ابياتي
قديمي هو جديدي هالسنة ايضًا :)

‏ياغرة العيد شفتك من ورى الخصلتين
‏يمين سيفٍ حدب ويسار سيفٍ حدب

‏من نفحة العود الأزرق هبّ ريح الحنين
‏وأنا على الماضي أدور على أدنى سبب

‏والغالية عذرها مهما تغلت سمين
‏الحب وهبة من الله والله اللي وهب

‏ان عايدتني وقالت لي من العايدين
‏بطيح في حضنها قبل يطيح الحطب

‏عناق الأفواه يبدأ من عناق اليدين
‏وعناق الأرواح يبدأ من عناق التعب

‏فيها من الأنس مايقتل شعور الحزين
‏وفيها من الثقل مايخلق شعور الغضب
- سعود بن مبارك

‏راح عيد و مر عيدين واللي جاي عيد
‏والليالي كلها عيد .. ماهي هينه

‏كيف قالو ما يفلّ الحديد إلا الحديد ؟
‏و انا قلبي فلته يد .. كانت لينه

‏جعل يسقى كل صبحً طلع مطلع قصيد
‏ما اشرقت شمسه على شانها متزينه
- فهد الشلاحي

شاركتكم بعض مما راق لي، الباقي عليكم يا جمهور الشعر ومتذوقينه عايدوا احبابكم وكل عزيز وغالي عليكم بالأبيات اللي تبهج الخاطر وتسرّه♥️♥️

عيدكم مبارك آل قصيدة وكل عام وانتم بخير يارب ♥️

مرحبا♥️

ياقديم الود.. مَدّ الله بقاك، وعاد عيدك
وعاد عيد الناعس المكحول، والكف المحنّا

يعتدل، لا مال سلسال الذهب في عرض جيدك..
...كل غصنٍ كان بـ كفوف النسانيس يتثنّا

والسوار الفضّة الي في يدينك، مثل قيدك..
..في يدين الي على طرقة مواعيدك تعنّا

رد .. لا سلّم مكاتيب الهوى ساعي بريدك
وأسترحت بفيّة السدرة ورى البيت المبنّا

السماء شرفتك، والنسمة معك، والبيد بيدك
ولا أنا مالي معك حيلة.. عسى الفرصة تسنّى

طارفك وش جاب في البال الشفيف، إلا تليدك
في زمانٍ فات من عمر الفتوّة، يوم كنّا:

..نضرب الميعاد، وأزل القصايد في وريدك
وأنت تقطف لي من الغصن المريف الي تدنّا

وتستزيد من القصيد الي على مدحك، وأزيدك
وأمسك كفوفك وأردد ياحبيبي وش تمنّى؟

ليت قلبٍ راح من صيد أمس غيلة، ذبّ حيدك
كان ما عدّا على النايف من الضيقة وغنّا

زاهدٍ في بارد الفيّة، وراضي في وقيدك
كل عينٍ مايحوفك شوفها كيف إتّهنّا

والله أني قد تنشّدت الطراقي عن جديدك
لين عزّ الصبر والعمر القصيّر ما تونّا

جعل وقتٍ راح بك وأخلا مداهيلك.. يعيدك
وديرةٍ عقب المَحَل تجمع ضعنكم مع ضعنّا
- عبدالله البديري

