Sershovqin, sertashvish shahar...
Orom olmas tunda ham bir on,
Qalbim aytar boladek, bir dam...
Qishloq, Ota hovlingda uyg'on...

Bugun bari hisob kitobli
Inson o'tar dunyo talashib
Yana qaytsam bola chog'imga
Yulduzlarni sanab adashib...

Netay, bizdan so'roq aylamay
Yurar ekan xayollar daydib,
Bolalikning qo'lidan ushlab,
Ketgim kelar o'tmishga qaytib...

Bola chog'im , seni almashdim
Kattalikka bo'lgan havasga,
Bemanfa'at , beg'am tuyg'uni
Kimlar solib qo'ydi qafasga...

Sarvinoz Sadaf

01/06/24

16:31

@SarvinozSaDaF

Men seni unutib qo'ysam ham,
Ko'p kechirding, dardlarim olding...
Har holimda , marhamat aylab
Yonginamda faqat sen qolding...

Yurakkinam chekkanda ozor
Borligingni yodimga solding,
Rad etilmas huzurga shoshdim...
Yonginamda faqat sen qolding...

Asli senga  nafim yetmas hech
Borligimcha faqat sen suyding
Qayta qayta meni avf etib
Yonginamda Robbim sen qolding...

Men seni unutib
        qo'ysam ham...

Sarvinoz Sadaf✍
18/06/24
@SarvinozSaDaF

Non tuzida minnatlar yo'qdir,
Hotamtoyim sizsiz Otajon
Ne so'rasam ortig'i bilan,
To'shab qo'ygan so'zsiz shu zamon...

Mehringiz ham eng toza eng pok,
Dard ko'rmang, g'am ko'rmang hech qachon,
Onajonim bilan uzoq yil,
Yashang bedard, yashangiz omon...

Sarvinoz Sadaf

04/07/24
11:32

@SarvinozSaDaF

Kech mahali, salqin... Namozshom...
So'ragandek kunning hisobin,
Shitirlashib kuzaklar , go'yo...
Varaqlaydi umr kitobin...

Sarvinoz Sadaf
12/10/24
15:14

@SarvinozSaDaF

John Roomy🎤
Sarvinoz Sadaf ✍
Tez kunda...
Soon...

Bir daraxt bo'lginki, ey dil
Shamollarda to'kilsin dardlar,
Kay xazonlar to'kilur butkul,
Shundan keyin ochar kurtaklar...

Ko'mgin kõngil qabristoniga
Umri tugab qolgan tuyg'uni,
Toki qaytib bezovta ruhi,
Baxsh etmasin mangu qayg'uni...

Daraxt bõl dil, ko'lankasi keng,
Har yaxshiga mayli bõl panoh
Majnuntol bõl egilgin "HAQ"ga,
Tomirlaring kesmasin gunoh...

Bir daraxt bo'lginki ey dil...

Sarvinoz Sadaf

24/10/19
08:43
@SarvinozSaDaF

Sershovqin, sertashvish shahar...
Orom olmas tunda ham bir on,
Qalbim aytar boladek, bir dam...
Qishloq, Ota hovlingda uyg'on...

Bugun bari hisob kitobli
Inson o'tar dunyo talashib
Yana qaytsam bola chog'imga
Yulduzlarni sanab adashib...

Netay, bizdan so'roq aylamay
Yurar ekan xayollar daydib,
Bolalikning qo'lidan ushlab,
Ketgim kelar o'tmishga qaytib...

Bola chog'im , seni almashdim
Kattalikka bo'lgan havasga,
Bemanfa'at , beg'am tuyg'uni
Kimlar solib qo'ydi qafasga...

Sarvinoz Sadaf

01/06/24

16:31

@SarvinozSaDaF

Senga hali she'r bitmaganman
Senga loyiq topilmas so'zim,
Yuragimning eng cho'qqisida
Malikasiz , siz go'zal qizim...

Siz Allohdan eng buyuk tuhva
Ham g'amxo'rim, sotilmas do'stim
Dunyoyimiz nurga to'ldirib,
Bag'rimizga xush kelding qizim...🩷

Sarvinoz Sadaf
04.11.25

@SarvinozSaDaF

She'rlar yozmay qo'ydim,
she'rlardan ketdim...
She'rda yashaganga bu qanday og'ir...
O'zimni unutdim o'zimdan kechdim,
Bir qo'lda uch bolam, birida sabr...

Tong otar, kun botar , o'tar shu zayl.
Goh hafta kunlar ham chiqar esimdan,
Chalg'ishga , charchashga haqqim yo'q axir...
Uch bolam ergashib yurar izimdan...

Eshikka qaraymiz tugab ish vaqti,
Dadasi kelsinlar quyoshdek porlab,
Kun bo'yi yig'ilgan dard-u mehrimni,
Kimgadir to'kmasam ketaman portlab!

Oynadan qarayman odamlar shoshar,
O'qish..., ish.. , mashaqqat ,
kerak ulgurish,
Men ham ular kabi edim,
Va bildim...
Baridan mashaqqat farzand o'stirish...

Garchi horg'in, garchi toliqsam biroz,
Charchaganda, shukr, bordir yelkadosh,
Qiziqtirmay qo'ydi she'rlar-u, g'azal...
Farzand ekan axir eng buyuk asar...

Sarvinoz Sadaf

25/11/25
01:23

@SarvinozSaDaF

#Çok çok güzel şarki❤️
#Mohsen Yeganeh😍
@SarvinozSaDaF 🤩

Daryoyu dengizlar, g'arq qilmas,
Toshqinda yo'nilgan toshman men...
Bazida to'kilay deb turgan,
Kiprikka ilingan yoshman men...

Bazida charog'on osmonman,
Gullagan Bahorman, Yozman men,
Bazida uzilgan kuzakdek...
O'zimga begona, yotman men...


Go'dakdek bir chimdim zardadan
Goh ko'ngli ozorda, dog'man men,
Arzimas iltifot, mehrdan
Bo'ylari ko'k qadar bog'man men...

Yo'l istab birovlar ko'ngliga
Va rozi etolmay, xorman men ,
Ya Mug'niy sen dedim oqibat
Qanchalar azizman, borman men...

Sarvinoz Sadaf

06/04/26

23:24🕘

@SarvinozSaDaF

Ba'zan yo'llar uzoq, ba'zan tashvishlar...
Bazida xomushman, ba'zan xushdaman,
Holingiz so'rolmay qolyapman ona...
Men "Dekret" atalmush muhum ishdaman ...

Siz meni mendanda ko'p tushunasiz...
Qo'ng'iroq qilasiz mendan ilgari,
Javobsiz qolsa ham bo'lmaysiz xafa...
Uch bolam, ikkinchi yo'nalishdaman...

Kutmaysiz ortiqcha mulozamatlar
Goh asab..., G'ichirlab turgan tishdaman...
Borimcha suyasiz qidirmay aybim,
Hamonki siz uchun kichik qizdaman...

Sal bolam o'zini eplasin hali,
O'zimchun yashayman degan tushdaman...
Beminnat, malolsiz onajonginam
Kechiring ikkinchi yo'nalishdaman...

Men "DEKRET" atalmish muhum ishdaman...

Sarvinoz Sadaf
06/07/26
02:17

𝑩𝒐𝒍𝒂𝒍𝒊𝒈𝒊𝒏𝒊 𝒖𝒏𝒖𝒕𝒈𝒂𝒏 𝒔𝒉𝒐𝒊𝒓,
𝑺𝒉𝒐𝒊𝒓 𝒆𝒎𝒂𝒔...
(Muhammad Yusuf)


𝑩𝒊𝒓 𝒒𝒖𝒄𝒉𝒐𝒒 𝒈𝒖𝒍 𝒌𝒂𝒃𝒊 𝒐𝒎𝒐𝒏𝒂𝒕𝒍𝒊𝒈𝒊𝒎,
𝑺𝒆𝒏𝒊 𝒌𝒐‘𝒑 𝒔𝒐𝒈‘𝒊𝒏𝒅𝒊𝒎, 𝒂𝒛𝒊𝒛 𝒃𝒐𝒍𝒂𝒍𝒊𝒌,
𝑩𝒂𝒈‘𝒓𝒊𝒈𝒂 𝒌𝒐𝒊𝒏𝒐𝒕 𝒔𝒊𝒈‘𝒈𝒖𝒗𝒄𝒉𝒊, 𝒒𝒂𝒍𝒃𝒊𝒎...
𝑸𝒂𝒚𝒅𝒂𝒏 𝒌𝒆𝒍𝒅𝒊 𝒃𝒊𝒛𝒈𝒂 𝒃𝒖 𝒒𝒂𝒍𝒃𝒊 𝒕𝒐𝒔𝒉𝒍𝒊𝒌?

