🌐 TerDPI prorektori xalqaro ilmiy konferensiyada ishtirok etdi

➡️Termiz davlat pedagogika instituti Ilmiy ishlar va innovatsiyalar bo‘yicha prorektori Sh.Kuldasheva Boku shahrida 2026-yil 15–16-oktabr kunlari o‘tkazilayotgan “Modern Corrosion Problems and Mitigation Strategies” xalqaro ilmiy konferensiyasida ma’ruza bilan ishtirok etdi.

✍️Ozarbayjon Respublikasi Fan va ta’lim vazirligi huzuridagi akademik Yu.G.Mamadaliyev nomidagi Neft-kimyo jarayonlari instituti tomonidan tashkil etilgan anjuman zamonaviy korroziya muammolari, ularning oldini olish strategiyalari va innovatsion yechimlarni ishlab chiqish masalalariga bag‘ishlangan.

🔔Ma’ruza davomida Sh.Kuldasheva O‘zbekiston va Ozarbayjon o‘rtasidagi ilmiy hamkorlikni rivojlantirish, oliy ta’lim muassasalari va ilmiy-tadqiqot institutlari o‘rtasidagi aloqalarni kengaytirish, qo‘shma loyihalarni amalga oshirish hamda tajriba almashish muhimligini ta’kidladi.

Jumladan, Sh.Kuldasheva o‘z nutqida shunday dedi:

◾️“Ilm-fan sohasidagi hamkorlik — bu nafaqat bugungi kun vazifasi, balki kelajak taraqqiyotiga qo‘yilgan mustahkam poydevordir”.

Shuningdek, O‘zbekiston va Ozarbayjon o‘rtasidagi do‘stlik va strategik sheriklik munosabatlarini mustahkamlash, ilmiy aloqalarni yangi bosqichga olib chiqish hamda Ozarbayjon Fanlar akademiyasi bilan hamkorlikni rivojlantirishga chaqirildi.

🔵Ta’kidlanganidek, korroziya muammolarini bartaraf etish, materiallarning xizmat muddatini uzaytirish va ekologik xavfsizlikni ta’minlash kimyo sanoati, energetika, neft-gaz, mashinasozlik hamda qurilish sohalari uchun dolzarb ahamiyatga ega.

✔️Mazkur xalqaro konferensiyada ishtirok etish TerDPIning xalqaro ilmiy aloqalarini kengaytirish, ilmiy salohiyatini namoyon etish va istiqbolli hamkorlik loyihalarini rivojlantirishga xizmat qiladi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

#Ma’rifat_ulashib

📖 ADABIYOT — QALBLARNI BIRLASHTIRUVCHI BUYUK KUCH

📚Termiz davlat pedagogika instituti Tillar fakulteti O‘zbek tili va adabiyoti yo‘nalishi professor-o‘qituvchilari Shaxnoza Majidova va Sohibjamol Abdurayimova tashabbusi bilan o‘zbek adabiyotining taniqli namoyandalari — Xosiyat Bobomurodova, Guljahon Mardonova va Shavkat Do‘stmuhammad hayoti va ijodiga bag‘ishlangan davra suhbati tashkil etildi.

🖋 Suhbat davomida ijodkorlarning o‘zbek adabiyoti rivojiga qo‘shgan hissasi, ijodiy faoliyati, badiiy asarlari va publitsistik maqolalarining mazmun-mohiyati xususida fikr almashildi. Ularning asarlarida aks etgan milliy qadriyatlar, insoniy fazilatlar va hayotiy haqiqatlar haqida atroflicha so‘z yuritildi.

🖌 Tadbir ishtirokchilari adib va shoirlarning hayot yo‘li, ijodiy izlanishlari hamda milliy adabiyotimizda tutgan o‘rni haqida qimmatli ma’lumotlarga ega bo‘ldilar. O‘zaro fikr almashuvlar orqali badiiy adabiyotning inson ma’naviyatini yuksaltirish, tafakkurini boyitish va qalblarni ezgu g‘oyalar atrofida birlashtirishdagi beqiyos ahamiyati yana bir bor e’tirof etildi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🎓 MAKTAB O‘QUVCHILARI UCHUN INSTITUT BO‘YLAB EKSKURSIYA TASHKIL ETILDI

🏛 Termiz davlat pedagogika institutida Sho‘rchi tumanidagi 48-sonli umumta’lim maktabi o‘quvchilari hamda maktab maslahatchisi Soxiba Abdunazarovna Tangriyeva ishtirokida tanishuv ekskursiyasi tashkil etildi.

🤝 Tashrif davomida o‘quvchilar institutda talaba-yoshlar uchun yaratilgan zamonaviy ta’lim muhiti, mavjud shart-sharoitlar va infratuzilma bilan yaqindan tanishdilar.

📚 Ekskursiya jarayonida institutning ta’lim yo‘nalishlari, o‘quv jarayonining tashkil etilishi, kutubxona va axborot-resurs bazasi, shuningdek, talabalarning ilmiy, ijodiy faoliyati hamda bo‘sh vaqtini mazmunli tashkil etish borasida amalga oshirilayotgan ishlar haqida batafsil ma’lumot berildi.

💬 O‘quvchilar oliy ta’limda tahsil olish imkoniyatlari, kasb tanlash, kelajakdagi kasbiy rivojlanish istiqbollari yuzasidan o‘zlarini qiziqtirgan savollarga javob oldilar.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

#Talabalikka_bag'ishlov

📖 Termiz davlat pedagogika institutida “Talabalikka bag‘ishlov” tadbiri bo‘lib o‘tdi

📚 Termiz shahridagi San’at saroyi majmuasining yozgi amfiteatr maydonida Termiz davlat pedagogika institutining 2026/2027-o‘quv yilida talabalikka qabul qilingan birinchi bosqich talabalari uchun tantanali “Talabalikka bag‘ishlov” tadbiri tashkil etildi.

🗣 Joriy o‘quv yilida institutning birinchi bosqichiga 2 ming nafardan ortiq talaba-yoshlar qabul qilindi. Mazkur bayram ularni talabalik hayotiga qadam qo‘yishlari bilan qutlash, yangi marralar sari ruhlantirish va institut hayotiga kengroq jalb etishga xizmat qiladi.

✔️Tadbir O‘zbekiston Respublikasi Davlat madhiyasi ijrosi bilan boshlandi hamda talabalik qasamyodi bilan davom etdi. Shundan so‘ng institut rektori A.Xasanov yangi talabalarni talabalik maqomiga erishganlari bilan tabriklab, ularga bilim olish, izlanish va kelajakdagi faoliyatlarida muvaffaqiyatlar tiladi.

🔵Tadbir davomida institutning “Qalqon” jamoatchilik guruhining faol a’zolariga guvohnomalar topshirildi. Shuningdek, xalqaro, respublika va viloyat miqyosidagi tanlov hamda musobaqalarda yuqori natijalarga erishgan talabalar, “Rektor kubogi” musobaqasi g‘oliblari va ilmiy tanlov sovrindorlari munosib taqdirlandi.

🖌Bayram dasturidan o‘rin olgan “Biz giyohvandlikka qarshimiz!” shiori ostidagi videorolik namoyishi yoshlar o‘rtasida sog‘lom turmush tarzini targ‘ib qilish, ularni zararli illatlardan asrash va ijtimoiy mas’uliyatini oshirishga qaratildi.

🔵Kuy-qo‘shiqlar va ko‘tarinki kayfiyatga boy lahzalar talabalarga unutilmas taassurotlar ulashdi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram