ሙስሊሙ ወገኔ ሆይ! ከዘር ትብታብ ውጣ!
~
እነዚህ በዘርህ ሰበብ ሆድ እያስባሱ ከጎናቸው ሊያሰልፉህ የሚተጉ ሃይሎች ተሳካቶላቸው አገር ቢቆናጠጡም ላንተ ቦታ የላቸውም። ህወሓትን ተመልከት። በትግራይ ህዝብ ስም የሚምል የሚገዘት፣ የሚያለቅስ፣ የሚያስለቅስ፣ የሚታገል፣ የሚያታግል ቡድን ነጋ ጠባ ስለ ፍትህ እያዜመ ከዚያ ግን ተጋሩ ሙስሊም ወጣቶችን በለጋ እድሜያቸው ከትምህርት ገበታ ለማገድ ይሉኝታ አልያዘውም። አክሱም ላይ ለዘመናት እውቅና ያለው መስጂድ ተነፍገው ሜዳ ላይ መስገዳቸው አልበቃ ብሎ አዛውንቶችን ጭምር በዱላ አናታቸውን እየፈለጠ በማባረር ከጁሙዐ ሶላት መከልከሉ የሚታወቅ ነው። ከዚህ ቡድን ጋር ግን ስንት ሙስሊሞች በየግንባሩ ተሰልፈው ወድቀዋል!

በሌሎቹም ክልሎች ያሉት "ነጻ አውጪዎች" ያው ናቸው አልልህም። በጣም የባሱ እንጂ ያው አይደሉምና። የህወሃት በደል ምንም ቢያሳምም፣ በቀላሉ የሚታይ ባይሆንም በጅምላ አልፈጀም፣ አላፈናቀለም። በኦሮሚያና በአማራ ያለው በጣም ይለያል። ከየትም ብሄር ብትሆን በእምነትህ ለይቶ ለሚያጠቃህ አካል በዘር ሊደልልህ ሲሞክር ጆሮ እየሰጠህ የነሱ ፕሮፓጋንዳ ሰለባ አትሁን።
=
የቴሌግራም ቻናል፡-
https://t.me/IbnuMunewor
https://t.me/IbnuMunewor

🌹 ስሜቶች ድምፅ የላቸውም… ነገር ግን መልክ አላቸው! 🥀

🥀 ስሜቶች ድምፅ የላቸውም… ግን በዓይኖች ይናገራሉ፤ በዝምታ ይገለጣሉ፤ በፈገግታ ይታያሉ፤ አንዳንዴም በእንባ ውስጥ ተደብቀው ይኖራሉ።

🌿 አንዳንድ ህመሞች በቃላት አይገለጹም፤ አንዳንድ ናፍቆቶች በመልዕክት አይጻፉም፤ አንዳንድ ፍቅሮችም በቀጥታ ለመናገር የሚከብዱ ምስጢሮች ሆነው በልብ ውስጥ ይኖራሉ።

🌿 አንዳንዴ ዝምታችን የሚናገረው አፋችን ሊናገረው ከሚችለው በላይ ነው።

ፈገግታችን ደስተኛ መሆናችንን ቢያሳይም፣ ከውስጡ የተደበቀ ሀዘን ሊኖር ይችላል። ዝምታችን ሰላም ያለን ቢያስመስልም፣ በልባችን ውስጥ የማይሰሙት ጩኸቶች ሊኖሩ ይችላሉ። 🥀

💭 ስለዚህ ሰዎችን በሚታየው ፊታቸው ብቻ አንፍረድባቸው። ከፈገግታ በስተጀርባ የተደበቀ ህመም፣ ከዝምታ በስተጀርባ የሚንቀጠቀጥ ልብ፣ ከጠንካራ አቋም በስተጀርባ የደከመ ነፍስ ሊኖር ይችላል። ሁሉም ሰው ስሜቱን በቃላት መግለጽ አይችልምና።

🌿 አላህ በልቦቻችን ውስጥ የሚደበቀውንም ያውቃል። ሰዎች ያልሰሙትን የልባችን ጩኸት፣ ያላዩትን እንባና በዝምታ የተሸከምነውን ሸክም እርሱ ያውቃል።
📖 قال الله تعالى:

﴿وَإِن تَجْهَرْ بِالْقَوْلِ فَإِنَّهُ يَعْلَمُ السِّرَّ وَأَخْفَى﴾

🌹 «ንግግርን በግልጽ ብትናገርም፣ እርሱ ምስጢሩንና ከዚያም የበለጠ የተሰወረውን ያውቃል።»

📚 ሱረቱ ጣሃ፣ 20:7

🌹 ስለዚህ ልባችን በሰዎች ፊት መናገር ቢያቅተውም፣ በዱዓ ፊት አንዘጋውም። ሰዎች ስሜታችንን ባይረዱትም፣ አላህ ያውቃል። ሰዎች ህመማችንን ባያዩትም፣ አላህ ከእኛ የበለጠ ለእኛ ቅርብ ነው።

🌹 አንዳንድ ስሜቶች በቃላት አይነገሩም፤ በእይታ ይታወቃሉ። አንዳንድ ህመሞች በእንባ አይወጡም፤ በዝምታ ይታያሉ። አንዳንድ ልቦችም አይጮኹም፤ ግን በውስጣቸው ብዙ ነገር ይሸከማሉ።

🥀 ስሜቶች ድምፅ የላቸውም… ነገር ግን መልክ አላቸው። ልብን ማንበብ የሚችል ሰው ግን ከቃላት በላይ ያለውን ይረዳል።

🥀➥ ...የቴሌግራም  ቻናል
t.me/Abu_hibetillah_Asselfiy
t.me/Abu_hibetillah_Asselfiy

🌿 የጥሩ ነገር መጥፎነቱ… ማለፉ ሲሆን፤ የመጥፎ ነገር ጥሩነቱ ደግሞ… እሱም ማለፉ ነው! 🥀

🌷 በሕይወት ውስጥ ሁሉም ነገር ያልፋል… ደስታም ይሁን ሀዘን፣ ስኬትም ይሁን ውድቀት፣ ቅርበትም ይሁን መለያየት። የዛሬ ደስታችን የነገ ትዝታ ሊሆን ይችላል፤ የዛሬ ህመማችንም ነገ የተሻልንበት ታሪክ ሊሆን ይችላል።

