دلوقتي تقدر تسجل دخول لحساب جوجل بدون باسورد أو أكواد مصادقة 😯
شركة جوجل أعلنت النهادرة عن إمكانية إضافة Passkey لحسابك تقدر تستخدمه لتسجيل الدخول بسهولة على أي جهاز آخر.
التقنية دي نتاج تحالف FIDO Alliance اللي بيضم أكبر شركات تقنية زي جوجل وآبل ومايكروسوفت لمحاولة توفير طرق أسهل وأكثر أمانا للمستخدمين للوصول لحسابتهم.
تقدر تدخل لحساب جوجل ومن قسم الأمان تقدر تضيف مفتاح مرور Passkey وده بيكون عبارة عن بيانات بيومترية زي بصمة الإصبع أو الوجه، أو معلومات قفل الشاشة أو مفتاح أمان خارجي.
حاليا الأجهزة اللي تقدر تستخدم الميزة هي:
موبايل أندرويد +9
آيفون +iOS 16
أجهزة ماك +13

شركة مايكروسوفت أطلقت تحديث ضخم لأداة شات بوت Bing واللي هيوفر:
▪️ محتوي مرئي: صور | فيديو | رسوم بيانية في الإجابات.
▪️ إمكانية استخدام الأداة للقيام بمهام مباشرة زي ترشيح مطعم ومساعدتك على إيجاد وقت مناسب وعمل حجز.
▪️ ميزة السجل أصبحت متوفرة عشان تقدر ترجع لمحادثاتك القديمة على أي جهاز بفضل دعم المزامنة.
▪️ لو بتستخدم شات Bing على متصفح Edge وضغطت على رابط داخل المحادثة هيتم نقلك للموقع وفتح المحادثة في شريط جانبي.
▪️ أداة تصميم الصور Bing Image Creator دلوقتي بتدعم 100 لغة منهم اللغة العربية

ولاية يوتا الأمريكية شهدت ارتفاع ضخم في معدلات البحث عن مصطلح VPN بعد إقرارها قانون بيطالب المواقع الإباحية بالتحقق من عمر الزائر من خلال مراجعة بطاقة الهوية 🪪
واحدة من أكبر المنصات الإباحية على الإنترنت قررت حظر جميع المستخدمين من الولاية اعتراضا على القرار وتضامنا مع المستخدمين 😂
في عام 2016 صنفت الولاية المواد الإباحية على أنها أزمة صحية عامة.. وفي شهر فبراير الماضي تم إقرار قانون لتطبيق نفس قيود التحقق من العمر الخاصة بشراء السجائر والمواد الكحولية على المحتوى الإباحي.

يعد برنامج VMWare من أفضل البرامج التي يمكن الاعتماد عليها في عمل أنظمة تشغيل افتراضية على جهازك بدون حاجة إلى التعديل على نظام التشغيل الرئيسي.
يسمح لك البرنامج بإنشاء أنظمة تشغيل ويندوز وFreeBSD وكذلك يدعم توزيعات لينكس وغيرها من الأنظمة.
يمكن الاستفادة من أنظمة التشغيل الافتراضية في الكثير من الأمور مثل التدرب على نظام تشغيل جديد أو تجربة أدوات التفعيل قبل استخدامها على النظام الرئيسي، بالإضافة إلى القيام بتجربة أشياء قد تؤدي إلى الإضرار بنظام التشغيل الرئيسي والكثير من الاستخدامات الأخرى..
يمكنكم مراجعة هذا الشرح للتعرف أكثر على البرنامج ومميزاته وكيفية عمل أنظمة تشغيل على جهازك بسهولة وتحميل البرنامج مجانا 👇
https://bit.ly/3zmJQHw

الاتحاد الأوروبي أرسل خطاب لشركة آبل بيهددها من حظر بيع الآيفون في أوروبا لو الشركة طورت أي تقنيات لتخفيض قدرات شواحن USB-C الغير معتمدة من الشركة.
قبل شهور كان فيه كلام غير رسمي إن آبل شغالة على تقنية لتقليل سرعة الشحن للمنتجات الغير معتمدة رسميا منها.. في محاولة للتحايل على الاتحاد الأوروبي والهدف الرئيسي من توحيد منفذ الشواحن.. وطبعا لتحقيق استفادة مادية من منح التراخيص والاعتمادات لشركات الهاردوير..
لكن الاتحاد الأوروبي طلع أصيع منهم..

