#УЛКАН_АЖР

• Ким жанозага қатнашса бир қийрот ажр олади, дафнга қатнашса яна бир қийрот ажр олади!
• Бир қийрот ажр — ухуд тоғи қадар ажр ҳисобланади!

© Аброр Мухтор Алий

📨 Постни яқинларингизга ҳам улашинг!

Расмий канал👇
📱 @abrormuxtoraliy

#ЭЪТИҚОД

• Сиз ўйлаганингиз ҳам, биз ўйлаганимиз ҳам бўлмайди.
• Аллоҳ хоҳлагани бўлади!

© Аброр Мухтор Алий

📨 Постни яқинларингизга ҳам улашинг!

Расмий канал👇
📱 @abrormuxtoraliy

#ШЕЪРИЯТ

МАДИНАМ

(Нажиб Фозилдан ўзлаштирма)

Руҳимни эритган Зот,
Ишқ қолпига тўлдирмиш,
Уни Мадина дея
Бахт ерига қўндирмиш.
Ичимда ажиб бир ҳис,
Иймон, ишқ, ихлос, илм.
У менинг замон-макон
Ошиб ўтган севгилим.

Мадинам менинг жоним,
Севгилимдир севгилим.
Мадинам, Мадинам...

Она каби ёр бўлмас,
Мадина каби диёр.
Кулганини айтмайин,
Йиғлагани бахтиёр.
Ҳабибим ётар сокин,
Иймон дафиналикдир.
Ой ва қуёш азалдан,
Икки Мадиналикдир.

Рижоллар учун қўноқ,
Тоза қон каби қайноқ.
Мадинам, Мадинам...

Абу Бакр эр йигит,
Сафнинг бошида турар,
Оҳ, уммат ташвишида,
Қорни тўймаган Умар...
Усмон! Ҳаёли Усмон -
Жиққа ёшдир кўзлари.
Ҳар қадамда сезилар,
Ҳақ Алийнинг излари.

Бир вақтлар эди Ясриб,
Мунаввар этди Ҳабиб...
Мадинам, Мадинам...

Уҳуд анча кексайган,
Боқар кўзлари ғамза,
Шундоқ остонасида
Ётибди шаҳид Ҳамза.
Шаҳодат бармоғи бу,
Кўк бўйлаган минора,
Бақеъда ажиб маъно:
Ўлажакмиз, начора!

Соф иймонни изласанг,
Мадинадан изла сан!
Мадинам, Мадинам.

© Аброр Мухтор Алий

📨 Постни яқинларингизга ҳам улашинг!

Расмий канал👇
📱 @abrormuxtoraliy

#ИЙМОН

• Салавотлар айтиб юришнинг фойдалари ҳақида!

© Аброр Мухтор Алий

📨 Постни яқинларингизга ҳам улашинг!

Расмий канал👇
📱 @abrormuxtoraliy

#ҒАНИМАТ

• Ота-онаси борлар, ота-онангизни қадрига етинг уларни хизматини қилинг.
• Ота-онаси дунёдан ўтканларни Аллоҳ ўз раҳматига олсин, жаннатда яқинларимиз билан бирга қилсин!
Омин
Омин
Омин

© Аброр Мухтор Алий

📨 Постни яқинларингизга ҳам улашинг!

Расмий канал👇
📱 @abrormuxtoraliy

#ТЎРТЛИК

Тоғ бўлсанг қор ёғар бошинга,
Гул бўлсанг ҳам танангда тикон.
Кучингга яраша юклар юк,
Иймонга яраша имтиҳон!

©️ Маҳбубий

📨 Постни яқинларингизга ҳам улашинг!

Расмий канал👇
📱 @AbrorMuxtorAliy

#ОГОҲЛИК

ЖИНКАШЛИК — ҲАРОМ, БЕМОРНИ ДАВОЛАНИШДАН ҚАЙТАРИШ ЭСА ЗУЛМДИР!

