"أحدٍ أجيه أضيّع الوقت وياه
‏وأحدٍ ليا ضيّعني الوقت جيته"

‏من ذاق ود مكحلات المدامع
‏عليه من شرابة الخمر تقليد

‏نمر بن صنت

الحب من ذاق خمره من رعابييه
‏واللْه ان يكد النواصي بيض ما تابي

‏سعد بن جدلان

ملّ قلب ٍولّعته التفاصيل الصغار
‏الظنون ظـنونها والأكـيد اكـيدها

‏منيف الجراش

ودنا بالطيب بس الدهر جحاد طيب
كل ما تخلص مع الناس كنك تغشها

يدك لامدت وفاء لاتحرى وش تجيب
كان جاتك سالمه حب يدك وخشها

كل ماشبيت نار المحبه مع حبيب
قام يسحل في مشاهيبها ويرشها

وكل ما واجهت لك فالزمن وجه غريب
مثل ماقال المثل دام تمشي مشها

وذمةٍ ماهيب تندار للحق المصيب
جعل قشاش الحطب لا سرح يقتشها

فمان الدرب لا تردعك
‏ خطوه والسنين بحِل
‏لو انك رحت واسباب الصدود تراود ظنوني

‏على باب العيون
‏ تْوايق الدمعه ولاهو ذل
‏فتق جفن الوصل تلويحك وخانتني عيوني*

"بـ أجيه حتى ولو ما تسمح ظروفِي"
‏ماهُو على كيف ابوها يوم ما تسمح

‏"العاقل اللي ما يحط الشوك في نص الطريق
‏يمكن ظروف الوقت مع نفس الطريق ترجّعه"

‏في سياق آخر /
‏" والدرب خلّه سمح لا تزرعه شوك
‏ يمكن يجيبك يوم .. وتمرّ حافي "

يا رب لا تعطيني على قد كدّي
كدّي قليلٍ و أنت تعطي هماليل

"مكتفي باللي يجي منك من باب الوصال
‏إن عجزت تسوي الصعب سـّو المفترض"
‏- عبدالله السراهيد

"‏أحبك ولو عادت جميع الوجيه أغراب
‏خذيتك أمان يشرّد الخوف من طيبه

‏أشوف الحياة اللي مع الناس ملح وذاب
‏وأشوفك يقينٍ يقطع الشك والريبة

‏أبيع السنين اللي بدونك برخص تراب
‏وأساوم على اللحظة معاك أنت باللي به"

‏"الشِّعر دمعي لا بكيت و هبّ في وجهي براد"

.

هذي الهداوه ما تجي من راحه
‏والدمع منّا .. و العباير منّا

‏كانت عيونه بالحزن فضّاحه
‏عيونه اللي فْـ سالفتها إنَّ

‏ياما تأقلم مع كثير جراحه
‏ان ضاق غنّا و ان تبسم غنّا

‏من كثر ماصارت يده لوّاحه
‏ماعاد لا يحلم .. و لا يتمنى

‏"أمان الله على قلبٍ ذخر كل الكلام سكات
‏علشان العمر يمضي على قولة محبينه"

قالو البدو « ماهيب دايم مرابيع وحياة »
‏يعني عادي Try to adapt