من زمان أوي تقريبا منزلناش حاجة بعد امتحان ورفع معنويات والذي منه😂

حبيت أفكركم بس باستحضار النية 🌝
أصل كدة كدة بنذاكر وكدة كدة بنتعب فخلي نيتك لله عسى أن يكتب الله لنا الأجر،
وأحب أذكر كلام ابن القيم في تصنيف الناس في العبادات بحسب النوايا إلى مراتب فقال :-
• عابد العادة: وهو من يفعل العبادات بحكم التعود دون استحضار لنية التعبد أو استشعار للقلب.
• عابد الأجر والثواب: وهو من يستحضر النية طلبًا للأجر والجنة وخوفًا من النار، وهذه مرتبة عظيمة.
• عابد المحبة والتعظيم (الأعلى): وهو من يعبد الله حبًا له وشوقًا إليه وتعظيمًا لجلاله، وهي أرفع منازل العبودية التي تتضاءل معها المشاق.

وعن أمير المؤمنين عمر بن الخطاب رضي الله عنه قال: (سمعت رسول الله صلى الله عليه وسلم يقول: «إنَّمَا الأعْمَالُ بالنِّيَّاتِ، وإنَّمَا لِكُلِّ امْرِئٍ ما نَوَى)
واستحضار النوايا بيجدد في قلوبنا الهمم والإقبال على المذاكرة بنفس راضية حتى وإن شق عليك الأمر
ومن الأدعية الجميلة اللي بحب أدعي بها قبل المذاكرة أو أي عمل عموما
" اللهم إنا نحتسب هذا العمل عندك فاكتبه اللهم لنا في ميزان حسناتنا واجعله شاهدًا لنا لا علينا "
جددوا النوايا وشدوا الهمم وربنا يكتب لنا ولكم الأجر،
وعلى العموم هانت أوي المرة دي ربنا يكرمنا جميعا ويرزقنا التخرج في عفو وعافية💗

من الملفت للنظر في الامتحانات ديه إن فيه نظري بعدين ٣ أيام امتحان كمان فالدنيا كلها بتزهق منك
يعني لو قولت لحد يدعيلك في النظري وكان قلقان عليك ومستنيك تخرج من الامتحان غالبًا الشخص ده لو مش أمك هيكون زهق منك دلوقتي لإن امتحاناتك كترت فعلًا
وهنا مش هتكلم عن إن الأمهات كائنات استثنائية لا فيه حاجة أعمق من كده بكتير

عن عمرَ بنِ الخطاب رضي الله عنه قَالَ: قَدِمَ رسُولُ اللَّهِ ﷺ بِسَبْيٍ، فَإِذَا امْرَأَةٌ مِنَ السَّبْي تَسْعَى، إِذْ وَجَدَتْ صَبِيًّا في السَّبْي أَخَذَتْهُ فَأَلْزَقَتْهُ بِبَطْنِها، فَأَرْضَعَتْهُ، فَقَالَ رسُولُ اللَّه ﷺ: أَتُرَوْنَ هَذِهِ المَرْأَةَ طارِحَةً وَلَدَهَا في النَّارِ؟ قُلْنَا: لا وَاللَّهِ، فَقَالَ: للَّهُ أَرْحَمُ بِعِبادِهِ مِنْ هَذِهِ بِوَلَدِهَا متفقٌ عليه.

ربنا مش بيزهق منك ولا من شكوتك ولا من دعاءك ممكن تروحله في أي وقت وأي مكان وأي زمان
ورحمته دايمًا وسعت كل شيء
فمهما كان مقدار الدعم اللي أنت منتظره من حد من عباد الله عمومًا تأكد إن ربنا سبحانه وتعالى عنده من الرحمات ما هو أوفر وأعظم
محدش هيكون عارف أنت وضعك إيه غير ربنا ومحدش مش هيزهق من إلحاحك في الطلب غير ربنا وده من كمال رحمة ربنا يعني تصور إن كل ما يتراحم به الخلق كل الرحمة في العالم اللي بتخلي أم تصحى عشان ابنها الفجر واللي بتخليك تروح تدعم صاحبك وتطمن عليه كل الرحمة ديه اللي مالية كل حاجة حوالينا هي جزء بسيط من جزء واحد من رحمة ربنا سبحانه وتعالى والشيطان ساعات بيوهمك إنك مش مرحوم وإن الدنيا جاية عليك أوي أو ممكن يوهمك إنك بعيد عن ربنا أوي فمفيش أمل فيك خلاص الحقيقة إن دايمًا رحمة ربنا حوالينا في كل مكان إحنا اللي بنختار إننا منشوفهاش ولو مش عارف تشوفها ادعي ربنا هو يملك كل قلوبنا ولما تشوفها هتحس بلطف كبير في كل قدر وهتحس برعاية عظيمة في كل يوم بينما كله ممكن ينساك الحي القيوم معك ديه حاجة مطمئنة أوي إن فيه رب عظيم قائم علي كل أمورك وبيعاملك برحمته دايمًا
سبحان الله !
وبس كده ربنا يرحمنا جميعًا برحمته التي وسعت كل شيء♥️