• Жинкашлик, яъни жин чиқаришни даъво қилиб, одамларни алдаш, қўрқитиш ва улардан пул ундириш — ҳаром ишдир.
• Шаръий руқя бор, аммо жинкашлик ниқоби остидаги фирибгарлик, хурофот ва жоҳилликнинг Исломга алоқаси йўқ.
• Аллоҳ таоло: «Билмаган нарсангга эргашма!» деган
• Исро сураси, 36-оят.
• Бирор кишининг касаллигини далилсиз жинга боғлаш — илмсиз гапиришдир.
• Расулуллоҳ ﷺ: «Аллоҳнинг бандалари, даволанинглар!» деганлар
• Абу Довуд, 3855;
• Термизий, 2038.
• Эътибор беринг, Пайғамбаримиз беморга даволанишни буюряптилар, расмдаги изоҳда эса жинкаш беморни касалхонадан чиқишга ундаяпти.
• Тиббий даволаниш Исломга зид эмас, балки шариат эътироф этган сабаблардандир.
• Ким бундан қайтарса Пайғамбаримизга қарши чиққан бўлади.
• Расмдаги изоҳда жикашнинг иши мусулмончиликка зид экани кўриниб турибди.
• Бу гап беморни тиббий ёрдамдан қайтаришга ундайдиган ўта масъулиятсиз ва хавфли чақириқдир.
• Аллоҳ таоло: «Ўзингизни ҳалокатга ташламанг!» деган.
• Бақара сураси, 195-оят

• Расулуллоҳ ﷺ:
• «Зарар бериш ҳам, зарарга зарар билан жавоб қайтариш ҳам йўқ», деганлар
• Ибн Можа, 2340
• Беморни шифокор тавсиясисиз касалхонадан чиқишга ундаш унинг саломатлиги ва ҳатто ҳаётига хавф туғдириши мумкин.
• Қуръон ўқиб дам солиш билан шифохонада даволаниш бир-бирига зид эмас, лекин шаръий руқия тиббий ташхис ва зарур даволанишнинг ўрнини босмайди.
• Ким беморни илмсизлик билан даволанишдан қайтарса, унинг соғлиғига етган зарар учун ҳам жавобгарлик масаласи туғилади.
• Динни хурофотга, руқияни фирибгарликка, беморнинг дардини эса даромад манбаига айлантиряпган сохтакорлардан огоҳ бўлинг!

©️ Аброр Мухтор Алий

📨 Постни яқинларингизга ҳам улашинг!

Расмий канал👇
📱 @AbrorMuxtorAliy

#ТАБРИК

ИИБ ХОДИМЛАРИ КУНИ МУБОРАК БЎЛСИН!

• Азиз ва муҳтарам ички ишлар органлари ходимлари!
• Ватан ҳимояси фақат сарҳадларни қўриқлаш эмас, балки юрт ичра тинчликни асраш, халқнинг осойишталиги ва ҳар бир хонадоннинг хотиржамлигини таъминлаш ҳамдир.
• Бу шарафли ва машаққатли вазифада сизларнинг беқиёс ҳиссангиз бор!
• Эл осойишталиги учун тунларни бедор ўтказасиз.
• Байрамларда оилангиз даврасида бўлолмайсиз. Фарзандингизнинг қувончига шерик бўлиш, ота-онангиз дийдорига тўйиш, аҳли аёлингиз билан хотиржам дастурхон атрофида ўтириш ҳам баъзан сиз учун армонга айланади.
• Зеро, халқ ўз оиласи бағрида хотиржам яшаши учун сиз кўпинча ўз оилангиз бағрида бўлишдан воз кечасиз!
• Сизнинг бедор тунларингиз — халқимизнинг осуда уйқуси, фидойилигингиз — Ватанимиз тинчлиги, ҳалол хизматингиз эса келажак авлодлар хотиржамлигига қўшилган улкан ҳиссадир!
• Аллоҳ таоло сизларни ҳар қандай бало-қазодан асрасин!
• Оилаларингизга тинчлик, фарзандларингизга саодат, хизматларингизга барака ато этсин!
• Ватан ва халқ осойишталиги йўлидаги фидокорона хизматингиз ҳамиша қадр топсин!
• Касб байрамингиз муборак бўлсин!

©️ Ҳурмат билан,

Аброр Мухтор Алий

📨 Постни яқинларингизга ҳам улашинг!

