Phenomenal pictures & graphic design
1.06K subscribers
1.78K photos
8 videos
2 files
16 links
FOR ANY COMMENT
Abiy 09 73 06 89 82
Photographer , travler
MOBOGRAPHER iPhone
traveler
Graphic design
ካነበብኳቸው
ከገጠሙኘ ፣ ከሰማኀቸው....እንቀነጭባለን

@jahABP
Download Telegram
ኦፕራ እንደዚ ትላለች.....


.........🏃🏿🏃🏿🏃🏿🏃🏿
AB PHOTOGRAPHY & GRAPHIC DESIGN

#ዘኪዎስ_አጭር_ባይሆን_ኖሮ

ዘኪዎስ በማጠሩ ምክንያት በኢያሪኮ እያለፈ ያለውን ክርስቶስን ለማየት ተቸገረ:: ሕዝቡ ብዙ ነውና የቆሙት ሁሉ ጌታን ከማየት ከለሉት::
የሾላ ዛፍ ላይ ወጥቶ ጌታን ለማየት ሲሞክር ጌታ አሻቅቦ አየው::

እሱ ዛፍ ላይ ጌታን ሊያይ እንጂ ሊታይ አልወጣም::
#ጌታ_ሊታዩ_ከሚሞክሩት_ይልቅ_ሊያዩት_የሚሹትን_ይወዳልና_ዘኪዎስን_ጠራው::

ከምድር ቆመን ዓይናችንን አንጋጠን ማረን የምንለው ጌታ ዘኪዎስን ከምድር ሆኖ ወደ ላይ እያየ ና ልማርህ አለው:: 'ዛሬ በቤትህ እውል ዘንድ ይገባኛል' አለው:: ጌታ ወደ ቤቱ ገባ:: ለዘኬዎስ ቤት መዳን ሆነለት::

ዘኪዮስ አጭር ባይሆን ኖሮ ከሰዎች ጋርእየተጋፋ ጌታን ያይ ይሆናል እንጂ በጌታው ዓይን ለመታየት የሚበቃ ትጋት አያሳይም ነበር:: ምናልባትም ሰዎችን ገለል በሉ እያለ በኩራት ሲጋፋ ከአንዱ ጋር ሲጣላ ሊቆይ ይችል ነበር::

ዘኪዎስ አጭር_ባይሆን_ከዛፍ_ላይ_አይወጣም_ነበር::
አጭር ባይሆን የሠራዊትአምላክ ወደ ቤቱ አይገባም ነበር::

በኪሩቤል ላይ የሚቀመጠው ንጉስ በቤቱ ወንበሮች ላይ የተቀመጠው ዘኬዎስ በማጠሩ ምክንያት ነው:: የዘኪዎስ ነፍስ የዳነው በቁመቱ ማጠር ነበር:: እግዚአብሔር የመዳኑን ቀን የቆረጠለት ቁመቱን ሊያሳንሰው ነበር::
በምድር በመፅሐፍ ቅዱስ በሰማይ በሕይወት መዝገብ ስሙ የተጻፈው ዘኪዎስ አጭር በመሆኑ ነው::

ስለ ቁመት የማወራ እንዳይመስልህ....

#እግዚአብሔር_ለነፍሳችን_መዳን_የሚያሳጥርብን_ብዙነ_ገር_አለ::

እንደ ዘኪዎስ ቁመትህ አጭር ባይሆን የሚያጥር ነገር ግን አይጠፋም::

ይሔ ጎደለኝ የምትለው ከሰዎች አነስኩበት የምትለው ነገር አንዳች ነገር የለም? እነሱን ማለቴ ነው:: ይሄ ይጎድልብኛል ከሰው አንሳለሁ እያልክ አትማረር::

#እጥረትህ_መክበሪያህ_ነው::
#ጉድለትህም_መዳኛህ_ነው::

