Qashqadaryoda “yashil” iqtisodiyotni rivojlantirishga qaratilgan yirik loyihalar

Prezidentimizning Qashqadaryo viloyatiga tashrifi doirasida umumiy qiymati 6 milliard dollardan ziyod bo‘lgan 161 ta loyihaning 69 tasi ishga tushirilib, yana 92 tasining qurilishiga start berildi.

Davlatimiz rahbari hududlarga tashrifi chog‘ida “yashil” iqtisodiyotni rivojlantirish, loyihalarning ekologik jihatlari, resurs tejamkor texnologiyalarni joriy etilganligiga alohida e’tibor qaratadi. Qashqadaryoda ishga tushirilayotgan loyihalarda esa bu jihatlar o‘z aksini topgan.

Qayta tiklanuvchi energiya manbalarini rivojlantirishni davrning o‘zi talab qilmoqda. Shu nuqtai nazardan, Oqsuv daryosida umumiy quvvati 24 megavatt bo‘lgan uchta gidroelektr stansiyasining ishga tushirilishi, Kitob, Yakkabog‘ va Shahrisabz tumanlarida umumiy quvvati 58 megavatt bo‘lgan to‘qqizta mikroGES barpo etilishi qayta tiklanuvchi energiya manbalaridan foydalanish imkoniyatlarini kengaytiradi.

Avvallari chiqindi muammo edi, endi esa u resursga aylanmoqda. Qarshi tumanida chiqindidan elektr energiyasi ishlab chiqarishga mo‘ljallangan 150 million dollarlik zavodni ishga tushirish rejasi ham chiqindilarni boshqarish tizimini takomillashtirish nuqtai nazaridan muhimdir.

Qashqadaryodagi investitsiya loyihalari yangi ish o‘rinlari yaratish, mahalliy ishlab chiqarishni rivojlantirish va eksport salohiyatini oshirish bilan bir qatorda, tabiiy boyliklarni asrash va kelajak avlodlar manfaatlarini himoya qilishga xizmat qiladi.

✅Telegram|✅Facebook | 🌐Instagram | 📹You Tube

Yashil hududlarni barpo etishda “Qashqadaryo tajribasi” joriy etiladi

Bugun Prezidentimiz Shavkat Mirziyoyev ishtirokida Qashqadaryo viloyatini ijtimoiy-iqtisodiy rivojlantirishga bag‘ishlangan yig‘ilishda qatnashdim.

Davlatimiz rahbari ekologik barqarorlikni ta’minlashga qaratilgan bir qator muhim tashabbuslarni ilgari surdi. Ayniqsa, qayta tiklanuvchi energetikani rivojlantirish va suv resurslarini asrash borasidagi rejalar alohida ahamiyatga ega.

Jumladan, “Masdar” kompaniyasi tomonidan kelgusi yili Qashqadaryoda 300 megavatt quvvatli quyosh elektr stansiyasi va 75 megavattli energiya saqlash tizimi ishga
tushirilishi qayd etildi.

Qarshi tumanida chiqindilardan elektr energiyasi ishlab chiqarish bo‘yicha 45 megavattli loyiha yakunlanmoqda. Shuningdek, suv ta’minoti va irrigatsiya sohasida kelgusi yili 265 kilometr kanalni betonlashtirish, 2027-yilda esa fermerlar bilan hamkorlikda 75 ming gektar maydonda suv tejovchi texnologiyalarni joriy etish belgilangan.

❗️Yana bir muhim voqelik, Qarshi shahri, Ko‘kdala va Qarshi tumani chegarasidagi 5 ming gektar maydonda 500 ming aholiga mo‘ljallangan Yangi Qarshi shahri, shuningdek, Qarshi tumanida 235 gektarlik “Yangi Nasaf” ekomajmuasi barpo etiladi. Ushbu hududlarda “yashil” va “aqlli” shahar tamoyillarini joriy etish ham qayd etildi.

☝️Biz uchun yana bir e’tiborli jihat, ko‘chat ekish va yashil hududlarni ko‘paytirish bo‘yicha “Qashqadaryo tajribasi” yaratiladigan bo‘ldi. Har yili Navro‘z arafasida “Eng yashil mahalla” tanlovi o‘tkazilib, g‘oliblar elektromobil hamda boshqa qimmatbaho sovg‘alar bilan taqdirlanadi. Mana shuning o‘zi ham davlatimiz rahbari tomonidan ekologiya jiddiy e’tibor qaratilayotganining yorqin namunasidir.

Partiyamiz fraksiyasi deputatlari, hududiy vakillarimiz, nuroniylar, yoshlar bilan birgalikda mahallalar, ko‘chalar va xonadonlarda qadriyatimizga aylangan rayhon, jambil, gultojixo‘rozlar ekilishida hamkorlikda ishlaymiz va yuqoridagi tashabbuslarni amalga oshishida kamarbasta bo‘lamiz.

✅Telegram|✅Facebook | 🌐Instagram | 📹You Tube

Yangi Toşkentda Surxondaryo viloyati uçun ajratilgan 100 gektar maydonda quriliş işlari boşlandi

Prezidentimizning joriy yil 12-oktabr kuni Yangi Toşkent qurilişini jadallaştiriş masalalari yuzasidan investorlar va tadbirkorlar bilan ötkazgan oçiq muloqotida har bir viloyat uçun 100 gektardan yer maydoni ajratiş va hududlarning öziga xos arxitektura yeçimlari asosida loyihalarni amalga oşiriş vazifasi belgilangan edi.

