آلتْ ورا جرفٍ هيَالٍ من الدار
‏واستدرَكتْ عذره، وعافت جوارَه

‏الله لهم بعد المشقّة، والأسفار
‏عن جنته.. للظالم يدين نارَه

‏ما يشبه الحرّ النبيه من الأحرار:
‏إلَّا شعوره في تحرَّر ديارَه!
‏⁧ #سوريا_تتحرر
- محمد السلطان⁩

صبحٍ لرجواه الحلوق تتعبّر
‏يحنّ له رعّاد ويلوح له برق

‏قالوا تصبّر قلت كيف اتصبّر ؟
‏والعزّ مايوخذ رضا ينوخذ طرق

‏على "أحمد الشرع" الردايم تزبّر
‏ظفرٍ فرق يوم الدواهي لهم فرق

‏فوق المآذن يوم هلّل وكبّر
‏صلَا بنا يمّه وصلّا بهم شرق
- محمد العذبه

"حرة نسب من بادي الوقت لليوم
‏نبتة شرف بأقصى الشمال مغروسه

‏أنتي لأميه ، منتي لقيصر الروم
‏ولا لكسرى فارس ولا مجوسه"
- مزيد الوسمي

وكيفَ ننسى بتلك َ الدار لمتنا
‏وهل بمأساتنا يحيى بِنا املُ؟ 💔

البرا مردود والله يعز الفاتحين
‏من فضل ربي على كل نطّاحة قوى

‏النصر معقود رايه على العزم المكين
‏ساعة التحصيل دقت بعد زرع النوى

‏والمخذّل والمحبّط بعزم المسلمين
‏فالهم نارٍ من الله نزّاعة شوى

‏من ثمان سنين قلنا لْـ بعضنا كلمتين
‏فاضت العين وكتبنا على الطوفه سوا

‏قلت لك يا نبض قلبي وحنا طالعين
‏( راجعينٍ يا هوا ،، راجعينٍ يا هوا )

- هود

مثل سالف ايامك ابيّه ووكر احرار
ورود ٍعلى حوض المنايا فداويّه

تحاموك وافنوا دونك المال والاعمار
على شان صبح ٍ فيه " نصرة وحريّة"

ايا شام منتي لا لحافظ ولا بشّار
امويّة وتبقين يا شام امويّة
- صالح الهويملي

ماناخذ ونعطي على حساب البلد
‏خذ من شواطينا الخليجية الأكيد

‏حنا يابو سلمان روحٍ في جسد
‏ولا على ماقيل دمٍ في وريد

‏إنجازك انجاز الخليج إلى الابد
‏انت اللي تحقّق وحنا المستفيد

‏مثل اغتنام الفرصه اللي ف المهد
‏تقدر تعيد الشرق الأوسط من جديد
- مزيد الوسمي

صبحكم الله بالخير

اللهم صلِّ وسلم وبارك على نبينا محمد

لدعم الشاعر أيمن الرويلي

يغفَل الشباك و يوصي على النور الستاره
‏والستاره ما تغط النور و النور يتسلل

‏ماحدٍ يعشق نهاية ليله و مبدا نهاره
‏غير قلبٍ لا يحرم فـ الهوى ولا يحلل

‏يابعد من كنت ولا أزال له رهن الاشاره
‏جف سمعي وان بخلت بعذب صوتك ماتبلل

‏كان مالك في ليالي عمري الباقي زياره ؟
‏لاتزور القبر لين يبيد عظمي و أتحلل

‏أنتظرني لين اجي غيمه لـ ماطرها غزاره
‏حالفه لا آنساب بين اصابع إيدك و آتخلل

‏من قدر قبلك يشوف الدره بدون المحَاره ؟
‏من سمع صوت الظلام؟ وعلم الليل يتجلل ؟

‏ياحبيبي يوم أغني " هل رأى الحب سكارى "
‏مامعي غير الخيال اللي يجيبك و آتعلل

‏ولا انا لو ضاع معك العمر ماشفته خساره
‏ناصل السبعين و أنت بـ عيني الطفل المدلل

‏هات عذرك قبل لا يقفي جديلٍ في شقاره
‏مثل مجدول الشليل اللي مع الريح يتفلل
- العنود الواصلية