💧 አንዳንድ ጊዜ የምንወደው ነገር ሲያልፍ እንደተሰበርን ይሰማናል፤ ግን በዚያ መለያየት ውስጥ እንኳ የራሳችንን ጥንካሬ እናገኛለን። አንዳንድ መጥፎ ነገሮች ሲያልፉ ደግሞ እንደገና መተንፈስ፣ መረጋጋትና ሕይወትን በአዲስ ዓይን ማየት እንጀምራለን። 🌿

🌿 ስለዚህ ደስታ ሲመጣ እናመስግን፤ ሀዘን ሲመጣ እንታገስ። የምንወደው ነገር ሲርቀን በጥበብ እንቀበል፤ የሚያስጨንቀን ነገር ሲያልፍ ደግሞ የተማርነውን ሳንረሳ ወደፊት እንጓዝ።

🌿 ሕይወት የምንወደውን ሁሉ ለዘላለም አትሰጠንም፤ የምንጠላውንም ሁሉ ለዘላለም አታቆይብንም። ስለዚህ በደስታችን አንኩራራ፤ በሀዘናችንም ተስፋ አንቁረጥ። ምክንያቱም ሁኔታዎች ይለዋወጣሉ፣ ስሜቶች ይቀየራሉ፣ ጊዜም ያልፋል።

📖 አላህ እንዲህ ይላል፦
﴿فَإِنَّ مَعَ الْعُسْرِ يُسْرًا ۝ إِنَّ مَعَ الْعُسْرِ يُسْرًا﴾
«ከችግር ጋር ቀላልነት አለ፤ ከችግር ጋር ቀላልነት አለ።»

📚 ሱረቱ አሽ-ሸርሕ፣ 94:5–6

🌹 ስለዚህ ልባችን በሀዘን ሲከብድ የአላህን ምህረት አንርሳ፤ መንገዳችን ሲጠቁር ተስፋችንን አንቁረጥ። የሚያልፈውን በትዕግሥት እንሸኝ፤ የሚመጣውንም በአላህ ላይ በመተማመን እንቀበል።

💧 የዛሬ እንባ የነገ ፈገግታ መነሻ ሊሆን ይችላል፤ የዛሬ መለያየትም ነገ የሰላም መጀመሪያ ሊሆን ይችላል። ስለዚህ አትቸኩሉ፤ ተስፋ አትቁረጡ። ሁሉም ነገር የራሱ ጊዜ አለው፤ የሚያልፈውም ያልፋል።

🌹 የጥሩ ነገር መጥፎነቱ ማለፉ ነው… የመጥፎ ነገር ጥሩነቱም ማለፉ ነው። የሕይወት ጥበብ ደግሞ በሚያልፈው ነገር ሁሉ ውስጥ ትምህርት ማግኘትና ልባችንን ከአላህ ጋር ማቆየት ነው።

🥀➥ ...የቴሌግራም  ቻናል
t.me/Abu_hibetillah_Asselfiy
t.me/Abu_hibetillah_Asselfiy

🌹 በነገራችን ላይ… ትዳር ማለት የዕድሜ መሸሻ ወይም የሰዎች ወሬ መዝጊያ አይደለም! 🥀

ትዳር ማለት ሁለት ሰዎች በአንድ ቤት ውስጥ መኖር ብቻ አይደለም፤ ሁለት ልቦች በፍቅር፣ በርህራሄ፣ በመተማመንና በኃላፊነት የሚገናኙበት ታላቅ የሕይወት ጉዞ ነው። አንዱ ሲደክም ሌላው የሚደግፈው፣ አንዱ ሲያዝን ሌላው የሚያጽናናው፣ ሁለቱም ወደ አላህ በጋራ የሚቀርቡበት የሕይወት አጋርነት ነው።

🥀 ስለዚህ ውድ እህቴ… ሰዎች «እስከ መቼ ትቆያለሽ?», «ለምን አታገቢም?» ብለው ስለሚጠይቁሽ ብቻ፣ ወይም «ዕድሜዋ እየሄደ ነው» እንዳይሉ ብለሽ ልብሽ ያልተረጋጋበትን ውሳኔ አትወስኚ። የሰዎች ወሬ ለጥቂት ቀናት ሊቀጥል ይችላል፤ ግን የትዳር ውሳኔሽ የሚነካው የዕድሜሽን ቀሪ ጉዞ፣ የልብሽን ሰላምና የዲንሽን ሁኔታ ነው።

🌹 ልቤ በእርጋታ ያልተቀበለውን፣ ባህሪውን በቅጡ ያላወቅሁትን፣ ከእሱ ጋር ሕይወትን ስለመጋራት ሳስብ ውስጤ የማይረጋጋውን ሰው ለምን በችኮላ የሕይወቴ አጋር አደርጋለሁ? ብለሽ ራስሽን መጠየቅ አለብሽ?

ልብ መረጋጋት አለበት፤ አእምሮም ማሰብ አለበት። ፍቅር ብቻ ሳይሆን ዲን፣ ስነምግባር፣ ታማኝነት፣ ኃላፊነትና የሕይወት አቅጣጫም መመዘን አለባቸው። ምክንያቱም የትዳር መሠረት የዛሬ ስሜት ብቻ ሳይሆን፣ ነገ በፈተና ውስጥም አብሮ ለመቆም የሚያስችል ጠንካራ እምነትና ባህሪ ነው።

🌸 ግን አንድ ነገር አትርሺ፦ ፍጹም ሰው አይገኝም፤ የማይሳሳት፣ ሁልጊዜ ልብሽን የሚያነብ፣ ሁልጊዜ የምትፈልጊውን የሚያደርግ ሰው አትጠብቂ። ይልቁንም የዲኑንና የባህሪውን መልካምነት ተመልከቺ፤ ከእሱ ጋር በክብር መነጋገር፣ መተማመን፣ ችግርን በጋራ መፍታትና ወደ አላህ በጋራ መቅረብ እንደምትችዪ አስቢ።

🌿 ፍቅር በትዳር ውስጥ ብዙ ጊዜ እየጠለቀ ያድጋል፤ ነገር ግን ከመጀመሪያው ጀምሮ የሌለ መስማማትን፣ የማይጠፋ ጥርጣሬን ወይም ግልጽ የሆኑ የዲንና የባህሪ ችግሮችን በፍቅር ስም መሸፈን ግን ጥበብ አይደለም።

