مسّاكم الله بالخير🤍

تهناكم الرحمة يا آل قصيدة :)

فوق راسي ناض برق وغيم دبّر
‏قبل تشفى من همايل ماه؛ روحي
‏
‏ودي ان وقعه؛ على جروحي تصبّر
‏ عاد باقي جرح واحد من جروحي
-راكان

للسحابة حنين رعود وبروق شوق
‏فلّي اللي بنيّات المطر تشتهيه

‏أول الغيث لـ ملامس جديلك يتوق
‏مايبي يطيح من عين السماء الا عليه
- مناحي

‏يا السحاب اللي مواعيدك لقاء ويش أنت جايب؟
‏والمطر عيّا ! .. وانا ملّت مراسيلي .. تخيله !

‏فاقدٍ سمعي (هلاه) و (مرحباه) بلا سبايب !
‏وواقفٍ صوتي على آخر سالفه.. لحظة رحيله

‏يوم تتركني وأنا وجهي من الأيام .. هايب !
‏وانت ماكانت تهيّبك .. المسافات الطويله !!

‏لين مرّت ليلةٍ ..كنت انتظرها وانت ( غایب )
‏صبحها كنت احسب انه ( عاد عيدك ياجميله)

‏وعاد انا اللي كنت اشيل الذنب لين اجيك تایب
‏واتحامل لأجل حبٍ من وراء صدري سبيله

‏كيف رحت وخاطرك طايب ؟ وهو ما كان طايب !
من جبر کسره ؟ ومن عدّل مع الأيام ..ميله ؟!

‏من طوى بُعد السراب وجاك مستاق السحايب؟
‏لين مالت سدرة الوادي .. بعد جفت نخيله !!

‏من رسم في وجهك المهجور ضحكات الحبايب
‏بعد طفّى (سرمديّ الليل) قمراه وفتيله !

‏من نفض صدرك ؟ وعرّض حزنك وجيه الهبايب؟
‏يوم كنت (تجامل الضحكة ) .. في الأيام الثقيله!

‏من ذكر معك البعيد ومن نسي معك القرايب ؟
‏لين صرت اصحابه وربعه (وغاليه .. وخليله )!

‏من عطاك سنينه.. اللي راح ماضيها نهايب ؟
‏وقال : يا كثر السنين اللي معك لو هي قليله!

‏يوم أفز لشوفتك وافرح .. واحث لك الركايب
‏كنك الماء .. اللي تفز لشوفه .. البدو المحيله

‏اعشقك عشق الطفل وأقدرك تقدير شايب
‏واحتويك عن الليالي ..اللي سوالفها بخيله

‏ذاخرك وجهي لضحكات العمر قبل النوايب
‏والهقاوي ..كل ماتكبر .. تعوّد مستحيله !!

‏مادريت .. الا بعد مارحت .. مرواح الذهايب
‏ومرّك (اسمي ) لين عيّت ضحكتك لاترتكي له
- رحاب الشهري

استمتعوا بقراءه هذا الشعر

من ذكر معك البعيد ومن نسي معك القرايب ؟
‏لين صرت اصحابه وربعه وغاليه وخليله :(

"كنك الماء اللي تفز لشوفه البدو المحيله"
يوووه

أبت الأيام تمحي صورتك يا سلوة السارين
عسى الهتان يسقي كل روضٍ غاب سقايه

أنا وين ! ودروب الحب هذا ماخذتني وين؟ :(
يا كم ليلٍ سريته ما يسرّ جفون سرّايه

وش يعزيه من ضاعت عليه من الحياة سنين ؟
ليالينا قصص ،، ولكل قصة تبدي نهاية

عن وجيهٍ تداري حزننا نخفي دموع العين
نكابر في العلن وعيوننا فـ السرّ بكاية :(

تنازعني عليك النفس والنفس آفة الغاوين
يا صعب مجاهد شفوف الهوى والنفس غوايه

تمادی کبريائي وانكسرت من الوله بعدين
وش أقسى من فتور الأهتمام ! إلا استجدایه

تعلت رايتك في قلب ما يطرد ورى المقفين
وأنا من روس قومٍ ما أرتفع قدامهم راية

قصيدٍ ما يخلي قلبك القاسي علي يلين
تعزيني شهادة سامعه وإنصاف قرّايه
- سعود مهدي

شعر شعر شعر

وإن بلّلت دهم المزون الأراضين
حنا ربيع أيامنا .. كان بـدري

عامين وأنتي تنزلين وتشدّين
من بيتك، لبيت القصيده، لصدري
- مزيد الوسمي

اللهم صلِّ وسلم على نبينا محمد

"جعل دارٍ ضمّت اخطاك تسقيها المزون
‏جعلها من صادق الغيث شق ٍ من سما"
اللهم آمين

"على روح المعنّى بالهداوة يا مطر طشطش
‏ترفّق وارو كبدٍ يابسة من مبطي صيامي"

"جعل همّال السحاب اللي تلاعج برقه
‏في علاوي نجد ياخذ له شهر ما يفصل" آميين

"ما نسيتك من دعاي والدنيا جفاف
‏وشلون بنساك لاصارت الدنيا مطر؟"

مساكم الله بالخير🤍

‏جعل يفداك يا راسي، مباري الهبايب
‏الصواديف فـ معاندك تظلم بخَتها

‏غنّ ويطيب لك ما كان ماهو بـ طايب
‏من مقافي سنين العُمر لـٰ مقبلتها

‏لي ثلاثة ليالي من غياب الحبايب
‏وانا نفس العلوم ادور في دايرتها

‏أول الليل شابّ وتالي الليل شايب
‏كل ساعه عليّ تطول عن سابقتها

‏فاقد لي ذهيبٍ، غير كل الذهايب
‏اعقلتها المحبّه والظروف أطلقتها

‏وساقت الريح بخطاها صِدوق السحايب
‏وأودعتها الحيا وارتاحت و ودّعتها

‏إفقدوها ليا ظميَت عروق الرحايب
‏واذكروها ليا سالت بطون أوديَتها

‏أما انا ماني بـ باذل لها الا السبايب
‏لين ترجع بها الدنيا مثل ما خذتها

‏لو تقسّيني الدنيا على كل غايب
‏ماني مبدّلٍ مشاعري ناحيَتها

‏باقي لغيرها فأطرف ضلوعي نصايب
‏ودعوةٍ مجريات البين ما غيّرتها

‏كل ما إجترّت أيامي علي العقايب
‏يالله بحظ عقدٍ لبّسته رقبتها

‏بين سود القرون وبين بيض الترايب
‏ماني بـ ناشدٍ الايام عن خاتمتها

‏وان تحلوَت عيوني ناقضات الذوايب
‏رجّعتني نسايم عطرها مع جهتها

‏رجعة المؤمن اللي من معاصيه تايب
‏ما له الا يكفّر سيّته بـ حْسنتها

‏قانعٍ ما لقى عنها على الارض نايب
‏والله اعلم بعد ما هو بـ لاقي تحتها
- محمد المطيرات