‏من ظروف الحياه وحزنها يا خافقي ماجور
‏عسى الله يسعد القلب الشقي ويحقق أماله .

‏واهنيّ اللي على الدرب العسِّر ما بذّ روحه
‏أما أنا حلمي مشقّويني و نفسي مـمتحنها

‏ليت حلمي حلم طفلٍ لعبته غاية طموحه
‏إن عطيته طار فيها وإن منعته سج منها .

‏ياوجودي لادنا الليل وأقبل من جديد
‏وانتهى يومٍ من العمر واقفى وانجلى

‏لو تبيّن على وجه الصبور المواري
‏مابقى في صناديق الضماير مساحه

‏جعل ماجاني من الحزن كفارة ذنوب
‏يوم ما وجه الليالي يبشر بالسعد

‏إن غبت غيبة زوال الشمس يمّ الغروب
‏ رجعت صبحٍ جبال طويق ماتحجبه .

‏القناعه والكرامه غناة وراس مال
‏من ملكها ما نشد وين بقعا رايحه.

‏انا احبها حب المرافق للاستفسار
‏مرافق مريضٍ في العناية تحت لجرا

‏يازين السعه والبعد عن قوم قال وقيل
‏وعن اللي لسانه يمنع الناس من قربه

‏يصلّح الوقت يبغي الوقت يصلح له
‏ عقارب الوقت ما تشبه عقاربها

‏معارف نقدرها لو تغيب عنا حين
‏ومعارف لا والله ليتنا ما عرفناها

هلا بك والعذر لا حلّ غلّ ولا قضى مصلوح
‏يكفيني عن اعذار المودّه " وجه راعيها " .

عسى ذنب الجهل و العمد و الغفله يجي مَغفور
‏ليا عرّضت صحايفنا على الأشهاد منشوره .

مالي إلا الصبر والصبر ينفع من قناه
‏محتزم به لجل صكات بقعا والظروف

‏ماشكيت إلا إلى الله وأطلبه الغناه
‏ومن شكى لله مايلحقه منه حسوف .

ينبلج وجه الصدوق ويدلهم وجه المُرائي
‏والرفيق اللي معه وجهين مالي فيه عازه .

شرهةٍ في غير حق و حاجةٍ من غير قيمة
‏لا تعرّضَها على عقلك و لا توقف عليها .