‏"⁦ دعيتك⁩ ⁦ واليقين⁩ ⁦ اكبر⁩ من انّي ألحقه بالياس
‏واحسّ من اليقين ان دعوتي بتجاب قدامي"

كل عام وانتم بخير آل قصيدة ❤️

لامحرقٍ جوفي ولا الدمع نازل
‏لو دمعة العاشق مافيها مناقيد

‏عن كل حاجة من طرفك متنازل
‏حتى السلام اللي من العيد للعيد
- بندر الدويش

وشلون ما هو بـ يطغيك الكبر والغرور
‏وانتي لك من الوصوف الندْر ما تشتهين

‏من كثر ما فيك من نور السماوات نور
‏أحيان ما أصدّق إنك طين من ظهر طين

‏أحيان أقول إنك آيه للظَّلوم الكَفور
‏وأحيان فتنه على المسلم وسحرٌ مبين

‏واحيان اقول ان ما انتي بنت تسعة شهور
‏الزين هذا شويّه فيه تسعة سنين
- محمد المطيرات

وش اشكي لك من اتعاب السنين وقسوة الايام
و انا الايام يـ آحنَّ الاوادم.. حَجَّرت طيني

لو انّ الله خلقني مثل خلقه من لحم وعْظام..
لَكِن والله ما كان القِسى من ضمن تكويني ):
- نوف العثمان

وقف وقفة اللي باقي يوم من دنياه
‏ولمح غالي أحلام الحياة متعديته

‏رقا بإنكساره، وإلتفاته، ودمعه، وآه
‏وحوّل بضيقه، وإستماته، وتنهيته

‏نصيبه متاهاتٍ من البؤس والمأساه
‏هذيك متنطحته.. وذيك متقفيته!
- مطلق بن شويه

على كثر ما شريط الذاكرة يطوى
‏ما فيه وجهٍ ثبت في الذاكرة كثرك
- سعد الحريّص

على الموعد أمانينا تهاوى بين ليت و علّ
قبل ما يبتعد درب الكلام و تثقل حمولي

زرعت الليل عن شمس العيون وكنت أحسبه ظلّ
ولا فادت مظاليل الليال .. و مات محصولي

أحبك و الصبر ما له أخير . . و ما هقيته ملّ
ما دام إنك على ظن الليالي و أربع فصولي

خذ أطهر ما بقى من هالوعود وما عداها خلّ
عشان إن جفت أغصان المودة يرجع هطولي

ترى خير الكلام اللي أقوله فيك .. قل و دلّ
و أنا لو مال ميزان السكوت بترجح فعولي

أنا بوجه العظيم اللي أحبك فيه .. عز و جلّ
إذا غابت مصابيح الطريق و عجزت حلولي

سرجت خيول من عذب الكلام و كل حرفٍ هلّ
جمح من فرط كتمان الشعور و نفّر خيولي

أنا لولا القصيد اللي يسندني قبل لا ازلّ
تعثّر باقي العمر القصير و طحت من طولي
- عبدالملك الخربوش

"أنا بوجه العظيم اللي أحبك فيه .. عز و جلّ
إذا غابت مصابيح الطريق و عجزت حلولي"

جادلٍ فيها مـلامح من : بـلادي
‏كيف اخلَّيها ؟ وانا منوة سهرها

‏كلَّ ما ضاقت تلجت في فؤادي
‏واحتمي من دونها كنَّي قدرها

‏من كثر ما تعترضني في سهادي
‏صرت احسَّ الشمس تشرق من نحرها !
- عبدالله بن محمد

تهيّيت لك منزل، وملجأ، وعد، ودار
‏وسريت اترقب ضحكة الماء على هوني

‏وش الليله اللي دونها تضحك الأقدار؟
‏إذا ما تجلت من فرح ضحكة عيوني

‏أنا وش علي إن ضاع صوت النديم البار؟
‏ومشاريهك إن ضلت عزومي، تعدوني

‏يا علّ الدروب اللي تضمك حيا، وأزهار
‏لو إنك تعيش "أيامك البيض" من دوني
- محمد السلطان

مهما تحسّسك المشاعر والظنون
‏ما فيه أدقّ مْن العقول ، إذا وعَت

‏دام الغلا مثله مثل .. دمع العيون
‏من يقدر .. يرد العيون إذا دْمعَت

‏اللي بقى نبرة و صورة فـ الجفون
‏لا العين شافتها ولا الاذن سْمعَت

‏ليتك مثل ناسٍ .. يروحون ويجون
‏يا جادلٍ .. راحت ولا عاد ، رْجعَت
- عبدالله السراهيد

‏"يا أول العام: طاحت من غُصون الشعر
‏أوراقي الذابلة.. و تْبعثرت للرّياح

‏وجيتك فـِ ذاكرتي وْجيه وقصايد تمر
‏برمي أثَرْها ورا النسيان.. هذا الصباح

‏و اهرب عن الخارج لـْ آخر حدود الصدر
‏وانزع من الداخل الحزْن العتيم الرّماح"

على قطار الصبا مرّت عجاف السنين
‏يذكرك بالخير يازهرة سنين الصبا

‏عيني تبي شي ياعيني وش اللي تبين
‏وقلبي يبي شي ياقلبي وش اللي تبا ؟

‏نشدت هدهد سبا عن عودة الراحلين
‏قال انتظر لين ياتيك الخبر من سبا

‏الأرض في عين غير المهتوي ماتزين
‏لو إنها ( جنةٍ خضرا ) تصير شهبا
‏- مدغم ابو شيبه

الأبيات التالية مجاراة لهذا البيت رائع :

" طفلتي طاح الكلام وعيّت تشيله عظامه
‏كل ما عكّزته اقلامي يهب الصمت منا "

القصيد اللي نذرته لك تناثر مع حطامه
ليت صمتك ماهدم بيت القصيد اللي حضنّا

مدّي كْفوفك وصيري للوصال اطهر حمامه
لا تشحّين الرسايل والورق بيدك تثنّى

اسعفي شاعرْك قبل يطيح في فوضى كلامه
شاعرٍ من حرّ ما به .. دندن حروفك وغنّى
⁃ مها

مساكم الله بالخير♥️

"لا تشيل من الهموم وربك اكبر من همومك
‏كل عسرٍ .. فيه يسر وكل شيٍ .. فيه خيره"

ياما عطيت القدم لمتوهات الطريق
‏وياما عطتني الليال الغبر مرسولها

‏وياما هقيت اني الناجي وصرت الغريق
‏والناس لولا التجارب ضاعت عقولها

‏وأنا مع العز لي سيرة وحبلٍ وثيق
‏وثيابي اللي علي طولي وانا طولها

‏ماقلت تكفى لأحد حتى وانا مستضيق
‏من خوف لا يحسب اني دايم اقولها
- ناصر مناحي

‏"والله ان صدري معافى وخفاقي نظيف
‏لو أشوف الحزن في عين حسّادي زعلت

‏الملامح بعض الأحيان تظهرني عنيف
‏ولاّ أنا بالكلمة الطيبة .. ماقد بخلت

‏أقبل بوجهٍ يشرف ومنطوقٍ عفيف
‏ولا لقيت اللي ينقص من حضوري رحلت

‏أتعدا عن عيوب البشر كني كفيف
‏ولا تبيّن شي للعين جنبت وغفلت"