يا إلهي .. لا تدع قلبي رهين ذنوبي
ولا تذرني فرد بين العالم المنجنه
ولا تكلني نفسي .. اللي ماتدل دروبي
كل ما ارشدها لدرب الرشد ، صدّت عنه !
إلطف بحالي لا حط ابليس دوبه دوبي
ياما صدقته و انا اكثر من تعوذ منه
لو اقصر بـ الفروض و لو اطوّل ثوبي ؟
ان نسيت النار ؟ عمري مانسيت الجنه !
- بدر بن ذنبوح
ولا تذرني فرد بين العالم المنجنه
ولا تكلني نفسي .. اللي ماتدل دروبي
كل ما ارشدها لدرب الرشد ، صدّت عنه !
إلطف بحالي لا حط ابليس دوبه دوبي
ياما صدقته و انا اكثر من تعوذ منه
لو اقصر بـ الفروض و لو اطوّل ثوبي ؟
ان نسيت النار ؟ عمري مانسيت الجنه !
- بدر بن ذنبوح
معك يا حلو الشعور ومعك يا حلو السوالف
لا ضحكت بسِبّه ولامن ضحكت بدون سِبّه
أنت يوم الأرض مليانه سواليف ومواقف
دلّك الله الكلام اللي أفكّر به وأحبّه
- ماجد النفيعي
لا ضحكت بسِبّه ولامن ضحكت بدون سِبّه
أنت يوم الأرض مليانه سواليف ومواقف
دلّك الله الكلام اللي أفكّر به وأحبّه
- ماجد النفيعي
👍2
"وتمرك العابرين وماتسلم عليك
الا غريبٍ طوته الارض بسنينها
قال انت جالس لحالك تنتظر من يجيك؟
قلت انتظر نفسي اللي مـ اعرف وينها"
الا غريبٍ طوته الارض بسنينها
قال انت جالس لحالك تنتظر من يجيك؟
قلت انتظر نفسي اللي مـ اعرف وينها"
يهرب الإنسان من واقع مصابه
لو ثلاث ارباع وجدانه جريح
من كثر ما انا تهرّب من غيابه
طحت؛ لكن دمعتي عيّت تطيح
-مها
لو ثلاث ارباع وجدانه جريح
من كثر ما انا تهرّب من غيابه
طحت؛ لكن دمعتي عيّت تطيح
-مها
كان الألم ممكن ونوحي تناهيد
لين الحقيقة سلّت فـ ليلة البارح
آه العرب مشجي وآهي؟ مناقيد
وذنبي قصيده شلّها قلبي السارح
ظلّ الزمن يرسم بوجهي تجاعيد
والجارح المسكين مايعْرف الجارح
ليت الألم يرحم قلوب الأجاويد
وليت الجروح المؤلمه عافيتها: رح
-مها
لين الحقيقة سلّت فـ ليلة البارح
آه العرب مشجي وآهي؟ مناقيد
وذنبي قصيده شلّها قلبي السارح
ظلّ الزمن يرسم بوجهي تجاعيد
والجارح المسكين مايعْرف الجارح
ليت الألم يرحم قلوب الأجاويد
وليت الجروح المؤلمه عافيتها: رح
-مها
❤2
فالحدود الممكنة كان انتشاري
في مداد النور كنت أنبل ضحيه
ماعشقت من النجوم إلا السواري
وماكرهت من النفوس إلا الرديه
- ياسر التويجري
في مداد النور كنت أنبل ضحيه
ماعشقت من النجوم إلا السواري
وماكرهت من النفوس إلا الرديه
- ياسر التويجري
ويش ابحكي يا عذابات البحر خلف المواني؟
دام موجك ما يفزز هذي الروح البليده
قبل افتّش عن سنينه وامهل اللهفه ثواني
ما دريت إن الهوى دايم مشاويره بعيده
ليه توقد من هجيرك جمرةٍ بين المحاني؟
