اشمخي يا نفسي اللي كلها عزة وأنافة
لك عليّ إني ما اعرضك المهانة والمسبة
كل ماشفت العباد اللي يعيشون بضعافة
قمت أعرض راسي المرفوع للريح ومهبّه
فالمذلة دايمًا عذر الذليل يكون تافه
لو مايلقى له سبب للذل.. ذل بدون سبة
والوجيه اللي ماترجي من عباد الله مرافة
لو تموت من الضما والجوع ماها ماتصبّه
إكتشفت إن الحياة بكبرها قطعة مسافة
تغوي المفتون لين العقل يصحى ويتنبّه
وإستعذت من الدروب اللي نهايتها حسافة
قبل ترميني ملذات الزمن في جوف غبّة
مايخاف المؤمن: اللي فيه من ربّه مخافة
مصدر الخوف الحقيقي واحدٍ ماخاف ربّه
والمحبّة بعد كره تكون من داعي نظافة
البلا .. فاللي يحس بكره من بعد المحبّة
شيمة الإنسان میزان.. اعتداله وانحرافه
تنذره لا شافت الأوضاع ما هي مستتبّه
إن عجزت إنك ترد النفس عن شي تعافه
ماقدرت تحط نفسك فالمكان اللي تحبّه
- عبدالله السراهيد
لك عليّ إني ما اعرضك المهانة والمسبة
كل ماشفت العباد اللي يعيشون بضعافة
قمت أعرض راسي المرفوع للريح ومهبّه
فالمذلة دايمًا عذر الذليل يكون تافه
لو مايلقى له سبب للذل.. ذل بدون سبة
والوجيه اللي ماترجي من عباد الله مرافة
لو تموت من الضما والجوع ماها ماتصبّه
إكتشفت إن الحياة بكبرها قطعة مسافة
تغوي المفتون لين العقل يصحى ويتنبّه
وإستعذت من الدروب اللي نهايتها حسافة
قبل ترميني ملذات الزمن في جوف غبّة
مايخاف المؤمن: اللي فيه من ربّه مخافة
مصدر الخوف الحقيقي واحدٍ ماخاف ربّه
والمحبّة بعد كره تكون من داعي نظافة
البلا .. فاللي يحس بكره من بعد المحبّة
شيمة الإنسان میزان.. اعتداله وانحرافه
تنذره لا شافت الأوضاع ما هي مستتبّه
إن عجزت إنك ترد النفس عن شي تعافه
ماقدرت تحط نفسك فالمكان اللي تحبّه
- عبدالله السراهيد
❤22👍6
يا مقفي / لا تحسب أني ليا قفيت «تابع»
رح — و تدفن جرتك قصيدةٍ يسري لحنها
كنت ثالث من قبلته / و ابشر إن فـ الباب رابع
ينتظرك تضيّع الفرصة "غرور" و يحتضنها
لا تحراني على أبواب "المصايف و المرابع"
أنا روحٍ ودعت ، من يرجع الروح لبدنها ؟
والله لتبكي ندم / و ليجرح الناب الأصابع
و لا أنت لاقي عن ليالينا ليال تعوض عنها
كيف حالك ؟ و أنت متخفي من بعيد و تتابع
تحتري حزني على الفرقا و أنا ما ضقت منها !
