج للتوضيح
و اجنّبها عن لسان الملام المرّ .. والمنّة !

وانا يوم اترك دموعي على هيئة قصيد تطيح ؟
تجفّ بـ كلّ - صح الله لسانك - لا لفت مِنّه !

وانا لو زحت عن بالي طيوفه ما قويت ازيح
شعورٍ كل ما يطري .. يدفّ الونّة بـ ونّة

تحشرج في لسان البوح والبرهان والتوضيح
سؤالٍ ما قوى لساني يبدّي به ولا يكنّه

حبيبي لـ امتلى صدر الليالي ضيقة وتجريح
تجي صبحٍ ينور في فضاي الليل ويحنّه ؟

يااكرم خلق ربي لاغدى كف الوصال شحيح
لا تعطي نار هجرانك .. وعيني ترجي الجنّة

الوم الناس والذكرى وكل دمعة وكل تجريح
ولا لوم الضماير في فؤادك يوم حبّنّه !

يقلّ الحيل ويضيع الصبر في كفة الترجيح
وموال المفارق ما عزفت وقلت لك غنّه !

ولا ودّي تدور لـ الغياب ولـ الخطأ تصحيح
مقاضيب الحزن قلبي من اقصى الصدر تلّنّه !

وامانه لا تمرّ وعطرك تجيبه هبوب الريح
وتهبّه في حشى صدري وافزّ بشوق منجنّه

عليك الله صارحني قبل يقتلني التلميح ؟
لا تترك مابقى في خافقي معقود في ظنّه

ترا ماعاد لي قدرة اشيل من الالم وازيح
ونفسي ملّت وطابت عقب هيل الغلا وبنّه

( ترا مدّ المواصل للحبايب مايبي تصريح
مادام قلوبهم ما بين شفقانه .. وممتنّة ؟

وانا من لحظة وداعك معانق كفّي : التلويح
وكل ما اقول سيّره الفراق يقول .. يمكنّه ):
- نوران

قصيدة تليق بمساء الخميس

"وانا يوم اترك دموعي على هيئة قصيد تطيح؟
تجفّ بـ كلّ - صح الله لسانك - لا لفت مِنّه! " آخ

"تحشرج في لسان البوح والبرهان والتوضيح
سؤالٍ ما قوى لساني يبدّي به ولا يكنّه

حبيبي لـ امتلى صدر الليالي ضيقة وتجريح
تجي صبحٍ ينور في فضاي الليل ويحنّه؟"

ابداع والله ابداع

"هنيّ اللي سرا بك وشبكت يمناه في يسراك
على سنة رسول الله لا خوفٍ ولا منقود" 💍

‏"عساه يكون لك جنّة اذا طاح البخت أو مال
‏وعسى عينه تراعيك، من الدنيا وما فيها"🤍

صبحكم الله بالخير🤍

بكل مره اقرا قصيدة ليالي انبهر اكثر، يا عذوبتها بعد

ما عاد الأحلام تِزهر يا رفيق الجفاف
‏و الأرض! ما عاد فيها اللي يثير الندى

‏اتمر الايام فعيوني بدون اختلاف
‏و لا اقدر أتمالك شعوري لآخر مدى

‏ياليتني كل ما حنّيت له، ما أخاف
‏أو ليتني كل ما احتجته عرفت آهدا
- عبدالقادر متعب

و لا حاجة ! وانا كل الكلام اللي بغيت اقول
وقف ! يستاذن لساني يقوله .. بس ما قاله

وأنا أحبه ، رُغم أنف الغياب و حسرة المجهول
معه بالي من غيابه .. و انا ماني على باله

بـ عمرٍ مدّ ! ثلثين الحياه بـ كفه المشلول
و ربّ الحال و الليله ما هي ليله، ولا حاله !

ورسول وصاله الفظّ الغليظ وصوته المرسول
'فلا صلى عليه الله و لا سلّم على .. آله'

يسوّف في خطاوي سكة الايام عرض وطول
وياخذني من زحام الحياة لدرب يرثاله

متى يكبر .. متى حبل الوعود يقولها ويطول؟
متى يعني والى أيّة متى ما تقصر حباله؟

و ولا حاجة انا بـ اقول كل اللي بغيت اقول
ووقف يستاذن لساني يقوله بس ما قاله
- عبدالعزيز هلال

" ورسول وصاله الفظّ الغليظ وصوته المرسول
فلا صلى عليه الله و لا سلّم على .. آله "

الله الله

"وأنا أحبه، رُغم أنف الغياب و حسرة المجهول
معه بالي من غيابه .. و انا ماني على باله" :(

صبحكم الله بالخير 🤍

يا ساقين الغصن في الارض الهشيم
‏ الغصن ! تذروه الرياح السافيه

‏في الود ما نحتاج نحيا في نعيم
‏كثر ما نحتاج لمشاعر دافيه

‏هلّي دموعك بين زمزم والحطيم
‏إلى متى يانفس ! وانتي غافيه

‏يكفيك من بين النِعم ، رحمة كريم
‏لو ما عطاك إلا الستر والعافيه
- سعود مهدي

علّموا زاهي القلايد والغوايش
‏كلمةٍ ماقلتها بالخش والدّس

‏اضحكي ترضى على الصبح الدرايش
‏وينضج التفّاح والورد يتكدّس

‏جعل تفداك العيون اللّي ترايش
‏ياعيون اللّي نبرقعها على الدّس

‏مات كلّ اللي بصدري كان عايش
‏وعاد صوتك باقي ووجهك مقدّس
- عبدالله ناصر السبيعي

‏"اضحكي ترضى على الصبح الدرايش
‏وينضج التفّاح والورد يتكدّس " ااالله 🤍

‏سولفي لي يـ الغصون ولا تطرّين انكساااري !
‏لو تشوفين الهبوب بـ حنيَت شْعورك تفرعن

‏كل ما هب الحنين / و قاام يصفق في وقااري
‏انتخى بي جرح من جور الغياب وضقت ذرعاً

‏كنت اوقف لـ الظروف وكنت احارب لـ اعتباري
‏والهوى ماهو بـ لا جايز و لا مكروه شرعاً

‏و يوم صااار الحب : من بين الخيارات اختياري
‏ابتليت بـ عقل راجح و ابتليت بـ قلبٍ ارعن
- مشعل بن مرزوق

عذووبه