يارب عطني اكثر مْن اللي رجيت
وانت الكريم اللي عطاءه سرمدي

آنا امنياتي اكبر من اللي سعيت
ياربّ تشرق لي مثل صبحٍ ندي

دخيلك من الدرب لا مال وبكيت
واعووذ بك ياربّ من حظٍّ ردي

طلبتك تحقق دعاي اللي دعيت
تعبت اشيل احلامي براحة يدي

مرحبا

صدقة جاريه عن والد صديقتي رحمه الله، ارجو منكم المساهمه في نشره 🙏🏻💗

معذور قلبي لو بكى فـ فراقهم عذرٍ وجيه
راحوا وغزّة عقبهم لبْست لنا ثوب الحداد

غابوا وما غابت جمايلهم على الشخص النزيه
كانوا ضماد لجرحنا ولعجزنا كانوا عتاد

اخوان واجتمعوا لوجه الله وافترقوا عليه
الله يجمعهم سوى في جنّته يوم التناد

- الشهداء صالح الجعفراوي وأنس الشريف رحمهم الله

صبحكم الله بالخير

أوجدي مايسعد الذات ياذات الخمار
‏في حبال الوصل كم امنية .. علّقتها

‏الليال اللي لها طعم في الدنيا قصار
‏خايف ان العمر يمضي وانا ما ذقتها

‏أي حاجه ترتبط فيك تشعر بـ افتخار
‏وأي كلمة ماتجي منك .. ما صدّقتها

‏والله ان الشامه اللي على الخد اليسار
‏فارقتني راحة البال .. من فارقتها

‏ما يداوي جرحي الا العيون اللي تغار
‏وابتسامة وجهك اللي بعدك اشتقتها

‏من تحبينه ما يعرف شعور الانكسار
‏ما عليه من الاوادم ، ولا من مقتها

‏لو دريت ان باقي شوي ويفوت القطار
‏كان ما جمّعت احاسيسي .. وفرّقتها

‏مْتردد في قراري ، ولا عندي خيار
‏اغرقتني لحظة الصمت واستغرقتها

‏ما يعيق الحلم غير التردّد في القرار
‏ليتني ملّيت من حيرتي .. و أعتقتها

‏كنت محتاجك تهدّين روعي بأختصار
‏يوم غبتي ما بقى ضيقةٍ ما ضقتها

‏عاد انا ضيقي يبيّن مثل شمس النهار
‏وأسمح من الأمنية كان .. ما حقّقتها

‏كل رغبه لو تجيني بعد طول انتظار
‏ما تعادل لذة اللي تجي .. في وقتها
- فارس عمر

‏"والله ان الشامه اللي على الخد اليسار
‏فارقتني راحة البال .. من فارقتها " ااااالله!

مع اني خابر ان الشمس عقب غيابها بتبين
‏احس انها ليا غابت من عيوني تودعني

‏واشك انها ليا غابت تروح وتطرد المقفين
‏وانا الي شيمتي عن طردت المقفين تمنعني

‏ذرفت الدمعه الي عالقه حروه ثلاث سنين
‏لو ان الدمعه الي تنذرف ماهي ترجعني

‏ابي ذيك الدروب الي توديني ولا ادري وين
‏انا محتتاج دربٍ كل ماجيته يضيعني

‏احبك كثر ماذعذع هواك وسال دمع العين
‏وكثر ماقلت انت تحبني وتقوللي يعني
- سعد خالد

"مع اني خابر ان الشمس عقب غيابها بتبين
‏احس انها ليا غابت من عيوني تودعني"
جميل جدًا

