Prezident Şavkat Mirziyoyevning Turkiy davlatlar taşkilotining Anqara sammitidagi nutqidan asosiy fikrlar:

➖Özbekiston ta’sirçan global taraqqiyot markaziga aylanib borayotgan Turkiy davlatlar taşkilotini özaro işonç va amaliy şeriklik maydoni sifatida köradi;

➖Strategik maqsadlar atrofida yanada jipslaşib, manfaatlarni xalqaro maydonda birgalikda ilgari suriş lozim. TDT mamlakatlari uşbu ezgu yölda yakdil va kuç-ğayratini turkiy birdamlik uçun safarbar etişga tayyor;

➖Taşkilot doirasida dolzarb xalqaro va mintaqaviy masalalar yuzasidan muntazam siyosiy maslahatlar ötkaziş, yondaşuv va sa’y-harakatlarni muvofiqlaştiriş muhim;

➖Uçinçi mamlakatlar bilan “Turkiy davlatlar taşkiloti plus” formatidagi hamkorlikni sohaviy vazirlar uçraşuvlaridan boşlaş taklif etildi;

➖Texnologik hamkorlikni çuqurlaştiriş, jahon bozoriga birgalikda çiqiş imkonini beradigan sanoat kooperatsiyasini rivojlantiriş zarur;

➖“Turkiy dunyo – 100” – yuzta strategik qöşma investitsiya va sanoat loyihasini qamrab oladigan dasturni qabul qiliş taklif etildi;

➖Nodir va strategik minerallarni töliq qayta işlaş, “yaşil” energetika uskunalari işlab çiqarişni mahalliylaştiriş, yuqori daromadli mahsulotlar tayyorlaşga ustuvor ahamiyat qaratiş maqsadga muvofiq;

➖“Tijorat işlari böyiça özaro huquqiy yordam körsatiş töğrisida”gi köp tomonlama şartnomani işlab çiqiş lozim;

➖“Turkiy davlatlar logistika komplekslari tarmoği”ni taşkil etiş va uni birgalikda boşqariş taklifi bildirildi;

➖Turkiy xalqlarning tarixiy şaharlari, betakror tabiati, boy madaniyati va mehmondöstlik an’analarini dunyoga birgalikda taqdim etiş maqsadida “Turkiy turizm alyansi”ni taşkil qiliş taşabbusi ilgari surildi;

➖Fuqarolarning özaro safarlari töğrisida köp tomonlama bitimni işlab çiqiş taklif etildi. Unda ID-kartalar asosida safar qiliş imkoniyatlarini kengaytiriş, çegaradan ötiş va mezbon davlat hududida böliş tartibini soddalaştiriş masalalari aks etişi lozim;

➖Mamlakatimiz “Yangi Özbekiston” stipendiyasi doirasida turkiy davlatlar vakillariga har yili 200 ta ta’lim granti ajratişga tayyor;

➖2027-yilni taşkilot doirasida “Tabiatni asraş yili” deb e’lon qiliş böyiça taşabbus hamda Özbekiston vakilining nomzodi Boş kotib lavozimiga qöllab-quvvatlangani uçun minnatdorlik bildirildi;

➖"Anqara sammiti olijanob maqsadimiz, birdamlik ğoyamiz va uluğvor rejalarimizga erişiş yölida muhim qadam böladi";

➖“Barçamizning orzu-istaklarimiz va intilişlarimiz muştarak. Biz bir bölsak, yanada qudratlimiz. Hamjihat bölsak, yanada yuksak marralarga albatta erişamiz”.

Facebook | Instagram | YouTube | Telegram

#Rasmiy_bayonot

Vazirlik ogohlantiradi: öqişni köçirişda qonuniy tartibga amal qiling!

