Əziz tələbələr!
Yanvar ayının təqaüdləri hesablara yükləndi. Gün ərzində kartınıza mədaxil olacaq.
Xeyirlə xərcləyin!

“Tədrisdə Süni İntellektdən səmərəli istifadə” mövzusunda təlim keçiriləcək

ADPU-nun Beynəlxalq əlaqələr üzrə prorektorluğunun nəzdində Təlim-Tədris Mərkəzi “Tədrisdə Süni İntellektdən səmərəli istifadə” mövzusunda təlim təşkil edir.
Müasir təhsilin əsas prioritetlərindən biri müəllimlərin rəqəmsal bacarıqlarının və innovativ düşünmə qabiliyyətlərinin inkişaf etdirilməsidir. Bu məqsədlə ADPU-nun müəllim heyəti üçün Süni İntellekt üzrə təlim proqramına start verilir.
Təlim proqramı ali təhsil müəssisələrində çalışan müəllimlərin dərs planlaşdırılması, qiymətləndirmə, elmi-tədqiqat fəaliyyəti və tələbə mərkəzli tədris proseslərində süni intellektdən etik, məqsədyönlü və praktik istifadə bacarıqlarını formalaşdırmağı hədəfləyir. Proqram layihə menecmenti yanaşması əsasında hazırlanmış, hər gün üçün aydın məqsədlər, ölçülə bilən nəticələr və real tətbiqlərlə zənginləşdirilmişdir. Təlim zamanı yalnız pulsuz və əlçatan süni intellekt və rəqəmsal alətlərdən istifadə olunacaq ki, bu da əldə olunan biliklərin təlimdən sonra da davamlı tətbiqini təmin edəcək.

Təlim çərçivəsində iştirakçılar:
• Süni intellektin təhsildə rolu və imkanları ilə tanış olacaq
• Sİ alətləri ilə dərs planları, tapşırıqlar və qiymətləndirmə meyarları hazırlayacaq
• Elmi məqalə və tədqiqat prosesində Sİ-dən düzgün istifadə bacarığı qazanacaq
• Tələbə aktivliyini artıran interaktiv tədris modelləri ilə işləyəcək
• Şəxsi “AI müəllim köməkçisi” iş modelini formalaşdıracaqlar

Təlim proqramı təhsildə innovasiya, akademik dürüstlük və müəllim peşəkarlığının gücləndirilməsi prinsiplərinə əsaslanır və iştirakçılara yalnız alətləri deyil, düşünmə tərzini dəyişməyi hədəfləyir.

Təlim müddəti: 6 gün (3 gün onlayn, 3 gün əyani)
Təlimçi:Aygün Cəfərova – Təhsildə İnnovativ Texnologiyalar (İTE) Əlavə Təhsil Mərkəzinin təlimçisi

Qeydiyyat: https://docs.google.com/forms/d/1tIwtL7NGepNkmzfKFy5tQ-58PG3dKphOuHPnWEg2D1c/edit

Əlavə məlumat: tlc@adpu.edu.az

“XXI əsr təhsilinin çağırışları - Keyfiyyətli müəllim hazırlığı”

Rektor prof. Cəfər CƏFƏROVUN məqaləsi



"ADPU təkcə müəllim hazırlamır, həm də cəmiyyətin gələcəyini formalaşdıran insanları yetişdirir"

- "Azərbaycan müəllimi", 31 yanvar 2026-ci il, № 04 (9159), səh. 7

Ətraflı: https://adpu.edu.az/index.php/az/x%C9%99b%C9%99rl%C9%99r/2854-xxi-%C9%99sr-t%C9%99hsili

#adpu #PedaqojiUniversitet#edugovaz #eduaz #eatda #təhsil #məqalə #keyfiyyət

11 Fevral - Qadınlar və Qızlar Elmdə Beynəlxalq Günüdür.

Elmi uğurları ilə inkişafı sürətləndirən qadın və qızların intellekti və əzmkarlığı sabahın daha güclü təməllər üzərində qurulmasına xidmət edir.