مشكلتك أنك تقابع من قضى عمره يقابع
لذته لا عيّت الخيل و شكمها في رسنها
خذ جزا اللي نزل الأحرار منزال القوابع
و ذق طعونٍ ما حدٍ كد ذاقها ولا طعنها
ولا تشكى من طغَيان الزوابع ، و الزوابع
كنت تقدر من ولادتها تمهدها كفنها
كنت تقدر ما تشاور بي مجابيع الروابع
عالمٍ عن رايها ينهى العقل و القلب ينهى
علمّوك إن جات يا أمّا البيع ولا أمّا شرى بع
و أنت ما علمتهم بـ علومٍ ضلوعك طوَنها
يا خسارة فيك كل اللي من الأعماق نابع
عمري و شعري و آمالٍ كانت تحسبك وطنها
و يا خسارة حبري اللي سال فأوراق المطابع
و أطرب العشاق في شام الديار و في يمنها
الوكاد إن ضاقت الأرض و تكدرنْ المنابع
و جيت في بالك ، نصيحة : نفسك من الذل صنها
أما عاد أن كانك من الذل متروي و شابع
لا تسمن فالعذار ولا تكبر لي صحنها
انحدر من تحت سابع قاع و ارقى فوق سابع
قبة ، و لا حزت غال كنوزها و أندر فتنها
انخ واسطتك و وقف في سراك و هات طابع
و اطلب الله و انتظر ردي عليك و يمكن أنها :)
- سلطان الحوالي
رح — و تدفن جرتك قصيدةٍ يسري لحنها
كنت ثالث من قبلته / و ابشر إن فـ الباب رابع
ينتظرك تضيّع الفرصة "غرور" و يحتضنها
لا تحراني على أبواب "المصايف و المرابع"
أنا روحٍ ودعت ، من يرجع الروح لبدنها ؟
والله لتبكي ندم / و ليجرح الناب الأصابع
و لا أنت لاقي عن ليالينا ليال تعوض عنها
كيف حالك ؟ و أنت متخفي من بعيد و تتابع
تحتري حزني على الفرقا و أنا ما ضقت منها !
مشكلتك أنك تقابع من قضى عمره يقابع
لذته لا عيّت الخيل و شكمها في رسنها
خذ جزا اللي نزل الأحرار منزال القوابع
و ذق طعونٍ ما حدٍ كد ذاقها ولا طعنها
ولا تشكى من طغَيان الزوابع ، و الزوابع
كنت تقدر من ولادتها تمهدها كفنها
كنت تقدر ما تشاور بي مجابيع الروابع
عالمٍ عن رايها ينهى العقل و القلب ينهى
علمّوك إن جات يا أمّا البيع ولا أمّا شرى بع
و أنت ما علمتهم بـ علومٍ ضلوعك طوَنها
يا خسارة فيك كل اللي من الأعماق نابع
عمري و شعري و آمالٍ كانت تحسبك وطنها
و يا خسارة حبري اللي سال فأوراق المطابع
و أطرب العشاق في شام الديار و في يمنها
الوكاد إن ضاقت الأرض و تكدرنْ المنابع
و جيت في بالك ، نصيحة : نفسك من الذل صنها
أما عاد أن كانك من الذل متروي و شابع
لا تسمن فالعذار ولا تكبر لي صحنها
انحدر من تحت سابع قاع و ارقى فوق سابع
قبة ، و لا حزت غال كنوزها و أندر فتنها
انخ واسطتك و وقف في سراك و هات طابع
و اطلب الله و انتظر ردي عليك و يمكن أنها :)
- سلطان الحوالي
❤14
وصلت القناة لعشر آلاف متابع، حياكم الله في قناة تهتم بالشعر واهله، اسأل الله ان يجعلكم شاهدين لي لا علي♥️
❤14
حضرة الاستاذ مالي عن تغرّابي عتاد
ونفسي الولهى تبايع شوقها وتجدّده
الطموح الأوّلي ماعاده يْشبّ العناد
والحنين ان لاح لي طيفه عجزت اتصدّده
موقف الشوق الحقيقي ماهو بْـ موقف حياد
تلّ روحي صوب دربٍ كم رجيت اتردّده
بطلبك يوم العذر يوسع من اشواقي بلاد
عشرة ايامٍ تلملم ما الفراق مْبدّده :(
- مها
ونفسي الولهى تبايع شوقها وتجدّده
