واقعية جرافيك الألعاب باستخدام محرك Unreal 5 😲
فيديو دعائي للعبة شوتنج قادمة اسمها Unrecord 🔥

حملة منتشرة على تويتر من عدة أيام لحظر الحسابات اللي دفع أصحابها 8$ للحصول على علامة التحقق ✔️
حملة BlockTheBlue انتشرت بشكل كبير لدرجة إن إدارة الموقع قررت حظر الحساب الرئيسي للحملة @ BlockTheBlue.
تويتر الآن في حالة من الفوضى، وعدد كبير من المشاهير رفضوا إجبارهم على الدفع لإثبات هويتهم.. ومعظمهم قرر ترك المنصة بالكامل.

انهيار شبه كامل لخدمات الإنترنت في السودان حسب مرصد NetBlocks 🔴
خدمات الإنترنت تعمل الآن بكفاءة 2% فقط من المستويات الطبيعية.
اللهم احفظ السودان وأهلها.

شركة Seagate الأمريكية وافقت على دفع غرامة بقيمة 300 مليون دولار بسبب بيع وسائط تخزين لشركة هواوي.
وزارة التجارة الأمريكية غرمت الشركة بسبب انتهاكها للحظر المفروض على هواوي، وعدم الحصول على رخصة للتصدير.
الشركة باعت 7.4 مليون قرص صلب لهواوي مقابل 1.1 مليار دولار في الفترة من 2020-2021.

الأسبوع الماضي الشرطة السويدية داهمت مقر شركة Mullvad لمصادرة خوادم الـVPN الخاصة بالشركة وبيانات المستخدمين.. لكن بفحص السيرفرات تبين إن مفيش عليها أي بيانات وإن الشركة فعلا بتطبق سياسة No Logs واللي معناها إن مفيش أي بيانات عن اتصالات المستخدمين بسيرفرات الـVPN بيتم حفظها، ودي شيء مهم جدا.
بشكل عام الشركة منتجاتها محترمة في مسألة الخصوصية.. وده اللي خلاني رشحت المتصفح بتاعها 👆

في تحديث مفاجئ تطبيق المصادقة الثنائية Google Authenticator أصبح دلوقتي بيدعم المزامنة عبر حساب جوجل، بحيث تقدر توصل لأكواد المصادقة من خلال حسابك على جوجل حتى لو فقدت الموبايل.. ودي تقريبا كان بيعتبرها مستخدمين كتير أسوء عيب في التطبيق.
التحديث متوفر حاليا للتطبيق على الأندرويد والآيفون.

بداية من النهاردة تقدر تستخدم حساب واتساب على 4 أجهزة مختلفة 😍

هيئة المنافسة والأسواق في بريطانيا (CMA) قررت حظر صفقة استحواذ شركة مايكروسوفت على شركة ألعاب الفيديو الشهيرة Activision Blizzard واللي كانت مقابل 69 مليار دولار 💰
الهيئة توصلت للقرار بعد تحليل 3 مليون مستند من الشركتين.. وذكرت إن صفقة الاستحواذ ممكن تهدد مستقبل سوق الألعاب السحابية بسبب احتكار مايكروسوفت الفعلي لحوالي 60%-70% منه.

من يومين جوجل أعلنت عن توفيز ميزة المزامنة في تطبيق المصادقة الثنائية Google Authenticator واللي بتسمح بالوصول للأكواد باستخدام حساب جوجل على أي جهاز آخر..
أنا كنت كتبت تعليق على البوست وقولت إن الميزة دي من الناحية الأمنية مش كويسة لأن اختراق حساب جوجل معناه سرقة جميع أكواد المصادقة.. وفي طرق أفضل لعمل نسخة احتياطية من الأكواد.
النهاردة في باحثين عملوا فحص للميزة دي واكتشفوا إن البيانات بيتم نقلها أثناء المزامنة بشكل غير مشفر.. وده معناه وجود خطر كبير وسهولة سرقة الكود السري الخاص بالتطبيق واللي بيستخدم لإنشاء أكواد المصادقة.
جوجل ردت بإنها هتوفر تشفير End-to-End للتطبيق في الفترة القادمة.
بشكل عام أنصح بعدم تفعيل الميزة دي للأسباب المذكورة.. وكويس إن تفعيلها على التطبيق اختياري.

شركة Qualcomm عن تقنية جديدة لتوفير الألعاب بجودة تصل إلى 4K بمعدل 60 إطار في الثانية 😯

تقنية Snapdragon Game Super Resolution أو GSR هتعتمد على نظام أحادي التمرير لوحدات معالجة الرسوميات Adreno وده هيوفر استهلاك أقل للذاكرة والباندويدث ومعدل التأخير واستهلاك البطارية.. وفي نفس الوقت هتوفر جرافيك بدقة أعلى وعدد إطارات أكبر.

الشركة اتعاونت مع مجموعة ألعاب لجلب التقنية لهواتف الأندرويد زي:
Jade Dynasty: New Fantasy
Call of Duty Warzone Mobile
Farming Simulator 23 Mobile

التقنية هتكون متوفرة لشرائح Snapdragon 8 Gen 2 فأدنى قبل نهاية العام إن شاء الله.

قطاع الواقع الافتراضي في شركة Metaيسجل خسارة بقيمة 4 مليار دولار في الربع الأول من 2023 🔴
بسبب طموح مارك زوكربط ومطاردة الميتافيرس.. خسر قطاع الواقع الافتراضي في الشركة منذ 2020 أكثر من 30 مليار دولار.
شركة Meta كانت أعلنت عن طرد 21 ألف موظف لتخفيض النفقات 🙂

شركة مايكروسوفت أعلنت عن إيقاف إصدارات ويندوز 10 نهائيا بشكل رسمي ❌❌
نسخة Windows 10 22H2 هتكون آخر نسخة من نظام التشغيل، ومش هيتم إصدار أي تحسينات أو مميزات جديدة ليها.
مايكروسوفت هتستمر في توفير التحديثات الأمنية فقط للنظام لغاية موعد وقف دعمه رسميا في 14 أكتوبر 2025 😢

أم محمد اتهورت..

لما حد يفتح أداة جوجل Bard المنافس للـAI بتاع Bing على متصفح Edge بيظهرله إعلان لاستخدام أداة Bing..
مايكروسوفت بتقدم مستوى جديد من الكلاحة..

أفضل مصادر كتب وروايات صوتية عربية وأجنبية في مختلف المجالات 👇
https://bit.ly/40OUVgq

قبل أيام أطلقت شركة مايكروسوفت أداة Designer وهي أداة لتصميم المحتوى منافسة لتطبيق Canva 🎨
الأداة وظفيتها تصميم العروض التقديمية والملصقات والدعوات من خلال وصف نصي بيكتبه المستخدم.. وبالاعتماد على تقنيات شركة OpenAI بيتم توليد التصميمات باستخدام الذكاء الاصطناعي.
الأداة مجانية ومتاحة للاستخدام عبر حساب هوتميل 👇

لو بتستخدم تطبيق المصادقة Google Authenticator وموبايلك مغيرش للتوقيت الصيفي بشكل تلقائي وانت غيرت الساعة يدوي لازم تعمل تصحيح للمزامنة من التطبيق.. لأن الأكواد بنسبة كبيرة مش هتشتغل معاك.
هتدخل للتطبيق وتضغط على ⫶ وتختار الإعدادات ثم تصحيح الوقت للرموز Time correction for codes وتضغط على مزامنة الآن Sync Now.
لازم يكون الموبايل متصل بالإنترنت للمزامنة.

بعد تقديم استقالته الشهر الماضي من جوجل؛ عرّاب الذكاء الاصطناعي والحائز على جائزة Turing خرج في حوار صحفي بيعرب فيه عن ندمه عن عمل حياته اللي أدى للتطور المخيف حاليا للذكاء الاصطناعي 🤖
جيفري هينتون؛ واحد من أبرز المساهمين في طفرة الذكاء الاصطناعي، واللي حصل جائزة Turing (جائزة نوبل للحوسبة) مع يوشوا بنجيو & ويان ليكون بسبب عملهم على الشبكات العصبية تقدر تتعرف على الأشياء من خلال التعلم العميق.. واللي كانت سبب في ظهور كل التقنيات المعتمدة على الذكاء الاصطناعي من السيارات ذاتية القيادة لغاية أدوات صناحة المحتوى زي ChatGPT - Bard وغيرها.
شركة جوجل كانت استحوذت على شركة أسسها جيفري، وده كان سبب انضمامه لجوجل لمدة +10 سنين.. لكنه استقال الشهر الماضي عشان يقدر يتكلم بحرية عن خطر المرحلة الحالية.. خصوصا بعد المنافسة الشرسة بين مايكروسوفت وجوجل على ريادة المجال.. واللي ممكن تؤدي لتطوير مفرط للتقنيات الـAI لدرجة خروج الوضع عن السيطرة.

في حملة أمنية دولية مشتركة تم اعتقال 288 شخص من التجار والعملاء لأحد متاجر الدارك ويب المتخصص في بيع المخدارت 🚬
الحملة اللي أطلق عليها كود SpecTor استهدفت مستخدمي سوق مشهور اسمه Monopoly واللي اشتهر ببيع المخدرات حول العالم.
الحملة الأمنية أسفرت عن:
▪️ مصادرة 51 مليون يورو
▪️ مصادرة 117 قطعة سلاح
▪️ مصادرة 850 كيلوجرام من المواد المخدرة
▪️ اعتقال 288 شخص (153 في أمريكا - 55 في بريطانيا - 52 في ألمانيا)

واحدة من أكبر عمليات التداول المربحة 💲💲
في مارس 2021 اشترى الإيراني سينا إستافي أول تغريدة على موقع تويتر كرمز غير قابل للاستبدال NFT بقيمة 2.9 مليون دولار 🐦
في أبريل 2022 عرض سينا الرمز للبيع مقابل 48 مليون دولار.. لكن أعلى عرض شراء وصله كان بقيمة 277 دولار فقط 🙂