يا فاطمه. يا فاطمه
*
انتي الوسيله. وانتي الجليله
ويالزهره احبج. كلمه قليله

امن الذر هويتج. بروحي اشتريتج
ومولاتي عالم. ثاني لگيتج

حللو يالزهره دمي. وطلع مدمن بالعشگ
واربعه وعشرين ساعة. كلبي بحروفج يدگ
كل عشگ بالدنيا جذبه. وعشگج الطاهر صدگ
وكلبي اذا ينساج لحضه. اله اشلعه امن العرگ

يالعالمه. يالعالمه
يا فاطمه. يا فاطمه
***
اعلن غرامي. وشوگي وهيامي
ويالزهره اسمج. احله الأسامي

عشگج خذاني. وتملكاني
ومولاتي رسمج. ما فارگاني

لوحة قرآنيه انتي. وعصمه گلبج منملي
ولان قطب الكون بيدج. الله ظماج العلي
انتي شريان العقيده. وبيج كل هم ينجلي
فاطمه ام ابيها. وهالامر واضح جلي

احجاب السمه. احجاب السمه
يا فاطمه. يا فاطمه
**
يكفينه مرضاج. ما صرنه لولاج
ويالزهره واجب. اتوضه واقراج

هاي السموات. وكل المجرات
بسمج تسبح وتقرالج آيات

بالكساء عدنه روايه. وثابته بطول الدهر
فاطمه لولاكم انتم. ربنه ما يخلق بشر
الشيعي جي طاهر حليبه. حبج بكلبه كبر
انتي ريحانه محمد. واليتبعج ما خسر

العافج ضمه العافج ضمه
يا فاطمه. يا فاطمه
***
صوت المنابر. هز المشاعر
ويالزهره صوتج. صحه الظماير

اول شهيده. لجل العقيده
وكل عاشك اليوم. ردد نشيده

لا نحبه ولا نريده. الما يريدج فاطمه
عاشگينج يالزجيه. ويسري حبج بالدمه
يا شمسنه الما يشوفج. كون بعيونه العمه
الله من گد ما يحبج. زوجج حامي الحمه

اشرف سمه. اشرف سمه
يا فاطمه يا فاطمه
**
بكل فاطميه. ننصب عزيه
والخدمه حلوه. واعظم هديه

هلي الخدامه. بيها الكرامه
وانتي الشفيعه. بيوم القيامة

خدمتج مولاتي نعمه. وماكو اعز من خدمتج
واجب انقيم العزيه. ونطلم اعله امصيبتج
بدفترج سجلتي اسمنه. واحنه شلنه رايتج
وبالحشر يالزهره باجر. انتي وكفه وكفتج

وبالخاتمه. وبالخاتمه
يا فاطمه. يا فاطمه
**
تمت
تحسين الخفاجي

‏مقطع صوتي من اللهم صل على محمد وال محم

نعي للزهراء عليها السلام
***
بين الباب والحايط عصرها
والبسمار صوبها بصدرها
وكون انشلت اجفوفه السطرها
تصدع الروح كل حسره التجرها
يجيها الليل وتون من كسرها
وما شافت ابد راحه بعمرها
ما يوم الوكت تدرون سرها
حته الصبر ضل يحجي بصبرها
غمضت عينها وضل بس عطرها
ودمعة زينب اعليها اشكبرها
شيعها علي وناح بكترها
وعن الناس ضل مخفي كبرها

كل يوم الحزن عالعين بسمار
وراوها الزمن يا ناس بسمار
نبت وسط الضلع يا حيف بسمار
كسر گلبه الكسر گلب الزجيه

الشاعر
تحسين الخفاجي

شوف الوكت بيه اشلعب
ماميت الهسه اشعجب
انه علي جرحي كتب
****-*
كلهم اجو هجمو عله الدار
وبالباب ضلت تسعر النار
بضلع الزجيه نبت بسمار
وانه اعله محسن حيلي منهار

بالباب اعصروها. الزهره ما رعوها
صحت ام الحسن ليش. عالعين اسطروها

لزمت ضلعها امن الألم
وباب النبي متروسه دم
وحسين اصد حيله انهدم
****
مكسور ضلع الزهره مكسور
وبفراكها بعيني انطفه النور
انه علي ومن ابجي معذور
اليوم اعله حالي اتون الگبور

فاركت الحنينه. وحزنانه المدينة
انه وفاطمه اهواي. خانت كلها بينه

افراگ المشو ما ينحمل
دمعي يصب من انسأل
نار بكصب هيج اشتعل
****
كل ساع احس دمعي بالردان
وكل يوم اكضي الليل سهران
جوه الترب ضميت الحنان
وضهري انكسر من كثر الاحزان

