ቢሮው  ለ24 ማሕበራት የስራ ዕድል ቅደም - ተከተል ሰጠ።
 
የአዲስ አበባ ዲዛይንና ግንባታ ስራዎች ቢሮ በዓዋጅ የተሰጠውን ተልዕኮ በመፈፀም ሂደት ውስጥ የወጣቶችን የኦኮኖሚያዊ ተጠቃሚነት በሚያረጋግጥ እንዲሁም በዘርፉ ተወዳዳሪ ስራ ተቋራጮች እና አማካሪዎችን ለማብቃት ባለመ መልኩ የስራ ዕድል ፈጠራ ፕሮግራሞችን ገቢራዊ ሲያደርግ ቆይቷል።

 
በዚህ መነሻነት በዛሬው ዕለትም ከስራ ዕድል ፈጠራ ቢሮ የተላኩለትን 24 ማሕበራት የቢሮው አመራሮች ፣ የማሕበራቱ ተወካዮች እና የሚዲያ አካላት በተገኙበት የስራ ዕድል ቅደም -ተከተል አስይዟል።


በዚህም መሰረት ማሕበራቱ ቢሮው በሚያከናውናቸው የግንባታ ፕሮጀክቶች ላይ እንደየ ቅደም-ተከተላቸው የስራ ስምሪት የሚሰጣቸው ሲሆን ማሕበራቱም የቢሮው መገለጫ በሆነው 7/24 የስራ መርህ ስራዎችን ሰርተው ለማስረከብ ከወዲሁ ዝግጁነት እንዲኖራቸው የሚያስችል ኦረንቴሽን ተቀብለዋል።


የኮሙኒኬሽን ጉዳዮች ዳይሬክቶሬት
ጥቅምት 13/2019 ዓ.ም

በዛሬው ዕለት ለታሪካዊቷ ጎንደር እና ለአካባቢዋ ማህበረሰብ ትልቅ የምስራች የሆነውን የመገጭ መስኖ ግድብ ፕሮጀክት በይፋ መርቀን ለአገልግሎት አብቅተናል። ይህ ፕሮጀክት ረጅም ዓመታት የዕቅድና አተገባበር መጓተት ቢፈታተነውም፣ በመደመር እሳቤ የአፈጻጸም ችግሮቹን በመፍታት ወደ ታላቅ በረከት መለወጥ ችለናል።

ይህ ግድብ 185 ሚሊዮን ሜትር ኩብ ውሃ የመያዝ አቅም ያለውና ከ17 ሺህ ሄክታር በላይ መሬትን በመስኖ በማልማት በአካባቢው የሚኖሩ በአስር ሺዎች የሚቆጠሩ አርሶ አደሮችን በቀጥታ ተጠቃሚ በማድረግ የአካባቢውን ነዋሪዎች የልማት ጥያቄ በዘላቂነት መመለስ የሚያስችል ታላቅ ፕሮጀክት ነው። ግድቡ ለጎንደር ከተማና በዙሪያዋ ላሉ ከተሞች አስተማማኝ ንፁህ የመጠጥ ውሃ ከማቅረብ ባለፈ፣ ሁለንተናዊ የኢኮኖሚ መነቃቃትን ይዞ የመጣ ነው። በግድቡ ሰው-ሰራሽ ሀይቅ ዙሪያ የሚስፋፉት የከተማ ግብርና፣ መጠነ-ሰፊ የአሳ እርባታ፣ እንዲሁም ለቱሪዝም ልማት የሚሆኑ የመዝናኛ ሪዞርቶች እና ሎጆች ለአካባቢው ወጣቶች ሰፊ የስራ ዕድል የሚፈጥሩና የንግድ እንቅስቃሴውን የሚያሳድጉ ናቸው።

ይህን ስኬት ለእይታ ለማብቃት በጥብቅ ክትትልና ድጋፍ እውን ማድረግ የቻልን ቢሆንም፣ ጎንደር ገና ብዙ ሊሰራላት የሚገባ ከተማ እንደመሆኗ ህዝቡ በልማቱ ላይ በንቃት እንዲሳተፍ ጥሪዬን አቀርባለሁ። የኢትዮጵያ እድገት ሁሉንም አካባቢዎች ያካተተና ሁሉንም ዜጋ እኩል የሚያቅፍ እንዲሆን በትጋት መስራታችንን እንቀጥላለን!

ጠቅላይ ሚኒስትር ዐቢይ አሕመድ(ዶ/ር)