وثوب العز يوم اني لبسته لايقٍ فيني
‏ولا تحتاج روحي للمدايح لجل ازكّيها

حتى لو أن قلبي شفوقٍ هواوي
‏وله حاجة يسعى لها ما وصلها

‏ماخايل الدنيا بعين الشفاوي
‏الحاجه اللي عند أهلها لأهلها

في حياة الناس ماعندي فضول
‏ الخلايق يستر الله حالها

‏ادري ان الناس عاقل ومهبول
‏ وافصل العقّال عن جهّالها

‏يرجح الميزان في حجم العقول
‏ ماهو بهندامها وأموالها

على جال راسي تدور الليالي والظروف
‏أما تعنّ خيولها ولّا تحد سيوفها

‏لنفسي أحلام ولقلبي مثل غيري شفوف
‏وأنا بذلت جهْدي كله عشان أشوفها

‏يارب ما دامها أحلامي على بابك وقوف
‏ما ضاق صدري لو أنْها طوّل وقوفها ..

الصمت ساعة لبسته مثل هندامي
‏شفت المفوَّه تعذَّر والكتوم اقدا
‏انا امتلك مبدأ ان المبدأ الزامي
‏وما اصعب العيش للي يمتلك مبدا
‏صبري وصبرك إلين أصايد أحلامي
‏الأيام مثل البشر فيه أصدقا وأعدَا
‏ريّانة العود، ليه أجامل أيامي ؟
‏وأحب خشم الظروف ووجنتيك أبدا

‏جعل ترويك السحايب ويرضيك الربيع 
‏ يا ديارٍ مبطي البرق فيها ما شعى

‏طموحي معنيني وقلبي بعيد شبوح
‏أعيش الضما لكني أمارس الساقي

‏ونفسي وحش ماهي بسهله على الطاروح
‏تموت النفوس ولا تهقوت بمسباقي

‏و أنا شمس لكن مالقت بالوجيه سفوح
‏فهقت الظلام ولا تخاذلت بأشراقي

‏و أنا نجم لكن لي متى والنجوم تلوح
‏قبل غيبتي لابد ما أستثمر آفاقي

‏إذا ابتدت سيرة الحب ابتدى دوري
‏قفّل على كل جرح ف بابٍ مسوّر

‏يفداك طيشي مع الباقين وغروري
‏ويامرحبابك.. ويالبّيه.. ومنوّر

‏أنا اللي أحتاج لغيابي ولحضوري
‏ضحكه .. على شان أوّقف معك وأصوّر

‏قبل اعرفك كنت فرد بمجتمع ثوري
‏وعرفتك وصرت فرد .. مثوّر مثوّر

‏ما عرفني إلا أنتي إليا من جهل قلبي حريبه
‏واحدٍ ماله نصيب من الطبوع إلا الجلافه

‏أنتي أدفى ما ورا صدري وأقصى ما يجيبه
‏وأنتي آخر عهده بجدب أرضه وقسوة جفافه

‏مستعد أبيع دنياي القديمة باللي هي به
‏أنتي دنيا ثانيه ما أنتي على دنياي اضافه

‏خسارةٍ يجي وراها محاصيل
‏الذ من فوزٍ.. بطعم الهزيمة

‏وغنيمةٍ ترقابها الجدي وسهيل
‏وغنيمةٍ منها السلامه غنيمه

تبارك الرحمن ي الظبي الجفول
‏جادلٍ نحيلة خصر طرقا وطخمه

‏مابين فم وبين عين وبين طول
‏حصنتك الله بين جهر وتمتمه

‏يا بنت والله لو جمالك بالفعول
‏ان كان زينك شيخ قوم ومحكمه

‏ترى غناة النفس هي أصدق غناه
‏وترى جمال الشي ما قلّ و ندّر

‏وترى البعاد أحيان نوع من النجاة
‏والسكوت أحيان من باب العذر

‏لا تكبرون إلا على ظروف الحياة
‏ولا تحزنون إلا على غالي قدر

‏سعي الانسان لمنافيعه على الأرض اضطراري
‏وأنت رزق اللي يشوفك عيشته واغلى حصيله

‏يميزك الدلع عن كل هيفاء عودها مفتول
‏لقاك المشهد اللي ما تملّ العين تكراره

‏كحيلة طرف عاجية ترايب فاحمة مجدول
‏مزّينك الترف ما زيّنك خلخال و سواره

وأحب أكون المنفرد بالوقت الأول والأخير
‏ وأدور اللي فالزمن مالا يرغبونه .. وأرغبه

اللهم نسألك ايام تأتي أجمل مما مضت - آمين

‏ماضربنا شاسعات الأراضي عرض طول
‏غير نبغى نطرد الحلم .. حتى نمكنه

‏يامكبر طموحي وياصعب الوصول
‏لذتي تحقيق الاحلام "غير الممكنه"

‏إن عسفت أدور النافرات من الخيول
‏وإن كتبت أتعب عالبيت كنّي بسكنه

تحديت الليّال المظلمَه والسور والأقفال
‏ووصلت لكل ما يطري علي بـ فجّة إشراقي

أن رضيت بشي .. ما أرضى مخافه
‏ما أقبل أنصاف الرضا في كل أموري

‏و أن رفض قلبي وعاف الدرب عافه
‏ما أجيه بنص خطوةٍ من عبوري

‏الوداعه .. والسماحه .. واللطافه
‏هذي أصدق ما زرعته خلف سوري

‏والسكوت إن حمّل ضلوعي كلافه
‏بيض الله وجهه بغيبة حضوري '