‏- يا بلادي- ‏


‏يا بلادي ارفعي رايتْك؛ نحيا من خلالك
‏مشهد الراية ترفرف؛ لجله نْموت بشجاعه

‏عاشقينك يرخصون أرواحهم فدوة رمالك
‏اطلبيهم، يفتدونك عمرهم حبّ وقناعه

‏مستعدٍ لجلك ارمي عمري بحضن المهالك
‏مثل ما اجدادي تحاموا دونك بحضن المجاعه

‏والمليك اللي قدر يجمع جنوبك مع شمالك
‏وحّد قلوب القبايل لين صاروا لك جماعه

‏نالك اللي يستحق ارضك وينعم في ظلالك
‏لجلك نلبّي نداه ونهتف بـ "سمعًا وطاعه"

‏ودامك بعزّ الملك سلمان طبتِ وطاب حالك
‏والله انك في ذرى بشته وشلفاه وذراعه

‏نعتبر سلمان ابونا مثل ما حنّا عيالك
‏ومن زمن عبدالعزيز وْ كلّنا عنده وداعه

‏في ذرى ال سعود ندحم ليلنا والليل حالك
‏والعدو يرتاع منّا ويعلن بذلّ انصياعه

‏من يحاول زعزعة أمنك من الاعداء هالك
‏ندفنه بارضه قبل ينظر لك بعين الطماعه

‏كم سكن فيك البشر وانتي سكنتيهم لحالك
‏مالك مْنافس ولا لغيرك على القلب استطاعه

‏لجلك نلبّي المنادي جعل يفدونك رجالك
‏هاانت الارواح .. ماهنتي على الخفّاق ساعه

‏⁧ #اليوم_الوطني_السعودي_٩٦⁩