شركة Meta نشرت تقرير بتحذر فيه من انتشار برمجيات خبيثة على شكل أدوات مشابهة لـ ChatGPT بتسرق حسابات فيسبوك ☠️
الشركة ذكرت إن فيه إضافات للمتصفح ومواقع وهمية منتشرة على فيسبوك وإنستجرام بتخدع المستخدمين لتحميل الإضافات للمتصفح أو التسجيل بحسابهم في موقع لاستخدام خدمة ChatGPT.
الإضافات دي مش بس بتسرق حسابات فيسبوك.. ولكن تقدر تسرق جلسات المتصفح وتدخل لأي حساب كان مسجل دخول.. واستخدام الحسابات التجارية لعمل إعلانات لصالح الهاكرز.
يا ريت الناس تخلي وبالها وبلاش استخدام أي أدوات غير رسمية.. لأنها ممكن تعرض حساباتك وأجهزتك للخطر.

تعاني من البطء والحاجة إلى النظر إلى الكيبورد أثناء الكتابة 🤔
إليك أفضل 10 مواقع مجانية لتعلم الكتابة السريعة على الكيبورد والتدرب عليها ومعرفة مدى سرعتك وعدد الكلمات التي تستطيع كتابتها في الدقيقة 👇
https://bit.ly/3PPyOSK

لعبة CS:GO حققت رقم قياسي جديد بوصولها لعدد 1.8 مليون لاعب متزامن.. بالرغم من صدورها قبل أكتر من 11 سنة 🔥
اللعبة كسرت رقمها القياسي السابق في مارس الماضي لما حققت 1.5 مليون لاعب متزامن.. وغالبا سبب زيادة عدد اللاعبين الحالي هي مسابقة CS: GO Major المقامة حاليا في باريس.
شركة Valve المطورة للعبة بتستعد لإطلاق النسخة الجديدة منها Counter-Strike 2 خلال صيف العام الحالي ⏳

شركة مرسيدس وفرت اشتراك شهري في سياراتها الكهربائية EQS للحصول على سرعة زيادة بحوالي 24% مقابل اشتراك شهري 90$ 🙂
الاشتراك مش بيضيف أي حاجة للسيارة غير بس فتح الميزة من خلال السوفتوير!
يعني العربية اللي انت شاريها بفلوسك متقدرش تستفيد بكامل إمكانياتها إلا لما تدفع اشتراك 🤡
الشركة بردو عاملة عرض محترم عشان تقدر تستفيد بالميزة وهو دفع اشتراك مدى الحياة لمرة واحدة بقيمة 2,950 دولار !
خليها تصدي 😏

So cute 😍😍

ميزة تعديل الرسائل قادمة إلى واتساب 🔥🔥🔥🔥

وزير الدفاع التايواني تشيو كو تشنج قال تصريح مهم إن تايوان هتدافع عن مصنع TSMC من أي محاولات أمريكية لتدميره 💣
مصنع TSMC أكبر منتج لأشباه الموصلات الأكثر تطورا في العالم، وأحد أسباب محاولة أمريكا منع الصين من السيطرة على تايوان.. ومن أهم أسباب التوتر بين البلدين.
تدمير أمريكا لمصنع TSMC أحد الحلول المطروحة في حال فشلها في الدفاع عن تايوان، وده كان تصريح بعض المسئولين.. آخرهم سيث مولتون أحد أعضاء مجلس النواب الأمريكي.
التصريحات أغضبت المسئولين في تايوان، اللي خرج وزير دفاعها وقال نصا:
"القوات المسلحة مسؤولة عن الدفاع عن تايوان (وشعبها وموادها ومواردها الاستراتيجية) من أي عدوان، بغض النظر عن المصدر.
"إذا أرادوا قصف هذا أو ذاك، فلن تتسامح القوات المسلحة مع ذلك".