⚠️ ኢስላም ስለ ትዳር ምን ይላል?
﴿وَمِنْ آيَاتِهِ أَنْ خَلَقَ لَكُم مِّنْ أَنْفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً﴾
«ከምልክቶቹም ከተአምሮቹ መካከል ከእናንተው ለእናንተ ሚስቶችን መፍጠሩ ነው፤ ወደ እነርሱ እንድትረጋጉም፤ በመካከላችሁም ፍቅርንና ርህራሄን አደረገ።»

🌹 ይህ የቀረአን አያ ትዳር የሰዎችን ወሬ ለማስቆም የሚደረግ ውሳኔ ሳይሆን፣ የመረጋጋት፣ የፍቅርና የርህራሄ ግንኙነት መሆኑን ያስታውሰናል።

🕌 ነቢዩ ﷺ እንዲህ ብለዋል፦

«تُنْكَحُ الْمَرْأَةُ لِأَرْبَعٍ: لِمَالِهَا، وَلِحَسَبِهَا، وَلِجَمَالِهَا، وَلِدِينِهَا، فَاظْفَرْ بِذَاتِ الدِّينِ»

«ሴት ለአራት ነገሮች ትዳር ትደረጋለች፤ ለሀብቷ፣ ለዘሯ፣ ለውበቷና ለዲኗ። የዲን ባለቤት የሆነችውን ምረጥ።»

🌿 ይህ ሐዲሥ በተለይ ለወንዶች የተነገረ ቢሆንም፣ የዲንና የባህሪ ትልቅነት በትዳር ምርጫ ውስጥ እንዴት አስፈላጊ እንደሆነ ያሳያል። ሴትም ሆነች ወንድ የሚመርጡት ሰው በዲኑ፣ በባህሪውና በኃላፊነቱ ሊመዘን ይገባል።

💌 ውድ እህቴ፣ ውድ ወንድሜ…

ለሰዎች አፍ ዝጊያ ብለን ለልባችን ሕይወት የሚሆን ውሳኔ አንወስን። ሌሎች ስለሚያገቡ ብቻ አንቸኩል፤ የእኩዮቻችን ሕይወት ስለተለወጠ ብቻ የራሳችንን ጊዜ አንገምት። የሰው ሁኔታ ከሰው ይለያል፤ ሪዝቅም ሆነ ጊዜ በአላህ እጅ ነው።

🌹 ትዳር ለማግባት ብቻ አይደለም፤ ከሚመጣው ሰው ጋር ሕይወትን ለመጋራት ነው። ስለዚህ ጥያቄው «መቼ አገባለሁ?» ብቻ ሳይሆን፣ «ማንን እመርጣለሁ? ለምን እመርጣለሁ? ከእሱ ጋር ዲኔንና ሕይወቴን በመልካም ሁኔታ መገንባት እችላለሁ?» መሆን አለበት።

⚠️ የመጨረሻ መልዕክቴ፦ በሰዎች ወሬ እንዳትቆይ ብለሽ የልብሽን ሰላም አትስጪ። ዕድሜ እየሄደ ነው ብለሽ በችኮላ የሕይወትሽን አጋር አትምረጪ። ነገር ግን ፍጹም ሰው እየጠበቅሽም መልካም ዕድልን አታሳልፊ። አስቢ፣ አማክሪ፣ ኢስቲኻራ ስጪ፣ የዲንና የባህሪ ሁኔታውን አረጋግጪ፣ ከዚያም በአላህ ተመኪና ወደ ትዳር ግቢ።

🌹 ትዳር የሰዎችን ወሬ ለማስቆም የሚደረግ ውሳኔ አይደለም፤ በዲን፣ በፍቅር፣ በርህራሄና በኃላፊነት የሚገነባ ሕይወት ነው። ስለዚህ ለሰዎች ወሬ ሳይሆን፣ ለአላህ ውዴታና ለመልካም የጋራ ሕይወት ምረጡ።

🥀➥ ...የቴሌግራም  ቻናል
t.me/Abu_hibetillah_Asselfiy
t.me/Abu_hibetillah_Asselfiy

📢📢 አስቸኳይ የሥራ ዕድል!

