"أعيشك حلم و أحيابك طواري عابرة و وصال
‏و أموت بكل كلمة من شفاهك ، و أنت ما تدري"

رائعة

صبحكم الله بالخير

اللهم صلِّ وسلم وبارك على نبينا محمد

قال ابن بطال في شرح صحيح البخاري في شرح استعجال الإجابة : "وقال بعضهم : إنما يعجل العبد إذا كان غرضه من الدعاء نيل ما سأل، وإذا لم ينل ما يريد ثقل عليه الدعاء، ويجب أن يكون غرض العبد من الدعاء هو الدعاء لله، والسؤال منه ، والافتقار إليه أبدا، ولا يفارق سمة العبودية وعلامة الرق، والانقياد للأمر والنهي والاستسلام لربه تعالى بالذلة والخشوع، فإن الله تعالى يحب الإلحاح في الدعاء"،

مساكم الله بالخير ♥️

الموضوع: عزلة شاعر مكتئب

‏خطاك السوء / يا قلب الشقيّ مدري خطاك الليل
‏امانتك النهار اللي بقى لي منك في صدري

‏عليّ ليلين /.. ليل ٍ يرتعد من شعلة القنديل
‏و ليل ٍ لو تصب الشمس فوقه ما نوى يسري

‏هنيّ الناس ب الليل القصير / اليا جفاه سهيل
‏أشيل من الليالي ثلثها / .. والناس ما تدري

‏عفا الله عنك / ياوجه النهار اللي يجر الذيل
‏ترى منت الوحيد اللي تعثر والزمن يجري

‏دخيلك / لا انفلت منك الضيا / لا ترمي المنديل
‏تعكز لو على قاف القصيد و صوتي المبري

‏انا مثلك عثرت / وفاتني ركب الحياة محيل
‏تقل غصن ٍ تعداه الربيع / وجف من بدري

‏تغيرت / وجهلني من عرفت / وزاد حمل شعيل
‏عسى منت العوض ب القشة اللي قوست ظهري

‏خذيت من اكتئابي / قلة الحيلة وفقر الحيل
‏أعيش ب عزلة ٍ طااااالت معي حتى نفد صبري

‏خلا المجلس / من وجيه الرجال / ومن صحون الحِيل
‏بعد ما صيته اول صيت في بال الكرم يطري

‏معاميلي نست جمري / وفوح الماء / وريح الهيل
‏مع اني في حشاي أركيت خفاقي على جمري

‏عزايه للوجار اللي من اول فيه حط وشيل
‏انا / ماني على خبر الوجار / ولا على خبري

‏يساومني على طبعي يحسب اني غديت بخيل
‏انا اللي قد دفعت لعين محبوبي / ذهب عمري

‏و حتى الليل بعد اني عرفت ان السواد يسيل
‏تماكنت وحبسته / عن جميع الناس في صدري
- حمد المشيعلي

جميلة جدًا

"أنا مثلك عثرت / وفاتني ركب الحياة محيل
‏تقل غصن ٍ تعداه الربيع وجف من بدري"

السلام عليكم ورحمه الله
لطلب الزفات والقصايد الخاصة
التواصل خاص @maha031💗
وفقنا الله واياكم

صبحكم الله بالخير♥️

مالي ورا ذيك المرابي والضعون
‏الّا الجناب الدمث والظبي العفر

‏عامين أشدّ القاف وأجرّ اللحون
‏وأجرّي الغيمه على القاع القفر

‏عسى الهقاوي ماتطيح من العيون
‏وعسى الزمان يعود والربّ يغفر

‏أنا بوجه الله من بعض الظنون
‏اللي ما منها لا حصيل ولا مفر

‏ومن الجفا اللي ماوراه الّا الجنون
‏ومن الشعور اللي يجيني فالسفر
- مشاري محمد

احس اني كبرت .. اكثر من اللازم بـ عين الناس
‏واحس اني صغرت اكثر من اللازم بـ عين الوقت
- وليد بن مسعد

واشتقت…
الله الله الله

ان حزنتي ما بقى عندي ولا مصدر سعاده
‏كيف ابلقى شي يسعدني ليا صرتي حزينه؟
‏.
‏تصبح الاصوات خرس وتصبح الالوان ساده
‏واشعر اني فالخلا الخالي لو اني فالمدينه
‏.
‏يوم اشوفك ترحلين وخطوتك تبعد زياده
‏كني اللي ما ركب مع نوح في ظهر السفينة
‏.
‏اعترف بـ انك زعيمة خافقي واشهد شهاده
‏انك الدنيا بعين اللي يشوفك نصف دينه
‏.
‏كيف يغرق فالدموع المالحه.. سكّر زياده ؟
‏وكيف تشكين القلق وانتي من اسباب السكينه ؟
‏.
‏اقبلي لي… لين اشوفك زين واشوف القلادة
‏تلعب بجيدك.. تغيظ الزينة اللي فالخزينه
‏.
‏والله ان مقابل جنيه الذهب في جيد غاده
‏صعب مثل مقابل " جنية الذهب " شاعر جهينه
- جمال بندر

‏"اعترف بـ انك زعيمة خافقي واشهد شهاده
‏انك الدنيا بعين اللي يشوفك نصف دينه " ااالله

صبحكم الله بالخير