Ijtimoiy tarmoqlarda Boş prokuratura huzuridagi Iqtisodiy jinoyatlarga qarşi kuraşiş departamentining Namangan viloyati boşqarmasi tomonidan ötkazilgan tezkor tadbirda fuqaroni xususiy universitetning 3-kursiga öqişga kiritib qöyişni va’da qilib, buning evaziga 18 mln söm talab qilgan şaxs pulni olayotgan vaqtida qölga olingani hamda mazkur holat yuzasidan jinoyat işi qözğatilgani haqida axborot berildi.

Vazirlik bunday noqoniniy xatti-harakatlarni qoralaydi hamda fuqarolarni öqişga qabul qiliş va öqişni köçiriş bilan boğliq masalalarda firibgarlik holatlaridan ehtiyot bölişga çaqiradi.

Amaldagi tartibga köra, xorijiy va nodavlat oliy ta’lim taşkilotlaridan öqişni köçiriş uçun arizalar har yili 15-iyuldan 5-avgustga qadar Bilim va malakalarni baholaş agentligining maxsus elektron platformasi orqali qabul qilinadi. Öqişni köçiriş Agentlik tomonidan ötkaziladigan maxsus sinovlar natijalariga köra amalga oşiriladi.

Şuningdek, nodavlat oliy ta’lim taşkilotlariga qabul qilingan talabalar haqidagi buyruqlarni 1-oktabrdan keçiktirmay HEMIS tizimida röyxatdan ötkazişi şart. Belgilangan tartibga muvofiq, HEMIS tizimiga kiritilmagan şaxslarga diplom şakllantirilmaydi.

Şu sababli “sinovsiz 3-kursga kiritib qöyamiz”, “öqişni muddatidan keyin köçirib beramiz” yoki “hujjatlarni keyin rasmiylaştiramiz” kabi va’dalarga işonmang!

Vazirlik fuqarolardan:

➖ öqişga qabul qiliş va öqişni köçirişda faqat belgilangan tartib va rasmiy platformalardan foydalanişni;
➖ öqişga qabul qilingandan söng ma’lumotlarning HEMIS tizimida röyxatdan ötkazilganini tekşirişni;
➖ hujjatlari va mablağlarini vositaçilarga bermaslikni, barça jarayonlarni qonuniy tartibda amalga oşirişni;
➖ şubhali takliflar yoki qonunbuziliş holatlari haqida Korrupsiyaga qarshi kurashish agentligining 1253 yoki vazirlikning 1006 qisqa raqamlari orqali xabar berişni söraydi.

Unutmang, öqişga qabul qiliş yoki öqişni köçirişni pul evaziga, belgilangan tartiblarni çetlab ötgan holda hal qilib berişni va’da qilayotgan şaxslarga işoniş moddiy zarar köriş va qonun oldida javobgarlikka sabab bölişi mumkin.

Facebook | Instagram | YouTube | Telegram

Ma’naviyat va ma’rifat markazi tomonidan “Tilimizni sözlar qabristoniga aylantirmaylik” nomli mazmunli videorolik e’lon qilindi.

Öz tilimizda aniq, gözal va ta’sirçan ifodalar mavjud ekan, ulardan örinli va töğri foydalaniş har birimizning burçimizdir. Tilimizning boyligini asraş, sözlarimizni qadrlaş va nutqimizda milliy tilimizning betakror imkoniyatlaridan foydalaniş özimizga boğliq.

Videorolik barçamizni ona tilimizga bölgan munosabatimiz haqida öylaşga, söz tanlaşda e’tiborli bölişga undaydi.

Köring, muşohada qiling.

Facebook | Instagram | YouTube | Telegram

Urganç davlat universitetida “Buyuk mutafakkirlar xiyoboni” taşkil etildi

Abu Rayhon Beruniy nomidagi Urganç davlat universitetida ajdodlarimizning boy ilmiy-ma’naviy merosini uluğlaş, ularning xotirasini abadiylaştiriş maqsadida “Buyuk mutafakkirlar xiyoboni” taşkil etildi.

Xiyobonda jahon ilm-fani, adabiyoti va tamadduniga beqiyos hissa qöşgan 18 nafar buyuk siymoning haykallari qad rostlagan.