🌿 አስ-ሱና ሸሪዓዊ የሩቅያ የቁርኣንና የዋግምት ሕክምና ማዕከል 🌿

በአላህ ፈቃድ ማዕከላችን በሚከተሉት የሥራ መደቦች ላይ ብቁና ታማኝ ሠራተኞችን በውድድር መርጦ መቅጠር ይፈልጋል።

📌 1. የሥራ መደቦች

🔹 ሁለት (2) ወንድ የሩቅያ አንባቢ ኡስታዞች

🔹 አንዲት (1) ሴት ካርድ ክላስ ሠራተኛ

✅ 2. የቅጥር መስፈርቶች

ለሁሉም አመልካቾች፦

▪️ በሰለፊይ መንሐጅ ላይ የጸና፣ ትክክለኛ የዐቂዳ ባለቤት መሆን።

▪️ ጥሩ ሥነ-ምግባር፣ ታማኝነት፣ ትህትናና የሥራ ኃላፊነት መኖር።

▪️ ቁርኣንን በትክክለኛ ንባብና በተጅዊድ ማንበብ መቻል።

▪️ የሸሪዓን መመሪያዎች ጠብቆ መሥራትና የማዕከሉን ሥርዓት ማክበር።

ለሴት አመልካች፦

🌸 ኒቃብ የምትለብስ፣ የሸሪዓን ሥርዓት የምትጠብቅና ለሥራው ተስማሚ የሆነች መሆን ይጠበቅባታል።

🕰️ 3. የሥራ ሰዓት

የጠዋት ፈረቃ፦
🕑 ከጠዋቱ 2:00 እስከ 6:00

የከሰዓት ፈረቃ፦
🕢 ከ7:45 እስከ 10:00

ሙሉ ፈረቃ፦
🕑 ከጠዋቱ 2:00 እስከ 10:00 ድረስ መሥራት ለሚፈልጉ አመልካቾችም ዕድሉ ክፍት ነው።

ማስታወሻ፦ የሥራ ሰዓቶቹ እንደተገለጹት በማዕከሉ ሥርዓት መሠረት ይሆናሉ።

💰 4. ደመወዝ

ደመወዝ በስምምነት ይወሰናል።

📩 5. ለምዝገባና ተጨማሪ መረጃ

በሥራው ላይ ፍላጎት ያላችሁና መስፈርቱን የምታሟሉ ወንድሞችና እህቶች፣ በሚከተሉት የቴሌግራም አድራሻዎች ያናግሩን፦

🔹 @Abu_Hibetillah_Al_aseriy

🔹 @Abu_ameti_rahman

📍 የሥራ ቦታ፦ ደሴ ከተማ፣ መናፈሻ፣ አልማ ሕንፃ ፊት ለፊት።

━━━━━━━━━━━━━━━━━━
📢 ይህንን የሥራ ዕድል ለሚመለከታቸው ወንድሞችና እህቶች በማጋራት የኸይር ሥራ ተባባሪ ይሁኑ።

🌿 ትግሌ ከራሴ ጋር ሲሆን… ማሸነፍ የምፈልገውም ራሴን ነው! ✨

🥀 አንዳንድ ጦርነቶች ከሰዎች ጋር አይደሉም፤ በራሳችን ውስጥ ከተደበቁ ስሜቶች፣ ከፍርሃቶቻችን፣ ከድክመቶቻችን፣ ከምኞቶቻችንና ከትላንትናው ማንነታችን ጋር የምናደርጋቸው ውስጣዊ ትግሎች ናቸው።

🌿 ሰዎች ፈገግታችንን ያያሉ፤ ግን በውስጣችን ስንት ጊዜ እንደታገልን አያውቁም። ጠንካራ መስለን እንታያለን፤ ግን ከራሳችን ጋር ስንወድቅና እንደገና ስንነሳ የሚያየን ጥቂት ነው።

🌿 አንዳንድ ጊዜ ማሸነፍ ማለት ሌሎችን ማሸነፍ አይደለም፤ በቁጣ ጊዜ ራስን መግዛት፣ በሀዘን ጊዜ ተስፋ አለመቁረጥ፣ በፈተና ጊዜ ከመርሆቻችን አለመውጣትና ወደ ኋላ የሚጎትተንን ልማድ በትዕግሥት መተው ነው።

🌱 ከራሳችን ጋር የምናደርገው ትግል ከባድ ነው፤ ምክንያቱም ከሌሎች ልንሸሽ እንችላለን፣ ግን ከራሳችን ማንነት መሸሽ አንችልም። የሚያስፈልገንም ራሳችንን መጥላት ሳይሆን፣ ድክመቶቻችንን አውቀን በጥበብ ማረምና ወደ ተሻለ ማንነት መጓዝ ነው።

📖 አላህ እንዲህ ይላል፦
﴿وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ ۝ فَإِنَّ الْجَنَّةَ هِيَ الْمَأْوَىٰ﴾

«የጌታውን ፊት መቆም የፈራና ነፍስንም ከምኞት የከለከለ ሰው፤ መኖሪያው ገነት ናት።» 📚 ሱረቱ አን-ናዚዓት፣ 79:40–41

⚠️ ራስን መግዛት ማለት ስሜት አልባ መሆን አይደለም፤ ስሜታችን ወደ ስህተት ሲጎትተን አላህን አስታውሰን ትክክለኛውን መንገድ መምረጥ ነው።

🌿 ስለዚህ ዛሬ ከትላንትናው ራሳችን ትንሽ እንኳ የተሻልን ለመሆን እንሞክር። የተሳሳትንበትን እናርም፤ የደከምንበትን እናጠናክር፤ የወደቅንበትን እንማርበት፤ ከአላህም እርዳታን እንለምን።

🌹 የእውነተኛ ድል መለኪያው ሌሎች ከእኛ በታች መሆናቸው አይደለም፤ እኛ ከትላንትናው ማንነታችን የተሻልን መሆናችን ነው።

⚠️ ትግሌ ከራሴ ጋር ነው፤ ድሌም ራሴን ማሻሻል ነው። ዓላማዬ ፍጹም መሆን ሳይሆን፣ ከትላንትናዬ የተሻለ፣ ከስህተቴ የተማረና ለአላህ የቀረበ ሰው መሆን ነው።

🥀➥ ...የቴሌግራም  ቻናል
t.me/Abu_hibetillah_Asselfiy
t.me/Abu_hibetillah_Asselfiy

🌹 የእውቀት ፍቅር… በትዳር ውስጥ ከሁሉም የሚያምር መግባባት ነው!

በባልና ሚስት መካከል ለሸሪዓዊ ዕውቀት ያላቸው ፍቅርና ፍላጎት፣ ከሁሉም የሚያምሩ የመግባባትና የመተሳሰብ መልኮች አንዱ ነው። ምክንያቱም አእምሯቸውና ልባቸው በአንድ ታላቅ ዓላማ ላይ ይሰባሰባል፤ እርሱም የአላህን ውዴታ ማግኘት ነው።

🌿 አብረው ሸሪዓዊ ዕውቀትን ለመማር የሚጥሩ ባልና ሚስት፣ የኢማንን ጣዕም ይቀምሳሉ፤ ሕይወታቸውንም በመመሪያ ብርሃን ያበራሉ።

🌿 አንድ ላይ የፊቅህንና የሲራን መጻሕፍት ሲያነቡ፣ ቁርአንንና ሱናን ሲያጠኑ፣ የተማሩትንም በዕለት ተዕለት ኑሯቸው ሲተገብሩ ታያቸዋለህ። በዚህም ቤታቸው የዕውቀት፣ የመልካም ሥራ፣ የበረከትና የመረጋጋት ምንጭ ይሆናል።

በመካከላቸው ያለው ሸሪዓዊ ዕውቀት ወደ አላህ የሚያቀርባቸው መንገድ ብቻ አይደለም፤ ይልቁንም አዲስ የፍቅርና የመግባባት ቋንቋ ነው።

📚 ዕውቀት ትዕግሥትን፣ ጥበብን፣ መተሳሰብንና በመልካም ሁኔታ መኖርን ያስተምራቸዋል። ንግግራቸውን ያሳምራል፣ መግባባታቸውን ያጠናክራል፣ በትዳራቸውም ውስጥ ፍቅርን፣ ርኅራኄንና መተዛዘንን ያበዛል።

ምንኛ ያማረ ትዳር ነው!

🌹 አንዱ ሌላውን ወደ አላህ ሲጠራ፣ አንዱ ሌላውን ለዕውቀት ሲያነሳሳ፣ አብረው ሲማሩ፣ አብረው ሲተገብሩ፣ አብረውም ወደ ጀነት መንገድ ሲጓዙ!