Last finals 1/3 ✅🥳🥳🥳

Haematology ✅
Surgical ⌛️
Medical⌛️

ثم قالت الرسل وهي تعظ اقوامها بما تقدم: {وَمَا لَنَآ أَلاَّ نَتَوَكَّلَ عَلَى ٱللَّهِ وَقَدْ هَدَانَا سُبُلَنَا} أي طرقنا التي عرفناه بها وعرفنا عظمته وعزة سلطانه فأي شيء يجعلنا لا نتوكل عليه وهو القوي العزيز {وَلَنَصْبِرَنَّ عَلَىٰ مَآ آذَيْتُمُونَا} بألسنتكم وأيديكم متوكلين على الله حتى ينتقم الله تعالى لنا منكم، {وَعَلَى ٱللَّهِ فَلْيَتَوَكَّلِ ٱلْمُتَوَكِّلُونَ} إذ هو الكافل لكل من يثق فيه ويفوض أمره إليه متوكلاً عليه وحده دون سواه
(أيسر التفاسير)

الآية ديه جميلة أوي كإنه الأنبياء بيقولوا لأقوامهم إن ربنا أنعم علينا بالهداية الرب الرحيم اللطيف بينا لدرجة إنه اصطفانا من بين الناس إننا ننجو من العذاب وده من غير سابق تدبير أو تفكير مننا لكن كان بإرادته سبحانه فإزاي الرب العظيم ده هيضيعنا!

واخد بالك إنك مسلم ؟
إنك بتصحى كل يوم تشهد الشهادتين ؟
أنت قدمت إيه عشان توصل لده غير هداية ربنا ليك ؟
طب واخد بالك إنك بتقوم تصلي وغيرك مش بيصلي؟
عارف إيه الفرق بينك وبينه إن ربنا هداك وبس كان ممكن يضلك كان ممكن تكون مجوسي وممكن تكون ملحد كل ده كان ممكن من غير رحمة ربنا
عارف إنك كان ممكن أصلًا متدوقش حلاوة الصلاة كان ممكن متسجدش ولا سجدة كان ممكن متسمعش القرآن وكان ممكن متفهمهوش
وكان ممكن تكون فكرتك الوحيدة عن الله أكبر إنها إرهاب
بص حواليك كده وشوف إيه اللي أنت قدمته عشان ربنا يختارك من وسط باقي عباده ويشرفك كده ؟
أنت معملتش حاجة غير إن رحمة ربنا وسعتك فقط لا غير رحمة ربنا بس هي سبب المكان اللي ربنا شرفك بيه دلوقتي ده

فلما نفتكر إن أعظم حاجة في الحياة وهي الشهادة ربنا أنعم علينا بيها من غير حول لنا ولا قوة فإزاي يجيلك لحظة شك من توفيقه في حاجات كلها أقل من كده ؟

وفي التفسير الكبير :
{وَعَلَى ٱللَّهِ فَلْيَتَوَكَّلِ ٱلْمُتَوَكِّلُونَ}؛ والتوكُّلُ هو التمسُّكُ بطاعةِ الله مع الرِّضا بقضائهِ وتدبيره.

التوكل مش إنك هتنام عالخط لا التوكل إنك مش هتفكر أنت هتشتغل بس
طب إيه يخليك تطمن كده ؟
إن فيه حاجات أعظم بكتير من اللي أنت بتعملها دلوقتي تمت بدون حساباتك خالص
بالمناسبة الحاجة حتى لو الشخص بذل فيها مجهود نجاحها ووصولها لنتيجة ده علي الله تمامًا يعني فيه كام واحد بيحاول يصلي ؟
ربنا وفقك أنت إنك تلتزم الحمد لله
عارف كام واحد يبحث عن الحق ؟
حتى لو عيشت رحلة بحث بنفسك كان ممكن تفضل طول عمرك بتدور من غير توفيق ربنا
طب عارف أصلًا إن مجرد تفكيرك في الحاجة من توفيق ربنا فيه ناس عايشة الدنيا كده ومش بييجي في دماغها تفكر في حاجة أصلًا
أنت مش أحسن منهم أنت لولا فضل الله كنت هتكون زيهم أو أسوأ
ففي أي مشروع أنت ماشي فيه بتبذل فيه أقصى ما عندك ثق في الله إنه مش هيضيعك زي ما أكرمك قبل كده
الإحساس ده كفيل يطمئنك فتمشي في الحياة بقلب هاديء والأهم من كده بقى إن ربنا مستحيل يضيع حد وثق فيه أبدًا مهما كانت إيه النتيجة ثق تمامًا إنه مش ضيعك♥️