خلصت هاي هيه. وانه اشباقي بيه
كل ساع اشتهي الموت. من بعد الزجيه

بصفها ردت احفر گبر
امشي نعم بس منكسر
فركاها شيبني اشكثر
**
ابجي عليها وحيل مهدوم
وعيوني ابد ما شافت النوم
شايل جبل گلبي امن الهموم
وكل يوم اصبر الروح كل يوم

ليش الفاركوني. راحو ما يجوني
نامو جوه التراب. وهالگد عذبوني

زين وبقه يدگ الكلب
ما وجدت حته الدرب
كوه الهوه بصدري يطب
**
وي فاطمه عشت اجمل ايام
جنت انسه يمها كل الآلام
جانت بديها اتوكل الأيتام
ومن الضلع ما جانت اتنام

عافتني الحبيبه. والراح شيجيبه
وبرموشي طلع شيب. من عظم المصيبه

يا فاطمه صرخ كمت
للفرگه ابد ما حسبت
يامه اسهرت وتحملت
*
تمت
تحسين الخفاجي

‏مقطع صوتي من اللهم صل على محمد وال محم

هيه زينب زينب
*****
الدنيه كلها تنورت بعيادها
عمة الساده هله بميلادها
كلشي يصفن لو نعد امجادها
تموت خل اهل الحقد بعنادها

نعلك شموع الفرح والكلب همه نشرح
زينبي العالم صبح وبالارض كلشي وضح
******
هاي زينب والحجي عنها يطول
اليوم بالميلاد فرحان الرسول
كمطتها الحور بكماط البتول
بالعقيله احتارت اصحاب العقول

بالضبط تشبه علي هيه روحي وكل هلي
بيها كل همي ينجلي صوت حبنه يعتلي
********









بزود اخوها تزامط المهيوبه
الله ميزها شكثر محبوبه
من عشكها ما اكول التوبه
والتبعها الباري يمحي اذنوبه

هيه باء البسمله والاميره بكربله
والمسير اتكمله هله بزينب يا هله
******
من جمال عيونها ايغار الكمر
ماكو شاعر شفنه وصفها كدر
وياها تتمنه الشمس تاخذ صور
بليله الميلاد خل يحله السهر

واخت سبع الكنطره هيه ستر الله تره
بيها تحلف كل مره هله بغيرة حيدره
******
علي بيده امن المهد شالاها
والحسين بضحكته ناغاها
والحسن بعيونه يحجي وياها
الله زينب بالسمه سماها

والكواكب هلهلت والنجوم اتزينت
والطيور اتباركت اباب زينب عيدت
*****
تمت
تحسين الخفاجي

هوسات للسيده زينب عليها السلام
***
وي زينب اليوم انولدت العفه
والأملاك يمها تعنت بلهفه
علي اذن بذنها وشالها بجفه

وجبريل بصفه يناغيها
***
زينب حجة الله ومهبط القران
وتحلم مثل زينب تطلك النسوان
الكمر من بيت زينب كبل يطلع جان

ونجوم الكون تمر بيها
****
انولدت والشهامه انولدت وياها
زينب ربنه فوك العرش سماها
وزينب للستر عنوان خلاها

وهاي اخت الما دنك راسه
**
الشاعر
تحسين الخفاجي

ما يرجعون. ليش بالفرگه انذبح
ما يرجعون. وعالجرح رشو ملح
ما ادري امشي وعايش اشلون
والشيب خضر وسط العيون
**
انه ادري البعينه دمع. من يبجي يرتاح
جا ليش كلبي ما وكف. وتلولح وطاح
يا فاطمه انه علي. بروحي الحزن صاح
من رحتي بعيوني انكتب. ما يرجع الراح

لا تروحين. بغيبتج ياهو الالي
لا تروحين. عكبج اتغير علي
شو شيب اسمعهم يكولون
والشيب خضر وسط العيون
*
فوگ الجنازه اتخوصرت. ودموعي بالعين
ويا فاطمه بحرگه صحت. وين السفر وين
بضلوعي كل ساعه تشب. نار البعيدين
عد راسج اينوح الحسن. وينوح الحسين

وزينب اتصيح. كلبي يايمه انكسر
وزينب اتصيح. مني شيريد الدهر
ليش الاحبهم ما يردون
والشيب خضر وسط العيون
***
ما ترحم الدنيا ابد. من تغدر إنسان
رديت من المكبره. بس كلي ذبلان
عطشان مو للماي ابد. للملكه عطشان
كل ما عثرت بخطوتي. يلزمني سلمان