እውነተኛው የትዳር ውበት አንዱ ሌላውን በዱንያ ብቻ ማስደሰት ሳይሆን፣ በአላህ ፈቃድ ለአኺራም የስኬት ምክንያት መሆን ነው።

🌹 ከሁሉም የሚያምረው ፍቅር፤ አንዱ ሌላውን ወደ አላህ የሚያቀርብበት ፍቅር ነው።

🥀➥ ...የቴሌግራም  ቻናል
t.me/Abu_hibetillah_Asselfiy
t.me/Abu_hibetillah_Asselfiy

🌿ትዳራችን ቢዘገይ አንዘን፤ ራሳችንንም ከሌሎች ጋር በማወዳደር ልባችንን አናሳዝን።

🌹 ከእኛ ቀድሞ ትዳር የያዘ ሁሉ ደስታን አግኝቷል ማለት አይደለም፤ የዘገየም ሁሉ መልካሙን ተነፍጓል ማለት አይደለም።

🌸 ለእያንዳንዳችን አላህ የወሰነልን ጊዜ አለ፤ ለእያንዳንዱም ልብ በአላህ ፈቃድ የሚደርሰው የደስታ ድርሻ አለ። የሌሎችን ጊዜ እያየን የእኛን ቀጠሮ አንፍረድ።

🌿 ጊዜው ያልደረሰውን ሲሳያችንን አንቸኩልበት፤ መዘግየቱንም ከአላህ መከልከል አናድርገው። ምናልባት እኛ በልባችን እንኳን ያላሰብነውን በላጭ ነገር አላህ እያዘጋጀልን ይሆናል።

🌹 ምናልባት ከምንመኘው በላይ የሚወደን፣ ሲናዝን የሚያጽናናን፣ ስንደክም የሚደግፈን፣ ወደ አላህም የሚያቀርበን የሕይወት አጋር እያዘጋጀልን ይሆናል።

⚠️ በአላህ ውሳኔ እንተማመን!

ዋናው ጉዳይ መቼ እንደምናገባ ብቻ አይደለም፤ ከሁሉም በላይ የሚያስፈልገን አላህን የሚፈራ፣ ልባችንን የሚጠብቅ፣ ነፍሳችንን የሚያረጋጋ፣ በመከራ ጊዜ መጠጊያችን፣ በደስታ ጊዜ አጋራችን፣ በዱንያም ሆነ በአኺራ መልካም ጓደኛችን የሚሆን የትዳር አጋር ነው።

💎 እንግዲህ አንታገል፤ አንተክዝ፤ በሌሎች እድል አንቀና። ራሳችንን በኢማን፣ በዕውቀትና በመልካም ሥነ-ምግባር እናሳድግ፤ ዱዓችንንም እናብዛ። ምክንያቱም የአላህ ጊዜ ሲደርስ የሚመጣውን አናውቅም።

🌷 አላህ በሐላል የሚያስደስቱንን፣ በኢማን የሚያጠናክሩንን፣ ወደ ጀነትም አብረውን የሚጓዙትን መልካም የትዳር አጋሮች ይወፍቀን!

━━━━━━━━━━━━━━
🌿 صَبْرًا جَمِيلًا وَتَوَكُّلًا صَادِقًا عَلَى اللهِ
🌿ውብ ትዕግሥትና እውነተኛ ተወኩል በአላህ ላይ ይኑረን!

🥀➥ ...የቴሌግራም  ቻናል
t.me/Abu_hibetillah_Asselfiy
t.me/Abu_hibetillah_Asselfiy

🌹ፍቅር ሽታ አለው ግን ያንን ሽታ አፍቃሪው ብቻ ነው የሚያሸተው!!

በልጃቸው ፍቅር እየተሰቃዩ የነበሩት ነብዩሏህ የዕቁብ የዩሱፍን ጠረን ከ20 አመት ቡሀላ ከሩቅ ነበር የለዩት

እንዲህም አሉ «እኔ የዩሱፍን ሽታ በእርግጥ አገኛለሁ፤ እናንተ ግን እንዳታስተባብሉኝ እንጂ።»

﴿إِنِّي لَأَجِدُ رِيحَ يُوسُفَ لَوْلَا أَنْ تُفَنِّدُونِ﴾

የተስፋ፣ የያቂንና የውብ ትዕግሥት ታሪክ…

ያዕቁብ ዐለይሂ ሰላም ለረጅም ዓመታት ከልጃቸው ዩሱፍ ዐለይሂ ሰላም ተለይተው ኖሩ። የመለያየት ህመም፣ የናፍቆት እሳትና የመከራ ፈተና ቢበዛባቸውም፣ በአላህ ላይ የነበራቸው ተስፋ አልጠፋም፤ ያቂናቸውም አልተናጋም ነበር።

🌿 ሰዎች ንግግራቸውን ባይረዱም፣ በሀዘናቸው የተነሳ ተስፋ ቆርጠዋል ብለው ቢያስቡም፣ እሳቸው ግን የአላህን እዝነት አልተስፋ ቆረጡም። እንዲህም አሉ፦

﴿وَلَا تَيْأَسُوا مِنْ رَوْحِ اللَّهِ ۖ إِنَّهُ لَا يَيْأَسُ مِنْ رَوْحِ اللَّهِ إِلَّا الْقَوْمُ الْكَافِرُونَ﴾

«ከአላህ እዝነት ተስፋ አትቁረጡ፤ ከአላህ እዝነት ተስፋ የሚቆርጡት ከሀዲዎች ብቻ ናቸው።»📖 [ሱረቱ ዩሱፍ፡ 87]

እነሆ! ዓመታት አለፉ፤ መከራውም ተራዘመ፤ ግን የአላህ ውሳኔ ሲደርስ የማይቻል የሚመስለው ተቻለ፤ የተለየው ተገናኘ፤ የተሰበረውም ልብ በደስታ ተሞላ።

⚠️ እኛስ?

የምንፈልገውን ለማግኘት ምን ያህል ታግሰናል?
በፈተና ጊዜ ምን ያህል ጸንተናል?
በዱዓችን ላይ ምን ያህል ቀጣይ ሆነናል?
በአላህ ውሳኔ ላይስ ምን ያህል ተማምነናል?

