عيدكم مبارك وكل عام وانتم بخير آل قصيدة♥️

‏يافرحة العيد خلّيني على بالك
‏الطفل في صدري المقفول ما عيّد

‏ألقيني بـ بضحكة عيونك وبلقالك
‏ضحكة قديمة بعزّ الحزن تتسيّد
- نواف التركي

لو تبسَّم في الوجيه أصحاب وأعَدا
‏ما تناست ضحكة العمر مْعروفك !

‏لا ندى فوق الغصون، وعودك أندى
‏ولا رحيل، ولا وقوف ـــ؛ ألَّا وقوفك

‏مزعجة هذي الوجيه ووجهك أهدَا
‏طِلّ ــ، وأعتقني من مْكابد ظروفك

‏عن معايد غيرك ــ؛ أنت أحقّ وأبَدا
‏صاحبي، وأبدَا من مْعايدك؛ شوَفك
- صالح بن حمد

‏"يا صباح العيد وش طعمك بليّا حبايب؟
‏ عينٍ ما عايدت وجهٍ تحبه؟ وحيدة"

علامك يا نهار العيد في عيني سماك غبار
‏وشمس العيد لو تكسف نهار العيد: معذوره
‏-ابن جدلان رحمه الله

"حماك الله يازينٍ كل يوم يزيد
‏ياوجهٍ بين كل الغيد متسيد

‏نعيد منك ولا لك ؟ نهار العيد
‏انا من يوم حبيتك وانا معيّد"

"على عيدك مبارك تاقف آمال إنتظاري سيد
‏هي اللي كانها ما جات منّك ماااا لها شاغر"

"طلّةٍ ماهيب منك تساورها الظنون !
‏اكثر اللي ناسب العيد وجهك باختصار"

"يا عيدي اللي معه كل الليالي عياد
‏ورصيدي أكبر في عيني من رصيد البنوك

‏وريث شيخان نجد متعبين الجياد
‏لا أطريتهم جاوب التاريخ لا فضّ فوك

‏أوكد من الظن والتخمين والاعتقاد
‏واثبت من اللي عليه من الحكومة صکوك"

مرحبا آل قصيدة♥️

وحشتوني جدًا

بعد زعل طويل مع الشعر، اقدر اقول تصالحنا اخيرًا، القناة بتدّهر بكل ما استعذبه شعرًا وشعورًا♥️

يهبّ النسيم وكل موعد على حلّه
‏وانا وقفتي تفضح نواياي واسبابي

‏يا بنت الغمام اللي من النور مبتلّه
‏اشوفك تحثيّن المقابيل لغيابي

‏علام اليقين يمر ما ظلني ظلّه ؟
‏وانا والله ان ملهاب خوفي تمادى بي

‏فلا كلمة ٍ بيدينها تبري العله
‏ولا نظرة ٍ ترفى حناياي واعصابي
- صالح الهويملي

مرحبا ياوسم ربي ، على كبد الثرا
‏يابعد من لاح برقه ولا عمّ الفياض

‏ياعساني ما أعدم الطاري اللي لا طرا
‏جيتني وأيديك ماهي بخالية الوفاض

‏دام باقي لك من الليل .. ليلٍ ينسرا
‏وش عليك إن عنّت اقدامي السبع الاراض ؟

‏جايزٍ لي في مواصلك رداة البرا
‏لو توقعني صدوف الدهر على بياض
- عبدالعزيز العبلان

نهب قلبي هواك وصار قلبي في هواك أْسير
‏ عيوني زاهدة في كل شي وفيك طماعة
‏
‏ تمنّي ما تبين ولك علي اللي تبين يصير
‏ لي أدوّر رضاك و مالك إلاّ السمع والطاعة

‏دلالك غير عن كل الغواني لأْنك أنت ِ غير
‏ فدى بسمتكْ روح ٍ جاتك مْن الشوق منصاعه
- سعود مهدي

تقولين: غبت وطال صدّك وقافك شاب
‏وانا اقول: ما مان الشعر كثر ما منتي

‏انا الصادق اللي لو لغيرك حسبت حساب
‏يكذّب عيوني دمعٍ يبين لا بنتي

‏دخلت البلاد اللي ثراها غلا واعجاب
‏ولقيتك عليها حاكمه مثل ماكنتي

‏لو ان الحياه اكبر مساحه ورا ذا الباب
‏قفلته ولا فيه الا انا والهواء وانتي
- مزيد الوسمي

عذوبه

اللهم صلِّ وسلم على نبينا محمد