ظبيٍ يتّعب مداويره
‏و وصاله أبعد من شبوحي

‏المح بقايا تباشيره
‏في كل جرحٍ من جروحي

‏كنت اتبعه لو مشاويره
‏ضياع عمري و مصلوحي

‏ماهو مبدّى على غيره
‏إلا مبدّى على روحي
- متعب البقيلي

صبحكم الله بالخير♥️

اللهم صلِّ وسلم وبارك على نبينا محمد

https://youtu.be/h1Bg2k-F1oE?si=VCa1uzXLBKKDB5md

هذي حلقة عن فضل الدعاء واهميته، جميلة جدًا وانصح بمشاهدتها

يطل الفجر وتعم السكينه والهوى ذعذاع
‏عسى نسمة هواه تطفّي الجمره من ضلوعي

‏جذوعي ضاميه والبعد موحش والعيون جياع
‏على رشفة ثغرك احيا وتروى ضامي جذوعي

‏اعرف انك سرابٍ من تهقوى في بريقة ضاع
‏ووصلتك مستميت وحازمٍ بطني على جوعي

‏لقيت بعينك النجلا حياةٍ برقها لمّاع
‏وانا اللي قبل اعرفك ما اعرف شهري من اسبوعي

‏تكلم في حروفك ما يداوي قلبي الملتاع
‏انا لولا حديثك ياحبيبي ما هدى روعي
- مقباس

رغم ان جرحي مثل جرح اليتاما
‏لاناحت الورقا ولا هبت الريح

‏مانيب من تشره عليه النشاما
‏في واجب وجيه الرجال المفاليح

‏ياما عبس حظي بوجهي وياما
‏ضحكت في وجهه وانا ودي اصيح

‏دايم صواديف الليالي تراما
‏على طريق امبعدين المشاويح

‏- مشعل بن مرزوق

على وجهك اللي نوره يقدّي السارين
‏ملامح فراق .. ونيةٍ مابعد بانت

‏تكبَّر ماكن الله عطا الناس مثلك زين
‏وأشوفك بعينٍ منْك .. ماكنها عانت

‏حقيقة غلاك أكبر من الظن والتخمين
‏تهون الجروح .. ونظرتي فيك ماهانت

‏مصير الزمن لا دار .. كانك من الحيين
‏يعلمك أنا وش كنت ، والناس وش كانت
- عبدالعزيز العبلان

مرحبا

زلَّت أيَّامي ورا بِيْد السهر، والبال خالي
‏والسنين تدور، والأحداث تَطرق حين غرّة!

‏بيْن صوتٍ يَقتل الإحساس وسنينٍ خوالي
‏أتعرَّض بارد النسناس.. وأفكّ الأزرّة

‏يا عسى من شرَّد عيوني، وخلَّاني لحالي
‏كلَّ ما مرَّيت في باله؛ يعوّد، ويتشرّه

‏لو عَذرْته في مغبَّات الهوى، لا مرَّ بالي
‏ما عذرت أرقّ ما يَبْدِي جسده، وما يسرّه

‏وأنت يا شرهة معاذيري، وحلِّي، واِرتحالي
‏أعرْفك نجمٍ ما تستوعب مساريه المجرَّة

‏أعشقك قبل أكسِر لجانبك عَطفي، واعتدالي
‏وأتمنّى خِنجرك، وأذوب فيك من المسرَّة

‏جِيتك أدفّ السنين العوج، وأشدَّد رحالي
‏وأتردَّد بيْن سلسالٍ يميل! وبيْن غرَّة..

‏عابرٍ.. ما جاذبت روحي ذعاذيع الشمالي
‏ولا قدرت ألقى رضاه، ولا استطعت أمِلّ شرَّه

‏ليْن ما جِفْنك سلب حقّ المحبَّة من ظلالي
‏آه.. لو إنّه خذى ضحكاته، وباقي صورَّه!

‏أتجرَّى.. وأستردّ الدمع وأذبّ العوالي
‏وأعتدل في مبسمك مرَّة! وأضيع ألفين مرَّة

‏يا بعد فجْرٍ يدف النور لـ كفوف الليالي:
‏كان ما ودّك تبلّ البال.. تكفى لا تمرَّه!
- محمد السلطان