ضحكتك طفلةٍ تلعب بقلب مهيوب
شبت الجمرتتين وهبت أنفاسها

من ظمأ روحي الوجلا شربت الهبوب
والسراب يحدى الغيمة ونسناسها

أشعب الركب شرق وكل هقوة جنوب
من متى خطوتي ما تتبع إحساسها

و أنتِ يالحسنة اللي بين كل الذنوب
كَلْ حلاج نفسي وأبو نواسها

آتصوف بعيد من الخطايا و أتوب
و آتزندق و أعصر الخِمرة بكاسها

بين جادل ثليل وبين راح مخضوب
هزت الليل عنوة وظفرت راسها

حولت حافية ترقص ما بين القلوب
بنت تقرأ حواميمي ووسواسها

يعتدل كل مايل عند خصر معصوب
وين ما لاعب الذعذاع مياسها

كلما لاح برق من الثنايا جذوب
رحت أراجع يقين النفس و إياسها

أنتشيت آتقهواها منايا و أذوب
ذوبة الحبر والمعنى بقرطاسها

ياحبيبة مجازاتي شروق وغروب
بانوا البدو والديرة بكت ناسها

عمري اللي مضى قبلك ماهو بمحسوب
لو تشد السنين بروح عسّاسها

إيه أحبك لو آحبك نداها طنوب
كلمةٍ ضيعتني داخل أقواسها

ليتني كل ما مريت ذيك الدروب
ما أتتقى عن أسوارك وحرَّاسها
- شاهر اللغبة

الطموح الأولي مايعرف استسلامي
لا أزال اخطي خُطاي وهامتي مرفوعه

تشهد دروب المشقّة سعيي ودرهامي
-كلّ خطوة سيّرتني للحلم مدفوعه-

كلّما اكبر سنَه تكبر معاي احلامي
حالها حال الفجر ما قد حجبت طلوعه

وانت ياشخصٍ معاه الحلم يصبح سامي
من غلاك الجمّ صاير لإفتقادك لوعه

فيني من الشوق ما يملا فراغ أيامي
تفضح المشتاق لك تنهيدةٍ مسموعه

آتوجّد كلّما لاح السراب لظامي
ياوجودي لا استطبت الحاجه الممنوعه

عن جنون العاطفه صار العقل متعامي
وقلبي اللي بين ضلعيني خرَج عن طوعه

الحبيب اللي يضحّي في سبيل هيامي
كم على باب الرجاوي احتريت رجوعه

آتحلوى كلّ هاجس يجلبه قدّامي
وآتفدّا ضحكته لي وآتفدّا دموعه

يدري اني اكتبه وانه سبب فإلهامي
وادري انه حافظٍ حبّي مابين ضلوعه

السلام عليكم ورحمه الله
لطلب الزفات لشهر ابريل وطلب القصايد الخاصة
التواصل خاص @maha031💗
وفقنا الله واياكم

‏فقدك الندى واول طريقي وصدر الدار
‏ياوجهٍ؛ لو تْملّ الصور منه.. ما أملّه

‏معك كنّي أخذ في فضى ليلتي مشوار
‏واجاذبك صبحٍ؛ يفهَق العمر عن حِلّه

‏عكفك الجفاف إن مرت الناس والزوار
‏شجر واديٍ كم مرّه الغيم ما بلّه؟

‏تساقط يباس وشرهته ماعليها غبار
‏اداري دقاقه، واتطّلع على جلّه

‏مواعيد صفحٍ مالها في دجاي أنوار
‏ياضحك العيون اللي تدوّر على الزلّه

‏أشوفك سحابٍ في مجيّه حيا وأمطار
‏وأشوفك مجي القوم والحرب والسلّه

‏وأشوفك نهارٍ ماتوارى عن الأنظار
‏ياعنّك إنّي أفضّل شموسه على ظِلّه

‏تعال إن بدأ لك في دروبي ضحى وديار
‏هذا الصدر مرتع؛ وأنت خابره وتْدله

‏معي وجه علم، وليلٍ أدلم وضيقة ثار
‏وأنا لا لمحتك يسري القلب عن غلّه

‏خذ اول شبابي عمر لاشحت الاعمار
‏وإذا كان مايكفي؛ فداك العمر كله.
- محمد السلطان

قصيده صباحيّه فاخره :)

‏على حد التعب واقف والوح للسهر نعسان
‏لـ اجل صبح تباطا جيته لين انبلج نوره

‏انا والليل والذكرى وجرح يرفض النسيان
‏نغني للشعر واسمع صدى تصفيق جمهوره

‏بعد حزة مغيب الشمس للضيق التفت عجلان
‏ارحب بالمساء كاره ظلامه ، لاعن حضوره

‏وعلى شان الامل لو ما بقى له من همومي شان
‏اغني واعزف لـعذري ... وارتل للندم سُوره

‏شعور الخوف له سلطه ولا يرحم وانا انسان..
‏يقدس كل شي بداخله و يصدق شعوره

‏رسمت ولا اعرف في صفحتي غير البياض الوان
‏وجيه تضحك لوجه الزمن و وجيه مكسوره

‏تمادى هالتعب لين اتخذني لـ العنا عنوان
‏فرض رايه على كل امنياتي واعتمد شوره

‏انا من وين ما وجهت اعود لـ اولي بلشان!
‏كرهت ام السهر وابطى الصباح وصوت عصفوره
- جزاء الغيداني

اشتقت لك
ما كنّ لي غيرك حبايب
لا اصحاب لا أهل وقرايب
اشتقت لك
والشوق ماخذ قسمته
في نظرتي.. في بسمتي..في كل شيء

«كم طموحٍ ما تجيبه لا جهود ولا سنين
تدركه دعوات الأسحار في ركعة وتر»

شكرًا لشاعر هذا البيت♥️

صباح الخير

‏ياوطنا 🇰🇼 .. يصغر التعبير وتشح المعاني
‏وانت تكبر كل عام ، وكل يوم ، وكل ليله

‏كل من والاك اصيل وكل من عاداك اناني
‏مابقى فالارض شبر الا وحافظ لك جميله

‏الله من الطيب ومن التضحيه ومن التفاني
‏واقتناص الممكنه والصبر عند المستحيله

‏ترخص الاعمار ، وتهون القواصي والدواني
‏بالعيون اللي لو انها تنعطى ماهي قليله

‏( الكويت أول ) ومادون الكويت يصير ثاني
‏يا مساومني على بعض القناعات الأصيله

‏روحي - وما تملكه نفسي - ويلهج به لساني
‏ذرة ترابٍ تطاير به نسايمها العليله
- مزيد الوسمي

الله يحفظ الكويت واهلها من كل شرّ ♥️

كلّما اكتبك بقصيده تلقّاني الشعور
آه من بعض القصايد وجور إحساسها