🇬🇧 English: Only 30 Days
🇫🇷 Français: Seulement 30 jours
🇪🇬 مصري: اتخصصت ايه
🇩🇪 Deutsch: Nur 30 Tage

لسه موقف التخصص ده حاصل معايا مرتين في الساعتين اللي فاتوا
تقريبًا ديه ظاهرة

المسلم في أي وقت إذا استدرك فهو يستدرك عند كريم والله عز وجل كريم.. ( لو رأى منك خيرًا أعانك)

م.أيمن عبدالرحيم

الرحلة كانت مليئة بأيام صعبة، لولا فضل الله ورحمته لضعنا.

ثق في كرم الله، وكمّل سعيك، باقي القليل جدًا جدًا، فوق ما تتخيل. 😍

دعواتكم لدكتور كريم بالرحمة

بص اسمع هنا
بأي قلب ترتعد في ظلمات هذه الحياة بدون أن يتولاك الله ؟
أتحسب أن زاد الدنيا كله يغنيك عنه ؟
وتصور معايا لو ربنا معاك وده وعده ليك هيحصلك إيه؟
مش هقولك تصور حالم عن إنك هتقفل بمعجزة (مع إن ده غالبًا اللي هيحصل عمومًا) بس هقولك إن ربنا هيكون معاك
يعني أي حاجة هتحصلك هتكون من رحمة ربنا ليك
متصور ؟
يعني حتى الدرجة اللي هتنقصها هتكون من رحمته بيك وفضله عليك يعني ممكن ربنا بيبعدك بيها عن طرق هيكون فيها أذى ليك وبيرحمك من نفسك ومن غيرك
أنت هتكون جبار في الحياة ديه مفيش حاجة تقدر تهزمك وأنت معاك ربنا
وده وعد ربنا للمتقين
قد تبدو التقوى في بعض المواقف زي امتحان بكرة كده اختيار غبي
إيه يخليني أسيب صاحبي اللي ممكن ألقط منه معلومة عالسريع وأنا السؤال إجابته مش في دماغي وأترك ذلك كله ابتغاء مرضاة الله ؟
اللي يخليك تعمل كده هو إيمانك بالآية ديه احسبها صح كده أكيد عناية ربنا ليك أحسنلك من صاحبك
ولا أنت مش مقتنع ؟
ممكن عشان الدنيا فجأة بتضيق في عيونا في الأوقات ديه يعني لا أنكر إن الدنيا مالية قلوبنا كلنا دلوقتي وكلنا وأنا أول الناس ديه الحياة بالنسباله تلخصت في الورقة والامتحان اللي داخلينهم دول كلنا كده كلنا بشر
بس في اللحظات ديه لو مش عملت zoom out وفكرت أنت هنا ليه أصلًا ؟
وافتكرت إن أحسن حاجة أنت عملتها في يومك هي صلاتك (أيوة صلاتك أهم مليون مرة من ورقة الامتحان أم ٨٠ درجة ديه ) هتستوعب إنه اختيار رضا ربنا هو عين العقل وإن اختيار الدنيا ده اختيار من حد بيضيع عمره في حاجة هو مش محتاجها ومش مهمة أصلًا محتاج تستوعب ده كويس عشان الوقت مش يعدي منك في الحياة وأنت مش ماشي للمكان اللي أنت محتاج توصله أصلًا

وعمومًا أنت بتعمل ده عشان أنت محتاجه جدًا مش عشان شيء تاني

وده وعد من ربنا ليك إنه مش هيسيبك:

إِنَّا لَنَنصُرُ رُسُلَنَا وَٱلَّذِينَ ءَامَنُواْ فِي ٱلۡحَيَوٰةِ ٱلدُّنۡيَا وَيَوۡمَ يَقُومُ ٱلۡأَشۡهَٰدُ (51)

صحيح بالمناسبة آخر فرصة ليك تمتحن نظري جراحة بمجهودك الكامل ومن غير ما تغش أي حاجة وتثبت لنفسك قبل أي حد إنك تقدر تعمل كده ويا رب يكون من أهون ما يكون علينا كلنا ♥️

عن النبي ﷺ قال “إذا قامت الساعة وفي يد أحدكم فسيلة فليغرسها.”

محدش يكسل يغرس الفسيلة اللي معاه، ويكمل مجهوده اللي بذله فكل اللي فات بمذاكرة كام ساعة كمان. وحقيقي، كلكم مجربين إن آخر ساعات قبل الامتحان دي ربنا بيطرح فيها البركة، وتلاقيك ذاكرت الحاجات اللي جت في الامتحان.