انه حيدر. روحي دافنها بگبر
انه حيدر. الج مشتاگ اشكثر
وسط اللحد وياج اضل كون
والشيب خضر وسط العيون
**
ضلت عيوني اعله الدرب. وصوابي بالروح
ليش الاريد بدنيتي. يتركني ويروح
مذبوح ما كلهم جنت. بس انه مذبوح
لجروحي ما يرهم دوه. شيخيط الجروح

والله حيره. امن ابجي يحرگني الدمع
والله حيره. زهرة الحب تنگطع
وسهران طول الليل يدرون
والشيب خضر وسط العيون
**
جنت انسه كل ذاك التعب. من احجي وياج
كل يوم اروح الحجرتج. وابجي اعله فركاج
من عيني ابد ما ينمسح. يالزهره ذكراج
هوه العمر يا فاطمه. اشيسوه بلياج

انتي كلشي. وانتي شريان الكلب
انتي كلشي. وفاطمه افراگج صعب
وايتام الج ضلو ينشدون
والشيب خضر وسط العيون
***
تمت
تحسين الخفاجي

‏مقطع صوتي من اللهم صل على محمد وال محم

هوسات فزاعيه


وللزهره لحگ يا علي. صاب الضلع بسمارها

وبالباب صاحت فاطمه. يا فضه شوفي اضلوعي

بالعصره محسنها اختنگ. وبصفها مات الليله

وياهو اليشيع فاطمه ام الحسن مظلومه

وبالباب زينب صيحت. يايمه لتخليني

ومو مال واحد يستجن. مالت يشگ اهدومه

وبليل شالو فاطمه. واهل الوفه دفنوها
**
الشاعر
تحسين الخفاجي

‏مقطع صوتي من اللهم صل على محمد وال محم

تلزم ضلعها والألم. يعصر ضلعها
وعالحايط اتضل تنتجي. ويهمل دمعها
ساهر جفنها. وما يهده ونها
*
هاي الزهره وحالتها. بيها اشسوت دنيتها
يا محنتها ويا حيرتها. متعوبه اهواي
شيطفي النار البيها. اشكد الباب امذيها
اتكوم وتعثر والهم يكبر ومشدوه الراي

شتظن المكسور ضلعه يعرف النوم
جرحه ما يشفه بسهوله الكلبه ملجوم
تلگه دمع عيونه ينزف مثل الغيوم

البسمار متندم بقه. وينحب عله الصار
والنار خاطرها انكسر. من وصلت الدار
واشتد حزنها. ما يهده ونها
**
الفارك غالي ويتأمل. مثل الورده ايضل يذبل
تطلع روحه وتبدي جروحه. تكبر وياه
التشتاك بسرعه عيونه. ليش بساع يعوفونه
يسهر ليله. وينهد حيله. ويضوگ الاه

نار نمرود اشوه من نار البعيدين
ونعمله اعله الحلم ما فارگ العين
احنه صح عدلين لاكن عشنه ميتين

الودع عزيز بدنيته. لتظنه يرتاح
هذا اشوه مني طيحته. المن السمه طاح
دافع ثمنها. وما يهده ونها
****
ليش الزهره ايضلموها. وخلف الباب ايعصروها
والدم يجري. والكل يدري. بت المختار
محسن مات امن العصره. وكسروها اضلوع الزهره
اهواي اتأذت وتون ضلت من البسمار

بقوته ليش النذل يسطرها عالعين
والرفس باب النبي وگلها علي وين
وتشبه اضلوع الزجيه اضلوع الحسين

مجروح ابو اليمه ويون. ضل اعله مجروح
وحسين باجر ينسحك. وتشوفه مذبوح
اتنوح اعله ابنها. ما يهده ونها
*
يا ناس الفاگد امه. دمعه بيا عين ايظمه
من يذكرها. ايطلع صورها وللام يشتاگ
روحه تصير بحجرتها. وبالبيت ايشم ريحتها
يتعنه الها. ويمه ايگلها. مابيه افراگ

جلمت اليمه حنينه وتسوه كلشي
والضيع امه يضل بالگوه يمشي
يصيح مو بس راسي شيب حته رمشي

هنياله الي ايرد الهله وامه تلاگيه
والماتت امه بيا ضمد تكدر تداويه
شرد احجي عنها. ما يهده ونها
*
والفارگ اغله احبابه. جم يمته ادگ ابابه
وتكله ارجع نشف المدمع. لتروح بعيد
اليرسم عالكاع احلامه تمسحها اتضل ايامه
وليل اهمومه. وكت النومه. دمعات ايريد

هاي دنيه واليسافر يرجع اشلون
اكو وادم صار فرگاهم بالعيون
وحشه واعزاز الكلب ماظن يردون

ورده وعمرها اثمنطعش. تبجي العمرها
حيدر دفنها بالگبر. واخفه گبرها
ازرگ متنها. ما يهده ونها
**
تمت
تحسين الخفاجي