صبحكم الله بالخير

اللهم صلِّ وسلم وبارك على نبينا محمد

"يارب خارجني إذا خاطري طاب،
‏واطفت رياح الياس هقوة سراجي"
‏- وديع الأحمدي

آمين يارب

اللهم صلِّ وسلم وبارك على نبينا محمد

"السكينة أعظم ما يحتاج إليه الحزين والمكتئب والخائف والقلق. وتأملوا هذه الآية العظيمة مليًا. قال تعالى: (وَصَلِّ عَلَيْهِمْ إِنَّ صَلاتَكَ سَكَنٌ لَهُمْ وَاللَّهُ سَمِيعٌ عَلِيمٌ). فصلاة النبي ﷺ على هؤلاء منحتهم السكينة، وهي من أعظم ما يناله العبد من الخير.

وأيسر وأعظم طريق إلى هذه السكينة الصلاة على النبي ﷺ، فقد قال في الحديث الصحيح: (من صلى علي صلاة واحدة صلى الله عليه بها عشرًا)"

‏يا ملاذ الادميّة ، و بنت الفرقدين
‏و امّ عزمٍ ما توانى ، و نورٍ ما غرَب

‏وش يقول اللي تربّى يحبّك ، فرض عين
‏لو مشاريبك من الموت ، سمّاك و شرَب

‏ان تبنيتيه جندي يضحّي بالسنين
‏و ان تبنيتيه شاعر ، يغنّي لك طرب🇸🇦

‏يالسعوديّة مغنّ الحقيقة ، و اليقين
‏سارعي ، مادام للعزّ في قفرك مرَب

‏ما عليك من المعادين و من الحاسدين
‏و انتي ارجائك طموحات و حدودك سرب

‏ديرةٍ مالت على الحزم بالراي المكين
‏الله اللي حطّ فيها من الضيق ، مهرَب

‏قطعة من السبع جنّات للناس اجمعين
‏فيك ، لا بالٍ تضايق ، و لا قلب اغترب

‏تحت ظلّ موضّح الحقّ ، وضّاح الجبين
‏سيّدٍ ، من كلّ هامات الامجاد اقترب

‏ماندوّر في ظلاله على الدنيا ، عوين
‏مرتضين الامر عنده ، لا حبّ ، و لا حرَب

‏طاعته دمٍّ يورّث و كسب رضاه دين
‏غصب عن سوّامة النفس و اشباه العرب
- محمد بن ماجد

‏صحت نجد على صوت النباح ولجّة الغربان ‏عوافي .. قربي منك الوساده وادخلي لحافك

‏كأنك ما تعوّدتي على التجريح والنكران ‏من اللي زادهم في ما مضى من لحم اكتافك

‏تغطّي .. ما عليك إلا الرضا ورعاية الرحمن ‏صياحٍ ما يساوي طلّتك من راس مشرافك

‏- بدر بن عبدالمحسن - رحمه الله -

انقلوا القصايد باسماء شعرائها رجاءً
حنا نتعب على نسب الحقوق لأهلها والباقين يمسحون الاسم ما تدري جهل ولا نذاله

‏يذوب السلاح الناعم من الكلام الصلب
‏لو انك تقول ان عاد نيرانكم حيه

‏تحالف عيال ابليس مع َ عيال …..
‏ما يصنع من (( اذناب العرب )) ذات اهميه :)

‏سوى ان في زمان الامن ولا زمان السلب
‏يموت الفتى من دون دينه و اراضيّه

‏جبال الحجاز اطول حجا من جبال الالب
‏يكفي انها مهد الرساله الآلهيه

‏مثل ما مصير الادمي مرتبط فالقلب
‏مصير العروبه مرتبط فالسعوديه
- مسعود آل شعفول

‏شدايد الازمات : مشخال القلوب
‏على المجامل صار مافينا جلد

‏بنقول للكذّاب في وجهه : كذوب
‏وللحاقد اظهر حقدك ان كانك ولد

‏يادار وان خانك حكومات وشعوب
‏(والله مامثلك على الدنيا بلد)
- سلطان بن بتلاء

يارب نصرك وعونك لجنودنا و ولاة أمرنا، يارب جبرك و لطفك لكل مصاب، يارب رحمتك وجنتك لكل شهيد، آمين يارب العالمين.

‏حنا ابتلشنا بالعدوّ اللي لبس ثوب الصديق
‏اللي يحسب انه حكيم ، و ما يعرف انه غبي

‏ ما احنا بْـ صاغة يا قليل العِرف يلفتنا بريق
‏حنا الملوك اللي لا جت تمسي بحضرتها صبي

‏تصنّع الضيقه ! و ندري انك ورانا ما تضيق
‏تكيد مثل قْريش يوم تكيد .. في ظهر النبي

‏ابشرك حنا بخير ... و جرحنا ماهو عميق
‏سطحي ما يقتل له عقاب و لا يحرول له ظبي

‏شهيدنا : مِهد له من الارض للجنه طريق
‏و جريحنـا .. ماهو مثل غيره من الجرحى .. ابيّ

‏و ابشرك بنردها له .. لييين ما يعجز يفيق
‏يقوم ما يقدر يقوم .. نرجعه طفل .. يْحبي 💚🇸🇦🇸🇦
- سمار

في ذرى ال سعود ندحم ليلنا والليل حالك
‏والعدو يرتاع منّا ويعلن بذلّ انصياعه

‏من يحاول زعزعة أمنك من الاعداء هالك
‏ندفنه بارضه قبل ينظر لك بعين الطماعه

‏كم سكن فيك البشر وانتي سكنتيهم لحالك
‏مالك مْنافس ولا لغيرك على القلب استطاعه

‏لجلك نلبّي المنادي جعل يفدونك رجالك
‏هاانت الارواح .. ماهنتي على الخفّاق ساعه
- مها

تطيب أمّ الشعوب بطيب طاريها
شهادة حقّ فالتاريخ ممتدّه

جعل من خانها واخلف هقاويها
يموت بغيظه ويبقى الغدر حدّه

تعيش المملكه ويعيش راعيها
ويموت الذِّل ودموعه على خدّه
🇸🇦