Бозорларимизда узумнинг турли навлари мўл. Таъбингизга қараб танлайверасиз; мавсумида тўйиниб олсангиз бўлгани. Чунки узум фойдали элементлари жиҳатидан ихтиёрий мевадан қолишмайди.

Узум – А, С, В гуруҳ витаминларига бой бўлиб, калий, кальций, темир, магний, цинк, йод каби қатор микроэлементларни ўзида сақлайди. Шу боис етарли миқдордаги узум истеъмоли чарчоқликнинг олдини олади, асаб тизимини тинчлантириб стресс ҳолатига барҳам беради, тана қувватини оширади.

Узумни доналари билан истеъмол қилиш янада фойдалидир. Чунки узум доналари ўзида қўшимча Е ва К витаминларини, шунингдек табиий мойларни сақлайди ҳамда бу билан барча аъзолар ҳужайраларини мустаҳкамлаб, натижада организмда қариш жараёнини секинлаштиради.

Хуллас, мавриди бўлдими, узумни эрмак қилиб ўтираверинг!

@abrorpirmuhammad

Бухоро кўчаларида сайр этатуриб, суратдаги мактаб ёнидан ўтиб борарканман, дарвоза пештоқига битилган сўзлар ҳар бир ўқувчи дилига кўчиб ўтишини Яратгандан сўрадим.

"Илмдан ўзга нажот йўқ ва бўлмагай!"

@abrorpirmuhammad

Мутолаа масаласида Элон Маск билан бир йўналишда эканмиз. Фақат камина устоз, Маск эса шогирд давлат арбоби фикрлари билан ўртоқлашаётган эканмиз.

Сизчи, сиз қайси китоб мутолааси билан машғулсиз?

@abrorpirmuhammad

Ҳақ йўлинда ким санга бир ҳарф ўқутмиш ранж ила,
Айламак бўлмас адо онинг ҳақин юз ганж ила.

Қайси соҳа бўлмасин, билимларини беминнат улашиб, устоз деган шарафли номга алоқадор бўлиб яшаётган барча замондошларимни байрам билан табриклайман.

@abrorpirmuhammad

Супер лига остонасида Про лига ҳақидаги ўйлар:

Чемпионлик учун курашиб, ОЧЛда иштирок этиб юрган клубимиз гўёки чексиз уммонда улкан ва шиддатли пўртаналар оша сузиб бораётган кема мисол эди. Про лигага тушган "Локо" кемаси тинч кўрфазга, осойишта денгиз қўлтиғига кириб қолгандай бўлди гўё. Унинг ўртамиёна тўлқинлари кемамиз учун кўп ҳам ташвиш туғдиргани йўқ...

Ортиқча шовқин-сурону "интрига"лардан холи, мўътадил тақвим ва етарли дам кунларига эга Про лига очиғи ёқди. Аммо "Локо" кемаси тағин уммонга ошиқмоқда. Чунки у яна аввал эришилган марралар томон сузишни истайди; бу йўлда дуч келадиган ҳар қандай пўртаналардан ошиб ўтишга тайёр! Буни қай йўсинда уддалашини эса вақт кўрсатади.

@abrorpirmuhammad

Нокда С витамини шунчалар кўпки, агарда сиз бир ҳафтада уч кун атиги икки донадан нок есангиз, организмингизни аскорбин кислотасига бўлган ҳафталик миқдорини таъминлаган бўласиз.

Нокдаги С витамини унинг пўстида кўп бўлади, шунинг учун уни арчиб ташламанг!

Иммун тизимининг асоси ҳисобланмиш аскорбин кислотасига бой нок ўзида яна калий, натрий, темир ва фосфор ҳам сақлайди.

Хуллас, мавсумида нокдан тўйинг ва иммунитетни қувватлаб олинг!

@abrorpirmuhammad

Мушукда инсон саломатлиги учун қатор ижобиятлар мавжудки, бугунга келиб "кототерапия" йўналиши ҳам шаклланиб улгурди.