እግዚአብሔር ያጎደለብህ የመሰለህ ነገር ወደ ዛፍ እንድትወጣ ምክንያት ይሁንህ::
በጉድለትህ እንደዘኪዎስ ከፍ በልበት::

ያኔ ሰዎች አንተን አንጋጠው ከማየት ውጪ አማራጭ አይኖራቸውም:: ፈጣሪ በፍቅሩ ይይህ እንጂ ሰዎች ወዳንተ ያዘነብላሉ:: በቤትህ መዳን ይሆንልሃል::

#ከዚያም_ስላጠረህ_ስለጎደለብህ_ነግር_ፈጣሪን_ስታመሰግነው_ትኖራለህ::

#እመነኝ_አንዳንድ_ጉድለቶች_እድሎች_ናቸው::

ዘኪዎስ አጭር ባይሆን ይሄኔ በሾላው ዛፍ ጥርሱን እየፋቀ ይቀር ነበር::

ግንቦት 23 2014
አዲስ አበባ

#የግዮን_ወንዝ

#ዲያቆን_ሔኖክ_ኃይሌ

ሙሉ ገቢው #ለደብረ_አሚን_አቡነ_ተክለ_ሃይማኖት
ቤተ ክርስትያን የሕንፃ እድሳት ሥራ የሚውል ነውና ሁላችንም ይህን መፅሐፍ በመግዛት አሻራችንን እናሳልፍ ከመፅሐፉም እውቀትን እንሸምት እላለሁ

አብይ የማርያም ልጅ ነኝ መልካም ጊዜ::

@ABPGD @ABPGD @ABPGD @ABPGD
@ABPGD @ABPGD @ABPGD @ABPGD
@ABPGD @ABPGD @ABPGD @ABPGD
@ABPGD @ABPGD @ABPGD @ABPGD
AB PHOTOGRAPHY & GRAPHIC DESIGN

#ለምን_ትቀናለህ

በዜና አበው ላይ አጋንት አንድ መነኩሴን ለማሰናከል ሲማከሩ የሚያሳይ ታሪክ ተፅፏል:: መነኩሴው ለብዙ ዘመናት በተጋድሎ አሳልፎ ከብቃት የደረስ መናኝ ነበር:: የአጋንቱ ጭፍራ በአለቃቸው ተመርተው ይህንን መነኩሴ ለማሳት ዘመቱ::

ተራ በተራ ወደሱ እየሔዱ የፈተናን ወጥመዳቸውን ዘረጉበት:: በዝሙት ሊፈትኑት ሞከሩ አልተሳካም በምግብም ሞከሩ ድል ነሳቸው:: የሚያውቁትን የፈተና ስልት በተለያየመንገድ እየተገለፁ አንዴ ሰው መልአክ እየመሰሉ ሊጥሉት ቢሞክሩም አልቻሉም::

አለቃቸው ይሔን ጊዜ በሉ እኔ የማደርገውን ተመልከቱ አላቸውና መንገደኛ መስሎ ወደ መነኩሴው ቀረበ:: በጆሮው የሆነ ነገር ነግሮት ወዲያው ተሰናብቶት ወጣ:: ይህን ጊዜ አጋንቱ እያዩትመነኩሴው መንፈሳዊ ገፅታው ተገፍፎ ፊቱ በቁጣና በንዴት ሲለዋወጥ ተመለከቱት::

በዚህም ተደንቀው ምን ብለህ ነው ያሸነፍከው? ብለው አለቃቸውን ጠየቁት:: እርሱም እንዲህ አላቸው:- ''ከአንተ ጋር ያደገው ከአንተ ጋር የተማረው ጟደኛህ እኮ የእስክንድርያ ፓትርያርክ ሆኖ ተሾመ ብዬ ነገርኩትና ወጣሁ አሁን ልቡ በቅናት እየነደደ ነው'' አላቸው አጋንቱ በደስታ ጨፈሩ::