Расмий канал👇
📱 @abrormuxtoraliy

#ДОЛЗАРБ

• Фарзанд тарбияси учун муҳим тавсиялар!...

© Аброр Мухтор Алий

📨 Постни яқинларингизга ҳам улашинг!

Расмий канал👇
📱 @abrormuxtoraliy

#ХУШХАБАР

ЎЗБЕКИСТОНДА ИСЛОМИЙ БАНКЧИЛИК САРИ ТАРИХИЙ ҚАДАМ!

• Ўзбекистон Марказий банки исломий банк фаолиятини амалга ошириш учун илк лицензияни «Open Bank» АЖга бергани ҳақида хабар тарқалди.
• Бу мамлакатимиз молия тизими учун муҳим янгилик!
• Исломий молия — шунчаки фоизсиз банк дегани эмас.
• У адолатли савдо, шерикчилик, фойда ва хатарни тақсимлаш, реал иқтисодий фаолиятга асосланган молиявий тизимдир.
• Йиллар давомида юртдошларимиз шариат талабларига мувофиқ банк хизматларини кутиб келмоқда.
• Энди энг муҳим масала — исломий банкчилик фақат номда эмас, амалда ҳам шариат қоидаларига тўлиқ мувофиқ бўлишидир.
• Бунинг учун мустақил ва малакали шариат кенгаши, шаффоф шартномалар ҳамда ҳақиқий шаръий назорат зарур.
• Исломий банкчиликнинг муваффақияти унинг номи билан эмас, амалда рибодан қанчалик холи экани билан ўлчанади!
• Аллоҳ бу қадамни халқимиз ва иқтисодиётимиз учун хайрли қилсин!
• Бу каби «тетапоя» лойиҳаларни қўллаб қувватлашимиз лозим, лойиҳага доғ тушуриш мумкин бўлган гап-сўз ва ишлардан сақланишимиз даркор!

©️ Аброр Мухтор Алий

📨 Постни яқинларингизга ҳам улашинг!

Расмий канал👇
📱 @abrormuxtoraliy

#ШЕЪРИЯТ

КЕКСАЛИК ГАШТИ

Қарилик гаштини мақташдан кўра,
Мухбир болам, уни бизлардан сўра.
Мана, биз бу гаштни сураётирмиз,
Эрталаб инқиллаб тураётирмиз,
Оғриқдан қақшаган белимиз силаб,
Кавушимиз судраб, чунон имиллаб,
Белимиз чангаллаб юраётирмиз,
Қарилик гаштини сураётирмиз.

Билакдан куч кетган, кўздан эса нур,
Пашшамизни зўрға қўраётирмиз.
Бир вақт юз-юз отиб қилардик ҳузур,
Энди валокардин ураётирмиз,
Келар ичимиздан хўрсиниқ чуқур,
Асқар тоғ эдик-ку, нураётирмиз.
Кўнамиз, не илож, шунга ҳам шукур,
Ҳарқалай кўз тирик, кўраётирмиз,
Қарилик гаштини сураётирмиз.

Қариликни ҳавас қилмагин, болам,
Ёмон кўринади кўзингга олам.
Қариганда ачиб қоларкан одам,
Баъзан бобов бўлиб ҳураётирмиз,
Қарилик гаштини сураётирмиз.

Қарилик гашт эмас, юлғунли дашт ул,
Қарилик тикандир, ёшлик эса гул,
Ёшликка не етсин, у ўзи маъқул,
Ёшлик хазинадир, қарилик – бир пул.
Йигитларга айтар насиҳатим шул:
Ёш ёшликда ёшлик гаштини сурсин,
Кексалик ҳам келар, уни ҳам кўрсин,
Ҳозирча қаришга шошмасдан турсин –
Белангиси қурсин, йўтали қурсин.
Агар маъқул бўлса фахрий деган ном
Барча нишонимиз олиб, бир оқшом
Ёшлигини бизга қарз бериб турсин.
Қарилик гаштини мақташдан кўра,
Мухбир болам, уни бизлардан сўра.

© Эркин Воҳидов

©️ Аброр Мухтор Алий

📨 Постни яқинларингизга ҳам улашинг!

Расмий канал👇
📱 @abrormuxtoraliy