#adpu #eduaz #ElmvəTəhsilNazirliyi #11Fevral #QadınlarvəQızlarElmdə

“Təhsildə menecment və yeni təlim texnologiyaları” magistrantların IX Respublika elmi konfransına tezislərin qəbuluna başlanılır

07-08 aprel 2026-cı il tarixində Azərbaycan Dövlət Pedaqoji Universitetində (ADPU) “Təhsildə menecment və yeni təlim texnologiyaları” magistrantların IX Respublika elmi konfransı keçiriləcək. Konfransın elmi bölmələri aşağıdakılardır:

• Təhsildə strateji idarəetmə

• İnnovasiyalar və təhsilin keyfiyyəti

• Tədrisin müasir problemləri

• Təhsildə sosial-psixoloji xidmət

Tezislərin mətni konfransın müvafiq bölməsinin mövzusuna uyğun olmalıdır.

Ətraflı məlumat: https://shorturl.at/Q0Gzx

Son müraciət tarixi: 16 mart 2026-cı il

Ünvan: Azərbaycan, Bakı AZ-1110, akad. Həsən Əliyev küçəsi 104

Azərbaycan Dövlət Pedaqoji Universiteti, 2 saylı tədris binası, Magistratura və doktorantura şöbəsi, 3-cü mərtəbə, otaq 306

Əlaqə : (+99412) 493-05-85, (+99412) 465-81-53

İmeyl: magistratura.doktorantura@adpu.edu.az

Web: http://www.adpu.edu.az

Təşkilat Komitəsi

"ADPU təkcə müəllim hazırlamır, həm də cəmiyyətin gələcəyini formalaşdıran insanları yetişdirir" - II yazı

Rektor prof. Cəfər CƏFƏROV "Azərbaycan müəllimi"ndə “XXI əsr təhsilinin çağırışları - Keyfiyyətli müəllim hazırlığı”ndan yazır - II yazı

№ 05 (9160), 07 fevral 2026-ci il, səh. 5

Ətraflı: https://shorturl.at/ga43k

#adpu #edugovaz #eduaz #eatda #təhsil #məqalə #keyfiyyət

ADPU Corc Vaşinqton Universiteti ilə ikili diplom magistr proqrmına qəbul elan edir

Azərbaycan Dövlət Pedaqoji Universiteti (ADPU) və ABŞ-nin nüfuzlu Corc Vaşinqton Universiteti (CVU) arasında həyata keçirilən magistratura səviyyəsi üzrə ikili diplom proqramına 2026-2027-ci tədris ili üçün qəbul elan olunur.

Proqrama təhsil ixtisasları, humanitar və sosial ixtisaslar, iqtisadiyyat və idarəetmə ixtisasları və təbiət ixtisasları üzrə bakalavr təhsili almış şəxslər müraciət edə bilərlər.

Namizədlərdən Dövlət İmtahan Mərkəzi tərəfindən magistratura səviyyəsinə qəbul imtahanlarında minimal keçid balını toplamaq və beynəlxalq ingilis dili sertifikatı (IELTS minimum 7.0, TOEFL minimum 100 və ya Duolingo minimum 120) təqdim etmək tələb olunur.

İki illik proqramının məzunlarına Corc Vaşinqton Universiteti tərəfindən “Təhsil və insan inkişafı”, ADPU tərəfindən isə “Təhsil menecmenti” ixtisasları üzrə diplom təqdim ediləcək.

Proqrama sənəd qəbulunun son tarixi 30 mart 2026-cı ildir.

Sənədlərini təqdim etmiş namizədlər arasından akademik göstəricilərə əsasən ilk 75 nəfər növbəti mərhələyə buraxılacaq.

Qəbul şərtləri və tələblər və müraciət qaydası barədə ətraflı məlumatı buradan əldə edə bilərsiniz:
https://adpu.edu.az/index.php/az/x%C9%99b%C9%99rl%C9%99r/2864-adpu-cvu

#adpu #PedaqojiUniversitet #edu #ElmvəTəhsilNazirliyi #eduaz #eatda #ikilidiplom #corcvaşinqtonuniversiteti #magistratura #təhsilmenecmenti #təhsilvəinsankapitalı

14 Fevral - Beynəlxalq Kitab Bağışlama Günüdür.

#adpu #eduaz #ElmvəTəhsilNazirliyi #eatda #KitabBağışlamaGünü