الأسباب بتقول إن المجهود خلص، ومحدش له نفس، لكن من إمتى وربنا كان بيعاملك بالأسباب، وكان محتاج منك تكون بيرفكت؟!

ربنا بيعامل بكرمه وبما هو أهله.

إنا لله وإنا إليه راجعون
انتقل إلى رحمة الله تعالى والد زميلتنا سارة يوسف
نسألكم الدعاء له بالرحمة والمغفرة، وأن يسكنه الله فسيح جناته.

Last finals 2/3 ✅🥳🥳🥳

Haematology ✅
Surgical ✅
Medical⌛️

الناس اللي خلصت امبارح احتفلوا معانا😶‍🌫️

إحنا عندنا أدمنز الفترة التانية مسيطرين طبعًا ومستحيل ننزل ماسيج زي ديه قبل ما يخلصوا 😁

دعواتكم بكرا لشباب تالته ربنا يعديهالهم على خير في ميد الانفكشن ولكتاكيت اولى اول ميد لهم في مسيرتهم ميد الاستراكشر ربنا يجعله امتحان سهل للدفعتين ويطلعوا مجبورين الخاطر ♥️

١٥ يوم🐥🐥🐥🐥

TIC TAC, TIC TAC… ⏳⏳⏳🚨🚨🚨

قناة Zag Doctors بقت دلوقتي على Facebook
تابعونا هناك👀
https://www.facebook.com/share/1CS3qf1M3a/

قصة بدأت من خمس سنين ومجهود كبير وساعات طويلة من البذل والعطاء لحد ماوصلنا لهنا
https://www.facebook.com/share/r/1FGyagMoFw/?mibextid=wwXIfr

وَلَنَبۡلُوَنَّكُم بِشَيۡءٖ مِّنَ ٱلۡخَوۡفِ وَٱلۡجُوعِ وَنَقۡصٖ مِّنَ ٱلۡأَمۡوَٰلِ وَٱلۡأَنفُسِ وَٱلثَّمَرَٰتِۗ وَبَشِّرِ ٱلصَّٰبِرِينَ (١٥٥)

البقرة [١٥٥-١٥٥]

الآية ديه جميلة أوي أوي ربنا بيأكدلنا إن الدنيا الطبيعي فيها البلاء وفي نفس الوقت الطبيعي فيها الرحمة
يعني ربنا قال شيء من ده نكرة ومفردة للتقليل يعني كان ممكن تكون أشياء لكن ربنا قال شيء من بس وللمفسرين في ده نظرة جميلة أوي إن الخوف والجوع والنقص ده هيكون قليل وفي نفس الوقت أقل بكتير من عذاب الآخرة
ساعات الواحد بيشوف الضجر والجزع كده ويفكر إنه فيه إيه عذاب أسوأ من كده؟
هو الحقيقة إن فيه ،فيه أسوأ بكتير بس ربنا لطف بيك إيمانك الدائم بده بيخليك في وقت البلاء مش تفكر إنه ياه أنا كان ممكن أكون منعم تمامًا لأ المفروض تفكر إن كان ممكن يكون الوضع أسوأ بكتير بس ربنا لطف بيك وده بيخلي فيه طبطبة كده عليك
نقطة كمان مهمة أوي أوي إن لطف ربنا موجود حواليك علي طول وإن رحمته أوسع بكتير أوي من الحاجات اللي ابتلاك فيها ربنا فضله كبير أوي عليك بس خد منك شوية حاجات صغنونة أد كدهو عشان يديك قدامها ثواب كبير أوي أوي
ربنا يجعلنا من الصابرين يا رب ويثبت قلوبنا ويراضينا بس ده كلام يعني ممكن يخلي نفسية أي حد عاوز يموت نفسه أحسن 😂
وده كلام المفسر أبلغ وأفخم مني بكتير فاقرأه أحسن بكتير من اللي أنا كتبته ده:

وجيء بكلمة شَيْءٍ مفردة، ولم يقل: (بأشياء)؛ لبيان أنَّ كلَّ بلاءٍ أصاب الإنسان- وإنْ جلَّ- ففوقه ما يقلُّ إليه، وليخفِّف عليهم، ويُريَهم أنَّ رحمته معهم في كلِّ حال لا تزايلهم، وليعلموا أنَّه شيءٌ يسير، له عاقبةٌ حميدةٌ. ولئلَّا يوهِم بأشياء من كل واحد، فيدل على ضروب الخوف والتقدير بشيءٍ مِن كذا، وشيء من كذا. أو قلَّله بالنِّسبة إلى ما يُصيب به معانديهم في الآخِرة