صبحكم الله بالخير

اللهم صلِّ وسلم وبارك على نبينا محمد

مساكم الله بالخير

عليك ازكى السلام المعتبر يالشامخ النواف
‏ماني بـ اللي يهمّش موقفك يالمرقب العالي

‏ميانتنا تراها دمعتين ووقفتين وقاف
‏بعض الاحيان مثل ميانة الجالي على الجالي

‏لايفجعك الفراق الا بديت اطرّي المنكاف
‏ترى ربي خلقك لحالك وخالقني لحالي

‏انا ليه اكترث للشمس لا هفّت وراء المشراف
‏وهي لاهفّت اول مايقفّي عني ظلالي

‏على كثر العباد اللي على مترامية الاطراف
‏مايجذبني حنين الا الحنين لـ ربعها الخالي

‏اوقّف واتباهى لا دعتني ساعة الميقاف
‏حسب مبدا الثقه ماني بـ متغطرس ومتعالي

‏ماعفت من الطلوع الا الطلوع اللي على الاكتاف
‏ولا احب من النزول الا النزول لـ رغبة الغالي

‏وانا يافاتنة نجد العذيه ماعلي خلاف
‏لا قفّيتي على فال الغلا وانا على فالي

‏بداية كل ثورة كبرياء من نظرة استعطاف
‏وش اسوي وانا راسي عزيز وقلبي موالي

‏دفعنا بـ المشاعر كلها في حرب الاستنزاف
‏ماباقي غير يفصل في الامور ويلحق التالي

‏بدايتها تراني معتبرها رحلة استكشاف
‏ولا ادري كيف وصّلنا الطريق لـ وضعنا الحالي

‏يقولون الحذر لمّاح واقول الحذر خواف
‏كلام اللي يغامر والعمر في دبرة الوالي

‏تشوفين الحمول ثقال واشوف الحمول خفاف
‏عموماً يمكن اني مشتبه ولا يورّالي

‏مثل مايحفظ المصلاح قدر الفارع الميلاف
‏تمثني روض صدري وازبني من قسوة اهمالي

‏وإلا دارت صواديف الزمان وقلتي اسمي حاف
‏فـ امانه لاتجين لـ جرحي اللي كان متشالي
- معلّقه صالح النشيرا

من دروبٍ، فتك فيها الزمن ما قلت : قافي شاب
‏عساني .. لا أستمالت خطوتي ما أضيّع أهدافي!

‏وقفت، وما وقفت إلا عشان أدخل مع أكبر باب
‏معي طاروقٍ .. أسمع له صدى في راس مشرافي

‏أعرف مهيَّب الصامل، وأعرف مجري الهيَّاب
‏وأعرف أفرق مثل ما يفرق الطيب عن الهافي

‏لا شفت اللي تدرهم به ركابه للعلا، و يهاب!
‏عقرت بعيري و رحت أخذ أحلامي وأنا حافي

‏طموحي، يوم أسج البال و أعدّي على المرقاب
‏أفوز بـ ليلةٍ .. يحضر قمرها ( مولد أنصافي )!

‏طرقت من الشعر ما يدفع الناقد على الاعجاب
‏و جنيت من الهوى ما يجني المجفي من الجافي

‏"معاذير الغلا" تجعل دوافع جيتي بأسباب!
‏وانا لولا أشتياقي ، كان ما شالتني أطرافي

‏تخطّيت المشاعر والعيون تقول يا كذاب
‏كلامٍ تكشفه عيني.. طبيعي يكشفه قافي

‏يكفيني .. ليا مريت داره والهوى غلاب؟
‏أعسّ الدار وأمدّ النظر واللي حصل كافي

‏ضحايا الحب ! ما فيهم طرف ينقال له منصاب
‏سكاكين الحبيب .. تخلي الموات متعافي !!

‏على كثر الكلام اخترت لي كلمة بدون إسهاب
‏ترا ما زال عندي ما يسلي جرحي الخافي

‏معي قلب بدويٍ .. ما يعرْف يعاتب الغياب؟
‏أعَرْف أغيب .. لكن مستحيل أناظر خلافي.
- فهد الشلاحي

جميل جدًا