‏كلما داويت جرحًا
‏سال جرح
‏ولهذا السبب قلبي طوال الأيام خايف

أحسب أني كنت أدل..و مدري أني كنت غادي!

المدى مشبّوه والدنيا مخابرها زهيدة
‏ما تساوي نصف هقواتي ولا نصف امنياتي

‏يصبّرني على بعض الشعور أنك لا زلت بخير
‏أنا أحوالي إلى منّك غديت بخير مستوره

- صالح بن حمد

‏مذلة رفيقي بالخطا ما هيب فيني
‏و لا أحب شوف شذرة السيف منثلمة

‏انا ما أحدّ المخطي على أنه يراضيني
‏لا صار الخطا ما هوب طبعه و لا سلمه

‏إلا شفت عنده نيّة العذر تكفيني
‏عذرته ولوّه ما تكلم ولا كلمة

‏- محمد المقحم

تعوّدت إني ما اتعود عشان ارتاح
خذا الوقت منّي كل شيٍّ تعوّدته

‏أعشقي اللي فالمواجه سيفٍ مجرّب
‏و أتركي اللي رأس ماله.. في كلامه

كل ما عزّ الطلب عندي وقالت لي: عشاني
‏قلت: من هذي قبل هذي، وجابتني حميَّا

‏قبلها ما طاعت أقدامي طريق إلا عصاني
‏بعدها ما ظل حلم أخضر بصدري ما تهيَّا

–فهد عافت

ماني مجازيك في صدّك وهجرانك
ودعتك الله وتلقى واحد ثاني
أتعبت الأعيان والأقدام من شانك
وأنت ولا شيء سويته على شاني

لا تجيب الكلام اللي يجيب الدموع
‏ثم اجيب الدموع اللي عليها الكلام

-ميلاف

للحين صوتك ياحبيبي.. حبيبي
‏حتى لو إنّك مو حبيبي لـ هاللحين

–ميّ اللافي

‏*لاتخليك السنين تصير عادي
‏في عيون اللي يقاسمك امنياته

‏ونادني .. لو لا حياة لمن تنادي
‏أسمي بصوتك حياة بحد ذاته

أحبك وأنت لا قلبٍ يحس ولا عيون تشوف
جمادٍ لو أموت بسبّته ما حركه حاجه

عسى الله يردّه من غيابه مثل ما راح
لعلّ السنين تدور به مثل الأرياحي

‏"أغيب اليا لقيت انه يكفّي عني الموجود"

من طول الغيبات عنده حبايب
‏ما عاد فيها لا غنايم ولا شيّ

‏"قبل الزعل والعتاب وكل دمعة حزين
‏الكلمة الجارحه في خاطري شلتها
‏باقي بعيني ملام وفي يديني حنين
‏وباقي بقلبي أحبك .. بس ماقلتها"

‏ظهريةٍ بعنوان /
‏يتوبني عن مسيارك مسياري عليك اليوم
‏زبنتك عن لهيب القايله وأظهرتني فيها - يااااااوك!