Mazkur topşiriqlar ijrosi doirasida Surxondaryo viloyati hokimi Uluğbek Qosimov hamda Toşkent şahrida faoliyat yuritayotgan bir qator surxondaryolik mutasaddilar iştirokida viloyat uçun ajratilgan maydondagi loyihalar taqdimoti bilan tanişdik.

Loyihaga muvofiq, 100 gektar maydonda zamonaviy turar joylar, biznes markazlari, turizm majmualari, tadbirkorlik obektlari, ijtimoiy soha muassasalari va zarur infratuzilma inşootlari barpo etiladi. Bunda Prezidentimiz ilgari surgan «Yangi Toşkent — Özimizniki!» ğoyasiga muvofiq, investisiya va tadbirkorlik taşabbuslarini qöllab-quvvatlaş, aholi uçun qulay yaşaş şaroitlarini yaratiş hamda milliy qadriyatlarimizni zamonaviy şaharsozlik yeçimlari bilan uyğunlaştirişga alohida e’tibor qaratiladi.

Majmua hududining 30 foizida yaşil maydonlar va kökalamzor hududlar taşkil etişi rejalaştirilgan. Bu ekologik jihatdan qulay muhit yaratişga xizmat qiladi.

✅Telegram|✅Facebook | 🌐Instagram | 📹You Tube

“Yaşil” iqtisodiyot – taraqqiyot poydevori
 
Fraksiyamizning bugungi yiğilişida qonun loyihalari muhokamasidan avval Prezidentimiz raisligida 22-oktyabr kuni Qaşqadaryo viloyatini ijtimoiy-iqtisodiy rivojlantiriş masalalariga bağişlab ötkazilgan yiğilişda belgilangan vazifalarga e’tibor qaratdik.

Taşrifga qadar umumiy qiymati 6 milliard dollardan ziyod bölgan 161 ta loyiha tayyorlangani, taşrif kuni esa ularning 69 tasi işga tuşirilib, yana 92 tasining qurilişiga start berilgani Qaşqadaryoning iqtisodiy salohiyatini yangi bosqiçga olib çiqiş uçun ulkan imkoniyat deya etirof e’tildi. Işga tuşirilayotgan 28 ta sanoat korxonasida qariyb 7 mingta doimiy iş örni yaratilayotgani esa işsizlikni sezilarli darajada kamaytirişga sabab bölişi ta’kidlandi.

Prezidentimiz tomonidan yiğilişda aytilgan “yaşil” iqtisodiyotni viloyat taraqqiyotining mustahkam poydevoriga aylantiriş borasidagi fikrlari ayniqsa diqqatga sazovor. Boisi bu partiyamiz maqsad va vazifalariga hamohangdir. Şuni anglagan holda bu boradagi işlar natijadorligi ustidan deputatlik nazoratini olib boriş, zarur vaqtda kömakçiga aylaniş masalalarini kelişib oldik.

✅Telegram|✅Facebook | 🌐Instagram | 📹You Tube

Aholiga körsatiladigan tibbiy xizmat sifati yanada yaxşilanadi

Bugun Köksaroy qarorgohida Prezidentimiz Şavkat Mirziyoyevning tibbiyot va farmasevtika sohasi xodimlari bilan uçraşuvida iştirok etdim.

Şu örinda aytiş lozim, davlatimiz rahbari tomonidan aholi salomatligini muhofaza qiliş, ekologik xavfsiz muhitni ta’minlaş va kasalliklarning oldini oliş borasidagi işlarga alohida e’tibor qaratib kelinmoqda. Sönggi 10 yilda mamlakatimizda 10 million aholiga xizmat körsatadigan yangi poliklinika va şifoxonalar işga tuşirilib, 58 mingta şifo örni yaratilgani bu boradagi islohotlarning amaliy natijasidir.

Uçraşuvda birlamçi tibbiy yordam sifatini oşiriş, kasalliklarni erta aniqlaş va zamonaviy davolaş usullarini keng joriy etiş böyiça 28 ta tumanda sinovdan ötkazilgan yangi tizim kelgusi yildan yana 100 ta tumanda joriy etilişi ta’kidlandi. Şuningdek, onkologik kasalliklarni erta aniqlaş dasturlari uçun yiliga 700 milliard söm ajratilişi, infarkt va insultni erta aniqlaş dasturi esa barça tuman va şaharlarni qamrab olişi rejalaştirilgan.

Prezidentimiz tibbiyot xodimlarini qöllab-quvvatlaş, ularning malakasini oşiriş va yoş mutaxassislarga keng imkoniyatlar yaratiş masalasiga doimiy e’tibor qaratib kelmoqda. Tibbiyot xodimlarining oylik maoşlari karrasiga oşirilib, munosib mehnat şaroitlari yaratildi va bu işlar davom etmoqda. Natijada ularning öz kasbiga bölgan mehri özgardi.

Davlatimiz rahbari yana bir muhim taşabbusni ilgari surdi. Kelasi yildan tibbiyot va farmasevtika xodimlarini davlat röyxatidan ötkaziş tizimi yölga qöyiladi. Dastlabki bosqiçda davlat röyxatidan ötiş ixtiyoriy bölib, 2030-yildan esa bu tartib majburiy tus oladi. Röyxatdan ötgan şifokor va farmasevtlarning iş haqiga 7 million sömdan, hamşiralarga 3,5 million sömdan ustama tölanadi. Bu esa soha xodimlarining öz ustida işlaşiga, malaka va tajribasini oşirişga turtki böladi. Natijada esa xalqimizga körsatiladigan tibbiy xizmat sifati yanada yaxşilanadi.

✅Telegram|✅Facebook | 🌐Instagram | 📹You Tube