Mazkur maskanda talabalar uçun kitob mutolaa qiliş, özaro fikr almaşiş va madaniy hordiq çiqarişga möljallangan şinam ayvonçalar ham taşkil etilgan.

Facebook | Instagram | YouTube | Telegram

#PrezidentTopşiriğiIjrosi #QaşqadaryoTajribasi

Oliy ta’lim taşkilotlari rahbarlari Qaşqadaryo tajribasini örganmoqda

21–22-oktabr kunlari Özbekiston Respublikasi Prezidenti Şavkat Mirziyoyev Qaşqadaryo viloyatiga taşrifi davomida Qarşi davlat universitetida ham bölib, oliygohda yaratilgan şart-şaroitlar hamda ta’lim oliş uçun yaratilgan zamonaviy imkoniyatlar bilan tanişgan edi.

Davlatimiz rahbarining topşiriğiga muvofiq respublikamizdagi oliy ta’lim taşkilotlari rektorlari Qarşi davlat universitetida bölib, universitet faoliyati, ta’lim jarayoni va talabalar uçun yaratilgan şart-şaroitlar bilan yaqindan tanişmoqdalar.

Ta’lim sifatini oşiriş, talabalar bandligini ta’minlaş, zamonaviy infratuzilmani rivojlantiriş, şuningdek, oliy ta’lim taşkilotlari va işlab çiqariş korxonalari örtasidagi hamkorlikni mustahkamlaş borasida Qarşi davlat universitetida töplangan tajriba örganildi.

Facebook | Instagram | YouTube | Telegram

“Kelajak soati” loyihasining yuzi – Sirojiddin Şuhratovga Prezident sovğalari topşirildi

“Kelajak soati” loyihasi öz faoliyatini boşlaş arafasida bir neça yoş iste’dodlar orasidan aynan Sirojiddin Şuhratovni tanlab olgan edi. Sirojiddin ham loyiha bilan birgalikda rivojlandi va ulğaydi. Öquvçilar va öqituvçilar orasida köplab muxlislar orttirdi. U loyiha davomida butun respublikamiz böylab safar qildi va turli mavzularda videokontentlar tayyorlandi.

Yoş ijodkorimiz bundan taşqari “Farz”, “Sersavol” kabi badiiy filmlarda ham suratga tuşgan.

Köp ötmay Sirojiddinga davlatimiz rahbari bilan uçraşiş nasib etdi va unga Prezident sovğalari ham topşirildi.

Biz Sirojiddinning yutuqlaridan xursandmiz va faxrlanamiz, Siz “Kelajak soati” loyihasida Sirojiddin iştirokidagi qaysi kontentlarni tomoşa qilgansiz?

Facebook | Instagram | YouTube | Telegram

#Ogohlik

❗️“Yangi özbek alifbosi klaviaturasi” — firibgarlar tuzoği bölişi mumkin

Ijtimoiy tarmoqlarda foydalanuvçilarga “yangi özbek alifbosi klaviaturasi” nomli ilovani örnatiş taklif qilinayotgani haqida xabarlar tarqalmoqda.

Firibgarlar uşbu dasturni şaxsiy xabarlar orqali yuborib, telefon qurilmasiga örnatişni tavsiya qilmoqda. Ilovani örnatiş natijasida foydalanuvçilarning plastik karta ma’lumotlari va şaxsiy axborotlari xavf ostida qolişi mumkin.

Fuqarolardan noma’lum manbalardan yuborilgan ilovalarni yuklab olmaslik, şubhali havolalarga kirmaslik hamda bank karta ma’lumotlarini begonalarga oşkor qilmaslik söraladi.

Raqamli xavfsizlik qoidalariga rioya qiling va firibgarlik qurboniga aylanmang!

Facebook | Instagram | YouTube | Telegram

“Zakovat-Gambit” | Toşkent | 30.10.2026

—

«Заковат-Гамбит» | Ташкент | 30.10.2026