شركة جوجل النهاردة أعلنت عن إزالة قائمة الانتظار لتجربة الشات بوت الخاص بيها Bard.. وأصبح متاح للاستخدام في 180 دولة 🌍
الشركة عملت ترقية لنموذج PaLM 2 لتحسين قدرات وإجابات البوت، بالإضافة لإمكانية استخدام البوت في شرح وفحص أكواد 20 لغة برمجة.
البوت كمان هيدعم تحليل الصور، وتقديم صور ومحتوى مرئي في الإجابات.. وخلال الشهور القادمة هيتم تقديم ميزة إنشاء الصور بمساعدة تقنية Firefly من شركة Adobe.
الأداة متاحة حاليا.. تقدر تستخدمها من الرابط في أول تعليق 👇

بنك وايز Wise يحظر الحسابات المصرية الجديدة 🥲
https://youtu.be/HtfFEra3aE4

الهواتف القابلة للطي ظهرت من 2018 وكل شركة دلوقتي عندها الموبايل بتاعها..
شركة آبل سنة 2040:

جوجل هتبدأ توفر ميزة البحث لو إيميلك موجود في قاعدة بيانات مسربة على الدارك ويب ☠️
الميزة كانت متاحة للمشتركين في خدمة Google’s One.. لكن جوجل قررت تتكرم وتوفر الميزة لكل المستخدمين مجانا بشكل تدريجي.
هما الجماعة في جوجل مسمعوش عن موقع haveibeenpwned ولا إيه؟

يوتيوب بيختبر ميزة حاليا لحظر تشغيل الخدمة في حالة وجود أداة لحجب الإعلانات ❌
حاليا بيظهر بانر بيطلب من المستخدم تعطيل أداة حجب الإعلانات أو الاشتراك في يوتيوب بريميوم.. لكن بعد انتهاء الفترة التجريبية هيكون الأمر إجباري.
يوتيوب كان أرسل إشعار قانوني لمطوري تطبيق حجب الإعلانات الشهير Vanced لوقف التطبيق.. وهو ما حدث.
الشركة كانت بتعمل اختبار خلال الشهور الماضية لعرض 10 إعلانات غير قابلة للتخطي على كل فيديو 🙂

شركة HP بعتت تحديث للفيرموير الخاص بالطابعات بتاعتها بيخليها تعطل لو تم استخدام خراطيش حبر من شركات منافسة 🙂
يعني HP بتخليك تشتري الطابعة بفلوسك.. وبعد كدة تخليك تشتري الحبر بتاعها غصب عنك وإلا الطابعة مش هتشتغل! وكل ده تم بدون علم المستخدمين.
الشركة بررت قرارها بإنه لتقليل مخاطر هجمات البرامج الضارة، والحفاظ على جودة الطباعة 🥹

موقع تويتر أعلن بالأمس عن حظر بعض المحتوى المنشور على المنصة في تركيا بناءً على طلب من الحكومة التركية إبان الانتخابات الرئاسية الحالية 🐦
القرار أدى لهجوم شديد على المدير التنفيذي للمنصة، ودافع إيلون ماسك عن القرار بأن حجب محتوى من المنصة في تركيا فقط أفضل من عدم الاستجابة للحكومة التركية؛ ونتيجته حجب الموقع بشكل كامل.. خصوصا مع وجود سوابق لحظر الموقع في تركيا.
يرتقب العالم اليوم نتيجة الانتخابات التركية بين الرئيس التركي رجب طيب أردوغان ومنافسه رئيس حزب الشعب الجمهوري كمال كليجدار أوغلو.

لو بتستخدم متصفح Tor للدخول لمواقع على الديب ويب اتأكد إنك تعمل الخطوة دي 👇
افتح تبويب جديد واكتب about:config واضغط إدخال
اضغط على Accept the Risk and Continue
في مربع البحث اكتب: javascript
هتلاقي خيار javascript.enabled الحالة بتاعته true
اضغط على زر 🟰 وخليها false 👎