ሰይጣን የቅናትን ኃይል ጠንቅቆ ያውቃል:: መፅሐፈ ቅዳሴ #ሞትን ሲገልፀው '#በሰይጣን_ቅናት_ወደ_አለም_የገባ' ይለዋል:: ሰይጣን በሰው ልጅ ጸጋ ቀንቶ አዳምና ሔዋንን በፈጣሪያቸው እንዲቀኑና አምላክ መሆን እንዲምኙ አድርጎ ዓለም ያመሰቃቀለ ነውና ይህንን መነኩሴ ለመጣል ለሺህ ዓመታት ብዙ ሺዎችን ወግቶ የጣለባትን ሰይፉን መዘዘበት::

መነኩሴው የእኩያውን መሾም ሲሰማ ቅናቱን መቋቋም አቃተው::

ወዳጄ በሌላው ትቀና እንደሆነ አሁኑኑ ከዚህ ውስጥን በልቶ ከሚጨርስ ካንሰር ራስህን አድን::

ራስህን ከሌሎች ጋር አታወዳድር::
#በምድር_ላይ_እግዚአብሔር_የፈጠረው_አትን_የሚመስል_ሌላ_ሰው_የለም::
#ካንተ_ቀድሞም_በትክክል_አንተን_የሆነ_ሰው_አልተፈጠረም_ለወደፊትም_አይፈጠርም::
#እግዚአብሔር_ቀድሞ_ያልሰራው_ደግሞም_የማይሰራው_ምርጥ_ዕቃው_ነህና_ርስህን_ከሌሎች_ጋር_አታወዳድር::

ለአንተ ብቻ የሠጠው ጸጋ አለና ሌሎችን መመልከት ትተህ ውስጥህ ያለውን ውድ ማንነት ቆፍረህ አውጣ:: ያንተ ሕይወት ቁልፍ የተቀበረው አንተ ውስጥ ነው:: ሌሎችን ረስተህ ወደ ራስህ ጠልቀህ ግባ::

#መብለጥ_ከፈለክም_አሁን_ያለውን_ራስህን_ብለጠውና_ሌላ_ትልቅ_አንተን_ሁን::

#ቅናት_እጅግ_ክፉ_ኃጢያት_ነው:: ሰው ቢዘሙት ቢሰክር በሥጋው ነው:: #ቅናት_ግን_በምታስተውል_ነፍሱ_ውስጥ_የሚበቅል_መርዝ_ነው::

ቃየልን በየዋህ ወንድሙ ላይ ያስጨከነው ቅናት ነበር:: የአቤል ስኬት ለቃየል ውድቀት መስሎ ስለተሰማው በግፍ ሊገድለው በቃ::

በቅናት እንዳትቃጠል ሌሎች ሰዎችንም ውደዳቸው:: ከወደድሃቸው 'ፍቅር አይቀናም'ና የቅናት ስሜት ሲሰማህ 'ቀናተኛ ልቤን ፈውስልኝ' ብለህ ለምነው::

'በአገባብ እንመላለስ በዘፈንና በስካር አይሁን በዝሙትና በመዳራት አይሁን በክርክር በቅናት አይሁን' ሮሜ 13:13



#የግዮን_ወንዝ

#ዲያቆን_ሄኖክ

ሙሉ ገቢው #ለደብረ_አሚን_አቡነ_ተክለ_ሃይማኖት
ቤተ ክርስትያን የሕንፃ እድሳት ሥራ የሚውል ነውና ሁላችንም ይህን መፅሐፍ በመግዛት አሻራችንን እናሳልፍ ከመፅሐፉም እውቀትን እንሸምት እላለሁ

አብይ የማርያም ልጅ ነኝ ለንባብ እንዲመች አድርጌ አቀረብኩት መልካም ጊዜ::

@ABPGD @ABPGD @ABPGD @ABPGD
@ABPGD @ABPGD @ABPGD @ABPGD
@ABPGD @ABPGD @ABPGD @ABPGD
@ABPGD @ABPGD @ABPGD @ABPGD