‏وليا أنشدوك الناس وش كان ذنبك؟
‏قل: البدو لا عافوا القاع يمشون :)

‏آطى على قلبي على شان اورّيك
‏إني عزيز ولي سلوم ومبادي

‏" ما فقدت إلا وليفٍ راح متهاون فراقي كني اللي فاقدٍ
‏في موقفه خيرة ربوعه " ياكبر الخيبة !

‏"إستحي ياشهب الايام من وجه الكريم /
‏لا تحدينه على الضيق مايستاهله"

‏يا ربّ وأنت القوي واللي معك ما يُضام
‏و مشاعر اليأس يا ربّي ما هي في يدي

أنهكني الضيق.. واستنزفني الإنهزام
‏وأنت أعلم إنّي بذلت ولا ذخرت جهَدي

من باب ما جاء في كلمة: ودّي.

‏"تعيش يا قلبي معزَّز ومرتاح
‏ولا داخلك احساس حقد وضغينة

‏ولا عرفت الزيف وشلون يجتاح
‏بعض القلوب الخايبة والحزينة

‏ولا خذاك المدح بلسان مدّاح
‏ولا عشقت إلا العقول الثمينة

‏ما غرّتك دنياك لو كانت أفراح
‏تقبل على مولاك حُب وسكينة"

جزنا وحطّينا حدود و مسـافات
من يوم صار الصّد والبعد عادي

‏"يوم اشيلك بقلبي و انت جرّاحه، كنّي اللي يشيل الجمر في حثله"

السكوت أحلى كثير من الكلام
ماورى صدري .. وهبته للدموع

..

أي والله أحبك و صايبني على حبك غلّو
‏أشد من غلّو ألتزام الدين عقب الهستره
—سعد بن جدلان

والله ان حالي يتأرجح مابين :
‏"واقف وقلبي داخلي جالس على حافة جبل
‏أخاف لا أخطي يطيح، أخاف لا يخطي أطيح"

لو كان بإمكاني تلخيص آخر سنواتي:
خذاني الحلم، غررّ بي وصدقته :)

"اليوم أروح وخاطري مْنك مكسور
‏وبكرا تجيني تبتسم لي.. وأسامح"

تركت من الجفا ذكرى وصال وخاطر مكِسور
‏وخذيت من الوفا قلبٍ عجز غيرك يقفي به

على وقع الوصال اللي مضى دونه ثلاث شهور
‏تباشر كل جرحٍ من جروح الصدّ والغيبه

‏انا ويَاك ما اخترنا نهاية دربنا المهجور
‏خذلنا الحظ لا والله خذلنا الشك والريبه
- حمدان المري

الله يفتح لي من الأرزاق بابٍ مايسكّر لين..
أرجع لأمي اللي أنباع من غالي ذهبها*