አንዳንዴ የምንፈልገው ነገር ሲዘገይ ልባችን ይደክማል፤ ዱዓችን መልስ ያላገኘ ይመስለናል፤ መንገዱም የተዘጋ ይመስለናል። ነገር ግን የአላህ ጥበብ ከእኛ እውቀት በላይ ነው። የምንመኘው ነገር በራሱ መልካም ላይሆን ይችላል፤ አላህ ደግሞ ለእኛ የሚበጀውን ያውቃል።

🌱 ስለዚህ ዱዓችንን እናብዛ፤ በመልካም ሥራ እንጽና፤ ትዕግሥታችንን እናጠናክር፤ ተስፋችንንም በአላህ ላይ እናድርግ። ትዕግሥት ማለት ህመም አይሰማንም ማለት አይደለም፤ ህመሙ ቢኖርም ከአላህ ጋር መጣላትን አለመምረጥ ነው።
.
ኢላሒ....! ልቦቻችንን በዲንህ ላይ አጽናልነረ፤ ውብ ትዕግሥትን፣ እውነተኛ ያቂንንና በአንተ ላይ ያለ ተወኩልን ለግሰን። አቅማችን የማይችለውን አታሸክመን፤ በፈተናዎችህ ላይ እርዳን፤ የተሰበረውን ልባችንን ጠግንልን፤ ዓይኖቻችን በሚረኩበት መልካም ነገርም ከችሮታህ ለግሰን።

🌹 ተስፋችን በአላህ ላይ ነው፤ ትዕግሥታችን በአላህ እገዛ ነው፤ መጨረሻችንም ወደ አላህ ነው።

🥀➥ ...የቴሌግራም  ቻናል
t.me/Abu_hibetillah_Asselfiy
t.me/Abu_hibetillah_Asselfiy

ሳሒር በ30 አመት የማይሰራውን ሴራ ነገረኛ ሰው ነማም የሆነ ሰው በ30 ደቂቃ ጓደኛ ከጓደኛ
ባልን ከሚስት
ሚስትን ከባል
ቤተሰብን ከቤተሰብ
ወንድምን ከእህቱ
....................... ያለያያል ይበታትናል

ከነገረኞች እንራቅ እንጠንቀቅ ጀግኖቼ

ከሸይጧን ስራ የነገረኛ ሰው ስራ የከፋ ነው ሸይጧን ስራውን የሚሰራው በመወስወስ ነው።
ነገረኛ ሰው ግን ወጃች መስሎ አሳቢ መስሎ ፊትለፊትህ መቶ ነው ህይወትህን የሚያናጋው።

ከማቃለ አኹና አባ ፋሩቅ

ጀግኖቼ የምትወዱት ሰው እንኳ ነገር ቢያመጣላችሁ በጭራሽ እንዳትቀበሉት

አሰላሙ አለይኩም ወራህመቱላሂ ወበረካትሁ

በገደባኖ ጉታዘር ወለኔ ወረዳ ቤደር ከተማ አልሂዳያ መርከዝ

አብዛኛው የገደባኖ ጉታዘር ወለኔ ወረዳ ማህበረሰብ ከወላጆቹ ያገኘውን ዲኑን ሳይማር ለረጅም ዘመናት ቆይቷል። አሁን ላይ ከማህበረሰቡ የተገኘን ወንድም እህቶች ይህንን ተገንዝበን ወደፊት ትውልዱ እውቀት አልባ ሆኖ በሌሎች አካላት እንዳይቀማ እንዲሁም ተውሂድ ተምሮ ሽርክ እና ቢድዓ አውቆ እና ተረድቶ የሚጠነቀቅ የማህበረሰብ ክፍል እንዲኖር የበኩላችን ጥረት እያደረግን ሲሆን እስከ አሁን ድረስ ባለው ወደ ፊት ውስጡ የሚከፋፈል 6በ14 ክፍል ተዋቅሮ ቆርቆሮ ለብሷል።
አሁን ላይ 5በ6 የሆኑ ስድስት ክፍሎችን ለመገንባት እቅድ ይዘናል።አላህን ይዘን ከዚያም የእናንተን ድጋፍ አስበን የሚያስፈልጉን ነገሮች እንደሚከተለው አቅርበናል።

❶,100 ቆርቆሮ የአንዱ ዋጋ 1500ብር

❷,የቆርቆሮ ማገር 120 የአንዱ ዋጋ 100ብር

❸,የግድግዳ ማገር 220 የአንዱ ዋጋ 100ብር

❹,ተሸጋጋሪ 20 የአንዱ ዋጋ 500ብር

❺,ወራጅ 60 የአንዱ ዋጋ 500ብር

➏,ሚስማር በተለያየ ቁጥሮች 29 ካርቶን የአንዱ ዋጋ 1500ብር

❼,የቆርቆሮ ሚስማር 7 ካርቶን የአንዱ ዋጋ 1,600

❽,የባለሙያ እና ሰራተኛ 75,000ብር

በድምሩ  351,700(ሶስት መቶ ሀምሳ አንድ ሺ ሰባት መቶ ብር)

ማሳሰቢያ
ይህ ወደ ፊት ከልጥፍ ጀምሮ የሚሰሩ ሂሳቦችን አላካተተም

በወለኔ ወረዳ ቤደር ከተማ አልሂዳያ መድረሳ ግንባታ
https://t.me/+h5YVkNAk55hkYWI8
(CBE)፦ 1000675591664
​የአካውንቱ ስም፦ ሱፉያን ሱልጣን እና ቀድሪያ ኸድር
የበኩሎን አስተዋፅኦ ያድርጉ
وجزاكم الله خيراً جزاء