الطموح الأوّلي ماعاده يْشبّ العناد
والحنين ان لاح لي طيفه عجزت اتصدّده
موقف الشوق الحقيقي ماهو بْـ موقف حياد
تلّ روحي صوب دربٍ كم رجيت اتردّده
بطلبك يوم العذر يوسع من اشواقي بلاد
عشرة ايامٍ تلملم ما الفراق مْبدّده :(
- مها
❤19
حبيبي والمسا فلّت جديل وهفهفة نسناس
وعينٍ تستلذ إسهابك وتظمى تفاصيلك
لا تاقف سالفتك الا لا كمّل عودك الميّاس
سواليفٍ تخلي كل شارد ذهن يصغيلك
تثنّيه الهبايب ويتثنّى .. ما لحقه يْباس
وجودي يوم اغني كل ما دقت خلاخيلك
مزينك الغلا ما زينّك فضة وعقد الماس
كثر ماهو بمغريك الترف مغريك حبي لك
اراقب جيّتك واحفظ عيونك من عيون الناس
واجاذب خصلةٍ لوّن طوارفها دجا ليلك
على النجم المعتّق مستقرّك والسحاب لباس
ولا اشرح من مداهيل الديار إلا مداهيلك
يخايلك بدوّي ماهو بطرقي ولا عسّاس
لقى فيك الحيا اللي رد روحه في مخاييلك
مجيّك ما يخطْفْ انظار عشّاقك يخطْفْ انفاس
ولا أبرك من مجيّك يالمهاه الا مجيّي لك
ما مليت الدروب وكثرها لو خاطري حسّاس
ليا مني سريتك شوق تسري بي مواويلك
أنا مهما شكيت من المسافة ما شكيت الياس
ترا كل الدروب اللي تودّيني .. تودّي لك
- أحمد تركي
وعينٍ تستلذ إسهابك وتظمى تفاصيلك
لا تاقف سالفتك الا لا كمّل عودك الميّاس
سواليفٍ تخلي كل شارد ذهن يصغيلك
تثنّيه الهبايب ويتثنّى .. ما لحقه يْباس
وجودي يوم اغني كل ما دقت خلاخيلك
مزينك الغلا ما زينّك فضة وعقد الماس
كثر ماهو بمغريك الترف مغريك حبي لك
اراقب جيّتك واحفظ عيونك من عيون الناس
واجاذب خصلةٍ لوّن طوارفها دجا ليلك
على النجم المعتّق مستقرّك والسحاب لباس
ولا اشرح من مداهيل الديار إلا مداهيلك
يخايلك بدوّي ماهو بطرقي ولا عسّاس
لقى فيك الحيا اللي رد روحه في مخاييلك
مجيّك ما يخطْفْ انظار عشّاقك يخطْفْ انفاس
ولا أبرك من مجيّك يالمهاه الا مجيّي لك
ما مليت الدروب وكثرها لو خاطري حسّاس
ليا مني سريتك شوق تسري بي مواويلك
أنا مهما شكيت من المسافة ما شكيت الياس
ترا كل الدروب اللي تودّيني .. تودّي لك
- أحمد تركي
❤27
ما يصغّر همي الا صوت تكبير المساجد
فانتظار اللي مضى يِخلي سبيلي وآتحرّر
صاحبي ماعاد باقي لي سوى عض النواجد
لا تَعذّر لك بـ « عذرٍ » لا يِمرّ .. ولا يمَرَّر
اتفقنا إنّك سليل أمجاد وإنّي نسل آماجد
واختلفنا فـ الخطا اللي لا يِعاد ولا يبَرَّر
ما قدرنا نتّجه حتى لو الوجهات واجد
مشكلتنا في جميع الاتجاهات نتضرَّر
أنت غايب مستحيل إنّه مع الوقت يتواجد
وآنا شاعر مستحيل انّه مع الوقت يتكرَّر
- عبدالله السراهيد
فانتظار اللي مضى يِخلي سبيلي وآتحرّر
صاحبي ماعاد باقي لي سوى عض النواجد
لا تَعذّر لك بـ « عذرٍ » لا يِمرّ .. ولا يمَرَّر
اتفقنا إنّك سليل أمجاد وإنّي نسل آماجد
واختلفنا فـ الخطا اللي لا يِعاد ولا يبَرَّر
ما قدرنا نتّجه حتى لو الوجهات واجد
مشكلتنا في جميع الاتجاهات نتضرَّر
أنت غايب مستحيل إنّه مع الوقت يتواجد
وآنا شاعر مستحيل انّه مع الوقت يتكرَّر
- عبدالله السراهيد
❤7👍1