إنْ تكاثرك السهر وإستنكرك — وجه المكان
‏جبت لك منْ ماضي الذكرى مواقيّف وشهود

لا تساومني وأنا اكره أنصاف الحلول
‏والقطيعه عندي أحيان أخير من العوض.

ولا لي بالبشر غاية ولا لي بالثرى أوتاد
‏خفوقي حر واتبع ما يعز النفس وارضيها

يابعد من مابعد جا ومن عدّا
‏ويابعد من ساج روض الحشا نشره
‏ والله إنك بالغلا فارقٍ جدّا
‏مثل فرق الابتسامه عن الكشره

هي فطرة القلب ، ولّا كذبة الحاجه
‏" الناس ما تعشق إلا اللي يهمّلها

ماذبحني غير حر انتظاري لك
ياثقل دمك على اللي يحبونك

عزة النفس فيني من صغر سني 
‏مـن صـد عني بيـبطي ماتـباطيـته
‏ٰ
‏مغنيني الله عن اللي مغتني عـني 
‏و الرزق من غيـر ربـي ما تـرجيته .

‏احد يدور لك خطا وانت ماخطيت
‏واحد يدور لك عذر وانت مخطي

‏يالله عسى الثاني مثل ما تمنيت
‏تضحك سنينه عكس الاول وتبطى

‏ما يجذبني المتاح اللي يعم الجميع
‏انا احب النادر اللي ما يخص إلا انا..

‏ياما قطعت الطريق الموحش لحالي
‏في حزّةً تذبح الساعه عقاربها

‏مايرخص العمر غير اللي فقد غالي
‏ومازاد روس الدهاه إلا تجاربها

‏يمناي يمناي لا عمي ولا خالي
‏يوم المصايب تفتلي شواربها .

أغلقوا الأبواب، علموهم احترام الفُرص

‏ليتك على كبر الهقاوي تسنّعت
‏لكن ردي الساس مافيه حيله

‏يوم وكّد غلاه وشاف حبه تمكن
‏مسّ قلبه غرور وصاب طبعه بلا

‏المكابر بالهوى صعب تفسيره
‏بين ابيه وبين كيفه ولا جاني

‏الذنب ذنبك والخطايا خطاياك
‏والجرح منك مالقى له مداوي

‏انسى ليالينا مثل مانسيناك
‏وكمل طريقك دام للبعد ناوي

‏ماعاد له داعي وجودك ولقياك
‏قلبي قسى ماعاد قلبي رضاوي

‏الحزن والدمعه على مثل شرواك
‏أكبر حرام وخيبة للهقاوي

‏ماعاد أبي شوفك ولا افرح بطاريك
‏أصبح غيابك في حضورك مساوي