ثقيل الحلم .. و أحلامي بعيده و الدروب طوال
و أنا ما ودي أحكي لك إلين أحلامي أضمنها
أبي لامن حكيت أحكي ولا القى شي ما ينقال
و أبي لا من سكّت أسكت و نفسي راضيٍ عنها

تعاميتك محبّة.. والمحبّة فاقده للشوف
‏كثر ما كنت أحطّك مقدمي، وتعوّد خلافي

‏كرامتي غاليه مانيب بايعها
‏اغلى من المال والدنيا ومافيها

‏- رشيد الزلامي

‏"عارية من كل ذنب، ولابسة ثوب الطهارة
‏ماخبرت إني بلا مبدأ ولا عقلي خفيّف"
‏-منيره العصيمي

‏تخطي على خاطري ويشيلها جوفي
‏وأنا على شانك الزعلان ، والدامح

‏ماخفت من ليلة وداعك كثر خوفي
‏تقفي وأنا ابيك ، وتعود وأنا سامح

ان كان ودك تجي يمي ومتردد
تعال والله يسوّد وجه من ردك!

‏"وأعنفُ ما أحتواهُ اليوم صدرٌ؛ حنينُ المرء يا سلمى لنفْسه"

ولوّ مهل الله ما همل قلبي الشفاف
‏يجي يوم و الدنيا تعدّ انتصاراتي

‏تخافون دورات الليالي وانا ما اخاف
‏تبي ترد ليّ معروفي و بيض وقفاتي

‏مروّعني الوقت لو ياخذ طموحاتي
‏وتروّعني الناس في صدمة مباديها

‏بارد ولا شي يلفت انتباهاتي
‏تمرني أشياء ما تمشي و امشيّها

‏مسكر اذني و مقلل علاقاتي
‏تتساقط الناس من عيني واخليها

تعودت الجروح اللي من الغالين لـ الغالين
‏وانا استاهل وقلبٍ طبعه الغفران يستاهل

‌‏غبْ عني / اللي تقدر تْغيب عني
‏ياااا من غياباتك غنايم ونوماس

‏مايدرك الرجال مجده .. تمنّي
‏المجد يبغى له عزوم وصَلف راس
‏
‏وصبري معك من طيب ظنك وظني
‏يا مشغل عيوووني وقلبي عن الناس
‏
‏أفرح .. وفرّحني معك والله أني
‏محتاجه إحساسٍ يغطي له إحساس

أما نهيت النفس عن مبتغاها
ولا رمتك النفس في كل وادي

‏أحمد الله ما بقالي على الدنيا حسّوف
‏الفرح يلقى شكر .. والحزن دفعة بلا

‏الليّالي علمتني وأنا طبعي عيوف
‏أرتجي رب الملا .. ما ترجّيت الملا

‏والله إني ما تضيعف مع الناس الضعوف
‏أقفي ليّا صار .. مالي لا قبول ولا غلا

‏"كيف أحبّك؟ وأنت مستسهل غيابي واِنتظاري
‏كيف أعافك؟ والهوى غلّاب، وعيونك غنيمة

‏طلّ صبحك نوق بدوٍ خيّطت الصحاري
‏وجيت أدفّ الخوف وأذبّ لمساعيك الخريمة

‏لا تحاول والحبايب غافلة، والشك طاري
‏المحبّة ما لها تالي وشرهتها ظليمة

‏وأنت وحدك تستفزّ الصمّت وتردّ الطواري
‏"ما قدرت ألدّ لك تقدير وإلا أصدّ شيمة"

‏نجمةٍ مرّت تهادى بين شكّي واقتداري
‏استباحت كلّ شيء وكلّ طقه بتعليمه

‏جعلني لا ضاعت أحلامي وسيّرتك قراري
‏ما تخيّب هقوة عيونٍ بعد فقدك يتيمة"

أنا الظاهر إني طحت في الحب ما سمّيت
‏تغيّرت في يومين ما أعرف وش جاني

‏أحط (الحطب) وآخذ لي شوي ما شبّيت
‏من السّجه الّي فيني الله لا يبلاني

‏ويضحي الضحى وهو مخلّل رواق البيت
‏وأنا أفتحه قبل الفجر في غالب أحياني

‏أنا طار عقلي في الهوى صدق وانجنّيت
‏ولا يدري إلا واحدٍ كنّه إيّاني

اليا أخذت في المجلس ربع ساعه انسلّيت
‏أحس إن قبلي ودّي أصير وحداني

‏ سلامي على الّي كل ما منّي عنه أقفيت
‏يقوم الغلا والحب والولف يشعاني

‏وأروح لمحادثته من الشوق ليا حنّيت
‏لعله يجي يرسل رساله ويلقاني

‏ولا شفت يكتب تطلع وتختفي هجّيت
‏من الهبله أدخلّي ببرنامجٍ ثاني

وقبلي معه كيف أنت؟ وين أنت؟ وش سويت؟
‏أخاف أغفل لي عنه ساعه وينساني

‏واليا جيت أبي أعلمه إني عليه أشفيت
‏أخاير ويرجف قلبي وييبس لساني

‏ولا رحت أبرقد أخذت لي غفوه وفزّيت
‏تلمّست جوالي وأنا الشوق يحداني

‏وأنا لو بجي له وأعلمه ما خفّيت
‏لو أذوب في دمه من الشوق ما يزهاني

يا زين الشعور الّي يجي فيك ليا حبيت
‏أنا قمت أحس بطهر روحي وبإيماني

‏وأحس إن كل شيء يبتسم لي ليا لدّيت
‏وأحس إن نور الصبح يطلع على شاني

‏ولا عاد فكّرت بحياتي ولا اهتمّيت
‏طغى الحب فيني لين سامحت عدواني

‏سما بي هوى الّي أحبه وأنا ما أخطيت
‏أنا أخطيت ما حبّيت في ماضي أزماني

أحبّه ولا ضعفت عزومي ولا ملّيت
‏لو أبتل على ذا الحب كان الله أحياني

والله أن القلب شفقٍ على بعض الأمور
بس عندي عزّة النفس حاجة ثانيـة

ماجيت أسمّعك الكلام اللي تبيه
‏جيت أودِع الذكرى القديمة فاللحد

‏خل الكلام الحاد والرأي الوجيه
‏يمكن يكون الإعتراف أقسى وأحَدّ

‏ماكنت وجه وبس من ضمن الوجيه
‏إنسان عاهدني على شي وجحد

‏أنت الشعور اللي ماقد حسيت فيه
‏وأنت الكلام اللي ماقد قلته لأحد