ማሳሰቢያ ትክክለኛ መረጃ ለማጣራት ከፈልጋቹ
በምትፈልጉት መንገድ ማጣራት ትችላላችሁ


1⃣ስለ ሙሉው ይዘት መረጃ ከፈለጉ በዚህ
ዩዘርኔም እና ስልክ ያጣሩ👇👇👇👇

00971557567358


ስለ ክፍል ሀገር ያለው የስራ እንቅስቃሴ መረዳት ከፈልጉ በዚህ ሁለት ወንድሞች ያጣሩው👇👇👇


2⃣+251910818422  አብዶ ሁሴን

3⃣+251912716572  መሀመድ ኸድር
⬆️⬆️⬆️⬆️⬆️⬆️⬆️⬆️⬆️⬆️⬆️

ኒያቹ    በዚህ ዩዘርኔም ግ ገብታቹ ኒያ ማሳወቅ ትችላላቹ

ለወንዶች

@Ibnu_Siraj_40

@Abu_Hibetillah_Al_aseriy

@red_one_y


ለሴቶች ደሞ👇👇

@Life_m27

@Riiche1



@neam3580

@Haliya_Umu_yusuf


ኒያቹ ማሳወቅ ትችላላቹው

በወለኔ ወረዳ ቤደር ከተማ አልሂዳያ መድረሳ ግንባታ

(CBE)፦ 1000675591664
​የአካውንቱ ስም፦ ሱፉያን ሱልጣን እና ቀድሪያ ኸድር

⚠️ ለተሰበሩ ለደከሙ ቀልቦች አጭር ነሲሀ

🎙Abu Hibetillah Hussein

t.me/Abu_hibetillah_Asselfiy

「📲አዲስ አፕ | ተለቀቀ 𑁍」
╭┄┈┈⟢
┆📚ሸርህ ነዋቂዱል ኢስላም
╰─────────────╯    
↗️🔊የደርሱ አቅራቢ:-
───⟢
┆🎧 ኡስታዝ አቡል መዓሊ ሙሐመድ
╰─────────────
┌⧿⧿⛉
├🤩76 ኦድዮዎችን የያዘ
├🤩255MB ብቻ
├╶╶╶
├⏬አሁኑኑ ዳውንሎድ በማድረግ
│ይጠቀሙ!
│
┝ለሌሎችም ሼር በማድረግ የአጅሩ
│ተቋዳሽ ይሁኑ!
└───────────
↗️🔵
┆➡️ ለመሰል ስራዎች ይቀላቀላሉን
┆🔵http://t.me/Yusuf_App1
╰╼────────────╯

💌 ነፍሶችን መረዳት የቻለ ሰው፣ እውነተኛ ግንኙነት ከቃላት ሳይሆን ከልብ እንደሚጀምር ያውቃል።

🌹 አንዳንድ ነፍሶች ከሩቅ ሆነውም ልባችን ውስጥ ይኖራሉ… 🌹

በማኅበራዊ ሚዲያ ዓለም ውስጥ የምናያቸው ባይሆንም፣ በልባችን ውስጥ መኖራቸውን የምንሰማቸው ነፍሶች አሉ። እንደ እግራቸው አሻራ በልባችን ላይ እየተራመዱ ያሉ ይመስላሉ፤ ምንም እንኳን በማያ ገጽ ብቻ ቢለዩንም።

🌹 አንዳንድ ነፍሶች እንደ ለስላሳ ነፋስ በሕይወታችን አልፈው ትንሽ የሚያምር ትዝታ ይተዋሉ፤ ሌሎች ደግሞ በማይገለጽ ጥልቀት ልባችንን ይነካሉ። አንድ ቃላቸው ደስታን ያመጣል፤ ዝምታቸው ያሳዝናል፤ መቅረታቸውም እውነተኛ መኖር ፊት ወይም ድምፅ ብቻ ሳይሆን፣ ወደ ልባችን መድረስ የምትችል ነፍስ መሆኑን ያስተምረናል።

🌹 በሰዎች ብዛትና በዓለም ግርግር መካከል እውነተኛ ነፍስ ግን የማትሳሳት ልዩ ምልክት አላት። ከሩቅ ሆናም ልብን በሰላም ታረጋጋለች፤ ሳትታይ እጃችንን የያዘች ትመስላለች፤ ከብዙዎቹ በላይ ደግሞ በልባችን ቅርብ ትሆናለች።

አንዳንዴ በዙሪያችን ከሚኖሩ ብዙ ሰዎች ይልቅ፣ ከሩቅ ያለ አንድ ቅን ሰው በልባችን ውስጥ የበለጠ ቦታ ይኖረዋል። ምክንያቱም የልብ ቅርበት በርቀት አይለካም፤ በቅንነት፣ በመልካም ቃል፣ በመተሳሰብና በልብ ንጽሕና ይለካል።

💌 ነፍሶችን መረዳት የቻለ ሰው፣ እውነተኛ ግንኙነት ከቃላት ሳይሆን ከልብ እንደሚጀምር ያውቃል።

አንዳንድ ሰዎችን በዓይናችን አናያቸውም፤ ግን በዱዓችን ውስጥ እናስባቸዋለን። ከእኛ ጋር አይቀመጡም፤ ግን ቃላቸው በልባችን ውስጥ ይኖራል። በአጠገባችን አይኖሩም፤ ግን በመልካም ትዝታቸው ውስጥ ቅርባችን ይሆናሉ።

🌷 እንግዲህ ለልባችን ሰላም የሚሰጡንን፣ በቅንነት የሚያስቡንንና ወደ መልካም የሚጠሩንን ነፍሶች እናክብር። አንዳንድ ርቀቶች ሰውነትን ይለያያሉ እንጂ፣ ቅን ልቦችን መለየት አይችሉም። 🌹

🥀➥ ...የቴሌግራም  ቻናል
t.me/Abu_hibetillah_Asselfiy
t.me/Abu_hibetillah_Asselfiy

⚠️ማንም ሰው እውነተኛ ማንነቱን ለዘላለም መደበቅ አይችልም። ሁኔታዎችና አመታት እውነተኛውን ባሕርይና ዓላማ ያጋልጣሉ። የውሸት ፍቅር፣ አስመሳይ ርኅራኄ እና ለግል ጥቅም ሲባል የሚደረግ ቅርበት—ለሽንገላ ወይም ለዕይታ ሲባል የሚከናወን ነገር ሁሉ ከጥቂት ጊዜ በኋላ በራሱ በሰዎቹ ይጋለጣል፤ ማስመሰል ብቻ መሆኑንም ሲገነዘቡ ይፋ ይሆናል።

ቅንና ደግ ሰው በእርግጥም እውነተኛ ቸርነት አለው፤ ስህተቶችና ጉድለቶች ማስተካከልና የሰዎች የእድገት ሂደት አካል እንጂ፣ ለእውነት በሚጥሩበት ጊዜ ሊያሳፍሩ የሚገቡ አይደሉም ።

🥀➥ ...የቴሌግራም  ቻናል
t.me/Abu_hibetillah_Asselfiy
t.me/Abu_hibetillah_Asselfiy

🌿 የኢማሙ አሕመድ ቢን ሐንበል ጽናትና በእውነት ላይ የነበራቸው አቋም 🌿

📚 የኢማሙ አዝ-ዘሀቢይ (ረሒመሁላህ) «ሲየሩ አዕላሚ ን-ኑበላእ» በተሰኘው መጽሐፍ ውስጥ እንዲህ ይላሉ፦

ከአንድ ቀን ጠዋት ወይም ከሰዓታት በአንዱ፣ ከሊፋው አል-ሙዕተሲም በቁርአን ፍጡር ነው በሚለው የፈተና ዘመን በእስር ቤት ወደሚገኙት ወደ ኢማሙ አሕመድ ቢን ሐንበል መጡና፦

