لا ضدك الوقت واعوانه وقل النصيب
‏لا تشكي لـ واحد لا من شكيت اشتكى

‏دور على خوة الي مثل سامي هديب
‏لا ثقلت حمول ربعه شالها وارتكى

‏مايصنع المجد من عاش العمر مستريب
‏ولا ينهض الي على الجرف الهيال اتكى
- عابر

بيني وبينك تعد الفرق عشرين عام
‏ماتدري ان الاوادم تفرق افكارها

‏تجارب الوقت . . مامرّت مرور الكرام
‏خلّت عقول الرجال اكبر من اعمارها
- عايض العاطفي

ريح الصبا وأن حملت رْضاي وأتعابي
‏لا تضوي ألّا ضرورة جيّتك قصوى !

‏مسايفٍ عن تصدّع غرفتي؛ بابي !
‏خايف يكون لْـ شقوق جْدارها عدوى

‏الله يجمّل بقاي .. ويغفر غيابي !
‏أن صار لي فالقلوب الطيّبة مثوى

‏تعمُّد الوقت يطوي سيرة أحبابي؛
‏أكّد لي أنّ فيه يوم لْـ سيرتي تِطوى
- صالح بن حمد

عذوبه منقطعه النظير

-مشهد شاعري آسر- استملح اي طفل يرتشف القهوة بتلذذّ احسه عربي قحّ 😂

اللهم صلِّ وسلم على نبينا محمد

اللهم ارحم ⁧ عبدالله بانعمه⁩ واجعل ما أصابه من مرض تكفيرًا لذنوبه ورفعة بدرجاته اللهم اجعله من أهل الفردوس الأعلى

" يارب تعرفني .. وتعرف نواياي
‏وتعرف جميع ظروفي المُستبدّه

‏أحيان أصيب الراي وأضيّع الراي
‏أحيانًا أفتح باب، وأحيان أسدّه

‏أحاول أمشي باتجاهك يا مولاي
‏وتسرقني الأيام في خضم شِدّه

‏عاملني بلطفك وعطفك، ورجواي
‏ليا انحرف قلبي عن الحق، رِدّه "

"نعوذ بك من كل وسواس خنّاس
‏ياواحد ٍ للعبد ملجا ومولى

‏عشنا وشفنا امور ، ماتدخل الراس
‏وحياتنا هذي مهي مثل الاولى

‏كلن يقول الناس والناس والناس
‏عاد الله اعلم منهم الناس ذولا"

"یا صدر الأحلام لو لك خاطر تضمّني
خذني، قبل لا يطول الليل واشكي عليه

يمدحني الصبر وان عانيته يذمّني
و تشتّت اوجاعي الدنيا بـ كثر الوجيه

من قال بان السهر عادي وما همّني؟
وانا لو انه مكان يضفّني؟ عشت فيه

لا قال هاتك اقول ابشر بي وسمّني
ما فيه ضيقه تهبّ الا وانا في يديه

يخصّ كل القلوب البيض ويعمّني
ويخاف من طاري اللي كنت احبه وابيه" :(

بحثت عن اسم شاعرها ولا لقيته، مشكله أن هالجمال مجهول راعيه

بدى الليل ياخذني عن العالم السالين
‏لين اني تحلويت السهر والكرى عفته

‏ ماغير اتعزز بـ الصبر بين حين وحين
‏على الغالي اللي مر له عام ما شفته

‏وانا العاشق اللي يعرف حدود نفسه زين
‏وتقاليد و سلوم القبايل موقّفته

‏يسوقه هوى نفسه على تبعة المقفين
‏ و وقف مبتلش ما بين عقله و عاطفته
- جراح العتيبي

مرحبا من سبب ولّا بليَّا سبايب
‏ياسبب كل جرح ويادوا كل علّه
‏
‏ياحبيبي بدون أدنى شكوك وطلايب
‏والله وبالله اللي كوَّن الكون كلّه
‏
‏إنّك الحاضر اللي كَنّ ماهوب غايب
‏وإنّك الغايب اللي ماتغيَّر محلّه
- علي الدعيه

): 🤍

ياحبيبي لا توريني طرف دمعك واحبّه
‏انت لك عينٍ ترد الآدمي لأول حياته

‏اعتبر قلبي حطب غابه وشب اللي تشبّه
‏لين تستانس دفاه ولين تستغرب ثباته
- ناصر مناحي

"لا تعود ان كان لك نيّة مغيب
‏لا تثير الجرح .. والجرح إندمل

‏تغري التوّاب .. بالكاس العطيب
‏وتدري انه لا رشف رشفه .. ثمل!

‏تبذر اللهفه .. وانا طيني خصيب
‏تحرث البستان .. من بذرة أمل

‏كل ذرّة حِس باحساس الصويب
‏حاربت عقلٍ على الفرقى صمل"