كنّ هذا العمر ناقص خوف وجروحٍ جديده
ودّي اسرق من جيوب الوقت ضحكات وأماني
ودّي انسف أول الأوجاع في مطلع قصيده
لو ابنسى ليلةٍ مرّت على عجْل الثواني
ذكّرتني كل فكرة مرّت فبالي شريده
والصبر ثوبٍ لبسته ضاق من شدّة هواني
كيف خلّا نبرة الأحزان في صوتي فريده؟
ما عتقت الليل دامه من طيوفك قد ملاني
ولا كرهت النور غير اللي كِشف بإني وحيده
خلّني اغفى بكف الحلم لا ينطق لساني
ثم يضيع من الكلام الصوت وارجع له اعيده
ولمّني بين الضلوع العوج عن قسوة زماني
لين تقهر من حنانك سطوة الياس العنيده
- حنيّة
دام موجك ما يفزز هذي الروح البليده
قبل افتّش عن سنينه وامهل اللهفه ثواني
ما دريت إن الهوى دايم مشاويره بعيده
ليه توقد من هجيرك جمرةٍ بين المحاني؟
كنّ هذا العمر ناقص خوف وجروحٍ جديده
ودّي اسرق من جيوب الوقت ضحكات وأماني
ودّي انسف أول الأوجاع في مطلع قصيده
لو ابنسى ليلةٍ مرّت على عجْل الثواني
ذكّرتني كل فكرة مرّت فبالي شريده
والصبر ثوبٍ لبسته ضاق من شدّة هواني
كيف خلّا نبرة الأحزان في صوتي فريده؟
ما عتقت الليل دامه من طيوفك قد ملاني
ولا كرهت النور غير اللي كِشف بإني وحيده
خلّني اغفى بكف الحلم لا ينطق لساني
ثم يضيع من الكلام الصوت وارجع له اعيده
ولمّني بين الضلوع العوج عن قسوة زماني
لين تقهر من حنانك سطوة الياس العنيده
- حنيّة
❤1
صدح صوت الاذان وكبر المسلم وصاح الديك
وشع الصبح من بين السحاب وخاطري زعلان
وعمري انهدم حلمه ..ونفسي هدّها التشكيك
عليك من الدموع اللي نبْت منها غصن ولهان
حبيبي .. كيف ماقادك فضول لـ دمعةٍ تبكيك؟
شعورك كيف ماهزّه "غرام" و صرخة القيفان
قصيدي مانهمر الا لـ عينك … مطلبه يرضيك
عرف وش قيمة القطرة مادامه بالوصل ضميان
على وجه البسيطه ما نبض قلبٍ معي يغليك
وعلى وجه الشعر ضاقت قوافيّه مع الاوزان !
ثلاث سنيين وشعوري من ثياب الغلا يكسيك
وروحي قد غشاها البرد وقلبي منكسر حيران
ثلاث سنين .. وايديني من انهار الغلا تسقيك
وانا لي خاطر بـ حربك - شقيّ ومنهزم ذبلان
رفعت الراية البيضاء وانا صعبٍ عليّ انهيك
رضيت أحبك لحالي الين يمرّني .. النسياان
- أميرة
وشع الصبح من بين السحاب وخاطري زعلان
وعمري انهدم حلمه ..ونفسي هدّها التشكيك
عليك من الدموع اللي نبْت منها غصن ولهان
حبيبي .. كيف ماقادك فضول لـ دمعةٍ تبكيك؟
شعورك كيف ماهزّه "غرام" و صرخة القيفان
قصيدي مانهمر الا لـ عينك … مطلبه يرضيك
عرف وش قيمة القطرة مادامه بالوصل ضميان
على وجه البسيطه ما نبض قلبٍ معي يغليك
وعلى وجه الشعر ضاقت قوافيّه مع الاوزان !