“አሕመድ ሆይ! እንዴት አደርክ?” አሏቸው።

ኢማሙ አሕመድም እንዲህ አሉ፦

“አሚረል ሙእሚኒን ሆይ! ምስጋና ለአላህ ይገባውና በመልካም ሁኔታ አድሬያለሁ። ነገር ግን ያየሁት ሕልም አስጨንቆኛል፤ እስካሁንም ከአእምሮዬ አልወጣም። ቁርአን ተሸፍኖ እንደሞተ አየሁ። እኔም አጠብኩት፣ ከፈንኩት፣ ከዚያም በላዩ ላይ የሟች ሰላት ሰገድኩበት።”አሉት

ከሊፋው አል-ሙዕተሲምም፦

“ወዮልህ ያአሕመድ! ቁርአን ይሞታልን? ወይስ እያሾፍክብኝ ነው?” አሉ።

ኢማሙ አሕመድም እንዲህ አሉ፦

“ይህ የእናንተ ንግግር ነው፤ እናንተ ቁርአን ፍጡር ነው ትላላችሁ። እያንዳንዱ ፍጡር ደግሞ ይሞታል!”

ከዚያም ከሊፋው አል-ሙዕተሲም የዚያ ፈተና ዋነኛ አንቀሳቃሽ ከነበሩት ከኢብኑ አቢ ዱአድ ጋር ተመካከሩ። እሱም ለኸሊፋው እንዲህ አለው፦

“አሚረል ሙእሚኒን ሆይ! እኔ አህመድ በደንብ እንዲገረፍ እመክራለሁ፤ ከጅራፍ በስተቀር የሚያስተምረው ሌላ ነገር የለም!” አለ።

ከሊፋውም ኢማሙ አህመድን እንዲህ አላቸው፦

“አሕመድ ሆይ! ራስህን አታጥፋ፤ ቁርአን ፍጡር ነው በለኝና ከዚህ ቅጣት ዳን!” አሏቸው።

ኢማሙ አሕመድም፦

“ከመጽሐፉ ወይም ከመልእክተኛው ﷺ ሱና ከምትሉት ነገር የሚደግፍ ማስረጃ አምጡልኝ!” አሉ።

ከሊፋውም ለገራፊው፦

“ጅራፍህን አጥብቀህ ያዝና ግረፈው፤ ካልሆነ አላህ እጅህን ይቁረጠው!” አለው። ይህም ገራፊው በጠንካራ ሁኔታ እንዲገርፋቸው የተሰጠ ትእዛዝ ነበር።

ገራፊው የመጀመሪያውን ግርፋት ሲመታቸው ኢማሙ አህመድ፦

«بِسْمِ اللهِ»

“በአላህ ስም!” አሉ።

ሁለተኛውን ሲመታቸው፦

«لَا حَوْلَ وَلَا قُوَّةَ إِلَّا بِاللهِ»

“ከአላህ ውጭ ምንም ኃይልና ብርታት የለም!” አሉ።

ሦስተኛውን ሲመታቸው፦

«الْقُرْآنُ كَلَامُ اللهِ غَيْرُ مَخْلُوقٍ»

“ቁርአን የአላህ ንግግር ነው፤ ፍጡር አይደለም!” አሉ።

ከዚያም ሌላ ግርፋት ሲመታቸው፦

«لَنْ يُصِيبَنَا إِلَّا مَا كَتَبَ اللهُ لَنَا»

“አላህ ለእኛ የወሰነው ነገር እንጂ ሌላ ምንም አይደርስብንም!” አሉ።

ከዚያም ኢብኑ አቢ ዱአድ ወደ ኢማሙ አህመድ ቀረበና፦

“አሕመድ ሆይ! ከከሊፋው ቅጣት የሚያድንህን አንድ ቃል በጆሮዬ ሹክ በለኝ!” አለ።

ኢማሙ አሕመድም እንዲህ አሉት፦

“እንዴው አንተ ወደ እኔ ቅረብና ከአላህ ቅጣት የሚያድንህን አንድ ቃል በጆሮህ ሹክ ልበልህ!” አሉት

ከዚያም ኢብኑ አቢ ዱአድ ገራፊውን ይበልጥ እንዲያሰቃያቸው ምልክት ሰጠው። ገራፊውም ኢማሙ አሕመድ ራሳቸውን እስኪስቱ ድረስ ይገርፋቸው ቀጠለ።

🌿 ከዚህ ታሪክ የምንወስደው ትምህርት፦

እውነት በችግር ጊዜ እንኳን መተው የሌለብን አደራ ነው። የሰዎች ቁጣ፣ ዛቻና ቅጣት የአላህን ቃል ከመከተል ሊያስቆሙን አይገባም። አንድ ሙእሚን በእውቀትና በማስረጃ ላይ ተመሥርቶ በእውነት ላይ መጽናት አለበት።

አላህ ኢማሙ አሕመድን ይዘንላቸው፤ በዲናቸው ላይ የነበራቸውን ጽናትም ለእኛ ትምህርት ያድርግልን።

اللَّهُمَّ ارْحَمِ الْإِمَامَ أَحْمَدَ بْنَ حَنْبَلٍ، وَارْفَعْ دَرَجَتَهُ فِي الْمَهْدِيِّينَ، وَاجْزِهِ عَنِ الْإِسْلَامِ وَالْمُسْلِمِينَ خَيْرَ الْجَزَاءِ.

ኢላሒ...! ኢማሙ አሕመድ ቢን ሐንበልን ይዘንላቸው፣ በተመሩት ባሮቹ መካከል ደረጃቸውን ከፍ ያድርግላቸው፤ ለኢስላምና ለሙስሊሞች ባበረከቱት አገልግሎትም ከሁሉ በላይ የሆነውን ምንዳ ይክፈላቸው።

📚 ምንጭ፦ ኢማሙ አዝ-ዘሀቢይ፣ سِيَرُ أَعْلَامِ النُّبَلَاءِ።

🥀➥ ...የቴሌግራም  ቻናል
t.me/Abu_hibetillah_Asselfiy
t.me/Abu_hibetillah_Asselfiy