قصيدة
17.8K subscribers
475 photos
46 videos
187 files
33 links
مهتمه بالشعر النبطي
بعض مافي القناة قصائد مقتبسة من ذائقتي
Tw : Poem011
Download Telegram
‏"يارب لو تبلغ ذنوبي عنان السما
‏لا من تفكّرت في عفوك تصاغرتها" :(
مسّاكم الله بالخير🤍
يا رفيقي .. لا تسلّم سواعدك القيود
‏إبتسم لأحداث الأيام بـ اللي جات به

‏لا توقّف ، عند حظٍ يجود أو ما يجود
‏كلٍ من الرزق .. يسعى ، وياخذ راتبه

‏قبل تِدخلك المقادير في حالة جحود
‏والبشر: شخصٍ تسبه وشخص تعاتبه

‏ماخَطَر في بالك إنك رغم كل الجهود
‏كنت تسعى لك ورى شي م الله كاتبه
- عبدالله السراهيد
ماش شي ٍ مثل الايمان فتّاك الخطوب
‏لو عثت فيّ الليالي على العسر احمده

‏الله يفتح لي مغاليق بيبان الدروب ..
‏لين احسب اني لحالي على الارض اعبده
- ميّ اللافي
مايستحقون الحـياة إلا قويّين العزوم
‏واللي تحَقِّـقه العزيمة ما تحَقِّـقه الصُّدَف

‏من حَدَّد لنفسه هدف حتى لو انه عاش يوم
أبرك من اللي عاش عمر شعيب ماعنده هدف
- حامد زيد
صبحكم الله بالخير🤍
‏على ظني نبت نهْر و تساقط جال
‏وربّع في صباح الماء جفاف النود

‏رعتْه الشمس وان مالت رعاه خْيال
‏يبلّل باسقات اليانع المنضود

‏تحريت المغيب وسال منه ظلال
‏سديمٍ مغتسل ضيّه بـ دهن العود

‏نداءاتي غريبة في حديث البال
‏خذت صمت المفازات و وقار الطود

‏فضاءاتي عظيمة لو يطيب الفال
‏تسنبل صوتها يوم الفضاء محدود

‏رحلت وخطوتي رمضا واشيل جبال
‏رجعت احمل ربيع وخطوتي قرهود

‏حضنت الارض في حضرة جموع اطلال
‏شعلت اعيادها شمع و قصايد خود

‏يا يمّه في وطن صدري تعيش ازوال
‏عطوني من ملامحهم مدامع جود

‏يا يمّه والعمر منفى وانا رحال
‏طويت الليل و الوجهة سنا مفقود

‏يا غيّابي كبرت اودع الاطفال
‏كبرت احفظ اساميكم عن المنقود

‏كبرت اكسي غسق حلمي بياض جلال
‏كبرت ازرع سلام لـ فجري الموعود

‏تساورني شكوكي وانكر الامال
‏يصحيني يقيني واشكر المعبود

‏يا رب الناس وظنوني نهر ينهال
‏على صبحٍ يربّع به جفاف النود
- وليد بن مانع
❤1
‏يوم ماتت -ضحكتي - بين : الرفايق
‏جاب ربي - سيـرته - عون و رفيقة

‏كيف صارت سيرته لـ الحزن عايق
‏يوم حزني ما خبرت أحدٍ يعيقه ؟

‏كيف لا منّي زهمت وقلت ضايق
‏يقتل بكفه الحنون الفين ضيقة ؟

‏ما -هويت - إلاه من بدّ الخلايق
‏كنّه أعظم ما خلق ربّ الخليقة !


‏ في غيابه : باهتٍ طعم الدقايق
‏وفي وجوده : يا ملذات الدقيقة

‏لا يصدق بي - مزيفّة - الحقايق
‏غير حبّه ما لـ نبضاتي : حقيقة !

‏ويوم وصله يطيفي بصدري حرايق
‏لا يشب من الجفا صدري حريقة )؛
- نوران
Forwarded from قصيدة
أنا اللي كل مادور لصمتي خطوتين وباب
‏تحاصرني رياح الذكريات وتنفض ثيابي

‏على الغيّاب تغريبة سلام وجرح أظنه طاب
‏ماعادوا يستحقون الرجوع ولاهم أحبابي
- ماجد بن مقبل
لا اختلط لون السواد مْع البياض
تتوه بي كلّ السنين الماضيه

ضاقت على قلب المها كلّ الرياض
مااا كنّها عن حزنها متغاضيه

فيني حزن من وفرته عالوجه فاض
ومشاعري: متزاعله / متراضيه

ياربّ مالي عالمقادير اعتراض
سلّمت أمري للأمور القاضيه

ياكم خجلت ادعيك مابيدي وفاض
كيف املك الدنيا ويديني فاضيه؟

والله لو يعلو على وجهي امتعاض!
إنّي على المكتوب كلّه رااااضيه
- مها
❤1
هذا الإنتصار للتاريخ 🇸🇦🇸🇦🤍🤍
22/11/2022
وش العالم؟ إن ما كانت بلادي العالم؟
‏أبو المجد مايمشي ويرجع بلا مجده

‏من يخوّف اللي ساق رجِله وهو والم؟
‏ووش يخوّف اللي لافرح فرحته سجدة؟
- فارس فايح
"صرحكم دايم على " القمّه " يبنّا
‏والفعايل من بياض الى .. بياض

‏دقت طْبول الفرح والمجد .. غنّا
‏من سما الدوحه الى طويق الرياض"🇸🇦
👍1