𝑩𝒖𝒈𝒖𝒏 𝒃𝒐𝒍𝒂𝒔𝒊𝒅𝒂𝒏 𝒐𝒓𝒕𝒎𝒂𝒈𝒂𝒏 𝒐𝒑𝒂𝒎,
𝑸𝒂𝒚𝒕𝒈𝒊𝒏𝒈𝒊𝒛 𝒌𝒆𝒍𝒂𝒓𝒎𝒖 𝒐‘𝒔𝒉𝒂𝒍 𝒅𝒂𝒎𝒍𝒂𝒓𝒈𝒂?
𝑴𝒆𝒏 𝒋𝒖𝒅𝒂 𝒒𝒖𝒎𝒔𝒂𝒅𝒊𝒎, 𝒅𝒖𝒄𝒉 𝒌𝒆𝒍𝒎𝒂𝒈𝒂𝒏𝒊𝒎,
𝑺𝒐𝒙𝒕𝒂 𝒐𝒅𝒂𝒎𝒍𝒂𝒓𝒖, 𝒐𝒛𝒐𝒓, 𝒈‘𝒂𝒎𝒍𝒂𝒓𝒈𝒂...

𝑩𝒐𝒍𝒂𝒍𝒊𝒌, 𝒎𝒆𝒏 𝒔𝒆𝒏𝒈𝒂 𝒒𝒂𝒚𝒕𝒐𝒍𝒎𝒂𝒔𝒂𝒎 𝒉𝒂𝒎,
𝑩𝒐𝒍𝒂 𝒚𝒖𝒓𝒂𝒈𝒊𝒎𝒏𝒊 𝒒𝒂𝒚𝒕𝒂𝒓𝒔𝒂𝒏𝒈 𝒃𝒐‘𝒍𝒅𝒊...
𝑱𝒖𝒅𝒂 𝒐𝒈‘𝒊𝒓 𝒆𝒌𝒂𝒏 𝒌𝒂𝒕𝒕𝒂𝒍𝒂𝒓 𝒒𝒂𝒍𝒃𝒊,
𝑰𝒄𝒉𝒊 𝒌𝒐‘𝒑 𝒐𝒛𝒐𝒓𝒖, 𝒈‘𝒂𝒎𝒍𝒂𝒓𝒈𝒂 𝒕𝒐‘𝒍𝒅𝒊...

𝑩𝒐𝒍𝒂𝒍𝒊𝒌, 𝒃𝒊𝒛 𝒃𝒊𝒍𝒈𝒂𝒏 𝒆𝒓𝒕𝒂𝒌𝒍𝒂𝒓 𝒒𝒂𝒏𝒊?
𝑼𝒍𝒈‘𝒂𝒚𝒔𝒂𝒎, 𝒓𝒐‘𝒚𝒐𝒃𝒊𝒏 𝒕𝒐𝒑𝒂𝒓𝒎𝒊 𝒅𝒆𝒓𝒅𝒊𝒎,
𝑩𝒖𝒈𝒖𝒏 𝒆𝒓𝒕𝒂𝒌𝒍𝒂𝒓𝒏𝒊𝒏𝒈 𝒓𝒐‘𝒚𝒐𝒃𝒊𝒏𝒊𝒎𝒂𝒔,
𝑯𝒂𝒚𝒐𝒕 𝒃𝒐‘𝒔𝒕𝒐𝒏𝒊𝒅𝒂𝒏 𝒔𝒂𝒃𝒓𝒍𝒂𝒓 𝒕𝒆𝒓𝒅𝒊𝒎...

𝑺𝒂𝒓𝒗𝒊𝒏𝒐𝒛 𝑺𝒂𝒅𝒂𝒇

𝟎𝟔/𝟏𝟎/𝟐𝟎𝟏𝟗 · 𝟏𝟓:𝟏𝟐
@𝑺𝒂𝒓𝒗𝒊𝒏𝒐𝒛𝑺𝒂𝑫𝒂𝑭

Yana shivirlaydi xazonli bog'lar,
Yomg'irni sog'indim kuzni sog'indim...
Oynaga qarayman mahzun, notanish...
Ichimda yashagan qizni sog'indim...

Sarvinoz Sadaf✍


@SarvinozSaDaF