تسرمد الليل وهجّت فيك قيفاني
و وزن الشعر مغرم وقلوبنا هاويه

عرفتك بـدر في عتم الليل ضواني
وأنا شاعر مهذري لغزالٍ هاديه

وإن قالوا من تُحِبّ
قلت إنّما الحب أنتِ
والنهار مشرِق شمسهُ
كلّما بنتِ
يا من أهلكتِ شعري غزلا
مالي سواكِ بَدَلا
وفي صدري ما هُنتِ
كنتِ غريبةً ثم جئتِ
وفي خريف عمري .. أزهرتِ
وفي ظلمة ليلي قمري أصبحتِ
لكِ ولائي وانتمائي
يا مائي جفافي رويتِ
أحبكِ أنتِ وما الحب سواكِ أنتِ

هذا خيل شعري بميدانه وهذا السرج
هاك لمّي ما تشتت فيه واجمعيني

لا تخافين كلام الناس فينا وكل هرج
ولا تخافين مني القسا لا تخافيني

جيتك وإبن شعري يمشي لك عرج
خصلتك عكّازته ونظراتك عناويني

إبني صرح فصدري وازرعي مرج
ارعشي نبضاتي و رجّفي شفاتيني

تدفّي في عوج المحاني بلا حرج
والله ما أدفى من شعري إلا يديني

النحيل اللي نزف سنينه بوجهك يرتجيه
عرَف معنى الكمال في زينك الصافي

قلتي الموت لا صار في صدري تجيه؟
قلت أشرّي دروبه وأجي للموت حافي

فداك عمري واللي مروا علي من وجيه
وفداك كفي الجامر و صدري الدافي

لا تخافين من قسوة قلبي وما تليه
إلا إذا تركتي حمى ضلوعه .. خافي

الطيب في دمي لو دمي انعوى
أدور خيرة الأمور وتارك الشرّ

أعرف مطلع النور و بدرٍ ضوى
وتعرفيني تعودت أشرب المُرّ

عزة ذراعي الثابت ما تلتوى
ولا اهتزيت لو اندهمت على غرّ

قِل لعيونك الخرسا سلطانة ذنوبي
‏ما سليت عن نظرتها ولا جزت عنها

هلا بصوتك اللي ليا دهم جحاف النفود
يزرع وردٍ في شتّى ربوعه

توجّست صمتك وأهلكني الحرمان
لين نام حرف شعري معانق همومه

أعابثك فالشعر يا قايد الغزلان
يا عافية صدري عن قاسي سمومه

وا عناي أنا بدويٍ يابس الكتمان
ما يرخي شكوى لأحد ولا يلومه

دمعي المستور نادى يالبدر عطشان
أبي اتهجّى وارتوي ريضانك الملمومه

أنا في روض عينك المرتوي و الراوي
يا حقيقة تمحي كل شكّة و ريبه

أنتي مثل الحميّة في عين العطاوي
وأنا لك حضن نجد في عيون عتيبه 🤍

سابقني القصيد و جا يمّك
مثل عقل شايب وقلب الطفل

أنا أدفى لك من جلال أمّك
ومن جمرةٍ ما شبّت على مهل

يا ترفةٍ ناعمه سكنت ربوع عمري
جلدها الناعم مع الحرير متساوي

اتركي السيوف نايمه على ظهري
أنا متجاهل ورا ظهري عـداوي

يا بنت بدوان أجواد كما صبري
ذبحتي قلبي الطفل وهو لك آوي

لا تحسبين الشعر كلام مْهذري
من لا يعرف الصقر يصير له شاوي

كتبت قصايد وأنا مجروح صدري
ومن زود الدلع خذيتي جرحي غناوي

إلى متى أقول إنك ربيع عمري ؟
وإنك مثل الحمية فقلب العطاوي

خذاني الغرام لك وأنا عذري
إني راضي منك عذابي والبلاوي

عطيني عيونك.. تعب صبري
أبي عينك تحضن جرحي وتداوي

وسعوا فتحة العين فالبرقع يا جماعه
محبوبتي شيهانةٍ ذات عيونٍ وساع

يا مطرّف الكحله أبرفع برقعك ساعه
وأكحّل عيني بحسنك قدر المستطاع

في طرف عينك ربيع أزهر بـ قاعه
وفي طرف شفاتيك ورود بكل الأنواع

قايد الريم خايف أنا منك القطاعه
عقب ماني في دنيتك هايم و ملتاع

ليل البرد فينا سرمدي
ما تدفيني فروه ولا لثام

أنت دفاي و يا سيّدي
خفقات قلبي الخدّام

أنا بدوي لقاك سْعدي
وقصيدي وبيوتي والكلام

إقرب لي يا نجم الجدي
جوّدني عن تيه الظلام

بك ينتهي ليلي ويبتدي
فجرٍ نعس في هدبك ونام

ما أخاف من الزمان الردي
أنا خايف تنسّيك الأيام

لا تترك يديني وتهتدي
يديك للموادع في السلام

أنا أحبك بكامل جْهدي
وأحبك بداية لين الختام

يا وردة ما لاذت لأرض مرباع
ما غير دفوة عيناك سايرتني

يا ورده فالسما ماهي بـ قاع
يا عين غزال للشعر ألهمتني
🤍

لي قلبٍ على الهم منصاع
كَنّ ماغير الهموم رافقتني

سامحيني والعذر ما طاع
قلبٍ من حنيّته كَلّ متني

أنا لك هايم عاشق وملتاع
لو خفيتك العين فضحتني

تسرين فيني لآخر آفاق الجنون
كلما لمحت طيوفك قمت أهلّي

لمتى يا عمري تجرّحيني بالظنون
و تعطّشيني من زلالك وما تملّي

في رمشك الساكر ناظري مفتون
يا غرٍّ ذبحني بالدلع و التغلّي

ليه أتركك وأخليك سولفي شلون؟
وأنتي أجمل ما بعمري حصل لي !

ما دامك تعرفيني أعشقك بخبال
لين صرت في غرامك متعاطي

لا تقطعين عن وريدي حبل الوصال
وتصير كفوفي للدمع شاطي

لنفسك حق عليك .. تحشمها
وكل مكانه ترخص بنفسك فارقها

وليا ألتفّ ليلك وعتّم وضِقت
و تاهت مغارب سماك ومشارقها

أسدل ستاير ليلـك ثم إنعزل
و أحضن دمعتك برعدها وبارقها

إسقي عطش جوفك بالكتابة
ترا الكتابة تزيد بالبساتين وارقها

ساعات يقولون إنهم فاهمينك
بس مرارتك .. من سواك ذايقها؟

وإن حسيت محد فاهمك نوبة
أصحى لروحك حسّها وعانقها

منت بحاجة بعض أحيان للفهم
أكسب نفسك بتنطح زمن عايقها