ثلاث سنيين وشعوري من ثياب الغلا يكسيك
وروحي قد غشاها البرد وقلبي منكسر حيران
ثلاث سنين .. وايديني من انهار الغلا تسقيك
وانا لي خاطر بـ حربك - شقيّ ومنهزم ذبلان
رفعت الراية البيضاء وانا صعبٍ عليّ انهيك
رضيت أحبك لحالي الين يمرّني .. النسياان
- أميرة
❤1
بعد راح نصف الليل وانفضوا الجلاس
وجت ذكريات العمر واحلاه وامره
يابرد الشتاء والنار تاكل ضحايا الفاس
وياحر الشعور وطاري الشوق ياحره
ارتب معاميلي عليها وانا منحاس
حسيبي على قوس الربابه ومن جره
انا وين اروح ورب عيسى ورب الياس
جعل حسنك اية وجعلك لنظري قرة
عسى البارق اللي ماطره يبهج العساس
يحول على ديرتك ويعاود الكره
يسمي عليك الغيث ويهبك النسناس
ويزداد عودك لين ويزيدني حره
مفاتنك تهزمني وانا وانت راس براس
وافزع لقلبي صبر والصبر ماسره
محد قدك الا قدك المترف المياس
وشقارٍ يدينك تجمعه وارجع اثره
من اقواس جسمك ودي اني مابين اقواس
الاقواس ماهي قيد يانفسي الحره
على عنقك الفضه تحقر الذهب والماس
ويغلى ثمنها ويتضاعف مية مره
دخيل الوساع اللي تناعس بدون نعاس
ترفق علي ان كان ماهي بمضطره
بشفتك خمرٍ مايوصفه ابو نواس
ولاانكره مالك في الموطأ ولا اقره
اشوف الليالي ماتشابه وجيه الناس
واشوف لشهر شوال في غرتك غره
انا اللي دخلت القصر في غفلة الحراس
وتركت بعلوه قلب وبساحته جره
وش اهديك غير الشعر وانتي عريبة ساس
ولك جد يرجى خيره ويتقى شره
انا الهايم اللي كل ماوشك على الافلاس
اجيك ويديني خاليه وارجع بدرة
ماجيب القصيد الجامد اللي بدون احساس
اجيب القصيد اللي يخليك منغرة
يقوله من يغالب عليك الجفا والياس
مايقدر يقوله قلبٍ الشوق مامره
- بندر الدويش
وجت ذكريات العمر واحلاه وامره
يابرد الشتاء والنار تاكل ضحايا الفاس
وياحر الشعور وطاري الشوق ياحره
ارتب معاميلي عليها وانا منحاس
حسيبي على قوس الربابه ومن جره
انا وين اروح ورب عيسى ورب الياس
جعل حسنك اية وجعلك لنظري قرة
عسى البارق اللي ماطره يبهج العساس
يحول على ديرتك ويعاود الكره
يسمي عليك الغيث ويهبك النسناس
ويزداد عودك لين ويزيدني حره
مفاتنك تهزمني وانا وانت راس براس
وافزع لقلبي صبر والصبر ماسره
محد قدك الا قدك المترف المياس
وشقارٍ يدينك تجمعه وارجع اثره
من اقواس جسمك ودي اني مابين اقواس
الاقواس ماهي قيد يانفسي الحره
على عنقك الفضه تحقر الذهب والماس
ويغلى ثمنها ويتضاعف مية مره
دخيل الوساع اللي تناعس بدون نعاس
ترفق علي ان كان ماهي بمضطره
بشفتك خمرٍ مايوصفه ابو نواس
ولاانكره مالك في الموطأ ولا اقره
اشوف الليالي ماتشابه وجيه الناس
واشوف لشهر شوال في غرتك غره
انا اللي دخلت القصر في غفلة الحراس
وتركت بعلوه قلب وبساحته جره
وش اهديك غير الشعر وانتي عريبة ساس
ولك جد يرجى خيره ويتقى شره
انا الهايم اللي كل ماوشك على الافلاس
اجيك ويديني خاليه وارجع بدرة
ماجيب القصيد الجامد اللي بدون احساس
اجيب القصيد اللي يخليك منغرة
يقوله من يغالب عليك الجفا والياس
مايقدر يقوله قلبٍ الشوق مامره
- بندر الدويش
❤1👍1