Мушукда инсон танасидаги муаммоли соҳани аниқлаш ва ўша жойда жойлашиб олиш хусусияти бор. Шу боис бу уй ҳайвони инсондаги стресс ҳолатини ечиб, уни тинчлантириш хусусиятига эга.

Масжидга кириши мумкин бўлган бу ягона ҳайвон асаб тизими, ички аъзолар ва бўғинлардаги муаммоларни енгиллатишда беминнат воситадир. Шундай экан, имкониятга қараб мушук парваришлаш хонадонингиз ва оила аъзоларингиз учун фойдадан холи эмас.

@abrorpirmuhammad

"Локо" - "Про лига" g'olibi!

Аммо бугун яна бошқа бир воқеълик эътиборга молик. Бу ҳам бўлса Марат Бикмаевнинг футбол фаолиятини тугатиши.

Маратнинг қандай футболчи бўлганини мухлислар яхши билишади. Унинг қандай мураббий ёки футбол мутасаддиси бўлишини эса вақт кўрсатади.

Бу йўлда Марат Рифкатовичга омад тилаб қоламиз!

@abrorpirmuhammad

Аксар мухлислар негадир финалда Абрамов ва Бабаян тўқнаш келишини башорат қилишаётганди (ёки исташаётганди).

Аммо, "уйда деворлар ҳам ёрдам беради", деганларидай: "Насаф" ва "ОКМК" финалда!

Финалда ҳам ушбу нақл ишлайдими-йуқми, тез орада билиб оламиз!

@abrorpirmuhammad

21 октябрь – Ўзбек тилига Давлат тили мақоми берилган кун!

Минг йилларким булбул каломи
Ўзгармайди, яхлит ҳамиша.
Аммо шўрлик тўтининг ҳоли
Ўзгаларга тақлид ҳамиша.

Она тилим, сен борсан, шаксиз,
Булбул куйин шеърга соламан.
Сен йўқолган кунинг, шубҳасиз,
Мен ҳам тўти бўлиб қоламан!

Абдулла Орипов

АФК ёки ФИФА ташкил этадиган семинар ва мусобақаларда иштирок этарканман, аксар ҳолларда араб диёрларидан келадиган мутахассислар орасида аждодлари бизнинг юртдан бўлган кимнидир албатта учратаман.

Бу гал ҳам худди шундай бўлди. Саудия Арабистонидан келган ёш ҳамкасбимнинг бобоси асли Андижонлик бўлиб, ўтган аср бошларида сиёсий вазият туфайли Саудия томон бориб қолишган экан.

Андижонлик қадрдонлардай истараси иссиқ Dr. Ahmed Ibrahim Andijani исмли бу йигит бобосидан эшитганларини сўзлаб берди, мендан эса боболари туғилган юрт ҳақида кўп нарсани билиб олди.

@abrorpirmuhammad

Хуллас, "Сеҳрли диёр"даман!

Бу ўлкага аксар ташрифчилар сингари қолиб кетиш учун эмас, уни ўрганиш, эшитган ва ўқиганларимни ўз кўзим билан кўриш учун келдим.

У ҳақиқатан шунчалар сеҳрлими? Тупроғига қадам босиш ниятида бор молию ҳаётини тикишга арзигулик даражада мўъжизакорми? Табиати, турмуш тарзи ҳавас қилгуликми?

Алқисса, билганларим қаторида саволларим ҳам анчагина. Ўйлайманки, АҚШ бўйлаб қарийб 1ой давом этувчи мазкур саёҳатим давомида барчасига жавоб топишга улгураман. Сафаримнинг эътиборга молик қисмларини эса сиз обуначиларим билан имкон қадар ўртоқлашиб боришга харакат қиламан.

PS: Айтганча. Топингчи, Куала Лумпурдан учган самолёт Нью Йоркка етиб келиши учун курраи заминни қай тарафдан айланиб учди деб ўйлайсиз?

@abrorpirmuhammad