‏قامت على كف الهوا تطوي البيد
‏سَحابةٍ عقد المطر .. في نحرها.

يا كيف برضى موقف الذل والهون
‏ و أنا "عيوفٍ" ما تحب الهواني

الغصّة اللي كانت تمرّ وتروح
صارت تمرّ وتاخذ اليوم كامل

–عبدالله السراهيد

‏أنا سمحت وطابت النفس وأقفيت
‏ما عاد لي صوب الرجوع .. التفاته

—بن شايق الله يرحمه

وحيد أن طاحت الظلما و حسّ بْياس
أخذ شمعة يهشّ بْها على الظلما

أخاف أجي مزهاف وأرمي و لا أصيب
‏والرميه اللي ماتصيب تغبنّي

‏-عبدالله بن زويبن رحمه الله

‏﴿وَقُرْآنَ الْفَجْرِ ۖ إِنَّ قُرْآنَ الْفَجْرِ كَانَ مَشْهُودًا﴾

ان كان وصلك ذنب سلم لي على الأجر
‏وتعال الادمي يبغى له ذنوب يكفر عنها
‏- محمد السكران

" وكنت انا لأحساسهم سلك الحرير..
وصرت أنا هاك النحيل المنطوي "
-خيبه مساعد الله يرحمه

و أنا على حطت يديك الكريمة
‏في الصبح متوازن وفي الليل مَلّهوف

بعض الخطأ يمكن تمشيه الأعذار
‏أعدّي الغلطة بكيفي وطوعي

‏وبعض الخطأ لو ناخذ يمين ويسار
‏لا جيت أسامح كني أحب كوعي

كنت أقول إن المشاعر عنك توبتها نصوحه
‏و أثرها عُمرٍ ما يعطى فيه عهد و لا ضمانه

‏الغلا في كل يوم يطيح صرحٍ .. من صروحه
‏أدرك اللي باقي من الحب قبل يفوت آوانه

‏تضيع الضيعه اللي ما تبي فيها رجاحة راي
‏لا شفت أحلامك يكبّر عليها الوقت ويسمّي

اعلم ان تحقيق الاهداف ودراك الحلوم
‏بالكثير من العمل والقليل من الكلام

‏—مدغم ابو شيبة

‏من البحر .. دايم ينجّون الغريق
‏المشكلة باللي على الأرض وغرق