صبحكم الله بالخير🤍

يا ريح.. وش قلتي على قلبي الهش
حتى مسح في ثوبك الدمْع مني

لي عام لا سيّل شعيبي ولا نَش
متماهيٍ بين الهنا و التهني

هي روّحت حلو الليالي على وش؟
زيدي عليّ مْن اللواهيب، غني

ودي أصيح بكل ما أشعره: اششش
أنا تعبت أجاهد الشعر عني

وتعبت اخيله كل ما بارقه بش
في عاذقٍ كبّ النخيل وسكنني

والشعر هذا الشعر حبلٍ من القش
موتي وميلادي وخوفي وظني

ابكتبه: دمعٍ عصيٍّ على المش
وابطلقه من كل قيدٍ سجنني

يا ريح كفّي.. ما مضى منك طش
غيمٍ علق بين الجفا والتثني

اليوم راجع تارك العش للعش
في مشهدٍ ما يشبه إلا التمني
- محمد الطريسي

نبدأ الصباح على شرف هذه الرائعة

"ودي أصيح بكل ما أشعره: اششش
أنا تعبت أجاهد الشعر عني"

"والشعر هذا الشعر حبلٍ من القش
موتي وميلادي وخوفي وظني"
- التعريف الأفضل للشعر

و إن كتبنا عن ضياع العمر ؟ عادي
‏حزننا طفلٍ من اللوعة تمنّى

‏داخلي شاعر من البارح ينادي
‏و أعجبه صوت الصدى بجوفي و غنّى

‏كنت أشوف الغيم تلويح و أيادي
‏و المطر يصبغ كفوف الأرض حِنّا

‏الوجع غُربة .. و أنا عاشق بلادي
‏ياااهلا بالموت دامه في وطنّا :(
- عبدالملك الخربوش

بغيّر البحر .. وابكتب على الصحرا
‏يا مصدق الشعر والكلمات عطشانه

يمكن يمرّ القلم صدفه على مجرى
جديد، ماني بعرف اسمه وعنوانه

الشاعر ان صار لا يجرح ولا يبرا
لا صحت ايده ولا صح الله لسانه

البارحه كل ساعاتي بها مسرى
وكل عقربٍ يذبحه واحد من اخوانه

ماله من الخوف مزبانٍ ولا مذرى
من صاروا احبابه اللي أمس عدوانه

ياليتني .. ماني الأذكى و لا الأدرى
يمديني أرخي هدب عيني و ميزانه

كم قدد الوقت ثوبي وتلفت ذكرى
كم طيّر الريح من عصفه وريحانه

ما علمتني المدارس.. قبل ما أقرا
الآدمي إن زاد عرفه؟ زادت احزانه
- سعد هندي

"ما علمتني المدارس.. قبل ما أقرا
الآدمي إن زاد عرفه؟ زاااادت احزانه" :(

لله نشكو إذا ما الشوق أوجعنا
‏أرواحنا رحلت في إثر من رحلوا :(

:(

مساكم الله بالخير🤍

‏الريح ثوبك والضيا مسجونك
‏والليل بين يلاعبه ويكنّه

‏نجديّتي عذر الدروب ؛ شلونك ؟
‏ملامحك هيل القصيد وبنّه

‏وانا غريبٍ ساق عمره دونك
‏يحسب ورى الموت بـ حَوَرْك الجنّه

‏لو اكثر اللي فات عاش بْدونك
‏ضحكتك فجرٍ سال عمره منّه

‏معك اهتدى واهدايته مكنونك
‏؛ لا هبّ قلبك بالسؤال يحنّه

‏وقصايده لو ما تهزّ شجونك
‏ماهو بشاعر لو يقوله ظنه

‏يا غربته .. لو ما رعَتْه عيونك
‏منسي .. لو انك ما نشدتي عنه
- صالح الهويملي

‏"انا ذاك اللي وقف بينك .. وبينه
‏الرحيل من الفرح بعد الاقامه

‏ذاك لك في صمته ورعشة يدينه
‏كلمةٍ .. ما رادها الله في كلامه

‏كنت اعز من الظروف الي تهينه
‏وصوته بسمعك اعز الله مقامه

‏من عرفتك والنهار ارخى جبينه
‏والسهر ما عاد يوجعني ظلامه

‏وقلبي يضم التعب في راحتينه
‏ناحلٍ ما راودت فيه ..ابتسامه

‏والسنين اوراق تتقلب ف عينه
‏والوجيه اخفت ملامحها الملامه

‏كنت ليله فالعمر ماهي حزينه
‏مر فيها العمر كله .. بالندامه

‏لا ترد اللي تهاوت من سنينه
‏بس لا من سلم اهتم .. بسلامه"

"كنت ليله فالعمر ماهي حزينه
‏مر فيها العمر كله .. بالندااامه" :(

على كثر الكلام اللي سمعته منْك دمعي حار
وطاحت دمعةٍ ما غيّرت من كبر منزلتي

هذاك الجرح لو عدّى عليه الوقت يبقى بار
تحفّاه الضلوع ويتّقي عيني ومكحلتي

ولا كان بخوافي الروح تصبح جنّتك لي نار
بعد ما قلت في ضعفي معك:ماهيب مشكلتي

دفى ملمس يدينك ما يعرّي رغبة المنهار
لو آشوف الندم يفضح جوابه بعض اسئلتي

تجي عادي ولكنّ الجروح اللي بعدْك كبار !
وتطلبني على سُنَّة جروحي : "هاه وش قلتي ؟! "

سنة عدَّت.. وتسألني بعدها وشهي الأخبار!
أبد للحين من عام وهذاك الجرح "مشكلتي"
- مرام القحطاني

تجي عادي ولكنّ الجروح اللي بعدْك كبار !
وتطلبني على سُنَّة جروحي : "هاه وش قلتي ؟! "

يوه يوه يوووه :(

والله اني في غياهب غربتي احتااج صوتك
مايطمن قلبي الخايف سوى وصل المبرّه

الشبه في حاجتي له ؛ حاجتك لفتات قوتك
-اتصل- أحتاج أبكي وآتشكّى وآتشرّه

اتصالك جنّة المشتاق ؛ لا يبطي سكوتك
نبرتك فيها حنان يزيل عن روحي المضره

يا يبه و العَبره اللي في كلامي ما تفوتك
كنّ صوتك : غيمةٍ تهطل على قلبي مسرّه

بنتك بحاجه دعاك يعمّها بسجدة قنوتك
ودي لو أرجع صغيره ؛ من قيود الهمّ حُرّه

آتدلّل في كنفْك وآتبختر في ثبوتك
ما أهاب وما يكدّر خاطري مثقال ذرّه

و لابغيت اهرب من الدنيا تخبيني فـ كوتك
و آتذرّى بين يدّينك من العالم وشرّه

ليتها الأيام ترجع ولّا لا تقفي بصوتك
والله انه غيمةٍ تهطل على قلبي مسره
- مها

"صوتك في زحمة الدنيا أمان" :( 🤍